ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday2628
mod_vvisit_counterYesterday3457
mod_vvisit_counterThis week9671
mod_vvisit_counterLast week22882
mod_vvisit_counterThis month73734
mod_vvisit_counterLast month137026
mod_vvisit_counterAll days738398

We have: 126 guests, 3 bots online
Your IP: 54.224.4.231
 , 
Today: ພ. ພ. 23, 2017


ຂຽນໂດຍ ສີວອນ (ສຶກສາ-ກິລາ ນວ)   

ສຶກສາ-ກິລາ ນວ ເລືອກໄດ້ 11 ນ້ອງ ເປັນຕົວແທນຮ່ວມສອບເສັງລະດັບຊາດ ທ້າຍ​ເດືອນນີ້


   ພະແນກສຶກສາທິການ ແລະ ກິລາ ນະຄອນຫຼວງວຽງຈັນ (ນວ) ສາມາດເລືອກຕົວແທນນັກຮຽນເກັ່ງ

   ຈຳນວນ 11 ນ້ອງ, ຍິງ 7 ນ້ອງ ເພື່ອກຽມເຂົ້າຮ່ວມສອບ​ເສັງນັກຮຽນເກັ່ງລະດັບຊາດໃນທ້າຍເດືອນເມ

   ສານີ້ ທີ່ນະຄອນຫຼວງວຽງຈັນ


       ພາຍຫຼັງໄດ້ສຳເລັດການສອບເສັງນັກຮຽນເກັ່ງ ປ5, ມ4 ແລະ ມ7 ທົ່ວນະຄອນຫຼວງວຽງຈັນ ປະຈໍາປີ 2016-2017. ພິທີ

ສະຫຼຸບການສອບ​ເສັງນັກຮຽນເກັ່ງ ປ5, ມ4 ແລະ ມ7 ທົ່ວນະຄອນຫຼວງວຽງຈັນ ປະຈໍາປີ 2016-2017 ໄດ້ຈັດຂຶ້ນເມື່ອວັນທີ

31 ມີນາ ຜ່ານມາ ທີ່ສະໂມສອນໃນຮົ່ມ ໂຮງຮຽນ ມສ ວຽງຈັນ, ໂດຍເປັນກຽດເຂົ້າຮ່ວມຂອງທ່ານ ບັນຈົງ ລັດທະວັນ ຮອງຫົວ

ໜ້າກົມມັດທະຍົມສຶກສາ ກະຊວງ​ສຶກສາ​ທິການ ​ແລະ ກິລາ,ທ່ານ ຊົມພູ ແກ້ວປັນຍາ ຫົວໜ້າພະແນກສຶກສາທິການ ແລະ ກິລາ

ນະຄອນຫຼວງວຽງຈັນ, ພ້ອມ​ດ້ວຍເຈົ້າເມືອງ-ຮອງເຈົ້າເມືອງຄະນະພະແນກສຶກສາທິການ ແລະ ກິລາ ນະຄອນຫຼວງວຽງຈັນຫົວ

ໜ້າຫ້ອງການສຶກສາທິການ ແລະ ກິລາເມືອງ, ພະນັກງານ ຄູ-ອາຈານ ແລະ ນ້ອງນັກຮຽນຢ່າງ​ພ້ອມພຽງ.


        ໃນໂອກາດນີ້, ທ່ານ ພູທອນ ແສງດາວົງ ຮອງຫົວໜ້າ ພະແນກສຶກສາທິການ ແລະ ກິລາ ນະຄອນຫຼວງວຽງຈັນ ໄດ້ກ່າວ

ວ່າ: ການຈັດບັ້ນສອບເສັງນັກຮຽນເກັ່ງທົ່ວນະຄອນຫຼວງວຽງຈັນ ປະຈໍາສົກຮຽນ 2016-2017 ​ແມ່ນເພື່ອໃຫ້ຄູ-ອາຈານ ແລະ

ນັກຮຽນໃຫ້ມີຄວາມຫ້າວຫັນເບີກບານມ່ວນຊື່ນ​ໃນ​ການຕັ້ງໜ້າເອົາໃຈໃສ່ຕໍ່ການສິດສອນ ແລະ ຮໍ່າຮຽນ ຮັບປະກັນໄດ້ໃນການ

ປະຕິບັດໂຄງການຫຼັກສູດ, ທັງເປັນການຈັດຕັ້ງປະຕິບັດ 3 ຂໍ້ແຂ່ງຂັນທີ່ກະຊວງສຶກສາທິການ ແລະ ກິລາ ວາງອອກ ຄື: ສອນດີ

-ຮຽນເກັ່ງ, ປັບປຸງຄຸນະພາບການຮຽນ-ການສອນຢູ່ນະຄອນຫຼວງວຽງຈັນໃຫ້ນັບມື້ນັບໄດ້ຮັບການປັບປຸງ ແລະ ພັດທະນາດີຂຶ້ນ

ພ້ອມທັງຄົ້ນຫານັກຮຽນທີ່ມີພອນສະຫວັນແຕ່ລະວິຊາ ເພື່ອເປັນຕົວແທນນັກຮຽນນະຄອນຫຼວງວຽງຈັນເຂົ້າຮ່ວມສອບເສັງນັກ

ຮຽນເກັ່ງລະດັບຊາດໃຫ້ຖືກຕ້ອງຕາມເປົ້າໝາຍທີ່ວາງໄວ້.


        ສຳລັບການຄັດເລືອກນັກຮຽນເກັ່ງ ແມ່ນໄດ້ເລີ່ມຕົ້ນມາຕັ້ງແຕ່ເດືອນຕຸລາ 2016 ເປັນຕົ້ນມາ, ​ເຊິ່ງ ໂຮງຮຽນແຕ່ລະແຫ່ງ

ໄດ້ຈັດຕັ້ງການສອບ​ເສັງຄັດເລືອກເອົານັກຮຽນເກັ່ງ ພ້ອມທັງຈັດຕັ້ງບຳລຸງໃຫ້ແກ່ນັກຮຽນດັ່ງກ່າວ ເພື່ອເປັນຕົວແທນຂອງແຕ່ລະ

ໂຮງຮຽນ, ຕາງໜ້າແຕ່ລະເມືອງເຂົ້າຮ່ວມການສອບເສັງຂັ້ນນະຄອນຫຼວງ.ສ່ວນການສອບເສັງຂັ້ນນະຄອນຫຼວງ ແມ່ນໄດ້ຈັດຂຶ້ນ

ໃນວັນທີ 14 ມີນາ ຜ່ານມາ, ເຊິ່ງມີຕົວແທນນັກຮຽນເກັ່ງຂອງແຕ່ລະເມືອງເຂົ້າຮ່ວມທັງໝົດ 563 ຄົນ, ຍິງ 390 ຄົນຜ່ານການ

ສອບເສັງສາມາດຄັດເລືອກຕົວແທນນັກຮຽນເກັ່ງທົ່ວນະຄອນຫຼວງວຽງຈັນ ຂັ້ນ ປ5, ມ4 ແລະ ມ7 ເພື່ອເຂົ້າຮ່ວມສອບ​ເສັງລະ

ດັບຊາດ ທີ່ຈະຈັດຂຶ້ນໃນເດືອນເມສານີ້ ຈຳນວນ 11 ຄົນ, ຍິງ 7 ຄົນ. ​ໃນ​ນີ້, ຂັ້ນ ປ5 ວິຊາພາສາລາວ ​ແມ່ນນາງ ສີຣິຕາ ທາວົງສ໌

ໂຮງຮຽນປະຖົມສົມບູນ ນິລະດາ ຈອມເພັດ, ວິຊາຄະນິດສາດ ນາງ ສຸພອນສິລິ ຄາມະນີ ໂຮງຮຽນປະຖົມສົມບູນ ສີນໄຊ ແລະ

ວິຊາໂລກອ້ອມຕົວ ທ້າວ ອາພິໄຊ ວົງໄຊ ໂຮງຮຽນປະຖົມສົມບູນ ຊະນະພົນ; ຂັ້ນ ມ4 ວິຊາຄະນິດສາດ ​ແມ່ນທ້າວ  ອານັດຊະ

ຢາ ໂຮງຮຽນ ມຕ ສິນໄຊ, ວິຊາພາສາລາວ-ວັນນະຄະດີ ນາງ ທັດສະພອນ ເຂັມຄຳ ໂຮງຮຽນ ມຕ ສິນໄຊ,  ວິຊາເຄມີສາດ  ນາງ

ດາວສະຫວັນ ເຫງົ້າພາສີ ໂຮງຮຽນ ມຕ ປາດຖະໜາ ແລະ ວິຊາຟິຊິກສາດ ນາງ ສຸພາພອນ ທຳມະວົງສາ ໂຮງຮຽນ ມສ ວຽງຈັນ

ແລະ ນັກຮຽນເກັ່ງ ຂັ້ນ ມ7 ວິຊາຄະນິດສາດ ​ແມ່ນທ້າວ ແສງຕາວັນ ວິຣະຖາວອນຣາຊະພົນ ໂຮງຮຽນ ມສ ພອນສະຫວັນຊົນ

ເຜົ່າ, ວິຊາພາສາລາວ-ວັນນະຄະດີ ນາງ ເກດສຸດາ ໄຊວັງລາດ ໂຮງຮຽນ ມສ ລາວ-ຫວຽດນາມ, ວິຊາເຄມີສາດ ນາງ ດວງດາຣາ

ກອງຜາລີ ໂຮງຮຽນ ມສ ພອນສະຫວັນຊົນເຜົ່າ ແລະ ວິຊາຟິຊິກສາດ ​ແມ່ນທ້າວ ພອນໄຊ ໄຟປະດິດ ໂຮງຮຽນ ມສ ວຽງຈັນ.


​         ​ໃນ​ພິທີ​ດັ່ງກ່າວ, ທ່ານ ຊົມພູ ແກ້ວປັນຍາ ໄດ້ກ່າວ​ສະ​ແດງຄວາມ​ຍ້ອງຍໍ​ຊົມ​ເຊີຍ​ຕໍ່ຄະນະ​ຮັບຜິດຊອບ​ການ​ສອບ​ເສັງ, ຄູ-

ອາຈານຢູ່ໃນແຕ່ລະໂຮງຮຽນ ທີ່ໄດ້ເອົາໃຈໃສ່ຈັດຕັ້ງ​ແຕ່​ເລີ່ມຕົ້ນຈົນສາມາດຄັດເລືອກໄດ້ນັກຮຽນເກັ່ງ ປ5, ມ4 ແລະ ມ7 ທັງ 11

 ນ້ອງ ເປັນຕົວແທນໃຫ້ແກ່ນະຄອນຫຼວງວຽງຈັນ ເຂົ້າຮ່ວມສອບເສັງລະດັບຊາດ. ສະນັ້ນ, ຕໍ່ໄປກໍ່ຕ້ອງໄດ້ຂຸ້ນຂ້ຽວເອົາໃຈໃສ່ສິດ

ສອນເຂັ້ມຂຶ້ນກວ່າເກົ່າ ເພື່ອໃຫ້ບັນລຸຕາມເປົ້າໝາຍ ກໍ່ຄືໃຫ້ເສັງໄດ້ລະດັບຊາດທຸກຂັ້ນ ເພື່ອເປັນໃບໜ້າໃຫ້​ແກ່ນະຄອນຫຼວງວຽງ

ຈັນ. ໃນຂະນະດຽວກັນນັ້ນ, ທ່ານຍັງໄດ້ມອບໃບຢັ້ງຢືນ, ໃບຊົມເຊີຍ ແລະ ໃບຍ້ອງຍໍຈາກອົງການປົກຄອງນະຄອນຫຼວງ ແລະ

ພະແນກສຶກສາທິການ ແລະ ກິລາ ນະຄອນຫຼວງວຽງຈັນໃຫ້ຄູ-ອາຈານ, ໂຮງຮຽນທີ່ໄດ້ນັກຮຽນເກັ່ງ ແລະ  ນັກສອບເສັງແຕ່ລະ

ຄົນໃນຈຳນວນ 563 ຄົນ, ຍິງ 390 ເພື່ອເປັນຂວັນກໍາລັງໃຈໃນການສິດສອນ ແລະ ສຶກສາຮໍ່າຮຽນຕໍ່ໄປໃນອະນາຄົດ.