ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday750
mod_vvisit_counterYesterday1107
mod_vvisit_counterThis week5382
mod_vvisit_counterLast week5558
mod_vvisit_counterThis month15392
mod_vvisit_counterLast month14409
mod_vvisit_counterAll days814576

We have: 14 guests, 3 bots online
Your IP: 54.156.37.123
 , 
Today: ສ. ຫ. 18, 2017


ຂຽນໂດຍ ສາວບ້ານທົ່ງ   

ຊາວໜຸ່ມ ວລ ຣັຕນະ ​ແລະ ຫ້ອງການ ສູນກາງ ຊປປລ ແລກປ່ຽນບົດຮຽນຮ່ວມ​ກັນ


   ໜ່ວຍຊາວໜຸ່ມຮາກຖານ ວິທະຍາໄລ (ວລ) ຣັຕນະ ບໍລິຫານທຸລະກິດ  ​ແລະ ໜ່ວຍຊາວໜຸ່ມຫ້ອງ

   ການສູນກາງ ຊປປລ ໄດ້ຈັດພິທີໂຮມຊຸມນຸມ​ແລກປ່ຽນບົດຮຽນກ່ຽວກັບວຽກງານຊາວໜຸ່ມປະຊາຊົນ

   ປະຕິວັດລາວ ໃນວັນທີ 23 ພຶດສະພາ ຜ່ານມາ


       ທີ່ຫ້ອງປະຊຸມວິທະຍາໄລ ດັ່ງກ່າວ ນະຄອນຫຼວງວຽງຈັນ ໂດຍເປັນກຽດເຂົ້າຮ່ວມຂອງສະຫາຍ   ສຸລິຍາ ແກ້ວພິລາວົງ ກໍາ

ມະການສູນກາງ ຊປປລ, ເລຂາ ຄຊປປລ ສໍານັກງານສູນກາງ ຊປປລ, ຫົວໜ້າກົມຂະບວນການສູນກາງຊາວໜຸ່ມ ປປລ, ສະຫາຍ

ປອ. ບຸນເທືອງ ມູນລາສີ ຜູ້ອໍານວຍການໃຫຍ່ ວິທະຍາໄລ ຣັຕນະບໍລິຫານທຸລະກິດ, ສະຫາຍ ບຸນໂຂງ ຈັກວົງສາ ຄະນະປະຈໍາ ຄ

ຊປປລ ກະຊວງສຶກສາທິການ ແລະ ກິລາ, ພ້ອມດ້ວຍບັນດາແຂກທີ່ຖືກເຊີນຈາກພາກສ່ວນຕ່າງໆ, ພະນັກງານ, ວິຊາການ, ຄູ-ອາ

ຈານ ແລະ ນັກສຶກສາເຂົ້າຮ່ວມ 300 ກວ່າສະຫາຍ.


      ໂອກາດດັ່ງກ່າວ, ສະຫາຍ ພູນປະເສີດ ນາມລືເດດ ເລຂາຊາວໜຸ່ມຮາກຖານ ວິທະຍາໄລ ຣັຕນະ ບໍລິຫານທຸລະກິດ ໄດ້ລາຍ

ງານກ່ຽວກັບການເຄື່ອນໄຫວວຽກງານ ສົກຮຽນ 2016-2017 ແລະ ແຜນການໃນຕໍ່ໜ້າ,  ​ເຊິ່ງຕະຫຼອດໄລຍະຜ່ານມາ  ສະມາຊິກ

ຊາວໜຸ່ມທຸກສະຫາຍທີ່ຂຶ້ນກັບໜ່ວຍຊາວໜຸ່ມຮາກຖານ ວິທະຍາໄລ ໄດ້ມີແນວຄິດທຸ່ນທ່ຽງດີຕໍ່ການຊີ້ນໍາ-ນໍາພາຂອງຂັ້ນເທິງ ເວົ້າ

ລວມ, ເວົ້າສະເພາະ ກໍ່ຄືຂອງຄະນະບໍລິຫານງານຊາວໜຸ່ມ ກະຊວງສຶກສາທິການ ແລະ ກິລາ, ເອົາໃຈໃສ່ຕໍ່ຄວາມສາມັກຄີພາຍໃນ,

ພາຍນອກໄດ້ດີ, ມີຄວາມສະຫງົບ. ນອກຈາກນັ້ນ, ຍັງໄດ້ຈັດກອງປະຊຸມຄົບຄະນະ ແລະ ສະມາຊິກຊາວໜຸ່ມທີ່ເປັນຫົວຈຸທຸກໆ

3 ເດືອນຢ່າງເປັນປະຈໍາ ແລະ ໄດ້ຈັດຕັ້ງເຜີຍແຜ່ເອກະສານໃນວັນສໍາຄັນຕ່າງໆໄລຍະ 3 ເດືອນຜ່ານມາຂອງໜ່ວຍຊາວໜຸ່ມ ຄືວັນ

ສ້າງຕັ້ງກອງທັບ (ວັນທີ 20 ມັງກອນ), ວັນແມ່ຍິງສາກົນ (ວັນທີ 8 ມີນາ), ວັນສ້າງຕັ້ງພັກປະຊາຊົນປະຕິວັດລາວ (ວັນທີ 22 ມີ

ນາ), ວັນສ້າງຕັ້ງອົງການຈັດຕັ້ງຊາວໜຸ່ມ (ວັນທີ 14 ເມສາ 1955) ຄົບຮອບ 62 ປີ ແລະ ເຜີຍແຜ່ປຶ້ມກົດລະບຽບຊາວໜຸ່ມ ເຫຼັມ

ໃໝ່ ປີ 2016.


    ນອກຈາກນັ້ນ, ໜ່ວຍຊາວໜຸ່ມຮາກຖານວິທະຍາໄລດັ່ງກ່າວ ຍັງໄດ້ເຄື່ອນໄຫວວຽກງານໃນຫຼາຍດ້ານ ເປັນຕົ້ນແມ່ນດ້ານວຽກ

ງານວິຊາສະເພາະ, ດ້ານວຽກງານສະຖິຕິ, ດ້ານວຽກງານປ້ອງກັນຄວາມສະຫງົບ ແລະ ດ້ານຂະບວນການຕ່າງໆ.ສໍາລັບແຜນການ

ໃນຕໍ່ໜ້າ, ແມ່ນຈະສືບຕໍ່ປະຕິບັດຕາມທຸກແຈ້ງການ ແລະ ມະຕິຄໍາສັງຂອງທາງ ຄຊປປລ ກະຊວງສຶກສາທິການ ແລະ ກິລາແລະ

ພາກສ່ວນຕ່າງໆ ເພື່ອປະກອບສ່ວນສ້າງກິດຈະກໍາໃນດ້ານຕ່າງໆ, ສືບຕໍ່ສຶກສາອົບຮົມດ້ານການເມືອງແນວຄິດແລະຈັດຕັ້ງເຜີຍແຜ່

ເອກະສານ ເນື່ອງໃນວັນສໍາຄັນຕ່າງໆຂອງຊາດໃຫ້ບັນດາສະມາຊິກຊາວໜຸ່ມຂອງວິທະຍາໄລ,ສືບຕໍ່ປັບປຸງໂຄງຮ່າງການຈັດຕັ້ງຂອງ

ໜ່ວຍຊາວໜຸ່ມໃຫ້ມີຄວາມເຂັ້ມແຂງຂຶ້ນເລື້ອຍໆ, ສືບຕໍ່ເກັບກໍາຈໍານວນສະຖິຕິຊາວໜຸ່ມ ແລະ ເກັບເງິນສະຖິຕິສົກປີ 2017ຂອງ

ໜ່ວຍຊາວໜຸ່ມ ເພື່ອສົ່ງໃຫ້ທາງກະຊວງສຶກສາທິການ ແລະ ກິລາ ປະຈໍາ 6 ເດືອນຕົ້ນປີ 2017. ນອກຈາກນັ້ນ, ຍັງມີແຜນທີ່ຈະ

ນໍາພາສະມາຊິກຊາວໜຸ່ມ ເຄື່ອນໄຫວໄປທັດສະນະສຶກສາ ແລະ ບໍລິຈາກເຄື່ອງ ຢູ່ເມືອງວັງວຽງ ແຂວງວຽງຈັນ ແລະ ມີແຜນຈະ

ເປີດຮັບເອົາມະຫາຊົນຜູ້ກ່າວໜ້າເຂົ້າເປັນສະມາຊິກຊາວໜຸ່ມໃໝ່. ນອກຈາກ​ນີ້, ທັງ 2 ພາກສ່ວນ ຍັງ​ໄດ້​ປຶກສາ​ຫາ​ລື  ​ແລະ ​ແລກ

ປ່ຽນບົດຮຽນ​ເຊິ່ງກັນ​ແລະ​ກັນ ​ເພື່ອ​ນຳ​ເອົາ​ບົດຮຽນທີ່​ດີ​ໄປ​ຈັດ​ຕັ້ງ​ຜັນ​ຂະຫຍາຍ​ເຂົ້າ​ໃນ​ວຽກງານ​ຂອງ​ຊາວໜຸ່ມ​ໃຫ້​ເກີດ​ດອກ​ອອກ​

ຜົນ ​ແລະມີ​ຄຸນະພາບ​ຍິ່ງ​ຂຶ້ນ​ໃນ​ອະນາຄົດ.