ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday800
mod_vvisit_counterYesterday1107
mod_vvisit_counterThis week5432
mod_vvisit_counterLast week5558
mod_vvisit_counterThis month15442
mod_vvisit_counterLast month14409
mod_vvisit_counterAll days814626

We have: 58 guests, 9 bots online
Your IP: 54.156.37.123
 , 
Today: ສ. ຫ. 18, 2017


ຂຽນໂດຍ Administrator   

      ໂຮງຮຽນ ຫ້ອມ​ສະຫວັນ ກວາດ​ແຊ໋ມ​​ເຖິງ 2 ຮຸ່ນ ​ໂຄງການປະ​ກວດ​ແຕ້ມ​ຮູບ​ ລົດ​ໂຕ​ໂຢຕ້າ​

ໃນ​ຝັນ​ຂອງ​ຂ້ອຍ 2017


​   ນັກຮຽນຂອງໂຮງຮຽນ ຫ້ອມ​ສະຫວັນ ສາມາດ​ກວາດ​ແຊ໋ມ​ໄດ້​ເຖິງ 2 ຮຸ່ນ​ ກໍ່ຄື ຮຸ່ນ​ອາຍຸ​ຕ່ຳ​ກວ່າ 8 ປີ

   ​ແລະ ຮຸ່ນ​ອາຍຸ 8-11 ປີ. ຂະນະ​ທີ່ ຮຸ່ນ​ອາຍຸ 12-15 ປີ ​ແຊ໋ມຕົກ​ເປັນ​ຂອງ​ໂຮງຮຽນ ສີ​ສັດຕະ​ນາກ  ​ໃນ​

   ໂຄງການ​ປະ​ກວດ​ແຕ້ມ​ຮູບ ລົດ​ໂຕ​ໂຢຕ້າ​ໃນ​ຝັນ​ຂອງ​ຂ້ອຍ ປະຈຳ​ປີ 2017.


         ເມື່ອຕອນ​ບ່າຍ​ວັນ​ທີ 1 ​ເມສາ ຜ່ານ​ມາ ທີ່​ສູນ​ການ​ຄ້າວຽງຈັນ​ເຊັນ​ເຕີ ນະຄອນຫຼວງວຽງຈັນ, ບໍລິສັດ ​ໂຕ​ໂຢຕ້າ ມໍ​ເຕີ ປະ

​ເທດ​ໄທ ຈຳກັດ ​ໄດ້​ຈັດ​ພິທີ​ປະ​ກາດ​ຜົນ​ລາງວັນ​ຊະນະ​ເລີດ ​ແລະ ມອບ​ລາງວັນ ກ່ຽວກັບໂຄງການ​ປະ​ກວດ​ແຕ້ມ​ຮູບ ລົດ​ໂຕ​ໂຢຕ້າ

​ໃນ​ຝັນ​ຂອງ​ຂ້ອຍ ປະຈຳ​ປີ 2017, ​ໂດຍ​ໃຫ້ກຽດ​ເຂົ້າ​ຮ່ວມ​ຂອງ​ທ່ານ ຮສ.ປອ ຄຳ​ຜາຍ ສີສະ​ຫວັນ ຮອງ​ລັດຖະມົນຕີ ກະຊວງ​ສຶກ

ສາ​ທິການ ​ແລະ ກິລາ, ທ່ານ ປະກອນ ວົງ​ວິທະຍາ​ພິຣົມ ປະທານ​ຝ່າຍ​ປະຕິບັດ​ການ​ສາຍ​ງານ​ຍ່ອຍ​ເຂດ​ພູມ​ມິ​ພາກ​ແມ່​ນ້ຳຂອງ ບໍລິ

ສັດ ​ໂຕ​ໂຢຕ້າ ມໍ​ເຕີ ປະ​ເທດ​ໄທ ຈຳກັດ, ທ່ານ ປອ. ມີ​ທອງ ສຸວັນ​ວິ​ໄຊ ຫົວໜ້າກົມ​ອະນຸບານ ​ແລະ ປະຖົມ​ສຶກສາ  ກະຊວງ​ສຶກ

ສາ​ທິການ ​ແລະ ກິລາ ພ້ອມ​ດ້ວຍ​ບັນດາ​ຫົວໜ້າ-ຮອງ​ຫົວໜ້າກົມ​ທີ່​ກ່ຽວຂ້ອງ,  ຕົວ​ແທນ​ຈຳໜ່າຍ​ໂຕ​ໂຢຕ້າ​ຢ່າງ​ເປັນ​ທາງ​ການ​ໃນ

ສ​ປປ ລາວ, ຄະນະ​ກຳມະການ​ຜູ້​ຊົງ​ຄຸນ​ວຸດ​ທິ, ຄູ-​ອາຈານ, ພໍ່​-ແມ່ ຜູ້​ປົກຄອງ ​ແລະ ນ້ອງ​ນັກຮຽນຢ່າງຫຼວງຫຼາຍ.


​           ໂອກາດ​ດັ່ງກ່າວ, ທ່ານ ປະກອນ ວົງ​ວິທະຍາ​ພິຣົມ ກ່າວ​ວ່າ: ໂຄງການ​ປະ​ກວດ​ແຕ້ມ​ຮູບ ລົດ​ໂຕ​ໂຢຕ້າ​ໃນ​ຝັນ​ຂອງ​ຂ້ອຍ

​ແມ່ນ​ເປັນ​ສ່ວນໜຶ່ງຂອງ​ນະ​ໂຍບາຍ “​ໂຕ​ໂຢຕ້າ ​ໄປ​ໃສ​ໄປ​ນຳ​ກັນ” ທີ່​ໄດ້​ສະໜັບສະໜູນສັງຄົມ​ລາວ ​ໃນ​ດ້ານ​ການ​ສຶກສາມາ​ໂດຍ​ຕະ

ຫຼອດ ​ໂດຍ​ໄດ້​ເລີ່​ມ​ໂຄງການ​ນີ້​ມາ​ແຕ່​ປີ 2011 ​ແລະ ປີ​ນີ້ ​ເປັນ​ປີ​ທີ່​ໄດ້ຜົນ​ງານຫຼາຍທີ່​ສຸດ​ທີ່​ເຄີຍ​ມີ​ມາ​ກ່ອນ ສູງ​ເຖິງ 4.660 ຮູບພາບ.

ທັງ​ນີ້, ກໍ່ຂໍ​ສະ​ແດງ​ຄວາມ​ຂອບ​ໃຈ​ແກ່​ກະຊວງ​ສຶກສາ​ທິການ ​ແລະ ກິລາ ​ແລະ ພາກສ່ວນ​ຕ່າງໆທີ່​ກ່ຽວຂ້ອງ​​ໃນ​ການສະໜັບສະໜູນ

​ໂຄງການ​ນີ້.


          ໂຄງການ​ປະ​ກວດ​ແຕ້ມ​ຮູບ​ໃນ​ຫົວ​ຂໍ້  “ລົດ​ໂຕ​ໂຢຕ້າ​ໃນ​ຝັນ​ຂອງ​ຂ້ອຍ”  ​ແມ່ນ​ໄດ້​ຈັດ​ຂຶ້ນ​ເປັນ​ຄັ້ງ​ທີ  11 ​ໃນ​ລະດັບ​ສາກົນ

​ແລະ  ​ໃນ​ປີ 2017 ​ໄດ້​ຈັດ​ຂຶ້ນ​ຢ່າງ​ຍິ່ງ​ໃຫຍ່ ດ້ວຍ​ການ​ເປີດ​ກວ້າງ​ການ​ປະ​ກວດ​ຂຶ້ນ​ໃນ​ທົ່ວ​ປະ​ເທດ ​ໂດຍ​ໄດ້​ຮັບ​ຄວາມ​ສົນ​ໃຈ​ຈາກ​

ເຍົາ​ວະ​ຊົນ ​ແລະ ພໍ່-​ແມ່ ຜູ້​ປົກຄອງ​ເປັນ​ຈຳນວນຫຼາຍ, ​ເຊິ່ງມີ​ຍອດ​ລວມຜູ້​ສະໜັກທັງໝົດ 4.660 ຄົນ  ຈາກ  18 ​ແຂວງທົ່ວ​ປະ

​ເທດ ​ແລະ ​ໄດ້​ຮັບ​ກຽດ​ເປັນ​ຄະນະ​ກຳມະການ​ຈາກ​ກະຊວງ​ສຶກສາ​ທິການ ​ແລະ ກິລາ, ກະຊວງ​ຖະ​ແຫຼງຂ່າວ,ວັດ​ຖະນະ​ທຳ ​ແລະ

ທ່ອງ​ທ່ຽວ ​ແລະ ກົມ​ວິຈິດ​ສິນ​ແຫ່ງ​ຊາດ ​ເພື່ອມາ​ຄັດ​ເລືອກ​ຮູບ​ແຕ້ມ​ຈົນ​ໄດ້​ຜູ້​ຊະນະ​ເລີດ​ໃນ​ແຕ່ລະ​ປະ​ເພດ​ອາຍຸ.  ​ໃນ​ນີ້, ຮຸ່ນ​ອາຍຸ

​ຕ່ຳ​ກວ່າ 8 ປີ ຊະນະ​ເລີດ​ແມ່ນ ນາງ ​ແກ້ວ​ອຳ​ພາ ສາຍ​ສະຫວັນ ຈາກ​ໂຮງຮຽນ ຫ້ອມ​ສະຫວັນ, ອັນ​ດັບ​ທີ 2 ​ແມ່ນ ທ້າວ ຈິດຕະ

ກອນ ​ໂພທິ​ສານ ​ໂຮງຮຽນ ສອນ​ແຕ້ມ​ຮູບ ອິດ​ເຕິ​ນອາດ, ອັນດັບ 3 ​ແມ່ນ ທ້າວ ​ເກດສະໜາ ຈັນ​ມາລາ​ ຈາກ​ໂຮງຮຽນຫ້ອມ​ສະ

ຫວັນ ​ແລະ ລາງວັນ​ຊົມ​ເຊີຍ ​ແມ່ນ ນາງ ​ເມ​ທິກ​ອນ ສີ​ສົມບັດ ຈາກ​ໂຮງຮຽນ ຊ້າງ​ນ້ອຍ ​ແລະ ທ້າວ  ວິລສັກ ສຸກ​ສົມ​ຫວັງ ຈາກ

​ໂຮງຮຽນ ຫ້ອມ​ສະຫວັນ; ຮຸ່ນ​ອາຍຸ 8-11 ປີ ຊະນະ​ເລີດ ​ແມ່ນ ທ້າວ ຄຳ​ພູ ສີ​ຫາ​ລາດ ຈາກ​ໂຮງຮຽນ ຫ້ອມ​ສະຫວັນ, ອັນ​ດັບ​ທີ

2 ​ແມ່ນ ທ້າວ ​ແອ່ນ​ດີ້ ​ແກ້ວ​ວົງສາ ຈາກ​ໂຮງຮຽນ ຫ້ອມ​ສະຫວັນ  ອັນ​ດັບ​ທີ 3 ​ແມ່ນ   ທ້າວ ທັນວາ  ດາລາ​ສັກ ຈາກ​ໂຮງຮຽນ

ຫ້ອມ​ສະຫວັນ ​ແລະ ລາງວັນ​ຊົມ​ເຊີຍ ​ແມ່ນ ນາງ ພິລິ​ສາ ອິນ​ທະ​ວົງ ຈາກ​ໂຮງຮຽນ ຫ້ອມ​ສະຫວັນ ​ແລະ ທ້າວ ຊະນະ​ສິນ ​ໂພ

ທິ​ສານ ​ໂຮງຮຽນ ສອນ​ແຕ້ມ​ຮູບ ອິດ​ເຕິ​ນອາດ. ສ່ວນຮຸ່ນ​ອາຍຸ 12-15 ປີ ຊະນະ​ເລີດ​ແມ່ນ ນາງ ລັດຕະນາ ຈັນ​ດາ​ວົງ  ຈາກ​ໂຮງ

ຮຽນ ສີ​ສັດຕະ​ນາກ, ອັນ​ດັບ​ທີ 2 ​ແມ່ນ ນາງ ນິດ​ຕິ​ພອນ ລິນ​ທອງ ຈາກ​ໂຮງຮຽນ ສິນ​ໄຊ, ອັນ​ດັບ​ທີ 3 ​ແມ່ນ  ນາງ  ອາລີ ສີດາ

​ພອນ ​ໂຮງຮຽນ ສອນ​ແຕ້ມ​ຮູບ ອິດ​ເຕິ​ນອາດ ​ແລະ ລາງວັນ​ຊົມ​ເຊີຍ​ແມ່ນ ນາງ ສຸກ​ສະຫວັນ ມະນີ​ວົງ​ໄຊ  ຈາກ​ໂຮງຮຽນ ສີສັດ

ຕະນາກ ​ແລະ ທ້າວ ​ເຈ​ມບອນ ຈະ​ເລີ​ນສຸກ ຈາກ​ໂຮງຮຽນ ຫ້ອມ​ສະຫວັນ


         ສຳລັບ​ຜູ້​ຊະນະ​ເລີດ​ໃນ​ແຕ່ລະ​ຮຸ່ນ​ອາຍຸ  ແມ່ນ​ໄດ້​ຮັບ​ທຶນ​ການ​ສຶກສາ 5 ລ້ານ​ກີບ ພ້ອມ​ກັບ​ຂັນ​ລາງວັນ ​ແລະ ​ໃບ​ຢັ້ງຢືນ.

ນອກຈາກ​ນີ້, ທາງ​ໂຕ​ໂຢຕ້າ ຍັງ​ໄດ້​ເພີ່ມ​ລາງວັນ​ພິ​ເສດ ​ເ​ປັນ​ແພັກ​ເກັດ​ໄປ​ທັດສະນະ​ສຶກສາ​ທີ່​ນະຄອນຫຼວງບາງກອກ ປະ​ເທດ​ໄທ

ພ້ອມ​ຜູ້​ປົກ​ຄອງ 1 ທ່ານ ​ເປັນ​ເວລາ  2 ມື້ 1 ຄືນ,  ​ເຊິ່ງຈະ​ເປັນ​ໂອກາດ​ທີ່​ນ້ອງໆຈະ​ໄດ້​ໄປ​ທ່ຽວຊົມ​ຫໍພິພິຕະພັນ​ສິລະ​ປະ​ຂອງ​ປະ

​ເທດ​ໄທ ​ເພື່ອ​ເປັນ​ແຮງ​ບັນດານ​ໃຈ​ໃນ​ການ​ສ້າງ​ຜົນງານ​ຄັ້ງ​ຕໍ່​ໄປ​ໃນ​ອະນາຄົດ. ສ່ວນ​ໂຮງຮຽນທີ່​ສົ່ງ​ເຂົ້າ​ຮ່ວມ ​ແມ່ນ​ໄດ້ທຶນ​ສະໜັບ

ສະໜູນ 5 ລ້ານ​ກີບ; ອັນ​ດັບ​ທີ 2 ​ແມ່ນ​ໄດ້​ຮັບ​ທຶນ​ການ​ສຶກສາ 4 ລ້ານ​ກີບ ພ້ອມ​ຂັນ ​ແລະ ​​ໃບ​ຢັ້ງຢືນ. ສ່ວນໂຮງຮຽນທີ່​ສົ່ງ​ເຂົ້າ

​ຮ່ວມ ກໍ່ໄດ້ຮັບທຶນ​ສະໜັບສະໜູນ 4 ລ້ານ​ກີບ; ອັນ​ດັບ​ທີ 3 ​ແມ່ນ ​ໄດ້​ຮັບທຶນ​ການ​ສຶກສາ 3  ລ້ານ​ກີບ  ພ້ອມ​ຂັນ ​ແລະ ​​ໃບ​ຢັ້ງ

ຢືນ. ສ່ວນໂຮງຮຽນທີ່​ສົ່ງ​ເຂົ້າ​ຮ່ວມກໍ່ໄດ້ທຶນ​ສະໜັບສະໜູນ 3 ລ້ານ​ກີບ ​ແລະ ລາງວັນ​ຊົມ​ເຊີຍແມ່ນ​ໄດ້ຮັບ​ທຶນ​ການ​ສຶກສາຜູ້​ລະ

1 ລ້ານ​ກີບ. ສ່ວນໂຮງຮຽນທີ່​ສົ່ງ​ເຂົ້າ​ຮ່ວມ ກໍ່ໄດ້ທຶນ​ສະໜັບສະໜູນ​​ແຫ່ງ​ລະ 1 ລ້ານ​ກີບ​ເຊັ່ນ​ກັນ.ນອກຈາກ​ນີ້, ຜົນງານ​ຂອງ​ຜູ້​ທີ່

​ໄດ້​ຮັບ​ລາງວັນ 1,2,3  ​ໃນ​ແຕ່​ຮຸ່ນ​ອາຍຸ ຈະ​ຖືກສົ່ງ​ໄປ​ເຂົ້າ​ຮ່ວມ​ປະ​ກວດ​ໃນ​ລະດັບ​ໂລກ ທີ່​ປະ​ເທດ​ຍີ່ປຸ່ນ,ເຊິ່ງຈະ​ໄດ້​ປະກາດ​ລາງ

ວັນ ​ໃນ​ເດືອນ​ກໍລະກົດ 2017 ​ແລະ ຫາກ​ຜົນງານ​ຕິດ​ອັນ​ດັບ​ 1 ​ໃນ 3 ກໍ່ຈະ​ໄດ້​​ເດີນທາງ​ໄປ​ຮັບ​ເອົາ​ລາງວັນ​ດ້ວຍ​ຕົນ​ເອງ.