ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday2112
mod_vvisit_counterYesterday3513
mod_vvisit_counterThis week2112
mod_vvisit_counterLast week25878
mod_vvisit_counterThis month109232
mod_vvisit_counterLast month168269
mod_vvisit_counterAll days636870

We have: 57 guests, 6 bots online
Your IP: 54.225.15.88
 , 
Today: ມ. ສ. 23, 2017


ຂຽນໂດຍ ສາວ​ແກ້ວ​ອຸດົມ   

ອົງການ UNFPA ສືບຕໍ່ພັດທະນາການສຶກສາ ແລະ ວຽກງານອື່ນໆໃນລາວ


   ອົງການ​ສະຫະ​ປະຊາ​ຊາດ ກອງ​ທຶນ​ສຳລັບ​ປະຊາກອນ (UNFPA) ສືບຕໍ່ພັດທະວຽກງານການສຶກສາ

   ແລະ ວຽກງານອື່ນໆທີ່​ກ່ຽວຂ້ອງ​ໃນ ສປປ  ລາວ  ໂດຍສະເພາະແມ່ນສຸມໃສ່ຈັດຕັ້ງປະຕິບັດກ່ຽວກັບ

   ຄວາມຮັບຮູ້ທາງດ້ານເພດສຶກສາ ໂດຍໄດ້ມີການເຊື່ອມສານເຂົ້າໃນຫຼັກສູດຊັ້ນມັດທະຍົມສຶກສາ,


        ການສຶກສານອກໂຮງຮຽນ, ວຽກງານສ້າງຄູ, ສະຖາບັນອາຊີວະສຶກສາຕ່າງໆ, ໃຫ້ການສະໜັບສະໜູນແກ່ເດັກຍິງ ແລະ

ການມີສ່ວນຮ່ວມຂອງໄວໜຸ່ມ ​ເປັນ​ຕົ້ນແມ່ນເດັກຍິງ ແນ່ໃສ່​ເຮັດໃຫ້ວຽກງານດັ່ງກ່າວເປັນຮູບປະທຳ ແລະ ບັນລຸຕາມເປົ້າໝາຍ

ທີ່ວາງໄວ້.ເມື່ອ​ວັນ​ທີ 28 ມີນາ ຜ່ານ​ມາ ທີ່​ກະຊວງ​ສຶກສາ​ທິກ​ານ ​ແລະ ກິລາ (​ເຂດ​ສະໜາມກິລາ​ເຈົ້າ​ອານຸວົງ)ໄດ້​ມີ​ພິທີ​ເຊັນ​ສັນ

ຍາ​ບົດບັນທຶກຄວາມ​ເຂົ້າ​ໃຈ​ກ່ຽວ​ກັບ​ຄູ່​ຮ່ວມ​ງານ​ ລະຫວ່າງ ກະຊວງ​ສຶກສາ​ທິການ ​ແລະ ກິລາ ​ແລະ ອົງການ​ສະຫະ​ປະຊາ​ຊາດ

ກອງ​ທຶນ​ສຳລັບ​ປະຊາກອນ (UNFPA), ​ໂດຍ​ໃຫ້​ກຽດ​ລົງ​ນາມຂອງ​ທ່ານ ນາງ ​ແສງ​ເດືອນ ຫຼ້າ​ຈັນທະ​ບູນ  ລັດຖະມົນຕີ ​ ກະ

ຊວງ​ສຶກສາ​ທິການ  ​ແລະ ກິລາ ​ແລະ ທ່ານ ນາງ  ​ເຟຼ​ເດີຣິກາ  ​ເມ​ເຢີ  ຜູ້ຕາງໜ້າ​ຈາກ​ອົງການ​ສະຫະ​ປະຊາ​ຊາດ ກອງ​ທຶນ​ສຳລັບ​

ປະຊາກອນ ປະຈຳ ສປປ ລາວ, ​ເຂົ້າ​ຮ່ວມ​ມີ​ບັນດາ​ຫົວໜ້າ-ຮອງ​ຫົວໜ້າກົມ, ຜູ້ຕາງໜ້າ​ຈາກ​ຫ້ອງການ, ສະ​ຖາ​ບັນ,  ສູນ,  ຄູ່

​ຮ່ວມ​ພັດທະນາ, ຜູ້​ຊ່ຽວຊານ ຕະຫຼອດ​ຮອດ​ບັນດາ​ພະນັກງານວິຊາ​ການ ​ແລະ ພາກສ່ວນ​ທີ່​ກ່ຽວຂ້ອງ.


​       ໃນ​ໂອກາດ​ດັ່ງກ່າວ, ທ່ານ ນາງ ​ແສງ​ເດືອນ ຫຼ້າ​ຈັນທະ​ບູນ ​ໄດ້​ກ່າວ​ວ່າ: ໃນໄລຍະຜ່ານມາ ອົງການ​ສະຫະ​ປະຊາ​ຊາດກອງ​

ທຶນ​ສຳລັບ​ປະຊາກອນ (UNFPA) ໄດ້ໃຫ້ການສະໜັບສະໜູນຕໍ່ຂະແໜງການສຶກສາ ແລະ ກິລາ  ແລະ  ຂະແໜງການຕ່າງໆ

ອ້ອມຂ້າງສູນກາງທີ່ກ່ຽວຂ້ອງ,  ເຊິ່ງໄດ້ສຸມໃສ່ຈັດຕັ້ງປະຕິບັດກ່ຽວກັບຄວາມຮັບຮູ້ທາງດ້ານເພດສຶກສາ  ໂດຍໄດ້ມີການເຊື່ອມ

ສານເຂົ້າໃນຫຼັກສູດຊັ້ນມັດທະຍົມສຶກສາ, ການສຶກສານອກໂຮງຮຽນ,ວຽກງານສ້າງຄູ ແລະ ສະຖາບັນອາຊີວະສຶກສາຕ່າງໆໃຫ້

ການສະໜັບສະໜູນ ແກ່ເດັກຍິງ ແລະ ການມີສ່ວນຮ່ວມຂອງໄວໜຸ່ມ ລວມໄປເຖິງການສົ່ງເສີມ ແລະ ພັດທະນາທາງດ້ານນະ

ໂຍບາຍຂອງໄວໜຸ່ມ ໂດຍສະເພາະເດັກຍິງໃຫ້ໄດ້ຮັບຮູ້ດ້ານຂໍ້ມູນຂ່າວສານ ການປ້ອງກັນ ແລະ ການຮັກສາສຸຂະພາບອີກດ້ວຍ

ແລະ ໃນແຜນງານໄລຍະທີ 6 ນີ້ກໍ່ໄດ້ສືບຕໍ່ຈັດຕັ້ງປະຕິບັດຕໍ່ວຽກງານດັ່ງກ່າວ ເພື່ອເຮັດໃຫ້ເປັນຮູບປະທຳ ແລະ ບັນລຸຕາມເປົ້າ

ໝາຍທີ່ວາງໄວ້ຍິ່ງຂຶ້ນເທື່ອລະກ້າວ,​ເຊິ່ງແຜນງານ ແລະ ໂຄງການ​ເປັນຕົວແບບທີ່ດີໃນການຈັດຕັ້ງປະຕິບັດໃຫ້ແກ່ຂະແໜງການ

ສຶກສາ ແລະ ກິລາ ແລະ ຂະແໜງການອື່ນໆທີ່ກ່ຽວຂ້ອງ, ແກ້ໄຂຄວາມແຕກໂຕນທາງດ້ານການສຶກສາ, ຂໍ້ມູນຂ່າວສານ, ການ

ປ້ອງກັນ ແລະ ການຮັກສາສຸຂະພາບ  ໂດຍສະເພາະຢູ່ເຂດຊົນນະບົດຮ່າງໄກຊອກຫຼີກ ແລະ ຕົວເມືອງໃຫ້ໄດ້ມີການພັດທະນາ

ສາມາດຍັບເຂົ້າຫາກັນເທື່ອລະກ້າວ.ພ້ອມດຽວກັນນັ້ນ, ທ່ານລັດຖະມົນຕີ ກະຊວງສຶກສາທິການ ແລະ ກິລາ ຍັງໃຫ້ຄຳໝັ້ນສັນ

ຍາວ່າຈະນຳໃຊ້ທຶນຊ່ວຍເຫຼືອດັ່ງກ່າວເຂົ້າໃນການຈັດຕັ້ງປະຕິບັດວຽກງານດ້ານຕ່າງໆຢ່າງມີປະສິດທິພາບສູງ ແລະ ໃຫ້ມີຄວາມ

ຍືນຍົງຕະຫຼອດໄປ.


       ການເຊັນສັນຍາໃນຄັ້ງນີ້, ກໍ່ເພື່ອເປັນການສືບຕໍ່ພັດທະວຽກງານການສຶກສາ ແລະ ວຽກງານອື່ນໆຢູ່ ສປປ ລາວ ພ້ອມ​ທັງ

​​ເປັນການ​ຮັດ​ແໜ້ນ​ສາຍສຳພັນ​ການ​ຮ່ວມ​ງານ ​ແລະ ​ເນັ້ນ​ໃສ່​ຄວາມ​ສຳຄັນ​ເພື່ອ​ຕອບ​ສະໜອງ​ຄວາມ​ຕ້ອງການ​ຂອງ​​ໄວ​ໜຸ່ມ ​ໂດຍ

​ສະ​ເພາະໄວ​ໜຸ່ມ​ຍິງ ​ເພື່ອ​ເຜີຍ​ແຜ່​ການ​ໂຄສະນາ “ນາງ​ ນ້ອຍ”, ​ເຊິ່ງການ​ໂຄສະນາ​ນາງ​ນ້ອຍ  ​​ໄດ້​ເປີດ​ໂຕ​ໃນ​ວັນ​ເດັກ​ຍິງ​ສາກົນ ປີ

2016 ​ແລະ ​ໄດ້​ນຳ​ເອົາ​ຄວາມ​ຈິງ​ທີ່​ເກີດ​ຂຶ້ນ​ໃນ​ລະຫວ່າງ​ບັນດາ​ໄວ​ໜຸ່ມ​ຍິງ​ມາ​ເປີດ​ເຜີຍ. ​ຜ່ານ​ການ​ສຳ​ຫຼວດພົນລະ​ເມືອງ ​ແລະທີ່

ຢູ່​ອາ​ໄສ​ທົ່ວ​ປະ​ເທດ ​ໃນປີ 2015 ​ໄດ້​ສະ​ແດງ​ໃຫ້​ເຫັນ​ວ່າ: ​ໄວ​ໜຸ່ມ​ຍິງ ຈຳນວນ 42.000 ຄົນ ບໍ່​ເຄີຍ​ໄດ້​ເຂົ້າ​ຮຽນ ​ແລະໄວ​ໜຸ່ມ

​ຍິງ ຈຳນວນ 91.662 ຄົນ ອາຍຸ​ລະຫວ່າງ 6-16 ປີ ​ແມ່ນ​ໄດ້​ອອກ​ໂຮງຮຽນ, ​ເຊິ່ງ​ເຫັນ​ວ່າ ​ໄວ​ໜຸ່ມ​ຍິງ​ທີ່​ບໍ່​ໄດ້​ເຂົ້າ​ໂຮງຮຽນ​ມີ​ທ່າ

​ອ່ຽງທີ່​ຈະ​ແຕ່ງງານ ​ແລະ ​ເອົາລູກ​ຕອນ​ອາຍຸ​ຍັງ​ນ້ອຍຄວາມ​ຈິງ​ແລ້ວ ສປປ ລາວມີອັດ​ຕາ​ການ​ແຕ່ງງານ​ແຕ່​ອາຍຸ​ນ້ອຍສູງ​ທີ່​ສຸດ​ໃນ​

ພູມີພາກ1ໃນ 10 ຂອງ​ໄວ​ໜຸ່ມ​ຍິງ​ແຕ່ງງານ​ຕອນ​ອາຍຸ 15 ປີ ​ແລະ ການ​ແຕ່ງງານ​ໄວຈຶ່ງ​ເປັນສາ​ເຫດ​ຂອງ​ການ​ຖືພາ​ໄວດ້ວຍ​ເຫດ

​ນີ້ ສປປ ລາວ ຈຶ່ງ​ມີ​ອັດຕາການ​ເກີດ​ລູກ​ຂອງ​ໄວ​ໜຸ່ມ​ສູງ​ທີ່​ສຸດ.  ສະ​ນັ້ນ, ການ​​ເຊັນ​ສັນຍາ​ໃນ​ຄັ້ງ​ນີ້, ​ ແມ່ນ​ເນັ້ນ​ໃສ່​ການ​ຮັກສາ​ບໍ່​

ໃຫ້​ໄວ​ໜຸ່ມ​ຍິງ​ອອກ​ໂຮງຮຽນສ້າງ​ໄວ​ໜຸ່ມ​ຍິງ​ໃຫ້​ມີ​ຄວາມ​ເຂັ້ມ​ແຂງ​ທາງ​ດ້ານ​ສຸຂະພາບ. ບັນຫາ​ເຫຼົ່າ​ນີ້  ​ຈະ​ສ້າງ​ໃຫ້​ປະ​ເທດ​ຊາດ​

ມີ​ບຸຄະລາ​ກອນ​ທີ່​ຊ່ວຍ​ສະໜັບສະໜູນໃຫ້​ປະ​ເທດ​ຊາດ​ຫຼຸດ​ພົ້ນ ​ຈາກ​ສະພາບ​ປະ​ເທດ​ດ້ອຍ​ພັດທະນາ   ​ແລະ  ກ້າວ​ສູ່​ການ​ບັນ

ລຸ​ເປົ້າ​ໝາຍ​ການ​ພັດທະນາ​ແບບ​ຍືນ​ຍົງ ​ໃນ​ປີ 2030.