ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday370
mod_vvisit_counterYesterday1131
mod_vvisit_counterThis week1619
mod_vvisit_counterLast week3258
mod_vvisit_counterThis month9322
mod_vvisit_counterLast month7268
mod_vvisit_counterAll days844577

We have: 38 guests, 11 bots online
Your IP: 54.196.33.246
 , 
Today: ຕ. ລ. 24, 2017


ຂຽນໂດຍ ສາວບ້ານທົ່ງ   

ສສກ - ການາດາ ຫາລືການຮ່ວມມື​ໃນຂະແໜງສຶກສາ-ກິລາຕໍ່ໜ້າ


   ຄະນະ​ນຳ ກະຊວງສຶກສາທິການ ແລະ ກິລາ (ສສກ) ແລະ ສະຖານທູດ ການາດາ ປະຈໍາ ສປປ ລາວ

   ທີ່ມີສໍານັກງານປະຈໍາຢູ່ບາງກອກ ປະເທດໄທ  ​ໄດ້ປຶກສາຫາລືກ່ຽວກັບການຮ່ວມມືໃນຂະແໜງສຶກສາ

   ແລະ ກິລາ ຕໍ່ໜ້າ ເພື່ອເຮັດໃຫ້ວຽກງານດັ່ງກ່າວມີຄຸນະພາບສູງຂຶ້ນ.


   ເມື່ອວັນທີ 24 ພຶດສະພາ ຜ່ານມາ ທີ່ສໍານັກງານ ກະຊວງສຶກສາທິການ ແລະ ກິລາ, ທ່ານ ນາງ ແສງເດືອນ ຫຼ້າຈັນທະບູນ ລັດ

ຖະມົນຕີ ກະຊວງສຶກສາທິການ ແລະ ກິລາ ໄດ້ໃຫ້ກຽດຕ້ອນຮັບການຢ້ຽມຄໍານັບຂອງທ່ານ ນາງ ໂດນີກາ ປົດຕິ ເອກອັກຄະລັດ

ຖະທູດ ການາດາ ປະຈໍາ ສປປ ລາວ ທີ່ມີສໍານັກງານປະຈໍາຢູ່ບາງກອກ ປະເທດໄທ  ພ້ອມດ້ວຍຄະນະ, ມີ​ຄະນະ​ກົມ, ອົງການທີ່

ກ່ຽວຂ້ອງທັງ 2 ຝ່າຍເຂົ້າຮ່ວມ.


       ໂອກາດດັ່ງກ່າວ, ທ່ານ ນາງ ໂດນີກາ ປົດຕິ ໄດ້ສະເໜີກ່ຽວກັບການຮ່ວມມືທາງດ້ານການສຶກສາ ໂດຍສະເພາະແມ່ນໃນຂະ

ແໜງການສຶກສາ ແລະ ກິລາ, ເຊິ່ງຈະລົງເລິກກ່ຽວກັບວຽກງານການຄົ້ນຄວ້າ, ການວິໄຈ, ການເຝິກອົບຮົມໄລຍະສັ້ນ, ການເຝິກ

ອົບຮົມວິຊາຊີບ ຢູ່ໃນສະຖາບັນອາຊີບວະສຶກສາຕ່າງໆ  ແລະ   ການເຝິກອົບຮົມທາງດ້ານພາສາອັງກິດໃນຂອບເຂດທົ່ວປະເທດ

ເປັນຕົ້ນແມ່ນຢູ່ໃນເຂດຫ່າງໄກສອກຫຼີກ.ນອກຈາກນັ້ນ, ຍັງໄດ້ປຶກສາຫາລືກ່ຽວກັບວຽກງານການສຶກສາກ່ອນໄວຮຽນ, ດ້ານສິ່ງ

ແວດລ້ອມ ແລະ ດ້ານວິຊາການອື່ນໆທີ່ກ່ຽວຂ້ອງໃນຂະແໜງການສຶກສາ ແລະ ກິລາ.


       ຂະນະ​ດຽວກັນ, ທ່ານ ນາງ ແສງເດືອນ ຫຼ້າຈັນທະບູນ ກໍ່ໄດ້ສະເໜີວ່າ: ການຮ່ວມມືທາງການດ້ານສຶກສາໃນຂະແໜງການ

ສຶກສາ ແລະ ກິລາ ​ແມ່ນຢາກໃຫ້ທາງຄະນະດັ່ງກ່າວ ຄົ້ນຄວ້າໃນຂອດການຮ່ວມມື ລະຫວ່າງ ມະຫາວິທະຍາໄລ ຕໍ່ ມະຫາວິທະ

ຍາໄລດ້ວຍກັນ ​ຈຶ່ງຈະເປັນການດີ ເພາະວ່າການຮ່ວມມືດັ່ງກ່າວ ແມ່ນເປັນການສົ່ງເສີມຄວາມຮູ້ໃຫ້ຄູ-ອາຈານ ແລະ ນັກສຶກສາ

ໄດ້ລົງເລິກທາງດ້ານການຄົ້ນຄວ້າ ແລະ ການວິໄຈໃນດ້ານຕ່າງໆ.