ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday330
mod_vvisit_counterYesterday754
mod_vvisit_counterThis week1084
mod_vvisit_counterLast week4125
mod_vvisit_counterThis month14767
mod_vvisit_counterLast month100277
mod_vvisit_counterAll days779708

We have: 45 guests, 17 bots online
Your IP: 54.80.93.234
 , 
Today: ມ.ຖ.ນ. 25, 2017


ຂຽນໂດຍ ສາວ​ແກ້ວ​ອຸດົມ   

ຄະນະນຳ ສສກ ອວຍພອນປະທານປະເທດ ໂອກາດປີໃໝ່ລາວ


   ຄະນະ​ນຳ ກະຊວງ​ສຶກສາ​ທິການ ​ແລະ ກິລາ (ສສກ) ນຳ​ໂດຍ​ທ່ານ ບົວ​ລານ ສິຣິປັນຍາ ຮອງ​ລັດຖະ

   ມົນຕີກະຊວງ​ສຶກສາ​ທິການ ​ແລະ ກິລາ ​ພ້ອມ​ດ້ວຍ​ຄະນະໄດ້ເຂົ້າຢ້ຽມຄຳນັບ​ແລະອວຍພອນ ພະນະ

   ​ທ່ານ ບຸນ​ຍັງ ວໍລະ​ຈິດ ປະທານປະເທດ​ແຫ່ງ ສປປ ລາວ


      ເນື່ອງ​ໃນໂອກາດປີໃໝ່ລາວ ພສ 2560 ​ເມື່ອ​ວັນ​ທີ 10 ​ເມສາ ຜ່ານ​ມາ ທີ່​ບ້ານ​ໜອງ​ບອນ ​ເມືອງ​ໄຊ​ເສດ​ຖາ ນະຄອນຫຼວງ

​ວຽງ​ຈັນ. ​  ​ໂອກາດ​ດັ່ງກ່າວ, ທ່ານ​ ບົວລານ ສິຣິປັນຍາ ​ໄດ້​ກ່າວ​ອວຍພອນ​ໃຫ້​ແກ່​ພະນະ​ທ່ານ ບຸນ​ຍັງ ວໍລະ​ຈິດ ຈົ່ງ​ມີ​ສຸຂະພາບ​

ເຂັ້ມ​ແຂງ,ມີ​ຄວາມສຸກ, ມີ​ຄວາມ​ຈະ​ເລີ​ນຮຸ່ງ​ເຮືອງ​ໃນ​ຊີວິດສ່ວນ​ຕົວ​ ແລະ ​ຄອບຄົວ ພ້ອມ​ທັງ​​ສະ​ແດງຂອບ​ໃຈ​ທີ່​ທ່ານ​ໄດ້​ຊີ້​ນຳ​ຕໍ່

​ວຽກງານ​ໃນ​ຂະ​ແໜງ​ການ​ຕ່າງໆພາຍ​ໃນ​ປະ​ເທດຢ່າງ​ເກີດ​ຜົນ​ປະ​ໂຫຍ​ດສູງ​ສຸດ​ໂດຍ​ສະ​ເພາະ​ແມ່ນ​ວຽກ​ງານ​ໃນ​ຂະ​ແໜງ​ການ​ສຶກ

ສາ ​ແລະ ກິລາ ​ໃຫ້ເດີນ​ແມ່ນ​ແລ່ນ​ສະດວກ ​ແລະ ມີ​ຄວາມ​ກ້າວໜ້າ​ຂຶ້ນ​​ໄປ​ເລື່ອຍໆ.


​      ໃນ​ຂະນະ​ດຽວ​ກັນ, ພະນະ​ທ່ານ ບຸນ​ຍັງ ວໍລະ​ຈິດ ກໍ່​ໄດ້​ກ່າ​ວສະ​ແດງ​ຄວາມຂອບ​ໃຈ ​ແລະ ຕ້ອນຮັບຢ່າງອົບ​ອຸ່ນຕໍ່​ການ​ມາ

​ອວຍພອນ​ໃນ​ຄັ້ງ​ນີ້.  ພ້ອມ​ດຽວ​ກັນ​ນັ້ນ,  ທ່ານ​ຍັງ​ໄດ້​ໃຫ້​ທິດ​ຊີ້​ນຳ​ກ່ຽວ​ກັບ​ວຽກ​ງານ​ໃນ​ຂະ​ແໜງ​ການ​ສຶກສາ ​ແລະ ກິລາ ​ໂດຍ​ໄດ້

​ເນັ້ນ​ໜັກ​ເຖິງ​ບັນຫາ​ກ່ຽວ​ກັບ​ການ​ປັບປຸງ​ຄຸນະພາບ​ການ​ສຶກສາ​,ບຳລຸງ ​ແລະ ຍົກ​ລະດັບ​ແກ່​ບັນດາ​ຄູ -​ ອາຈານທີ່ຢູ່​ໃນ​ເຂດ​ຊົນນະ

ບົດ​ຫ່າງ​ໄກ​ຊອກຫຼີກ​ໃຫ້​ຫຼາຍ​ຂຶ້ນ, ຍົກ​ລະດັບ​ຄວາມ​ສາມາດ​ທາງ​ດ້ານ​ວິຊາ​ຊີບໃຫ້​ນັກຮຽນ​ໄດ້​ຮູ້ຈັກ​ອອກ​ແຮງ​ງານ;   ຄວນໃຫ້​ມີ

​ດິນ​ຢູ່​ພາຍ​ໃນ​ໂຮງຮຽນເຂດ​ຫ່າງ​ໄກ​ຊອກຕ່າງໆເພື່ອ​ໃຫ້​ນ້ອງນັກຮຽນ​ໄດ້​ຮຽນ​ຮູ້​ກ່ຽວ​ກັບ​ວິທີ​ການ​ດຳລົງ​ຊີວິດ​ປູກຝັງ​ລ້ຽງສັດ​ແລະ

​ເຮັດ​ສວນ​ຄົວ(ອາຫານ​ກາງ​​ເວັນ); ​ເຝິກ​ເລື່ອງ​ການ​ອອກ​ແຮງງານ​ໃຫ້​ແກ່​ນັກຮຽນ​ຄົນ​ຮຸ່ນ​ໃໝ່​ໃນ​ການ​ລົງ​ປະ​ຕິ​ບັດ​ຕົວ​ຈິງ;ຊອກ​ຫາ

​ວິທີ​ແກ້​ໄຂ​ກ່ຽວ​ກັບ​ບັນຫາການປະລະ​ການ​ຮຽນ​ຂອງ​​ເດັກ​ທີ່ຢູ່​​ເຂດ​ຫ່າງ​ໄກ​ຊອກ​ຫຼີກເພື່ອ​ຈະ​ເຮັດ​​​ໃຫ້​ເຂົາ​ເຈົ້າ​ໄດ້​ຮຽນ​ຮູ້ ​ແລະ ​ເຂົ້າ

​ເຖິງ​ການ​ຮຽນ-​ການ​ສອນ​ທີ່​ດີ; ​ແກ້​ໄຂ​ໃນການກໍ່ສ້າງໂຮງຮຽນ​ຊັ້ນ​ອະນຸບານ  ​ແລະ  ປະຖົມ​ສຶກສາ​ທີ່ຢູ່​ເຂດ​ຫ່າງ​ໄກ​ຊອກ​ຫຼີກ​ໃຫ້

​ທົ່ວ​ເຖິງ. ນອກຈາກ​ນີ້ເວົ້າເຖິງຜົນສຳເລັດວຽກງານສຶກສາ ແລະ ກິລາ ຕໍ່ພາລະກິດ 2 ໜ້າທີ່ຍຸດທະສາດ ແລະ ເນັ້ນການພັດທະ

ນາປະເທດຊາດ ແມ່ນເອົາການສຶກສາໄປກ່ອນບາດກ້າວໜຶ່ງ. ສ່ວນ​ຄຸນະພາບການ​ສຶກສາ ​ແມ່ນຍົກລະດັບຄູ-ອາຈານ  ​ແລະ ຈັດ

ການສຶກສາ ໃຫ້ຄົບຕາມ 3 ລັກສະນະ, 5 ຫຼັກມູນແລະ 3 ຂໍ້ແຂ່ງຂັນ. ຄຽງຄູ່ກັນນັ້ນ, ວຽກງານກິລາກໍ່ໄດ້ມີການພັດທະນາຂຶ້ນ

ເປັນກ້າວໆເຊິ່ງມັນສະແດງອອກໃນເວລາການເຂົ້າຮ່ວມງານແຂ່ງຂັນ​ກິລາ​ຕ່າງໆກໍ່ສາມາດໄດ້ຮັບຫຼຽນ​ກັບ​ມາ​ປະ​ເທດ.


         ນອກຈາກ​ນັ້ນ​, ທ່ານ​ຍັງ​ໄດ້​ເນັ້ນ​ໜັກ​ໃຫ້​ແກ້​ໄຂ​ບັນຫານ້ອງ​ນັກຮຽນ​ທີ່ຢູ່​ເຂດ​ຫ່າງ​ໄກ​ຊອກ​ຫຼີກ​ (​ເຂດ​ຊົນ​ເຜົ່າ)  ກ່ຽວ​ກັບ​

ການ​ນຳ​ໃຊ້​ພາສາລາວ ​ໂດຍ​ຕ້ອງ​ເຫັນ​ຄວາມ​ສຳ​ຄັນ​​ເຝິກອົບຮົມ ​ແລະ ຍົກ​ລະດັບ​ຄວາມ​ຮູ້​ຄວາມ​ສາມາດ​ທາງ​ດ້ານ​ພາສາ​ລາວ​ໃຫ້

​ບັນດາ​ນ້ອງ​ນັກຮຽນ​ຢູ່​ເຂດ​ຊົນ​ເຜົ່າ​​ ​ເຮັດໃຫ້​ເຂົາ​ເຈົ້າ​ສາມ​າດນຳ​ໃຊ້​ພາສາ​ກາງ​ໄດ້​ເປັນ​ຢ່າງ​ດີ  ​ແລະ  ​ເຮັດ​ໃຫ້​ເຂົາ​ເຈົ້າ​ສາມາດ​ສື່ສານ​

ກັນ​ໄດ້​​ໃນ​ການ​ໃຊ້​ພາສາ​ກາງ;ຈັດ​ສັນ​ໃຫ້​ບັນດາ​ນັກຮຽນ​ເຂດ​ຊົນ​ເ​ຜົ່າ​ຕ່າງໆ​ໄດ້​ຢູ່​ຮ່ວມ​ກັນເພື່ອ​​ເປັນ​ການ​ເຝິກ​ໃຫ້​​ເຂົາ​ເຈົ້າ​​ໄດ້​ຮູ້ຈັກ

​ກັນ​ຫຼາຍ​ຂຶ້ນ. ​​ນອກຈາກ​ນັ້ນ,ທ່ານ​ຍັງ​ໄດ້​ຮຽກຮ້ອງ​ມາ​ຍັງ​ບັນດາ​ການ​ນຳ ກະຊວງ​ສຶກສາ​ທິການ ​ແລະ ກິລາ, ຄູ-​ອາຈານນັກຮຽນ-​

ນັກ​ສຶກສາ ຈົ່ງ​ບຸກບື່ນພະຍາ​ມຍາມ​ຊ່ວຍ​ໃຫ້ການ​ສຶກສາ​​ເດີນ​ໜ້າ​ໄປ​ກ່ອນ​ກ້າວ​ໜຶ່ງ ​ແລະ ຊ່ວຍ​ໃຫ້​ປະ​ເທດ​ຊາດ​ມີ​ຄວາມ​ຈະ​ເລີ​ນ

ຮຸ່ງ​ເຮື່ອ​ງຂຶ້ນ​ໄປ​ເລື່ອຍໆ.