ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday2114
mod_vvisit_counterYesterday3513
mod_vvisit_counterThis week2114
mod_vvisit_counterLast week25878
mod_vvisit_counterThis month109234
mod_vvisit_counterLast month168269
mod_vvisit_counterAll days636872

We have: 57 guests, 6 bots online
Your IP: 54.225.15.88
 , 
Today: ມ. ສ. 23, 2017


ຂຽນໂດຍ ສາວ​ແກ້ວ​ອຸດົມ   

ອົງການຊາຍຟັນ​ ​ຊ່ວຍເຫຼືອປັບປຸງວຽກງານຂະແໜງການສຶກສາ ແຂວງຫົວພັນ


   ອົງການຊາຍຟັນ ​ໄດ້​ໃຫ້ການຊ່ວຍເຫຼືອວຽກງານໃນຂະແໜງການສຶກສາ ກໍ່ຄື ການປັບປຸງການສຶກສາ

   ເດັກກ່ອນໄວຮຽນ  (ອະນຸບານ)  ເມືອງຫົວເມືອງ  ພາຍໃຕ້ໂຄງການກຽມຄວາມພ້ອມເຂົ້າຮຽນ ແລະ

   ໂຄງການປັບປຸງຄຸນະພາບ ແລະ ຂະຫຍາຍໂອກາດເຂົ້າເຖິງການສຶກສາຂັ້ນພື້ນຖານ


        ທີ່ເມືອງຫົວເມືອງ ແລະ ເມືອງຊຳເໜືອ ແຂວງຫົວພັນ. ເມື່ອ​ວັນ​ທີ 28 ມີນາ​ ຜ່ານ​ມາ ທີ່​ໂຮງ​ແຮມ​ເມີ​ຄຽວ ນະຄອນຫຼວງ​

ວຽງ​ຈັນ ​ໄດ້​ມີ​ພິທີ​ເຊັນ​ສັນຍາ​ບົດ​ບັນທຶກ​ຄວາມ​ເຂົ້າ​ໃຈ (MOU)​ ລະຫວ່າງອົງການຊາຍຟັນ ປະຈຳລາວ ແລະ  ກະຊວງສຶກສາທິ

ການ ແລະ ກິລາ ໂດຍ​ໃຫ້​ກຽດ​ລົງ​ນາມ​ຂອງ​ທ່ານ ປອ. ມີ​ທອງ ສຸວັນ​ວິ​ໄຊ ຫົວໜ້າ​ກົມ​ອະນຸບານ ​ແລະ  ປະຖົມ​ສຶກສາ  ກະຊວງ

​ສຶກສາ​ທິການ ​ແລະ ກິລາ ​ແລະ ທ່ານ ນາງ ​ແກ້ວ​ອຳພອນ ສຸວັນນະ​ພູມ ຫົວໜ້າ​ອົງການ​ຊາຍ​ຟັນ ປະຈຳ​ລາວ, ​ເຂົ້າ​ຮ່ວມ​ເປັນ​ສັກຂີ

​ພິຍານຂອງ​ທ່ານ ຮສ.ປອ ຄຳ​ຜາຍ ສີສະ​ຫວັນ ຮອງ​ລັດຖະມົນຕີ ກະຊວງ​ສຶກສາ​ທິການ ​ແລະ ກິລາ,  ພ້ອມ​ດ້ວຍຮອງ​ເຈົ້າ​ແຂວງ

​ຫົວພັນ, ຫົວໜ້າ-​ຮອງ​ຫົວໜ້າ​ກົມ, ບັນດາ​ຄູ່​ຮ່ວມ​ພັດທະນາ ຕະຫຼອດ​ຮອດ​ພະນັກງານ​ທີ່​ກ່ຽວຂ້ອງ​.


         ການລົງນາມເຊັນບົດບັນທຶກຄວາມເຂົ້າໃຈໃນ​ຄັ້ງ​ນີ້,​​ ແມ່ນ​ມີທັງໝົດ 2 ​ໂຄງການ. ​ໃນ​ນັ້ນ, ​ໂຄງການ​ທີ 1 ​ແມ່ນ​​ໂຄງການ

​ປັບປຸງ​ຄຸນະພາບ ​ແລະ ຂະຫຍາຍ​ໂອກາດ​ການ​ເຂົ້າ​ເຖິງ​ການ​ສຶກສາ​ຂັ້ນ​ພື້ນຖານ​ຢູ່​ເມືອງ​ຫົວ​ເມືອງ ​ແລະ ​ເມືອງ​ຊຳ​ເໜືອ ​ແຂວງ​ຫົວ

ພັນ ​ພາຍ​ໃຕ້​ການຈັດ​ຕັ້ງປະຕິບັດ​ໂຄງການ​ຂອງ​ກຸ່ມ​ຄູ່​ຮ່ວມ​ພັດທະນາ​ອົງການ​ສາກົນ​ທີ່​ບໍ່​ຂຶ້ນ​ກັບ​ລັດຖະບານ​ຂອງ​ແຜນ​ງານ​ບີ​ຄວາ,

ເຊິ່ງໂຄງການດັ່ງກ່າວແມ່ນແຜນງານໄລຍະ 10 ປີ ທີ່ນຳພາການຈັດຕັ້ງປະຕິບັດໂດຍລັດຖະບານແຫ່ງ ສປປ  ລາວ  ແລະ  ລັດຖະ

ບານອອສເຕຣເລຍໂດຍການສະໜັບສະໜູນທຶນເພີ່ມເຕີມຈາກຫະພາບຢູໂຣບເພື່ອຊ່ວຍເຫຼືອເດັກນ້ອຍທີ່ດ້ອຍໂອກາດທາງການ

ສຶກສາໃຫ້ຮຽນຈົບການສຶກສາຂັ້ນພື້ນຖານທີ່ມີຄຸນະພາບ,ເຊິ່ງມີກຸ່ມຄູ່ຮ່ວມພັດທະນາອົງການສາກົນທີ່ບໍ່ຂຶ້ນກັບລັດຖະບານເປັນ

ສ່ວນໜຶ່ງຂອງແຜນງານບີຄວາປະກອບມີ ອົງການແພຣນສາກົນ, ອົງການຊ່ວຍເຫຼືອເດັກ, ອົງການສຸພະນິມິດ ແລະ ອົງການຊາຍ

ຟັນ ປະຈຳລາວ, ໂດຍມີໜ້າທີ່ຮັບຜິດຊອບໃນການຈັດຕັ້ງປະຕິບັດກິດຈະກຳ ເພື່ອສະໜັບສະໜູນການເຂົ້າເຖິງການສຶກສາ ແລະ

  ມີສ່ວນຮ່ວມຂອງເດັກນ້ອຍໃນໂຮງຮຽນປະຖົມເພີ່ມຂຶ້ນ, ເລັ່ງໃສ່ເພື່ອຮັບປະກັນວ່າເດັກນ້ອຍທຸກຄົນ  ໂດຍສະເພາະຜູ້ທີ່ບໍ່ເວົ້າ

ພາສາລາວ, ເດັກຍິງ ແລະ ເດັກພິການໃນໂຮງຮຽນທີ່ຍັງຂາດໂອກາດໃຫ້ສາມາດເຂົ້າຮຽນ ແລະ  ຈົບຊັ້ນປະຖົມສຶກສາທີ່ມີຄຸນະ

ພາບ ໂດຍການສະໜັບສະໜູນຈາກພໍ່-ແມ່ ແລະ ຊຸມຊົນເປັນເຈົ້າ.


       ການເຊັນບົດບັນທຶກຄວາມເຂົ້າໃຈໃນຄັ້ງນີ້, ອົງການຊາຍຟັນ ປະຈຳລາວ ຈະໄດ້ຈັດຕັ້ງປະຕິ ບັດກິດຈະກຳຫຼັກຢູ່ໃນເມືອງ

ຫົວເມືອງ ແລະ ເມືອງຊຳເໜືອ ແຂວງຫົວພັນ ລວມມີ 57  ໂຮງຮຽນເປົ້າໝາຍ  ທີ່ໄດ້ຮັບການຄັດເລືອກ  ເພື່ອສົ່ງເສີມການເຂົ້າ

ຮຽນ ແລະ ການມາໂຮງຮຽນຂອງເດັກໃນເກນອາຍຸຂັ້ນປະຖົມ, ໂດຍໄດ້ຮັບການສະໜັບສະໜູນຈາກລັດຖະບານອອສເຕຣເລຍ,

ສະຫະພາບຢູໂຣບ ແລະ ອົງການຊາຍຟັນ ໃນມູນຄ່າ 10,7 ຕື້​ກວ່າກີບ ຫຼື 1.312.505 ໂດລາສະຫະລັດ ແລະຈະສືບຕໍ່ປະຕິບັດ

ໄປຈົນສິ້ນສຸດໂຄງການໃນເດືອນກັນຍາ 2018.


        ສ່ວນ​ໂຄງການ​ທີ 2 ​ແມ່ນ​ໂຄງການກຽມ​ຄວາມ​ພ້ອມ​ເຂົ້າ​ຮຽນ ​ໂດຍ​ການ​ປັບປຸງ​ການ​ສຶກສາກ່ອນ​ໄວ​ຮຽນ (ອະນຸບານ) ​ຢູ່

​ເມືອງ​ຫົວ​ເມືອງ ​ແຂວງ​ຫົວພັນ,​ເຊິ່ງມີ​ກິດຈະກຳ​ຫຼັກ​​ໃນ​​ການ​ປັບປຸງ​ການ​ເຂົ້າ​ເຖິງ​ການ​ສຶກສາ​ເດັກ​ກ່ອນ​ໄວ​ຮຽນ (ອະນຸບານ) ​​ເພື່ອ

​ສ້າງ​ໂອກາດ​ໃນ​ການ​ພັດທະນາ​ເດັກນ້ອຍ ​ແລະ ​ໄວ​ໜຸ່ມ ດ້ວຍ​ການ​ປັບປຸງ​ການ​ເຂົ້າ​ເຖິງ​ການ​ສຶກສາກ່ອນ​ໄວ​ຮຽນ​ຢ່າງ​ມີ​ຄຸນະພາບ

​ຢູ່​ພາຍ​ໃນ​ເມືອງ​ດັ່ງກ່າວ. ນອກຈາກນັ້ນ, ຈະ​ສຸມ​ໃສ່​ກໍ່ສ້າງ ​ແລະ ຍົກ​ລະດັບສູນ​ການ​ສຶກສາກ່ອນ​ໄວ​ຮຽນ 4 ​ແຫ່ງ ພ້ອມ​ປະກອບ

​ເຟີ​ນິ​ເຈີ ​ແລະ ອຸປະກອນ​ການ​ຮຽນ-​ການ​ສອນ​ຕາມ​ຄວາມ​ເໝາະ​ສົມ, ຄັດ​ເລືອກ, ​ເຝິກອົບຮົມ ​ແລະ ​ແຕ່ງ​ຕັ້ງ​ຄູ​ສອນ​ໃນ​ສູນ​ການ

​ສຶກສາກ່ອນ​ໄວ​ຮຽນ, ປະ​ເມີນ ​ແລະ ພັດທະນາຂີດຄວາມສາມາດຂອງຄູສອນການສຶກສາກ່ອນໄວຮຽນເຝິກອົບຮົມການຄຸ້ມຄອງ

ແລະ ໃຫ້ການສະໜັບສະໜູນແກ່ຄະນະກຳມະການຄຸ້ມຄອງການກໍ່ສ້າງ ສູນການສຶກສາກ່ອນໄວຮຽນ, ​ເຊິ່ງໂຄງການແມ່ນຈະ​ປະ

ຕິບັດ​ຢູ່ 4 ຊຸມ​ຊົນ​ ໄປ​ຈົນ​ສິ້ນ​ສຸດ​ໂຄງການ​ໃນ​​ເດືອນ​ສິງຫາ 2019.


        ພາຍໃຕ້ບົດບັນທຶກຄວາມເຂົ້າໃຈ​​ຄັ້ງ​ນີ້, ອົງການ​ຊາຍ​ຟັນ ປະຈຳລາວ ຈະ​ໄດ້​ຈັດ​ຕັ້ງ​ປະຕິບັດ​ກິດຈະກຳ​ຢູ່​ໃນ​ເມືອງ​ຫົວ​ເມືອງ

​ແຂວງ​ຫົວພັນ, ​ເຊິ່ງ​ໂຄງການ​ໄດ້​ຮັບ​ການ​ສະໜັບສະໜູນ​ຈາກ​ລັດຖະບານ ສ ​ເກົາຫຼີ ​ໃນ​ມູນ​ຄ່າ 3,3 ຕື້​ກວ່າ​ກີບ ຫຼື 405.507 ​ໂດ

​ລາ​ສະຫະລັດ. ​​ໂຄງການ​ດັ່ງກ່າວ​ນີ້, ​​ແມ່ນສອດຄ່ອງ​ກັບ​ຮ່າງ​ແຜນ​ພັດທະນາ​ຂະ​ແໜງ​ການ​ສຶກສາ 2016-2020 ມີ​ຄວາມ​ມຸ້ງ​ຫວັງ

​ເພື່ອ​ເພີ່ມ​ການ​ເຂົ້າ​ເຖິງ​ການ​ຮຽນຊັ້ນ​ອະນຸບານ​ທີ່​ມີ​ປະສິດທິພາບ​​ໂດຍສຸມ​ໃສ່​ການ​ລວມ​ເອົາ​ເດັກນ້ອຍ​ຜູ້ຍິງ​ຂອງ​ຊົນ​ເຜົ່າ​ຈາກ​ຊຸມ​ຊົນ

​ແລະ ຜູ້​ທີ່​ອາ​ໄສ​ຢູ່​​ເຂດ​ຫ່າງ​ໄກສອກຫຼີກ ຫຼື ຄົນ​ທີ່​ທຸກ​ຍາກ​ທີ່​ສຸດ​ເປັນ​ຫຼັກ.