ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday2590
mod_vvisit_counterYesterday3457
mod_vvisit_counterThis week9633
mod_vvisit_counterLast week22882
mod_vvisit_counterThis month73696
mod_vvisit_counterLast month137026
mod_vvisit_counterAll days738360

We have: 97 guests, 3 bots online
Your IP: 54.224.4.231
 , 
Today: ພ. ພ. 23, 2017


ຂຽນໂດຍ ສາວ​ແກ້ວ​ອຸດົມ   

ສສກ ຫາລືການຈັດຕັ້ງຂະຫຍາຍແຜນການຮ່ວມມືກັບກະຊວງສຶກສາ-​ກໍ່ສ້າງ ຫວຽດນາມ

ປີ 2017


   ກະຊວງ​ສຶກສາ​ສາ​ທິການ ​ແລະ ກິລາ (ສສກ) ​ຈັດ​ກອງປະຊຸມປຶກສາຫາລືການຈັດຕັ້ງຜັນຂະຫຍາຍ

   ແຜນການຮ່ວມມືກັບກະຊວງ​ສຶກສາ-​ກໍ່ສ້າງ​ ສສ ຫວຽດນາມ ​ໃນ​ຂົງ​ເຂດ​ເຕັກນິກ​ວິທະຍາສາດ ປະ

   ຈຳປີ 2017 ເມື່ອວັນທີ 24 ມີນາ ຜ່ານມາ


       ທີ່ກະຊວງສຶກສາທິການ ແລະ ກິລາ (ເຂດສະໜາມກິລາເຈົ້າອານຸວົງ), ໂດຍພາຍໃຕ້ການເປັນປະທານຂອງທ່ານ ຮສ.ປອ

ກອງສີ ແສງມະນີ ຮອງລັດຖະມົນຕີ ກະຊວງສຶກສາທິການ ແລະ ກິລາ, ເຂົ້າຮ່ວມມີທ່ານ ສຈ.ປອ ຄຳລືຊາ ນວນສະຫວັນ ຫົວ

ໜ້າກົມກິດຈະການນັກສຶກສາ ກະຊວງສຶກສາທິການ ແລະ ກິລາ, ພ້ອມ​ດ້ວຍບັນດາຫົວໜ້າ-ຮອງຫົວໜ້າກົມ, ຜູ້ຕາງໜ້າຈາກ

ຫ້ອງການ, ກົມ, ສູນ, ສະຖາບັນ ຕະຫຼອດຮອດພະນັກງານວິຊາການ ແລະ ພາກສ່ວນທີ່ກ່ຽວຂ້ອງ.


        ໂອກາດດັ່ງກ່າວ, ທ່ານ ປອ. ວົງພະຈັນ ວິໄລຫອມ ຮອງຫົວໜ້າກົມກິດຈະການນັກສຶກສາ ກະຊວງສຶກສາທິການ ແລະ

ກິລາ ໄດ້ກ່າວວ່າ: ແຜນການ​ຮ່ວມ​ມື ປະຈຳ​ປີ 2017 ລະຫວ່າງ 2 ຝ່າຍ ​​​ແມ່ນ​ປະຕິບັດ​ຕາມ​ການ​ຊີ້​ນຳ​ຂອງ​ 2 ລັດຖະບານ (ສປ

ປ ລາວ ແລະ ສສ ຫວຽດນາມ) ກ່ຽວກັບການສະໝັກຮັບທຶນການສຶກສາລະດັບປະລິນຍາໂທ ແລະ ປະລິນຍາ​ເອກໃນສົກຮຽນ

2017-2018 ຂອງລັດຖະບານ ສສ ຫວຽດນາມໂດຍຈະໄດ້ເປີດກວ້າງຄືປີຜ່ານມາ,ເຊິ່ງໝາຍຄວາມວ່າທຶນຂອງແຕ່ລະຂະແໜງ

ການ ຈະບໍ່ໄດ້ເຈາະຈົງໃຫ້ສະເພາະຂະແໜງການທີ່ກ່ຽວຂ້ອງເທົ່ານັ້ນ  ເປັນຕົ້ນ  ວິຊາໃດທີ່ພົວພັນກັບຫຼາຍພາກສ່ວນທີ່ເຮັດໃຫ້

ວຽກງານກ່ຽວຂ້ອງ ກໍ່ສາມາດສະໝັກໄດ້ ລວມທັງພາກລັດ ແລະ ​ເອກະຊົນ. ເຖິງຢ່າງໃດກໍ່ຕາມເພື່ອປະຕິບັດຕາມທຶນການສຶກ

ສາຂອງລັດຖະບານ ສສ ຫວຽດນາມ ທີ່ສະເໜີໃຫ້ແກ່ລັດຖະບານ ສປປ ລາວ ສຳລັບ ສົກຮຽນ 2017-2018  ໃຫ້ທັນກັບເວ

ລາທີ່ 2 ຝ່າຍໄດ້ກຳນົດໄວ້, ທາງກະຊວງສຶກສາທິການ ແລະ ກິລາ ຈຶ່ງໄດ້ແຈ້ງໄປຍັງພາກສ່ວນຕ່າງໆ ທີ່ກ່ຽວຂ້ອງ ເພື່ອຄົ້ນຄວ້າ

ຄັດເລືອກເອົາພະນັກງານຂອງຕົນສົ່ງເຂົ້າສະໝັກຮັບທຶນການສຶກສາຕາມຂະແໜງການ (ວິຊາຮຽນ) ແລະ ຈຳນວນທຶນ ຄື: ຂະ

ແໜງການສຶກສາ ແລະ ກິລາ ຈຳນວນ 79 ທຶນ. ໃນນັ້ນ, ປະລິນຍາໂທ 71 ທຶນ ແລະ ປະລິນຍາເອກ 8 ທຶນ;ຂະແໜງສິລະປະ

ແລະ ມະນຸດສາດ 10 ທຶນ ເປັນທຶນປະລິນຍາໂທທັງໝົດ;  ຂະແໜງວິທະຍາສາດສັງຄົມ, ຂໍ້ມູນຂ່າວສານ, ໜັງສືພິມ ຈຳນວນ

15 ທຶນ ເປັນທຶນປະລິນຍາໂທທັງໝົດ; ຂະແໜງບໍລິຫານທຸລະກິດ ແລະ ກົດໝາຍ 29 ທຶນ. ໃນນັ້ນ, ມີປະລິນຍາໂທ 23 ທຶນ

ແລະ ປະລິນຍາເອກ 6 ທຶນ; ຂະແໜງເທັກໂນໂລຢີຂໍ້ມູນຂ່າວສານ ແລະ ການສື່ສານ ມີ 8 ທຶນ. ໃນນັ້ນ​,ມີປະລິນຍາໂທ 7 ທຶນ

ແລະ ປະລິນຍາເອກ 1 ທຶນ; ຂະແໜງເຕັກນິກ, ການຜະລິດ, ການຄ້າ ແລະ ການກໍ່ສ້າງ ມີ 31 ທຶນ. ໃນນັ້ນມີ ປະລິນຍາໂປ 30

ທຶນ ແລະ ປະລິນຍາເອກ 1 ທຶນ; ຂະແໜງກະສິກຳ, ປ່າໄມ້, ການປະມົງ ແລະ ສັດຕະວະແພດ ມີ 10  ທຶນ  ​ເປັນທຶນປະລິນຍາ

ໂທທັງໝົດ; ຂະແໜງສາທາລະນະສຸກ ມີ 10 ທຶນ. ໃນນັ້ນ, ມີ ປະລິນຍາໂທ 8 ທຶນ ແລະ ປະລິນຍາເອກ 2 ທຶນ; ຂະແໜງສະ

ຫວັດດີການ ມີ 6 ທຶນ ເປັນທຶນປະລິນຍາໂທທັງໝົດ ແລະ ຂະແໜງການບໍລິການ ແລະ ຂົນສົ່ງມີ 13 ທຶນ​​ເປັນທຶນປະລິຍາໂທ

ທັງໝົດ.


         ນອກຈາກ​ນັ້ນ, ກ່ຽວກັບການຊັບຊ້ອນພະນັກງານ ແລະ ນັກສຶກສາໄປຮຽນທີ່ ສສ ຫວຽດນາມ ປະຈຳປີ 2016 ຜ່ານ​ມາ

ພາຍໃຕ້ທຶນຮ່ວມມືລະຫວ່າງ 2 ລັດຖະບານ ສປປ ລາວ ແລະ ສສ ຫວຽດນາມ, ເຊິ່ງຕາມສັນຍາຮ່ວມມື ປີ 2016 ທຶນການສຶກ

ສາທີ່ 2 ລັດຖະບານ ລາວ-ຫວຽດນາມ ໄດ້ເຊັນສັນຍາກັນໃນປີ 2015 ມີທັງໝົດ 1.200 ທຶນ, ປະລິນຍາຕີ 433 ທຶນ,  ປະລິນ

ຍາໂທ 278 ທຶນ, ປະລິນຍາເອກ 39 ທຶນ, ອົບຮົມໄລຍະສັ້ນ 450 ທຶນແຕ່ທາງຫວຽດນາມໄດ້ເພີ່ມທຶນເຝິກອົບຮົມໃນຂົງເຂດ

ການເມືອງ-ການປົກຄອງອີກ 6 ທຶນ ລວມເປັນ 1.206 ທຶນ; ຂົງເຂດການເມືອງ-ການປົກຄອງ ມີທັງໝົດ 311 ທຶນ. ໃນນັ້ນ, ມີ

ປະລິນຍາຕີ 60 ທຶນ, ປະລິນຍາ​ໂທ 30 ທຶນ, ປະລິນຍາ​ເອກ 10 ທຶນ, ອົບຮົມ​ໄລຍະ​ສັ້ນ 211  ທຶນ;  ຂົງ​ເຂດ​ວຽກ​ງານ​ປ້ອງ​ກັນ

ຊາ​ດ-ປ້ອງ​ກັນ​ຄວາມ​ສະຫງົບ ມີ​ທັງ​ໝົດ 194 ທຶນ. ​ໃນ​ນັ້ນ, ມີປະລິນຍາ​ຕີ 167 ທຶນປະລິນຍາ​ໂທ 19 ທຶນ ​ແລະ ປະລິນຍາ​ເອກ

8 ທຶນ; ຂົງ​ເຂດ​ວິທະຍາສາດ​ທົ່ວ​ໄປ​ໄດ້​ຮັບ​ທຶນ​ການ​ສຶກສາ​ທັງ​ໝົດ 551 ທຶນ. ​ ໃນ​ນັ້ນ,  ມີ​ທຶນ​ການ​ສຶກສາ​ໄລຍະ​ຍາວ 456 ທຶນ

​ແລະ ທຶນ​ໄລຍະ​ສັ້ນ​ທີ່​ກະຊວງ​ສຶກສາ​ທິການ ​ແລະ ກິລາ​ຮັບ​ຜິດ​ຊອບ​ ມີ 95 ທຶນ.


         ສຳລັບກອງປະຊຸມຄັ້ງນີ້, ນອກຈາກຜູ້ເຂົ້າຮ່ວມໄດ້ຮັບຟັງການສະຫຼຸບກ່ຽວກັບການຊັບຊ້ອນພະນັກງານ ແລະ ນັກສຶກສາ

ໄປຮຽນທີ່ ສສ ຫວຽດນາມ ປີ 2016 ແລະ ແຜນປີ 2017 ​ແລ້ວ, ຍັງ​ໄດ້​ມີ​ການປະກອບຄຳຄິດເຫັນຢ່າງກົງໄປກົງມາໃສ່ຮ່າງບົດ

ສະຫຼຸບ ແລະ ຮັບຟັງຄຳເຫັນ, ຄຳຊີ້ນຳ ຂອງທ່ານຮອງລັດຖະມົນຕີ ກະຊວງສຶກສາທິການ ແລະ ກິລາຕື່ມອີກ.