ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday2134
mod_vvisit_counterYesterday3513
mod_vvisit_counterThis week2134
mod_vvisit_counterLast week25878
mod_vvisit_counterThis month109254
mod_vvisit_counterLast month168269
mod_vvisit_counterAll days636892

We have: 75 guests, 5 bots online
Your IP: 54.225.15.88
 , 
Today: ມ. ສ. 23, 2017


ຂຽນໂດຍ ສາວ​ແກ້ວ​ອຸດົມ   

ສສກ ຖອດຖອນບົດຮຽນການສຶກສາກ່ອນໄວຮຽນ ​ແລະ ວຽກງານກ່ຽວຂ້ອງ


   ກົມອະນຸບານ ແລະ ປະຖົມສຶກສາ ກະຊວງສຶກສາທິການ ແລະ ກິລາ (ສສກ) ປະຊຸມຖອດຖອນບົດ

   ຮຽນການຈັດຕັ້ງປະຕິບັດການສຶກສາກ່ອນໄວຮຽນ, ປະຖົມສຶກສາ,  ການສຶກສາຮຽນຮ່ວມ ແລະ ສົ່ງ

   ເສີມສຸຂະພາບໃນໂຮງຮຽນປະຈຳປີ 2016 ແລະ ແຜນວຽກປະຕິບັດໃນປີ 2017


       ພ້ອມທັງປຶກສາຫາລືໂຄງຮ່າງການຈັດຕັ້ງການເຄື່ອນໄຫວຂອງກົມການສຶກສາກ່ອນໄວຮຽນເພື່ອຖອດຖອນບົດຮຽນກ່ຽວ

ກັບວຽກງານທີ່ພົ້ນເດັ່ນຂອງວຽກງານດັ່ງກ່າວ, ການປະຕິບັດໂຄງການການສຶກສາກ່ອນໄວຮຽນ,  ການຈັດຕັ້ງການສອບເສັງນັກ

ຮຽນເກັ່ງຊັ້ນປະຖົມສຶກສາ, ການເລື່ອນຂັ້ນ ແລະ ເລື່ອນຊັ້ນແບບຕໍ່ເນື່ອງ. ກອງປະຊຸມດັ່ງກ່າວ, ໄດ້ຈັດຂຶ້ນເມື່ອວັນທີ 6 ເມສາ

ຜ່ານມາ ທີ່ສະໂມສອນ​ເຂື່ອນ​ໄຟຟ້ານ້ຳ​ງື່ມ 1 ບ້ານ​ແສງ​ສະຫວ່າງ (ທ່າລາດ) ເມືອງແກ້ວອຸດົມ ແຂວງວຽງຈັນ  ໂດຍພາຍໃຕ້ການ

ເປັນປະທານຂອງທ່ານ ຮສ.ປອ ຄຳຜາຍ ສີສະຫວັນ ຮອງລັດຖະມົນຕີ ກະຊວງສຶກສາທິການ ແລະ ກິລາ, ມີທ່ານ ປອ. ມີທອງ

ສຸວັນວິໄຊ ຫົວໜ້າກົມອະນຸບານ ແລະ ປະຖົມສຶກສາ ກະຊວງສຶກສາທິການ ແລະ ກິລາ, ພ້ອມ​ດ້ວຍຫົວໜ້າ -ຮອງຫົວໜ້າພະ

ແນກສຶກສາທິການ ແລະ ກິລາແຂວງ, ຫົວໜ້າຂະແໜງອະນຸບານ ແລະ ປະຖົມສຶກສາທົ່ວປະເທດຕະຫຼອດຮອດພະນັກງານວິ

ຊາການ ແລະ ພາກສ່ວນທີ່ກ່ຽວຂ້ອງເຂົ້າຮ່ວມເກືອບ 100 ທ່ານ.


        ໃນໂອກາດດັ່ງກ່າວ, ທ່ານ ປອ. ຄຳຜາຍ ສີສະຫວັນ ໄດ້ກ່າວວ່າ: ກອງປະຊຸມໃນຄັ້ງນີ້ ແມ່ນມີຄວາມໝາຍຄວາມສຳຄັນ

ຫຼາຍ ເພາະຜູ້ເຂົ້າຮ່ວມຈະໄດ້ຮູ້ເຖິງຜົນສຳເລັດ, ບັນຫາ, ສິ່ງທ້າທາຍ, ແຜນວຽກຈຸດສຸມໃນຕໍ່ໜ້າ ແລະ ໂຄງຮ່າງການເຄື່ອນໄຫວ

ຂອງກົມການສຶກສາກ່ອນໄວຮຽນ, ເຊິ່ງວຽກງານການສຶກສາກ່ອນໄວຮຽນ ແມ່ນເປັນວຽກງານໜຶ່ງທີ່ສຳຄັນທີ່ຕ້ອງເອົາໃຈໃສແກ່

ເດັກນ້ອຍ ເພື່ອຈະຊ່ວຍໃຫ້ເຂົາເຈົ້າໄດ້ມີວິໄສທັດ  ແລະ   ວິວັດທະນາການທີ່ດີໃນການພັດທະນາຄວາມຮູ້ຄວາມສາມາດໃນໄວ

ກ້າວເຂົ້າສູ່ການຮຽນຮູ້ໃນໄລຍະອາຍຸ 3-5 ປີ. ສະນັ້ນ, ເຫັນໄດ້ວ່າວຽກງານດັ່ງກ່າວຈຶ່ງເປັນວຽກງານທີ່ຄວນເອົາໃຈໃສ່ຈັດຕັ້ງປະ

ຕິບັດໃຫ້ເປັນຢ່າງດີ, ເຊິ່ງຜົນສຳເລັດໃນການຂະຫຍາຍໂອກາດ ແລະ ຄວາມເທົ່າທຽມກັນຂອງວຽກງານການສຶກສາກ່ອນໄວຮຽນ

ແມ່ນມີການຂະຫຍາຍຕົວໄວສົມຄວນ ເປັນຕົ້ນຈຳນວນໂຮງຮຽນ, ຫ້ອງຮຽນ ແລະ ຈຳນວນນັກຮຽນ ກໍ່ໄດ້ເພີ່ມຂຶ້ນຢ່າງຕໍ່ເນື່ອງ

ອັນເຮັດໃຫ້ອັດຕາການເຂົ້າຮຽນຂອງເດັກ 3-5 ປີ ເພີ່ມຂຶ້ນຢ່າງໜ້າພໍໃຈ;  ອັດຕາການເຂົ້າຮຽນໃໝ່ສຸດທິຊັ້ນປະຖົມສຶກສາ ເພີ່ມ

ຈາກ 97,2 ເປີເຊັນ ເປັນ 97,9 ເປີເຊັນ, ປັບປຸງໂຄງລ່າງໃຫ້ແກ່ໂຮງຮຽນໃນເຂດຫ່າງໄກຊອກຫຼີກ  ພ້ອມທັງໄດ້ຂະຫຍາຍຫ້ອງ

ຮຽນເພີ່ມເຕີມບ່ອນແອອັດ; ສະໜອງອາຫານທ່ຽງ ແລະ ອາຫານເສີມໃຫ້ແກ່ເດັກນັກຮຽນອະນຸບານ ແລະ ນັກຮຽນຫ້ອງກຽມ

ປະຖົມ ຈຳນວນ 53.643 ຄົນ, ຈັດຕັ້ງປະຕິບັດຢູ່ 2.360 ໂຮງຮຽນ ໃນ 48 ເມືອງຂອງ 13 ແຂວງ; ສ້າງຄູ່ມືແນະນຳການສຶກ

ສາຮຽນຮ່ວມ ແລະ ການສຶກສາພິເສດສຳລັບຜູ້ບໍລິຫານ, ຄູ່ມືແນະນຳການປະຕິບັດວິໄນການສຶກສາອົບຮົມແບບສ້າງສັນໃນຫ້ອງ

ຮຽນຮ່ວມ ແລະ ເພື່ອນມິດໃນການຮຽນຮູ້ສຳລັບຄູສອນ,  ຄູເຝິກ, ສ້າງຄູ່ມືອົບຮົມຟື້ນຟູຂັ້ນພື້ນຖານຊຸມຊົນ, ຄອບຄົວ, ແພດ

ອາສາ ແລະ ຄູສອນ. ພ້ອມດຽວກັນນັ້ນ, ວຽກງານສຸຂະອະນາໄມ ກໍ່ເປັນສິ່ງສຳຄັນໃນຂະແໜງການສຶກສາ  ໄດ້ປະຕິບັດການສົ່ງ

ເສີມສຸຂະພາບໃນໂຮງຮຽນ, ນ້ອງນັກຮຽນໃນເກນອາຍຸ 5-14 ປີ ໄດ້ກິນຢາຂ້າແມ່ທ້ອງໃນ 98 ເປີເຊັນ,  ສະໜອງນໍ້າ-ວິດຖ່າຍ

ແລະ ອ່າງລ້າງມື ຈຳນວນ 100 ແຫ່ງ ທີ່ແຂວງສາລະວັນ.


     ນອກຈາກນັ້ນ, ທ່ານຍັງໄດ້ເນັ້ນໜັກໃຫ້ສືບຕໍ່ເອົາໃຈໃສ່ກ່ຽວກັບວຽກງານປະຖົມ, ການສຶກສາຮຽນຮ່ວມ, ວຽກງານບໍລິຫານ

ແລະ ການຄຸ້ມຄອງ ແນໃສ່ເຮັດໃຫ້ວຽກງານດັ່ງກ່າວເປັນໄປຕາມແຜນການ, ສາມາດພັດທະນາຂຶ້ນໄປເທື່ອລະກ້າວ ແລະ  ປາກົດ

ຜົນເປັນຈິງຕາມຈຸດປະສົງຢ່າງສູງສຸດ. ຂະນະທີ່ແຜນວຽກບຸລິມະສິດສຳລັບສົກຮຽນ 2016-2017  ແມ່ນຈະໄດ້ສືບຕໍ່ພັດທະນາ

ມາດຕະຖານການບໍລິການ ແລະ ຄູ່ມືສຳລັບຊັ້ນອະນຸບານສຶກສາ-ທົດລອງນຳໃຊ້; ສ້າງ ແລະ ເຝິກອົບຮົມຄູສຶກສານິເທດການສຶກ

ສາກ່ອນໄວຮຽນ; ເຜີຍແຜ່ ແລະ ແນະນຳການນຳໃຊ້ຫຼັກສູດ-ແຜນຈັດປະສົບການຊັ້ນອະນຸບານ 1, 2 ແລະ 3; ສ້າງຄວາມອາດສາ

ມາດຂັ້ນສູນກາງ, ແຂວງ, ເມືອງ ແລະ ຊຸມຊົນ ກ່ຽວກັບການປຸກລະດົມຊຸມຊົນສຸຂະອະນາໄມ, ໂພຊະນາການ ແລະ ຄວາມບົກ

ຜ່ອງພິການຂອງເດັກ; ພັດທະນາປຶ້ມຄູ່ມືແນະນຳກວດສຸຂະພາບ, ເຄື່ອງມືຕິດຕາມ,  ປຶ້ມບັນທຶກສຸຂະພາບຂອງເດັກ  ແລະ  ກັ່ນ

ກອງສຸຂະພາບຂອງເດັກໃນອາຍຸ 2-5 ປີຂອງໂຄງການການສຶກສາກ່ອນໄວຮຽນ; ປັບປຸງວິທີການສອນຫ້ອງຄວບເພື່ອໃຫ້ນັກຮຽນ

ຈົບປະຖົມຢ່າງມີປະສິດທິພາບ; ປະຕິບັດການເລື່ອນຂັ້ນແບບຕໍ່ເນື່ອງໃຫ້ຖືກຕ້ອງຕາມຫຼັກການ ແລະ ສືບຕໍ່ສ້າງຄວາມເຂັ້ມແຂງ,

ຜັນຂະຫຍາຍອ້າງລ້າງມື ເພື່ອປະຕິບັດກິດຈະກຳລ້າງມືໃສ່ສະບູ-ຖູແຂ້ວເປັນກຸ່ມທຸກວັນ.


        ສຳລັບກອງປະຊຸມໃນຄັ້ງນີ້, ໄດ້ດຳເນີນໄປເປັນເວລາ 4 ວັນ ແຕ່ວັນທີ 6 - 9 ເມສາ 2017, ເຊິ່ງຜູ້ເຂົ້າຮ່ວມໄດ້ຮັບຟັງການ

ລາຍງານສະພາບລວມ ການຈັດຕັ້ງປະຕິບັດວຽກງານການສຶກສາກ່ອນໄວຮຽນ,  ປະຖົມສຶກສາ ແລະ ການສຶກສາຮຽນຮ່ວມ; ສະ

ເໜີຜົນການສຳເລັດຂອງວຽກງານການສຶກສາກ່ອນໄວຮຽນ, ວຽກງານປະຖົມສຶກສາວຽກງານຂອງໂຄງການ ECE ແລະ ໂຄງການ

GPE2, ວຽກງານສົ່ງເສີມສຸຂະພາບໃນໂຮງຮຽນ ແລະ ວຽກງານການສຶກສາຮຽນຮ່ວມທີ່ດີ ປີ 2016  ແລະ ແຜນໃນຕໍ່ໜ້າ;  ສະ

ເໜີຜົນການສອບເສັງນັກຮຽນຊັ້ນປະຖົມສຶກສາ ປີທີ 5 ແລະ ເສັງຈົບຊັ້ນປະຖົມສຶກສາ 2015-2016; ວຽກງານຕັດສິນຕຳແໜ່ງ

ວິຊາການຄູ; ນຳສະເໜີຜົນການເກັບກຳຂໍ້ມູນດຳລັດ  209  ກ່ຽວກັບຕໍາແໜ່ງວິຊາການຄູ; ສະເໜີຮ່າງເກັບກຳຂໍ້ມູນວຽກງານການ

ສຶກສາກ່ອນໄວຮຽນ, ປະຖົມສຶກສາ,ການສຶກສາຮຽນຮ່ວມ ແລະ ສະເໜີໂຄງຮ່າງການເຄື່ອນໄຫວການຈັດຕັ້ງຂອງກົມການສຶກສາ

ກ່ອນໄວຮຽນ.