ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday2372
mod_vvisit_counterYesterday3814
mod_vvisit_counterThis week19892
mod_vvisit_counterLast week22882
mod_vvisit_counterThis month83955
mod_vvisit_counterLast month137026
mod_vvisit_counterAll days748619

We have: 98 guests, 7 bots online
Your IP: 54.224.200.104
 , 
Today: ພ. ພ. 26, 2017


ຂຽນໂດຍ ຈ່ອຍ (ສກຂ ຫຼວງພະບາງ)   

ແຂວງຫຼວງພະບາງ ຮັບພະນັກງານຈາກແຂວງດຽນບຽນ 14 ສະຫາຍເຂົ້າຮຽນພາສາລາວ


   ແຂວງຫຼວງພະບາງ ສປປ ລາວ ​ແລະ ແຂວງດຽນບຽນ ສສ ຫວຽດນາມ ໄດ້ຈັດພິທີມອບ-ຮັບພະນັກ

   ງານຈາກແຂວງດຽນບຽນ ທີ່ມາຮຽນພາສາລາວຢູ່ແຂວງຫຼວງພະບາງຢ່າງ​ເປັນ​ທາງ​ການ ເມື່ອຕອນເຊົ້າ

   ຂອງວັນທີ 21 ມີນາ ຜ່ານມາ ທີ່ພະແນກສຶກສາທິການ ແລະ ກິລາ ແຂວງຫຼວງພະບາງ



       ໂດຍພາຍໃຕ້ການລົງ​ນາມຂອງທ່ານ ມອນໄຊ ລາວມົວຊົງ ຄະນະປະຈຳພັກແຂວງ, ຫົວໜ້າຄະນະຈັດຕັ້ງແຂວງຫຼວງພະບາງ

​ແລະ ທ່ານ ຫງວຽນແມັງກ່ວນ ຮອງຫົວໜ້າພະແນກສຶກສາ ແລະ ກໍ່ສ້າງ ແຂວງດຽນບຽນ, ມີບັນດາຫົວໜ້າ-ຮອງຫົວໜ້າພະແນກ

ສຶກສາທິການ ແລະ ກິລາແຂວງ, ຫົວໜ້າ-ຮອງຫົວພະແນກການທີ່ກ່ຽວຂ້ອງ, ຫົວໜ້າ-ຮອງຫົວໜ້າຂະແໜງ, ພະນັກງານ, ຄູ-ອາ

ຈານ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.


       ໂອກາດດັ່ງກ່າວ, ທ່ານ ເອິງ ລໍສະຫວັນ ຫົວໜ້າພະແນກສຶກສາທິການ ແລະ ກິລາ ແຂວງຫຼວງພະບາງ ໄດ້ຜ່ານບົດລາຍງານ

ການພົວພັນຮ່ວມມືດ້ານການພັດທະນາຊັບພະຍາກອນມະນຸດລະຫວ່າງພະແນກສຶກສາທິການ ແລະ ກິລາ ແຂວງຫຼວງພະບາງ​ແລະ

ພະແນກສຶກສາທິການ ແລະ ກໍ່ສ້າງ ແຂວງດຽນບ່ຽນ ແຕ່ປີ 2011-2017 ວ່າ:  ອີງຕາມບົດບັນທຶກຊ່ວຍຈຳລະຫວ່າງຄະນະຜູ້ແທນ

ພັກ-ອົງການປົກຄອງແຂວງຫຼວງພະບາງ​ແລະຄະນະຜູ້ແທນພັກ-ອົງຄະນະພັກແຂວງດຽນບຽນຄັ້ງວັນທີ 5 ພະຈິກ 2016 ທີ່ແຂວງ

ດຽນບຽນ ສສ ຫວຽດນາມ, ​ເຊິ່ງຝ່າຍລາວນຳໂດຍທ່ານ ຄຳຂັນ ຈັນທະວີສຸກ ກຳມະການສູນກາງພັກປະຊາຊົນປະຕິວັດລາວເລຂາ

ພັກແຂວງ, ເຈົ້າແຂວງຫຼວງພະບາງ, ເປັນຫົວໜ້າຄະນະ ແລະ ຝ່າຍຫວຽດນາມ ນຳໂດຍທ່ານ ເຈີນວັນເຊີນ ກຳມະການສູນກາງພັກ

ກອມມູນິດຫວຽດນາມ, ຫົວໜ້າຄະນະສະມາຊິກສະພາແຫ່ງຊາດ ແຂວງດຽນບຽນ ເປັນຫົວໜ້າຄະນະ,  ໂດຍບົນພື້ນຖານຄວາມ

ຜູກແໜ້ນຄວາມສາມັກຄີໄມຕີຈິດມິດຕະພາບ ແລະ ຄວາມສາມັກຄີແບບພິເສດ, ເຊື່ອໝັ້ນ,ຄວາມເຂົ້າອົກເຂົ້າໃຈເຊິ່ງກັນ ແລະທັງ

2 ຝ່າຍ ໄດ້ມີຜົນສຳເລັດໃນຫຼາຍໆ ດ້ານ ຄື: ແຕ່ປີ 2011 ມາຮອດປັດຈຸບັນ ແຂວງດຽນບຽນ ໄດ້ຊ່ວຍກໍ່ສ້າງນັກສຶກສາແລະພະນັກ

ງານຂອງແຂວງຫຼວງພະບາງໄປຮຽນຢູ່ແຂວງດຽນບຽນ ຈຳນວນ 146 ຄົນ, ຍິງ 68 ຄົນ. ສະເພາະປີ 2016 ມີທຶນສ່ວນຕົວ 11 ຄົນ,

ຍິງ 8 ຄົນ ແລະ ໄດ້​ເຝິກອົບຮົມໄລຍະສັ້ນໃຫ້ແກ່ພະນັກງານຈຳນວນ 10 ຄົນໃນປັດຈຸບັນມີນັກສຶກສາໃນແຜນຂອງແຂວງດຽນບຽນ

ຈຳນວນ 31 ຄົນ, ຍິງ 12 ຄົນ ທີ່ກຳລັງສຶກສາຢູ່ມະຫາວິທະຍາໄລສຸພານຸວົງ ແລະ ນອກແຜນ 7 ຄົນ ຈາກກົງສູນໃຫຍ່ ສສ ຫວຽດ

ນາມ ປະຈຳແຂວງຫຼວງພະບາງ ແລະ ກຳລັງກຽມພາສາລາວ ຈຳນວນ 8 ຄົນ, ຍິງ 2 ຄົນ. ສຳລັບນະໂຍບາຍຕ່າງໆນັ້ນ,ແຂວງຫຼວງ

ພະບາງ ໄດ້ອຳນວຍຄວາມສະດວກໃນການກິນຢູ່ພັກເຊົາ, ການລົງທະບຽນຮຽນໃນແຕ່ລະສາຍຈົນຈົບ ແລະ ກັບຄືນປະເທດ.


       ສຳລັບປີ 2017-2020 ແຂວງດຽນບຽນ ຈະໄດ້ສົ່ງພະນັກງານ-ລັດຖະກອນມາຮຽນພາສາລາວ ແລະ ລົງປະສົບການຕົວຈິງ

ຢູ່ແຂວງຫຼວງພະບາງ ຈຳນວນ 45 ຄົນ ແລະ ແບ່ງເປັນ 3 ຊຸດ ແຕ່ລະຊຸດມີ 15 ຄົນ, ໄລຍະຮຽນແມ່ນ 6 ເດືອນຕໍ່ຊຸດໃນນີ້,ແຂວງ

ຫຼວງພະບາງ ຊ່ວຍແຂວງດຽນບຽນຈັດຕັ້ງການລົງພາກປະຕິບັດຕົວຈິງຢູ່ຮາກຖານໃຫ້ແກ່ 3 ຊຸດຮຽນພາສາລາວ ແລະ ຊ່ວຍກໍ່ສ້າງ

ນັກສຶກສາ ປີລະ 5 ຄົນມາຮຽນກຽມພາສາລາວ ແລະ ເຂົ້າຮຽນຢູ່ມະຫາວິທະຍາໄລສຸພານຸວົງ. ພ້ອມທັງສືບຕໍ່ສະໜອງງົບປະມານ

ໃຫ້ແກ່ນັກສຶກສາຕື່ມອີກ. ສ່ວນແຂວງດຽນບຽນສືບຕໍ່ກໍ່ສ້າງນັກຮຽນ ຈຳນວນ 30 ຄົນ. ໃນນັ້ນ, ກໍ່ສ້າງລະບົບວິທະຍາໄລຊັ້ນສູງ

20 ຄົນ, ລະບົບຊັ້ນສູງການເມືອງ 5 ຄົນ, ຮຽນຕໍ່ປະລິນຍາຕີ 5 ຄົນ,ຈັດຕັ້ງບຳລຸງວິຊາຊີບກ່ຽວກັບຂະແໜງການຕ່າງໆໃຫ້ພະນັກ

ງານຂອງແຂວງຫຼວງພະບາງ ທີ່ໄປ​ເຝິກອົບຮົມຢູ່ແຂວງດຽນບຽນ ຈຳນວນ 10 ຄົນຕໍ່ຊຸດ,  ສືບຕໍ່ສະໜອງງົບປະມານການກໍ່ສ້າງພະ

ນັກງານ, ນັກສຶກສາຂອງແຂວງຫຼວງພະບາງ ຈຳນວນ 97 ຄົນ ທີ່ກຳລັງຮຽນຢູ່ແຂວງດຽນບຽນ.


       ໂອກາດນີ້, ທ່ານ ມອນໄຊ ລາວມົວຊົງ ໄດ້ກ່າວຮັບເອົາພະນັກງານຂອງແຂວງດຽນບຽນຈາກທ່ານ ຫງວຽນແມັງກ່ວນ ພ້ອມ

ທັງກ່າວສະແດງຄວາມຊົມເຊີຍຕໍ່ກັບສາຍພົວພັນຮ່ວມມືລະຫວ່າງ 2 ແຂວງ ທີ່ໄດ້ໃຫ້ຊ່ວຍເຫຼືອແລກປ່ຽນບົດຮຽນເຊິ່ງກັນ ແລະ

ກັນ ໃນການກໍ່ສ້າງຊັບພະຍາກອນມະນຸດ ແລະ ທ່ານ ຍັງໄດ້ຮຽກຮ້ອງໃຫ້ສຳມະນາກອນທີ່ມາຮຽນພາສາລາວຄັ້ງນີ້ຈົ່ງຊ່ວຍກັນສືບ

ຕໍ່ຄົ້ນຄວ້າຊ່ວຍເຫຼືອໃນການຮໍ່າຮຽນໃຫ້ສຳເລັດຜົນຕາມຫຼັກສູດ ແລະ ປະສົບຜົນສຳເລັດຕາມຄາດໝາຍທີ່ວາງໄວ້ສຳລັບຄູສອນພາ

ສາລາວ ກໍ່ ຕ້ອງໄດ້ສຸມສະຕິປັນຍາພ້ອມທັງຄົ້ນຄວ້າສິດສອນສົ່ງທອດຄວາມຮູ້ໃຫ້ສຳມະນາກອນໃຫ້ໄດ້ຮູ້  ແລະ  ເຂົ້າໃຈໃນການ

ຮຽນພາສາລາວໃຫ້ໄດ້ຫຼາຍເທົ່າທີ່ຈະຫຼາຍໄດ້.