ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday2579
mod_vvisit_counterYesterday3457
mod_vvisit_counterThis week9622
mod_vvisit_counterLast week22882
mod_vvisit_counterThis month73685
mod_vvisit_counterLast month137026
mod_vvisit_counterAll days738349

We have: 86 guests, 4 bots online
Your IP: 54.224.4.231
 , 
Today: ພ. ພ. 23, 2017


ຂຽນໂດຍ ສາວ​ສະຫວັນ   

ຢູນິເຊັບ ສືບຕໍ່ສ້າງຄວາມເຂັ້ມແຂງໃຫ້ວຽກງານການສຶກສາກ່ອນໄວຮຽນ ແລະ ປະຖົມສຶກສາ


   ອົງການຢູນິເຊັບ (UNICEF) ປະຈໍາ ສປປ ລາວ ສືບຕໍ່​ໃຫ້ການຊ່ວຍເຫຼືອໃນຂະແໜງການສຶກສາ

   ແລະ  ກິລາ  ເປັນຕົ້ນແມ່ນການສ້າງຄວາມເຂັ້ມແຂງແກ່ການບໍລິການດ້ານການສຶກສາກ່ອນໄວຮຽນ

   ແລະ ສືບຕໍ່ສະໜັບສະໜູນການປັບປຸງຄຸນະພາບການສຶກສາຊັ້ນປະຖົມສຶກສາ.

       ໃນວັນທີ 28 ມີນາ ຜ່ານມາ ທີ່ສໍານັກງານກະຊວງສຶກສາທິການ ແລະ ກິລາ ໄດ້ມີພິທີເຊັນສັນຍາກ່ຽວກັບການຊ່ວຍເຫຼືອ

ຂະແໜງການສຶກສາ ແລະ ກິລາ ໃນປີ 2017 ແລະ 2018ລະຫວ່າງກະຊວງສຶກສາທິການ ແລະ ກິລາ ແລະ ອົງການຢູນິເຊັບປະ

ຈໍາ ສປປ ລາວ, ໂດຍເປັນກຽດຮ່ວມລົງນາມຂອງທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການແລະ

ກິລາ ແລະ ທ່ານ ນາງ ຫົງເວ ກາວ ຫົວໜ້າອົງການຢູນິເຊັບ ປະຈໍາ ສປປ ລາວ, ມີບັນດາຫົວໜ້າ-ຮອງຫົວໜ້າກົມ, ສູນ, ສະຖາ

ບັນ ແລະ ວິຊາການທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.


      ການ​ລົງ​ນາມ​ຄັ້ງ​ນີ້, ອົງການຢູນິເຊັບ ປະຈໍາ ສປປ ລາວ ໄດ້ສ້າງແຜນປະຕິບັດງານຊ່ວຍເຫຼືອແກ່ກະຊວງສຶກສາທິການ ແລະ

ກິລາ ປະຈໍາປີ 2017 ແລະ 2018 ຄື:ໃນວຽກງານການສຶກສາກ່ອນໄວຮຽນແມ່ນສືບຕໍ່ສ້າງຄວາມເຂັ້ມແຂງແກ່ການບໍລິການດ້ານ

ການສຶກສາກ່ອນໄວຮຽນ ລວມທັງຂະຫຍາຍແຜນງານ ການກຽມຄວາມພ້ອມໃຫ້ແກ່ເດັກໃນຊຸມຊົນ ໂດຍໃຫ້ສອດຄ່ອງກັບບຸລິ

ມະສິດຂອງແຜນພັດທະນາການສຶກສາ ແລະ ກິລາ ໂດຍເນັ້ນໃສ່ປັບປຸງນະໂຍບາຍ ແລະ ມາດຕະຖານຂອງການສຶກສາກ່ອນໄວ

ຮຽນ, ປັບປຸງຄຸນະພາບການສຶກສາສໍາລັບຫ້ອງກຽມປະຖົມຂະຫຍາຍແຜນງານການກຽມຄວາມພ້ອມຂອງເດັກໃນຊຸມຊົນ ແລະ

ແຜນການຕອບໂຕ້ໄພພິບັດ, ເຊິ່ງໃຊ້ງົບປະມານສໍາລັບປີ 2017 ຈໍານວນ 5 ຕື້ກວ່າກີບ (722.500 ໂດລາສະຫະລັດ) ແລະ ປີ

2018 ຈໍານວນ 1 ຕື້ກວ່າກີບ (152.500 ໂດລາສະຫະລັດ).


       ສ່ວນວຽກງານປະຖົມສຶກສາ ແມ່ນສືບຕໍ່ສະໜັບສະໜູນການປັບປຸງຄຸນະພາບການສຶກສາຊັ້ນປະຖົມສຶກສາ ໂດຍສະເພາະ

ແມ່ນ ປັບປຸງແຜນນະໂຍບາຍ ແລະ ລະບົບການປະເມີນຜົນການຮຽນຂອງນັກຮຽນ, ປັບປຸງຄຸນະພາບການສິດສອນຂອງຄູ ລວມ

ທັງວຽກງານນິເທດພາຍໃນ ແລະ ພາຍນອກ, ປັບປຸງລະບົບການບໍລິຫານ ແລະ ຄຸ້ມຄອງໂຮງຮຽນ, ເຊິ່ງນໍາໃຊ້ງົບປະມານສໍາລັບປີ

2017 ຈໍານວນ 9 ຕື້ກວ່າກີບ (1.148.400 ໂດລາສະຫະລັດ) ແລະ ປີ 2018 ຈໍານວນ 7 ຕື້ກວ່າກີບ (953.000 ໂດລາສະຫະ

ລັດ). ນອກຈາກນີ້, ອົງການຢູນິເຊັບ ຍັງສືບຕໍ່ໃຫ້ການສະໜັບສະໜູນການສະໜອງນໍ້າສະອາດ ແລະ ສິ່ງອໍານວຍຄວາມສະດວກ

ທາງດ້ານສຸຂະອະນາໄມໃຫ້ແກ່ບັນດາໂຮງຮຽນອະນຸບານ ແລະ ໂຮງຮຽນປະຖົມຢູ່ເມືອງເປົ້າໝາຍຂອງໂຄງການຈໍານວນໜຶ່ງ  ໃນ

ມູນຄ່າ 11 ຕື້ກວ່າກີບ (1.426.973 ໂດລາສະຫະລັດ).