ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday2091
mod_vvisit_counterYesterday3513
mod_vvisit_counterThis week2091
mod_vvisit_counterLast week25878
mod_vvisit_counterThis month109211
mod_vvisit_counterLast month168269
mod_vvisit_counterAll days636849

We have: 44 guests, 5 bots online
Your IP: 54.225.15.88
 , 
Today: ມ. ສ. 23, 2017


ຂຽນໂດຍ ສາວ​ແກ້ວ​ອຸດົມ   

ສສກ ຕີລາຄືນວຽກງານ​​ສະພາທີ່ປຶກສາອາຊີວະສຶກສາແລະ ພັດທະນາສີມືແຮງງານແຫ່ງຊາດ


   ກະຊວງ​ສຶກສາ​ທິການ ​ແລະ ກິລາ (ສສກ) ຈັດກອງປະຊຸມສະຫຼຸບ​ ແລະ ທົບ​ທວນ​ຄືນ​ການ​ເຄື່ອນ

   ​​ໄຫວ​ວຽກ​ງານຂອງ​ສະພາອາຊີ​ວະສຶກສາ ​ແລະ ພັດທະນາ​ຊີ​ມື​ແຮງ​ງານ​ແຫ່ງ​ຊາດ ​​ເພື່ອເປັນ​ການ​ສະ

   ຫຼຸບ​ສັງ​ລວມຂໍ້​ສະດວກ, ຂໍ້ຄົງຄ້າງ ​ແລະ ບົດຮຽນ​ທີ່​ຖອດ​ຖອນ​ໄດ້



        ພ້ອມ​ທັງ​ປັບປຸງ​ໂຄງ​ປະກອບ​ບຸ​ຄະລາ​ກອນ, ພາລະ​ບົດບາດ ​ແລະ ໜ້າ​ທີ່​ຂອງ​ສະພາ ລວມທັງ​ນິຕິ​ກຳ​ທີ່​ກ່ຽວຂ້ອງ​ກັບ​

ຫ້ອງການ​ປະຈຳ ​ແລະ ໜ່ວຍ​ງານ​ກຸ່ມ​ອາຊີບ​ໃຫ້​ສອດຄ່ອງ​ກັບ​ສະພາບ​ການ​ໃນ​ໄລຍະ​ໃໝ່ ສາມາດ​ເປັນ​ອົງການ​ໃຫ້​ຄຳ​ປຶກສາ,

ອົງການ​ປະສານ​ງານ​ໃນ​ຂົງ​ເຂດ​ການ​ຮ່ວມ​ມື​ພາກ​ລັດ​ເອກະ​ຊົນ​ໃຫ້​ນັບ​ມື້​ນັບ​ຂະຫຍາຍຕົວທັງ​ດ້ານ​ປະລິມານ ​ແລະ ຄຸນະພາບ.

​ກອງ​ປະຊຸມ​ສະ​ໄໝ​ສາມັນ ຄັ້ງ​ທີ 7 ຂອງ​ສະພາ​ທີ່​ປຶກສາ​ອາຊີ​ວະ​ສຶກສາ ​ແລະ ພັດທະນາ​ສີມື​ແຮງ​ງານ​ແຫ່ງ​ຊາດໄດ້​ມີ​ຂຶ້ນເມື່ອ

​ວັນ​ທີ 29 ​ມີນາ ຜ່ານ​ມາ ທີ່ໂຮງ​ແຮມ​ລ້ານ​ຊ້າງ ນະຄອນຫຼວງ​ວຽງ​ຈັນ​,  ​ໂດຍ​ພາຍ​ໃຕ້​ການ​​ເປັນ​ປະທານ​ຂອງ​ທ່ານ ນາງ ​ແສງ​

ເດືອນ ຫຼ້າ​ຈັນທະ​ບູນ ລັດຖະມົນຕີ​ ກະຊວງ​ສຶກສາ​ທິການ ​ແລະ ກິລາ ​ທັງ​ເປັນ​ປະທານ​ສະພາ​ທີ່​ປຶກສາ​ອາຊີວະ​ສຶກສາ ​ແລະ

ພັດທະນາ​ສີມື​ແຮງ​ງານ​ແຫ່ງ​ຊາດ ທ່ານ ອຸ​ເດດ ສຸວັນນະ​ວົງ ປະທານ​ສະພາ​ການ​ຄ້າ ​ແລະ ອຸດສາຫະກຳ​ແຫ່ງ​ຊາດ ​ແລະ ທ່ານ

ບຸນ​ຄົງ ຫຼ້າ​ສຸ​ກັນ ຮອງ​ລັດຖະມົນຕີ  ກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມມີ​ບັນດາ​ຮອງ​ລັດຖະມົນຕີ​ຈາກ​ກະຊວງ

​ທີ່​ກ່ຽວຂ້ອງ, ຫົວໜ້າ​ກົມ-​ຮອງ​ກົມ, ຫົວໜ້າ​ຫ້ອງການ, ຫົວໜ້າ​ພະ​ແນ​ກ, ສະ​ຖາ​ບັນ ​ ແລະ  ສູນພາຍ​ໃນ​ກະຊວງ​ສຶກສາ​ທິ

ການ ​ແລະ ກິລາ ​ແລະ ​ກະຊວງ​ອ້ອມ​ຂ້າງ ຕະຫຼອດ​ຮອດ​ສະມາຊິກ​ສະພາ​ທີ່​ປຶກສາ​ອາຊີວະ​ສຶກສາ ​ແລະ ພັດທະນາ​ສີມື​ແຮງ​

ງານ​ແຫ່ງ​ຊາດ, ​ແຂກ​ທີ່​ຖືກ​ເຊີນ​ເຂົ້າ​ຮ່ວມ.


       ​ ​ໂອກາດ​ດັ່ງກ່າວ, ທ່ານ ນາງ ​ແສງ​ເດືອນ ຫຼ້າ​ຈັນທະ​ບູນ ​ໄດ້​ກ່າວ​ວ່າ: ກອງ​ປະຊຸມ​ສະ​ໄໝ​ສາມັນ ຄັ້ງ​ທີ 7 ຂອງ​ສະພາ​ທີ່​

ປຶກສາ​ອາຊີ​ວະ​ສຶກສາ ​ແລະ ພັດທະນາ​ສີມື​ແຮງ​ງານ​ແຫ່ງ​ຊາດ ​​ແມ່ນ​ເປັນ​ກອງ​ປະຊຸມ​ທີ່​ມີ​ຄວາມ​ໝາຍ​ຄວາມ​ສຳຄັນ​ຫຼາຍ ​ເພາະ

​ຜູ້​ເຂົ້າ​ຮ່ວມ​ຈະ​ໄດ້​ຮັບ​ຟັງ​ການລາຍ​ງານ​ບົດ​ສະຫຼຸບ​ການ​ເຄື່ອນ​ໄຫວ​ວຽກ​ງານ​ຂອງ​ສະພາ​ທີ່​ປຶກສາ​ອາຊີວະ​ສຶກສາ​ແຫ່ງ​ຊາດ  ປີ  

2011-2016 ໂດຍ​ສັງ​ເຂ​ບ ​ແລະ ທິດ​ທາງ​ແຜນການ ປີ 2016-2017, ການຈັດ​ຕັ້ງ​ປະຕິບັດ​ການ​ຮຽນ-ການ​ສອນ​ແບບ​ຄວບ​ຄູ່​

ໃນ​​ໄລຍະຜ່ານ​ມາສະ​ໜີ​ແນວ​ຄວາມ​ຄິດ​ກ່ຽວ​ກັບ​ການ​ປັບປຸງ​ຮ່າງ​ດຳລັດ​ ວ່າ​ດ້ວຍ​ການ​ແຕ່ງ​ຕັ້ງ​ສະມາຊິກ​ສະພາພາລະ​ບົດບາດ,

ໜ້າ​ທີ່ ​ແລະ ຂອບ​ສິດ​ຂອງ​ສະພາ  ​ເພື່ອ​ສ້າງ​ຂໍ້​ຕົກລົງ​ຂອງ​ປະທານ​ສະພາ​​ຫ້ອງການ​ປະຈຳ​ສະພາ​ທີ່​ປຶກສາ​ອາຊີວະ​ສຶກສາ  ​ແລະ

ພັດທະນາ​ສີມື​ແຮງ​ງານ​ແຫ່ງ​ຊາດວ່າ​ດ້ວຍ​ການຈັດ​ຕັ້ງ ​ແລະ ການ​ເຄື່ອນ​ໄຫວ​ຂອງ​ສະພາ​ທີ່​ປຶກສາ​ອາຊີວະ​ສຶກສາ ​ແລະ ພັດທະ

ນາ​ສີມື​ແຮງ​ງານ​ແຫ່ງ​ຊາດ ​ແນ​ໃສ່​ສ້າງ​ຄວາມ​ເຂັ້ມ​ແຂງ​ແກ່​ສະພາໃຫ້​ສາມາດ​ເຄື່ອນ​ໄວ​ຢ່າງ​ມີ​ປະສິດທິພາບ​ສູງ​ກວ່າ​​ເກົ່າ. ນອກ

ຈາກ​ນັ້ນ, ຜູ້​​ເຂົ້າຮ່ວມ​ຍັງ​ໄດ້​ຄົ້ນ​ຄວ້າ, ​ແລກປ່ຽນ​ຄວາມ​ຄິດ,ປຶກສາ​ຫາລື ຫາ​ວິທີ​ທາງ​ແກ້​ໄຂ​ບັນຫາ​ຕ່າງໆ​ທີ່​ກ່ຽວຂ້ອງ​ກັບ​ວຽກ

​ງານ​ອາຊີວະ​ສຶກສາ ​ແລະ ອົບຮົມ​ວິຊາ​ຊີບ ກໍ່​ຄື ການສ້າງ ແລະ ພັດທະນາສີມືແຮງງານພາຍໃນປະເທດ.


      ພ້ອມດຽວກັນນັ້ນ, ທ່ານລັດຖະມົນຕີ ກະຊວງສຶກສາທິການ ແລະ ກິລາ ຍັງໄດ້ເນັ້ນໜັກໃຫ້ ຜູ້ເຂົ້າຮ່ວມຈົ່ງສຸມຈິດສຸມ

ໃຈພ້ອມກັນປະກອບຄຳຄິດເຫັນໃສ່ແຕ່ລະບັນຫາຢ່າງມີຄວາມຮັບຜິດຊອບສູງ ເພື່ອເຮັດໃຫ້ບັນຫາທີ່ນຳມາສະເໜີໃນກອງປະ

ຊຸມຄັ້ງນີ້ ມີເນື້ອໃນຄົບຖ້ວນສົມບູນ,ມີຄວາມເປັນເອກະ ພາບ ສາມາດສັງລວມ​ເປັນແນວຄວາມຄິດຊີ້ນຳໃນການຈັດຕັ້ງປະຕິ

ບັດໃນຕໍ່ໜ້າຢ່າງມີໝາກຜົນ. ທັງນີ້, ກໍ່ເພື່ອເຮັດໃຫ້ການຮ່ວມມືພາກລັດ ແລະ  ເອກະຊົນໃນຂົງເຂດຂອງວຽກງານໃຫ້ໄປສູ່ຄຸ

ນະພາບໃໝ່ ແລະ ສາມາດປະກອບສ່ວນເຂົ້າໃນການຈັດຕັ້ງປະຕິບັດແຜນຍຸດທະສາດພັດທະນາເສດຖະກິດ-ສັງຄົມ ຄັ້ງທີ 8

ເວົ້າລວມ, ເວົ້າສະເພາະແມ່ນການຈັດຕັ້ງປະຕິບັດແຜນຍຸດທະສາດພັດທະນາອາຊີວະສຶກສາ  ແລະ  ພັດທະນາສີມືແຮງງານ

2016-2020 ໃຫ້ປາກົດຜົນ​ເປັນຈິງເທື່ອລະກ້າວ.


      ຂະນະ​ດຽວ​ກັນ​ນັ້ນ,​ ທ່ານ ບຸນ​ຍໍ ​ເພັດ​ສະໝອນ ຫົວໜ້າ​ຫ້ອງການ​ປະຈຳ ສະພາ​ທີ່​ປຶກສາ​ອາຊີວະ​ສກສາ ​ແລະ ພັດ​ທະ

​ນາ​ສີມື​ແຮງ​ງານ​ແຫ່ງ​ຊາດ ກະຊວງ​ສຶກສາ​ທິການ ​ແລະ ກິລາ ​ໄດ້​ຜ່ານ​ບົດ​ສະຫຼຸບ​ການ​ເຄື່ອນ​ໄຫວ​ວຽກ​ງານ​ຂອງ​ສະພາ​ທີ່​ປຶກ

ສາ​ອາຊີວະ​ສຶກສາ​ແຫ່ງ​ຊາດ ປີ 2011-2016 ​ໃຫ້​ຊາບວ່າ: ​ຜົນສຳ​ເລັດ​ການ​​ເຄື່ອນ​ໄຫວ​ວຽກ​ງານ ​ແມ່ນ​ໄດ້​ປະຕິບັດ​ພາລະ​ບົດ

ບາດ ​ແລະ  ໜ້າ​ທີ່​ຂອງ​ຕົນ​​ ​ເປັນ​ຕົ້ນ​ແມ່ນ​ໄດ້​ສຳເລັດການຄົ້ນຄວ້າ​ຄວາມ​ອາດ​ສາມາດ​ໃນ​ການ​ສ້າງ​ຕັ້ງ​ສະພາ​ທີ່​ປຶກສາ​ອາຊີວະ​

ສຶກສາ ​ແລະພັດທະນາ​ສີມື​ແຮງ​ງານ​ຂັ້ນ​ແຂວງ; ປັບປຸງ​ພາລະ​ບົດບາດ ​ແລະ  ຂະຫຍາຍ​ໜ່ວຍ​ງານ​ກຸ່ມ​ອາຊີບ​ທັງ​ໝົດ12 ກຸ່ມ

​ແລະ ​ໄດ້​ຊີ້​ນຳ​ໃນ​ການ​ກະກຽມ​ການ​ສ້າງ​ຕັ້ງ​ໜ່ວຍ​ງານ​ກຸ່ມ​ອາຊີບ​ກະສິກຳ ​ແລະ ກຸ່ມ​ອາຊີບ​ສະໜອງ​ນໍ້າ; ສ້າງ​ຄວາມ​ເຂັ້ມ​ແຂງ​

ໃຫ້​ແກ່​ຫ້ອງການ​ປະຈຳສະພາທີ່​ປຶກສາ​ອາຊີວະ​ສຶກສາແລະ ພັດທະນາ​ສີມື​ແຮງ​ງານ​ແຫ່ງ​ຊາດໂດຍ​ສະເພາະ​ແມ່ນ​ການຈັດ​ເຝິກ

ອົບຮົມ​ດ້ານ​ວິຊາ​ການ​ໃຫ້​ແກ່​ພະນັກງານ​ຂອງ​ຫ້ອງການ​​ຊີ້​ນຳ​ໜ່ວຍ​ງານ​ວິຊາ​ການ​ຮັບຮອງ​ມາດຕະຖານ​ສີມື​ແຮງ​ງານ​ໃນ 7 ​ອາ

ຊີບ ລວມມີ 23 ສາຂາອາຊີບຍ່ອຍຊີ້ນຳການປະສານງານລະຫວ່າງສະຖານອາຊີວະສຶກສາ ແລະ ສະຖານປະກອບການສ້າງ

ມາດຕະຖານສະມັດຕະພາບໃນ 4 ອາຊີບ ລວມມີ 17 ສາຂາອາຊີບ; ໃຫ້ຄຳປຶກສາໃນການສ້າງນິຕິກຳກ່ຽວກັບວຽກງານອາ

ຊີວະສຶກສາ ແລະ ພັດທະນາສີມືແຮງງານ ເປັນຕົ້ນແມ່ນກົດໝາຍວ່າດ້ວຍອາຊີວະສຶກສາ ສະບັບປີ 2014ກົດໝາຍວ່າດ້ວຍ

ແຮງງານ ສະບັບປັບປຸງ ປີ 2014 ແລະໄດ້ຮ່ວມມືກັບຄູ່ຮ່ວມພັດທະນາໃນການເຜີຍແຜ່ບັນດານິຕິກຳກ່ຽວກັບວຽກງານພັດ

ທະນາອາຊີວະສຶກສາ ແລະ ພັດທະນາສີມືແຮງງານ.


         ສ່ວນທິດທາງແຜນການໃນຕໍ່ໜ້າ ປີ 2017 ແມ່ນຈະໄດ້ສືບຕໍ່ໃຫ້ຄຳປຶກສາ ແລະ ປະກອບ ຄຳເຫັນຕໍ່ການສ້າງ,ປັບປຸງ

ນິຕິກຳ ແລະລະບຽບການຕ່າງໆໃນການຄຸ້ມຄອງມະຫາພາກ ກ່ຽວກັບການພັດທະນາອາຊີວະສຶກສາ ແລະ ພັດທະນາສີມືແຮງ

ງານ;ໃຫ້ຄຳປຶກສາ ແລະ ປະກອບຄໍາເຫັນໃນການຊຸກຍູ້ ແລະ ສົ່ງເສີມການເຝິກອົບຮົມແບບຄວບຄູ່ລະຫວ່າງສະຖານອາຊີວະ

ສຶກສາສະຖານ ພັດທະນາສີມືແຮງງານ ແລະ ສະຖານປະກອບການ ກໍ່ຄື ໂຮງຈັກ-ໂຮງງານ ແນໃສ່ສ້າງກຳລັງແຮງງານໃຫ້ສອດ

ຄ່ອງກັບຄວາມຕ້ອງການຂອງຕະຫຼາດແຮງງານແລະເຊື່ອມໂຍງເຂົ້າກັບພາກພື້ນ ແລະ ສາກົນເທື່ອລະກ້າວໃຫ້ຄຳປຶກສາ ແລະ

ປະກອບຄຳເຫັນຕໍ່ການຄົ້ນຄວ້າວິໄຈອາຊີວະສຶກສາ ແລະ ອົບຮົມວິຊາຊີບ ໂດຍເລັ່ງໃສ່ປັບປຸງຄຸນະພາບ  ແລະ  ຄວາມສອດ

ຄ່ອງຂອງການກໍ່ສ້າງກຳລັງແຮງງານ ແລະ ໃຫ້ຄຳປຶກສາ, ປະກອບຄຳເຫັນຕໍ່ໍການຕິດຕາມກວດກາ ແລະ ປະເມີນຜົນການຈັດ

ຕັ້ງປະຕິບັດແຜນງານ   ແຜນການ  ແລະ ໂຄງການຕ່າງໆທີ່ກຳນົດໄວ້ໃນແຜນຍຸດທະສາດການພັດທະນາອາຊີວະສຶກສາ ແລະ

ພັດທະນາສີມືແຮງງານແຕ່ລະໄລຍະ.