ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday2369
mod_vvisit_counterYesterday3814
mod_vvisit_counterThis week19889
mod_vvisit_counterLast week22882
mod_vvisit_counterThis month83952
mod_vvisit_counterLast month137026
mod_vvisit_counterAll days748616

We have: 95 guests, 7 bots online
Your IP: 54.224.200.104
 , 
Today: ພ. ພ. 26, 2017


ຂຽນໂດຍ ສາວ​ສະຫວັນ   

ມຊ ຫວນຄືນມູນເຊື້ອ ວັນ​ສ້າງ​ຕັ້ງຊາວໜຸ່ມລາວ ຄົບຮອບ 62 ປີ


   ມະຫາວິທະຍາໄລແຫ່ງຊາດ (ມຊ) ຈັດປາຖະກະຖາຫວນຄືນມູນເຊື້ອວັນ​ສ້າງ​ຕັ້ງຊາວໜຸ່ມປະຊາຊົນ

   ​ປະຕິວັດລາວ ຄົບຮອບ 62 ປີ (14 ​ເມສາ 1955-14 ​ເມສາ 2017) ເພື່ອໃຫ້ສະມາຊິກສາມາດກໍາໄດ້

   ຜົນງານ, ວິລະກໍາອັນຍອດຍິ່ງ, ຄວາມເສຍສະຫຼະ,


     ຄວາມຮັກຊາດຂອງສະມາຊິກຊາວໜຸ່ມຮຸ່ນກ່ອນທີ່ມີຕໍ່ປະເທດຊາດ ແລະ ນໍາເອົາໄປເປັນແບບຢ່າງໃນການປະຕິບັດສິດ

ແລະ ພັນທະຂອງຕົນ ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດຕາມທິດສັງຄົມນິຍົມເທື່ອລະກ້າວ.

ພິທີປາຖະກະຖາດັ່ງກ່າວ, ໄດ້ຈັດຂຶ້ນໃນວັນທີ 5 ເມສາ ຜ່ານມາ ທີ່ສະໂມສອນ​ໃຫຍ່ ມະຫາວິທະຍາໄລແຫ່ງຊາດໂດຍໃຫ້

ກຽດບັນຍາຍໂດຍສະຫາຍນາງ ວິລະວອນ ພັນທະວົງ ຮອງເລຂາປະທານກວດກາ ຄະນະບໍລິຫານງານສູນກາງຊາວໜຸ່ມປະ

ຊາຊົນ ປະຕິວັດລາວ ແລະ ເປັນກຽດເຂົ້າຮ່ວມຂອງສະຫາຍ ປອ. ສໍາລານ ພັນຄະວົງ ຄະນະເລຂາທິການສູນກາງຊາວໜຸ່ມ

ປະຊາຊົນປະຕິວັດລາວ, ຄະນະພັກ, ເລຂາຄະນະບໍລິຫານງານຊາວໜຸ່ມ ກະຊວງສຶກສາທິການ ແລະ ກິລາ ແລະ ສະຫາຍ

ພຽງສະນິດ ຈັນທະວີໄຊ ເລຂາຄະນະບໍລິຫານງານຊາວໜຸ່ມ ມະຫາວິທະຍາໄລແຫ່ງຊາດ, ພ້ອມ​ດ້ວຍບັນດາຄະນະນໍາ, ສະ

ມາຊິກຊາວໜຸ່ມ ແລະ ເຍົາວະຊົນຢ່າງ​ພ້ອມພຽງ.


         ໂອກາດດັ່ງກ່າວ, ສະຫາຍ ນາງ ວິລະວອນ ພັນທະວົງ ກໍ່ໄດ້ເລົ່າເຖິງມູນເຊື້ອວັນ​ສ້າງ​ຕັ້ງຊາວໜຸ່ມປະຊາຊົນ​ປະຕິວັດ

ລາວ ຄົບຮອບ 62 ປີ (14 ​ເມສາ 1955-14 ​ເມສາ 2017), ​ເຊິ່ງບໍ່ສາມາດຕັດແຍກອອກຈາກມູນເຊື້ອຂອງຊາດລາວ ແລະ

ມູນເຊື້ອຂອງພັກປະຊາຊົນປະຕິວັດລາວ, ຊາວໜຸ່ມປະຊາຊົນ​ປະຕິວັດລາວ ໄດ້ສ້າງ ແລະ ສືບທອດມູນເຊື້ອອັນດີງາມຂອງ

ຕົນຢູ່ໃນຫຼາຍຂົງເຂດວຽກງານ, ປະຫວັດການສ້າງຕັ້ງ ​ແມ່ນຕິດພັນກັບການເຕີບໃຫຍ່ຂະຫຍາຍຕົວຂອງປະເທດຊາດ ແລະ

ພັກປະຊາຊົນປະຕິລັດລາວ, ປະຫວັດສາດຂອງຊົນຊາດລາວ ທີ່ເປັນຊາດເກົ່າແກ່ບູຮານມີມາແຕ່ສະໄໝປະຖົມບູຮານ ເປັນ

ເວລາຍາວນານຫຼາຍພັນປີ, ຊົນຊາດລາວເຄີຍສ້າງນະຄອນລັດ, ເຄີຍມີອະລິຍະທໍາທີ່ຈະເລີນຮຸ່ງເຮືອງມາໃນອະດີດຕະການ

ຫຼາຍພັນປີ, ເຊິ່ງຊາວໂລກຮູ້ຈັກໃນນາມອານາຈັກອ້າຍລາວ ແລະ ອານາຈັກລາວລ້ານຊ້າງ.


         ສະ​ເພາະຊາວໜຸ່ມປະຊາຊົນ​ປະຕິວັດລາວ ໃນໄລຍະບໍ່ທັນມີພັກນໍາພາ (ຮຸ່ນທໍາອິດ) ແມ່ນໄລຍະຂອງການຕໍ່ສູ້ເພື່ອ

ທ້ອນໂຮມປະເທດລາວລ້ານຊ້າງ, ໃນໄລຍະຕໍ່ສູ້ກູ້ຊາດຕ້ານຈັກກະພັດເຂົ້າມາຮຸກຮານພາຍໃຕ້ການນໍາພາຂອງພັກຄອມມູນິດ

ອິນດູຈີນ (ຊາວໜຸ່ມຮຸ່ນທີ 2). ສ່ວນຊາວໜຸ່ມປະຊາຊົນ​ປະຕິວັດລາວ ​ໄລຍະຕໍ່ສູ້ກູ້ຊາດຕ້ານຈັກກະພັດອາເມຣິກາ ​ແມ່ນ​ຢູ່

ພາຍໃຕ້ການນໍາພາຂອງພັກປະຊາຊົນປະຕິວັດລາວ (ຊາວໜຸ່ມຮຸ້ນທີ 3), ​ເຊິ່ງພາຍຫຼັງກອງປະຊຸມໃຫຍ່ຄັ້ງທີ 3 ຂອງພັກອິນ

ດູຈີນ ທີ່ໄດ້ມີມະຕິຕົກລົງສ້າງຕັ້ງພັກປະຊາຊົນປະຕິວັດລາວຂຶ້ນ. ດ້ວຍຄວາມເຊື່ອໝັ້ນໃນກໍາລັງແຮງ, ຄວາມສາມາດ ແລະ

ນໍ້າໃຈອັນອົງອາດກ້າຫານຂອງຊາວໜຸ່ມໃນພາລະກິດຕໍ່ສູ້ຕ້ານຈັກກະພັດຜູ້ຮຸກຮານນັ້ນ,   ພັກໄດ້ຖືເອົາວຽກງານຂົນຂວາຍ,

ຈັດຕັ້ງ ແລະ ນໍາພາວຽກງານຊາວໜຸ່ມເປັນວຽກງານໜຶ່ງທີ່ສໍາຄັນຂອງພັກໃນພາລະກິດປົດປ່ອຍຊາດ, ພັກຈຶ່ງໄດ້ຕົກລົງສ້າງ

ຕັ້ງການຈັດຕັ້ງຊາວໜຸ່ມຕະລຸມບອນຂຶ້ນໃນຖັນແຖວກໍາລັງປະກອບອາວຸດໃນວັນທີ 14 ເມສາ ປີ 1955 ແລະ ໄດ້ກາຍເປັນ

ໃຈກາງການເຕົ້າໂຮມ ແລະ ສຶກສາອົບຮົມຊາວໜຸ່ມປະຕິບັດບົດບາດປະຈັນບານໃນທຸກສະໜາມຮົບດ້ວຍມານະຈິດທີ່ວ່າ:

“ຍອມຕາຍດີກວ່າຍອມເສຍເອກະລາດ, ເດັດຂາດບໍ່ໃຫ້ປະເທດຊາດຖືກຕັດແບ່ງ ແລະ ຄວາມປອງດອງຊາດຖືກທໍາລາຍ”

ແລະ ຊາວໜຸ່ມໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ (ຊາວໜຸ່ມຮຸ່ນທີ 4) ​ແມ່ນຊາວໜຸ່ມບັນດາ

ເຜົ່າທັງຍິງ ແລະ ຊາຍຢູ່ບັນດາທ້ອງຖິ່ນ,ຂະແໜງການການຈັດຕັ້ງພັກ-ລັດ ແລະ ການຈັດຕັ້ງສັງຄົມທຸກຖ້ວນໜ້າໄດ້ຕັ້ງໜ້າ

ປະກອບສ່ວນຢ່າງຫ້າວຫັນປະຕິບັດໜ້າທີ່ ແລະ ພັນທະຂອງຕົນເອງຢ່າງຄົບຖ້ວນເຮັດໃຫ້ແນວທາງນະໂຍບາຍມະຕິຄໍາສັ່ງ

ຂອງພັກແຕ່ລະຂັ້ນຖືກຈັດຕັ້ງປະຕິບັດມີໝາກຜົນເປັນຈິງໃນແຕ່ລະໄລຍະ.


        ສຳລັບສະໄໝກອງປະຊຸມໃຫຍ່ຜູ້ແທນຊາວໜຸ່ມປະຊາຊົນ​ປະຕິວັດ​ລາວທົ່ວປະເທດ ຄັ້ງທີ 1 ​ໄດ້ໄຂຂຶ້ນໃນວັນທີ 27

-29 ເມສາ ປີ 1983 ​ໂດຍ​ແມ່ນສະຫາຍ ທອງສະຫວັດ ໄຂຄໍາພິທູນ ເປັນເລຂາທີ 1 ຄະນະບໍລິຫານງານສູນກາງ ຊປປລຄັ້ງ

ທີ 2 ໄຂຂຶ້ນໃນວັນທີ 13-15 ກໍລະກົດ 1988 ​ໂດຍ​ແມ່ນສະຫາຍ ນາງ ທອງວິນ ພົມວິຫານ ເປັນເລຂາທິການທີ 1 ຄະນະບໍ

ລິຫານງານ, ຄັ້ງທີ 3 ໄຂຂຶ້ນໃນວັນທີ 13-14 ພຶດສະພາ ປີ 1994 ​ໂດຍ​ແມ່ນສະຫາຍ ແຫວນທອງ ຫຼວງວິໄຊ ເປັນເລຂາບໍລິ

ຫານງານ, ຄັ້ງທີ 4 ໄຂຂຶ້ນໃນວັນທີ 20-22 ທັນວາ ປີ 2000 ​ໂດຍ​ແມ່ນສະຫາຍ ບຸນປອນ  ບຸດຕະນະວົງ  ເປັນເລຂາບໍລິ

ຫານງານ, ຄັ້ງທີ 5 ໄຂຂຶ້ນໃນວັນທີ 23-25 ມິຖຸນາ ປີ 2006 ​ໂດຍ​ແມ່ນສະຫາຍ ຄໍາພັນ ສິທິດໍາພາ ເປັນເລຂາບໍລິຫານງານ,

ຄັ້ງທີ 6 ໄຂຂຶ້ນໃນວັນທີ 23-24 ສິງຫາ ​ໂດຍ​ແມ່ນສະຫາຍ ປອ. ວິໄລວົງ ບຸດດາຄໍາ ເປັນເລຂາບໍລິຫານງານ ແລະ ຄັ້ງທີ 7

ໄຂຂຶ້ນໃນວັນທີ 30-31 ສິງຫາ ປີ 2015 ​ໂດຍ​ແມ່ນສະຫາຍ ສອນທະນູ  ທໍາມະວົງ  ເປັນເລຂາຄະນະບໍລິຫານງານສູນກາງ

ຊປປລ.