ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday2152
mod_vvisit_counterYesterday3513
mod_vvisit_counterThis week2152
mod_vvisit_counterLast week25878
mod_vvisit_counterThis month109272
mod_vvisit_counterLast month168269
mod_vvisit_counterAll days636910

We have: 89 guests, 4 bots online
Your IP: 54.225.15.88
 , 
Today: ມ. ສ. 23, 2017


ຂຽນໂດຍ ບຸນຄົງ ວັນນະສິດ   

ສກຂ ບໍ່ແກ້ວ ສຳເລັດການຄັດເລືອກນັກຮຽນເກັ່ງຊັ້ນປະຖົມ ປະຈຳສົກຮຽນ 2016-2017


   ພະແນກສຶກສາທິການ ແລະ ກິລາ (ສກຂ) ແຂວງບໍ່ແກ້ວ ສຳເລັດການສອບເສັງຄັດເລືອກນັກຮຽນ

   ເກັ່ງຊັ້ນປະຖົມສຶກສາ ປີທີ 5 ລະດັບແຂວງປະຈຳສົກຮຽນ 2016-2017 ກຽມເຂົ້າຮ່ວມການສອບ

   ເສັງນັກຮຽນເກັ່ງຂັ້ນປະຖົມສຶກສາ


         ປີທີ 5 ລະດັບຊາດ ທີ່ນະຄອນຫຼວງວຽງຈັນ ໃນມໍ່ໆນີ້. ພິທີປະກາດຜົນການສອບເສັງຄັດເລືອກນັນຮຽນເກັ່ງ ດັ່ງກ່າວ,

ໄດ້ມີຂຶ້ນໃນວັນທີ 21 ມີນາ ຜ່ານມາ ທີ່ຫ້ອງປະຊຸມພະແນກສຶກສາທິການ ແລະ ກິລາແຂວງດັ່ງກ່າວ ເມືອງຫ້ວຍຊາຍ ແຂວງບໍ່

ແກ້ວ ໂດຍພາຍໃຕ້ການເປັນປະທານຂອງທ່ານ ຍີ່ຄຳ ບຸນອິນທີ ຮອງຫົວໜ້າພະແນກສຶກສາທິການ ແລະ ກິລາແຂວງ,ມີຄະນະ

ຮັບຜິດຊອບການສອບເສັງ, ຜູ້ນຳພານັກສອບເສັງທີ່ມາຈາກ 5 ເມືອງ ແລະ ໂຮງຮຽນ ພ້ອມດ້ວຍນັກສອບເສັງເຂົ້າຮ່ວມ.


        ການສອບເສັງຄັດເລືອກນັກຮຽນເກັ່ງຊັ້ນປະຖົມສຶກສາ ປີທີ 5 ຄັ້ງນີ້, ມີນັກສອບເສັງທີ່ເປັນຕົວແທນມາຈາກ 5 ເມືອງ

ເຂົ້າຮ່ວມທັງໝົດ 15 ຄົນ, ຍິງ 7 ຄົນ, ສອບເສັງໃນ 3 ວິຊາຫຼັກ ຄື: ວິຊາຄະນິດສາດ,ພາສາລາວ ແລະ ວິຊາໂລກອ້ອມຕົວຜ່ານ

ການສອບເສັງ ແລະ ກວດບົດສອບເສັງຕົວຈິງຂອງຄະນະກຳມະການສອບເສັງ ຜົນປາກົດວ່າ ວິຊາ ຄະນິດສາດໄດ້ແກ່ທ້າວ ສິດ

ທິກອນ ອິນທະຫົງ ຈາກໂຮງຮຽນປະຖົມສົມບູນນໍ້າເມິງ ເມືອງເມິງ, ວິຊາພາສາລາວ ໄດ້ແກ່ນາງ ສຸທະພອນ  ສີປະມວນ  ຈາກ

ໂຮງຮຽນປະຖົມສົມບູນປາກຮາວໃຕ້ ເມືອງຫ້ວຍຊາຍ ແລະ ວິຊາໂລກອ້ອມຕົວ ໄດ້ແກ່ ທ້າວ ພຸດທະວົງ ຄຳທະວີວົງຈາກໂຮງ

ຮຽນປະຖົມສົມບູນດຼີມ ເມືອງຫ້ວຍຊາຍ.


          ສ່ວນການຈັດປະເພດ ແມ່ນຈັດຕາມລະດັບຄະແນນຄື: ປະເພດທີ 1 ຄະແນນ 9-10 ມີ 1 ຄົນ, ປະເພດທີ 2 ຄະແນນ

7-8 ມີ 3 ຄົນ ແລະ ປະເພດທີ 3 ຄະແນນ 5-6 ມີ 2 ຄົນ. ນອກຈາກນັ້ນ,   ໃນພິທີດັ່ງກ່າວ ຍັງໄດ້ມີການຫຼິ້ນກິດຈະກຳຖາມ-

ຕອບຄວາມຮູ້ຮອບຕົວ, ແຈກຂອງລາງວັນ, ມອບໃບຢັ້ງຢືນການເຂົ້າຮ່ວມການສອບເສັງປະຈຳປີໃບຍ້ອງຍໍຂອງທ່ານຫົວໜ້າພະ

ແນກສຶກສາທິການ ແລະ ກິລາແຂວງ ແລະ ຂອງຂວັນລາງວັນ ໃຫ້ແກ່ນ້ອງນັກຮຽນທີ່ສອບເສັງໄດ້ປະເພດ 1, ປະເພດ 2 ແລະ

ປະເພດ 3 ຕາມລຳດັບ.


           ສໍາລັບໃນຕອນທ້າຍພິທີດັ່ງກ່າວ, ຜູ້ເຂົ້າຮ່ວມຍັງໄດ້ຮັບຟັງການໂອ້ລົມຈາກ ທ່ານ ຍີ່ຄໍາ ບຸນອິນທີ, ເຊິ່ງທ່ານ ໄດ້ກ່າວວ່າ:

ການສອບເສັງໃນຄັ້ງນີ້ ນອກຈາກຈະເປັນການສອບເສັງຄັດເລືອກນັກຮຽນເກັ່ງ ເພື່ອເປັນຕົວແທນຂອງແຂວງ ເຂົ້າຮ່ວມການສອບ

ເສັງນັກຮຽນເກັ່ງລະດັບຊາດແລ້ວ ກໍ່ຍັງເປັນການໃຫ້ໂອກາດນັກຮຽນດີ-ຮຽນເກັ່ງ ໄດ້ສະແດງອອກດ້ານພອນສະຫວັນດ້ານຄວາມ

ຮູ້-ຄວາມສາມາດ, ຫົວຄິດປະດິດສ້າງຂອງຕົນ ແລະ ເພື່ອຈັດຕັ້ງບຸກທະລຸ  4  ດ້ານຂອງຂະແໜງການສຶກສາ  ໂດຍສະເພາະແມ່ນ

ດ້ານການພັດທະນາຊັບພະຍາກອນມະນຸດ ແລະ ຕັ້ງໜ້າປະຕິບັດເນື້ອໃນ 3 ຂໍ້ແຂ່ງຂັນຂອງກະຊວງສຶກສາທິການ ແລະ ກິລາຢູ່ໃນ

ແຕ່ລະໂຮງຮຽນ ເປັນຕົ້ນແມ່ນສ້າງຂະບວນການແຂ່ງຂັນສອນດີ-ຮຽນເກັ່ງ  ແນໃສ່ປັບປຸງ  ແລະ  ພັດທະນາຄຸນະພາບການສຶກສາ

ຂອງແຂວງບໍ່ແກ້ວ ໃຫ້ນັບມື້ນັບດີຂຶ້ນເທື່ອລະກ້າວ. ພ້ອມດຽວກັນນັ້ນ, ທ່ານຍັງໄດ້ເນັ້ນໜັກໃຫ້ຄູສອນທຸກຄົນ  ເອົາໃຈໃສ່ທຸ້ມເທ

ເຫື່ອແຮງສະຕິປັນຍາອັນແຫຼມຄົມເຂົ້າໃນການສິດສອນ ແລະ ສົ່ງຄວາມຮູ້ໃຫ້ແກ່ນ້ອງນັກຮຽນ ໂດຍສະເພາະແມ່ນການບຳລຸງນັກ

ຮຽນເກັ່ງ ທີ່ເປັນຕົວແທນຂອງແຂວງ ເຂົ້າຮ່ວມການແຂ່ງຂັນລະດັບຊາດ ໃຫ້ຫຼາຍຂຶ້ນກວ່າເກົ່າແຈ້ງໃຫ້ຜູ້ປົກຄອງຮັບຮູ້ແລະຊ່ວຍ

ກະຕຸກຊຸກຍູ້ລູກຂອງຕົນເອງໃຫ້ຄົ້ນຄວ້າຮ່ຳຮຽນໃຫ້ຫຼາຍຂຶ້ນຕື່ມ, ແຕ່ລະໂຮງຮຽນຕ້ອງໄດ້ເອົາໃຈໃສ່ ສອບເສັງຄັດເລືອກນັກຮຽນ

ເກັ່ງປະຈຳແຕ່ລະເດືອນ ແລະ ເຮັດເປັນປະຈຳ ເພື່ອໃຫ້ສ້າງໄດ້ນັກຮຽນດີ-ຮຽນເກັ່ງ ທີ່ມີຄວາມຮູ້ ແລະ  ຄວາມສາມາດ ພ້ອມທັງ

ແຂ່ງຂັນກັນປະຕິບັດຕາມ 5 ຫຼັກມູນຂອງການສຶກສາ ແລະ 3 ຂໍ້ແຂ່ງຂັນຂອງກະຊວງສຶກສາທິການ ແລະ  ກິລາວາງອອກໃຫ້ປາ

ກົດຜົນເປັນຈິງໃນແຕ່ລະໄລຍະ.