ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday2143
mod_vvisit_counterYesterday3513
mod_vvisit_counterThis week2143
mod_vvisit_counterLast week25878
mod_vvisit_counterThis month109263
mod_vvisit_counterLast month168269
mod_vvisit_counterAll days636901

We have: 83 guests, 4 bots online
Your IP: 54.225.15.88
 , 
Today: ມ. ສ. 23, 2017


ຂຽນໂດຍ ສາວ​ແກ້ວ​ອຸດົມ   

ວ.ລ ພະລະສຶກສາ ປະ​ເມີນ​ຜົນຂະບວນເຝິກຫັດວິຊາຊີບຄູ ທີ່ເມືອງໝື່ນ 


   ວິທະຍາໄລ (ວ.ລ) ພະລະສຶກສາ ກົມ​ພະລະ ​ແລະ ສິລະ​ປະ​ສຶກສາ ກະຊວງ​ສຶກສາ​ທິການ ​ແລະ ກິລາ

   ​ໄດ້​ສືບ​ຕໍ່​ເອົາ​ໃຈ​ໃສ່​ລົງ​ຕິດຕາມ ​ແລະ ປະ​ເມີນ​ຜົນ​ການ​ເຝິກ​ຫັດ​ວິຊາ​ຊີບ​ຂອງ​ນັກ​ສຶກສາຄູ​ພະລະສຶກສາ

   ​ອີກ 2 ​ໂຮງຮຽນ ​ທີ່​ເມືອງ​ໝື່ນ ​ແຂວງ​ວຽງ​ຈັນ


         ເພື່ອເປັນການປະຕິບັດຕາມແຜນການຕິດຕາມກວດກາການເຝິກຫັດຂອງນັກສຶກສາ ຄັ້ງທີ 3 ​ແນ​ໃສ່​ສ້າງ​ຄູ​ພະລະສຶກສາ​​

ໃຫ້​ມີ​ຄວາມ​ເຂັ້ມ​ແຂງ, ມີ​ຄວາມ​ຮູ້ ​ແລະ ສາມາດ​ນຳ​ເອົາ​ວຽກ​ງານພະລະ​​ໄປ​ໃຊ້​ພາຍ​ໃນ​ໂຮງຮຽນ​ໃຫ້​​ໄດ້​ຢ່າງ​ມີ​ປະສິດທິພາບ.ການ​

ລົງ​ຕິດຕາມຂະ​ບວນຄູ​ເຝິກ​ຫັດ​ວິຊາ​ຊີບຄູ​ພະລະສຶກສາ​ໃນ​ຄັ້ງ​ນີ້, ​ໄດ້​ມີ​ຂຶ້ນ​ເມື່ອ​ວັນ​ທີ 21 ມີນາ  ຜ່ານ​ມາ  ທີ່​ໂຮງຮຽນ​ມັດທະຍົມ​

ສຶກສາ​ສົມບູນ ບ້ານ​ເມືອງ​ໝື່ນ ​ແລະ ​ໂຮງຮຽນ​ມັດທະຍົມ​ສຶກສາ​ຕອນ​ຕົ້ນ ບ້ານ​ແສນ​ສະຫວ່າງ ​ເມືອງ​ໝື່ນ ​ແຂວງ​ວຽງ​ຈັນ, ​​ໂດຍ

​ໃຫ້​ກຽດ​ນຳພາ​ຂອງ​ທ່ານປອ. ອິນຕອງ ​ເລີດ​ສິນ​ໄຊ ຜູ້ອຳນວຍການ​ວິທະຍາ​ໄລ​ພະລະສຶກສາເຂົ້າຮ່ວມ​ມີ​ຜູ້ຕາງໜ້າ​ຈາກ​ຫ້ອງການ

ສຶກສາທິການ ແລະ ກິລາເມືອງ, ຄະນະອໍານວຍການ ແລະ ນ້ອງໆນັກຮຽນທັງ 2 ໂຮງຮຽນຢ່າງ​ພ້ອມ​ພຽງ.


       ສະ​ເພາະການລົງຕິດຕາມດັ່ງກ່າວ, ​ແມ່ນເພື່ອເປັນການຕິດຕາມກ່ຽວກັບການຈັດການຮຽນ-ການສອນ, ການແຕ່ງບົດສອນ,

ວິທີການສອນພາກທິດສະດີ ແລະ ພາກປະຕິບັດຕົວຈິງ, ວຽກຄູປະຈຳຫ້ອງ, ວຽກເຄື່ອນໄຫວກິດຈະກຳ ແລະ ພັດທະນາຊຸມຊົນ,

​ເຊິ່ງການ​ສືບ​ຕໍ່ລົງ​ຕິດຕາມ​ດັ່ງກ່າວ​ແມ່ນ​ມີ 2 ​ໂຮງຮຽນ ຄື: ​ ໂຮງຮຽນ​ມັດທະຍົມ​ສຶກສາ​ສົມບູນບ້ານ​ເມືອງ​ໝື່ນ ​ແລະ ​ໂຮງຮຽນ​ມັດ

ທະຍົມ​ສຶກສາ​ຕອນ​ຕົ້ນ ບ້ານ​ແສນ​ສະຫວ່າງ ​ເມືອງ​ໝື່ນ ​ແຂວງ​ວຽງ​ຈັນ, ​ເຊິ່ງກ່ອນໜ້ານີ້ ​ແມ່ນ​ໄດ້​ລົງ​ຕິດຕາມ​ຢູ່​ໂຮງຮຽນມສບ້ານ

​ວັງ, ມສ ນ້ຳ​ຮອນ ​ແລະ ມສ ນ້ຳ​ເພີນ. ​ໂດຍ​ແຕ່ລະ​ໂຮງຮຽນ​ໄດ້​ມີ​ການສະ​ແດງ​ 5 ກິດຈະກໍາ​ເປັນຕົວຢ່າງ ຄື: ຈັດລະບຽບຮູບແຖວ

ເຄົາລົບທຸງ, ຈັດລະບຽບຮູບແຖວຫັດກາຍກາງໂມງ, ຈັດລະບຽບຮູບແຖວເຕັ້ນເອໂລບິກ,  ຈັດລະບຽບຮູບແຖວຟ້ອນມວຍລາຍ

ລາວ ແລະ ຈັດລະບຽບຮູບແຖວກ້ອນກຳລັງສວນສະໜາມ.


          ​ໃນ​ໂອກາດ​ດັ່ງກ່າວ, ທ່ານ ປອ. ອິນ​ຕອງ​ ​ເລີດ​ສິນ​ໄຊ ​ໄດ້​ຕີ​ລາ​ສູງ​ຕໍ່​ຜົນ​ການ​ລົງ​ຕິດຕາມ ແລະ ປະ​ເມີນປະ​ເມີນ​ຜົນຂະບວນ

ເຝິກຫັດວິຊາຊີບຄູພະລະ​ສຶກສາ ​​ວ່າ: ​ຜ່ານ​ການ​ສັງ​ເກດ​ຕີ​ລາຄາ​ການ​ເຄື່ອນ​ໄຫວ​ແລະການສະ​ແດງ​ກິດຈະກຳ​ແຕ່ລະ​ປະ​ເພດ​ຂອງ​​ ແຕ່

ລະ​ໂຮງຮຽນ​ເຫັນ​ວ່າ​ໂດຍ​ລວມ​ແລ້ວ​ຂະ​ບວນ​ເຝິກ​ຫັດ​ວິຊາ​ຊີບ​ຄູພະລະສຶກສາ​ແມ່ນ​ສາມາດ​ປະຕິບັດ​ຕາມ​ແບບ​ແຜນການ​ຮຽນ-​ການ

​ສອນ​ໄດ້​ດີ ​ແຕ່​ຄຽງຄູ່​ກັນ​ນັ້ນ ກໍ່​ຍັງ​ມີ​ຂໍ້​ຄົງຄ້າງ​ບາງ​ດ້ານ​ທີ່​ຍັງ​ບໍ່​ທັນ​ປະຕິບັດ​ໄດ້​ດີ​ຕາມ​ທີ່​ຄວນ, ​ເຊິ່ງມັນສະ​ແດງ​ອອກ​ໃນ​​ເວລາການ​ສະ

​ແດງ​ກິດຈະກຳ ແມ່ນ​ຍັງ​ບໍ່​ທັນ​ມີ​ການຈັດ​ລະບຽບ​ຮູບ​ແຖວ​ໄດ້​ດີ​ເທົ່າ​ທີ່​ຄວນ ແລະ ​ຍັງ​ບໍ່​ທັນ​ມີ​ການ​ແກ້​ໄຂ​ສະພາບ​ຄວາມ​ຫຍຸ້ງຍາກ​ໃນ

​ການສະ​ແດງ. ສະ​ນັ້ນເນັ້ນ​ໜັກ​ໃຫ້​ແຕ່ລະຄົນ​ຄວນ​ມີ​ການ​ປະສານ​ງານ​ກັນ​ຢ່າງ​ລະອຽດມີ​ການ​ຈັດ​ແບ່ງ​ກຸ່ມ​ນັກຮຽນ​ຕາມ​ຄວາມ​ເໝາະ

​ສົມ​ໃນ​​ເວລາ​ຈັດ​ກິດຈະກຳ ​ເພື່ອ​ໃຫ້​ມີ​ຄວາມ​ສະດວກ​ໃນ​ເວລາ​ເຝິກຊ້ອມນອກຈາກ​ນັ້ນກໍ່​​ໃຫ້​ພ້ອມກັນ​ສຸມ​ໃສ່ວາງ​ແຜນ ​ແລະ ຮ່ວມ

ມື​ກັບ​ຄູ-​ອາຈານ​ທີ່​ກ່ຽວຂ້ອງ​ປຸກລະດົມນັກຮຽນຜູ້ທີ່ບໍ່ມີຄວາມມັກຮັກໃນການຫຼິ້ນກິລາ  ເພື່ອເຮັດແນວໃດໃຫ້ເຂົາເຈົ້າຫັນມາຫຼິ້ນກິ

ລາເພື່ອສຸຂະພາບທີ່ດີ ພ້ອມທັງສາມາດນຳເອົາກິລາປະເພດຕ່າງໆ ນຳໄປຜັນຂະຫຍາຍ ແລະ ພັດທະນາວຽກງານພະລະພາຍໃນໂຮງ

ຮຽນຂອງຕົນເອງໃນອະນາຄົດ.