ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday2609
mod_vvisit_counterYesterday3457
mod_vvisit_counterThis week9652
mod_vvisit_counterLast week22882
mod_vvisit_counterThis month73715
mod_vvisit_counterLast month137026
mod_vvisit_counterAll days738379

We have: 109 guests, 2 bots online
Your IP: 54.224.4.231
 , 
Today: ພ. ພ. 23, 2017


ຂຽນໂດຍ ດາວໃໝ່   

ວພສ ​​ເອົາໃຈໃສ່ຕິດຕາມ-​ປະເມີນການເຝິກຫັດວິຊາຊີບຂອງນັກສຶກສາຄູພະລະ

ທີ່ເມືອງແກ້ວອຸດົມ


   ວິທະຍາ​ໄລ ພະລະສຶກສາ (ວພສ) ກະຊວງ​ສຶກສາ​ທິການ ​ແລະ ກິລາ ​ໄດ້​ເອົາ​ໃຈ​ໃສ່​ໃນ​ການ​ຕິດຕາມ ​

   ແລະ ປະ​ເມີນ​ຜົນ​ການ​ເຝິກ​ຫັດ​ວິຊາ​ຊີບ​ຂອງ​ນັກ​ສຶກສາຄູ​ພະລະສຶກສາຢູ່ 3 ​ໂຮງຮຽນ ​ໃນ​ເມືອງ​ແກ້ວ

   ​ອຸດົມ ​ແຂວງ​ວຽງຈັນ


     ເພື່ອ​ເຮັດ​ໃຫ້​ວຽກງານ​ດັ່ງກ່າວ​ມີ​ການ​ປັບປຸງ​ຢ່າງ​ມີ​ປະສິດທິພາບ​ຂຶ້ນ ​ແນ​ໃສ່​ສ້າງ​ຄູ​ພະລະສຶກສາ​ໃຫ້​ມີ​ຄວາມ​ຮູ້​ຄວາມ​ສາມາດ

​ທີ່​ແທ້​ຈິງ ຕອບສະໜອງ​ໃຫ້​ແກ່ບັນດາ​ໂຮງຮຽນຕ່າງໆ​ໃນ​ຂອບ​ເຂດ​ທົ່ວ​ປະ​ເທດ ທີ່​ຍັງ​ຂາດ​ຄູ​ສອນ​ວິຊາ​ພະລະສຶກສາ.ການ​ລົງ​ຕິດ

ຕາມ​ຂະ​ບວນ​ເຝິກ​ຫັດ​ວິຊາ​ຊີບ​ຂອງ​ນັກ​ສຶກສາຄູ​ພະລະສຶກສາຄັ້ງ​ນີ້, ​ໄດ້​ມີ​ຂຶ້ນ​ເມື່ອ​ວັນ​ທີ 20 ມີນາ ຜ່ານ​ມາ  ທີ່​ໂຮງຮຽນມັດທະ

ຍົມ​ຕອນ​ຕົ້ນ ບ້ານ​ພູ​ເຂົາ​ຄຳ, ມັດທະຍົມ​ສຶກສາ​ສົມບູນ ບ້ານ​ແກ້ວ​ກູ່ ​ແລະ ມັດທະຍົມ​ສຶກສາ​ຕອນ​ຕົ້ນ ບ້ານ​ວຽງຄຳ ​ເມືອງ​ແກ້ວ​

ອຸດົມ ​ແຂວງ​ວຽງຈັນ, ​ໂດຍ​ໃຫ້ກຽດ​ເຂົ້າ​ຮ່ວມ​ຂອງທ່ານ ຄຳ​ພັນ ອ່ອນ​ພັນ  ຮອງ​ຫົວໜ້າກົມ​ພະລະ  ​ແລະ  ສິລະ​ປະ​ສຶກສາ ກະ

ຊວງ​ສຶກສາ​ທິການ ​ແລະ ກິລາ, ທ່ານ ປອ. ອິນ​ຕອງ​ ເລີດສິນ​ໄຊ ຜູ້ອຳນວຍການ  ​ວິທະຍາ​ໄລ  ພະລະສຶກສາ,  ທ່ານ ​ແກ້ວ​ເພັດ

​ເສນາ​ຄຳ ຮອງ​ຫົວໜ້າພະ​ແນ​ກສຶກສາ​ທິການ ​ແລະ ກິລາ ​ແຂວງ​ວຽງຈັນ, ທ່ານ ປທ. ບົວ​ຫວັນ ​ໄຊ​ປັນຍາ ຮອງຜູ້ອຳນວຍການ

​ວິທະຍາ​ໄລ ພະລະສຶກສາ, ພ້ອມ​ດ້ວຍຫົວໜ້າພະ​ແນ​ກພະລະ ​ແລະ ສຶກສາປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ ກະຊວງ​ສຶກ

ສາ​ທິການ ​ແລະ ກິລາ, ຫົວໜ້າຂະ​ແໜງພະລະ ​ແລະ ສິລະ​ປະ​ສຶກສາ ພະ​ແນ​ກສຶກສາ​ທິການ  ​ແລະ  ກິລາ​ແຂວງ ຫົວໜ້າຫ້ອງ

ການ​ສຶກສາ​ທິການ ​ແລະ ກິລາເມືອງ, ຜູ້ອຳນວຍການ​, ຄູ-​ອາຈານ, ນັກ​ສຶກສາ​ ແລະ ນ້ອງນັກຮຽນທັງ 3 ​ໂຮງຮຽນ.


        ສະ​ເພາະການຕິດຕາມຂະບວນ​ເຝິກຫັດວິຊາຊິບຄູພະລະສຶກສາດັ່ງກ່າວ​ນີ້, ກໍ່​ເພື່ອ​ເປັນ​ການຕິດຕາມກ່ຽວກັບການຈັດການ

ຮຽນ-ການສອນ (ແຕ່ງບົດສອນ, ສອນວິຊາພະລະທິດສະດີ-ປະຕິບັດ, ສອນຊ່ວຍວິຊາອື່ນໆ ແລະ ວຽກຄູປະຈຳຫ້ອງ); ການຈັດ

ກິດຈະກຳອອກກຳລັງກາຍດ້ວຍ​ການຫຼິ້ນກິລາ ໃນ​ໂຮງຮຽນ ​ແລະ ນອກ​ໂຮງຮຽນ;ບູລະນະສ້ອມແປງບ່ອນຫຼິ້ນກິລາຂອງ​ໂຮງຮຽນ,

ຫໍຂ່າວ, ເສົາທຸງ, ຮົ້ວ, ສວນດອກໄມ້ ​ແລະ ອື່ນໆ; ເຄື່ອນໄຫວຊ່ວຍວຽກຊຸມຊົນ, ອຳນາດປົກຄອງ  ​ໃນ​ການອອກແຮງງານອະນາ

ໄມຮັກສາສິ່ງແວດລ້ອມ ​ໂດຍ​ມີຄາດໝາຍວ່າ: ແຕ່ລະ​ໂຮງຮຽນ ໄດ້ສະແດງ 1 ກິດຈະກຳ ເພື່ອເປັນຕົວຢ່າງ ເຊັ່ນ: ຈັດລະບຽບຮູບ

ແຖວເຄົາລົບທຸງ, ຈັດລະບຽບຮູບແຖວຫັດກາຍກາງໂມງ, ຈັດລະບຽບຮູບແຖວເຕັ້ນເອໂລບິກ,  ຈັດລະບຽບຮູບແຖວຟ້ອນມວຍ

ລາຍລາວ ​ແລະ ຈັດລະບຽບຮູບແຖວກ້ອນກຳລັງສວນສະໜາມ.


​        ໂອກາດ​ດັ່ງກ່າວ, ທ່ານ ຄຳ​ພັນ ອ່ອນ​ພັນ ກໍ່​ໄດ້​ກ່າວ​ໂອ​ລົມ ​ແລະ ​ເນັ້ນ​ໜັກບາງ​ບັນຫາ​ແກ່​ນັກ​ສຶກສາຄູ​ພະລະ ​ໂດຍ​ສະ​ເພາະ

​ແມ່ນ​ໃຫ້​ເອົາ​ໃຈ​ໃສ່​​ເປັນ​ເຈົ້າ​ການຜັນ​ຂະຫຍາຍ​ວຽກງານ​ພະລະສຶກສາ​ໃຫ້​ໄປ​ຕາມ 5 ຫຼັກສະ​ນະ​ຂອງ​ການ​ສຶກສາ​ຢ່າງ​ມີ​ປະສິດທິ​ຜົນ

​ເນື່ອງ​ຈາກ​ທາງ​ພັກ ​ແລະ ລັດຖະບານ ກໍ່ຄື​ກະຊວງ​ສຶກສາ​ທິການ ​ແລະ ກິລາ ​ໄດ້​ໃຫ້​ຄວາມ​ສຳຄັນ​ແກ່ວຽກງານ​ດັ່ງກ່າວ​ໂດຍ​ການ​ອະ

ນຸມັດ​ໃຫ້​ມີ​ການ​ແຂ່ງຂັນ​ກິລາ​ນັກຮຽນສາຍ​ສາມັນ​ທົ່ວ​ປະ​ເທດທຸກໆ 2 ປີ ​ແລະ ຄູ​ພະລະ ກໍ່ເປັນ​ກຳລັງຫຼັກ​ໃນ​ການ​ສ້າງ​ນັກ​ກິລາ​ນັກ

ຮຽນ​ໃນ​ໂຮງຮຽນຕ່າງໆ ​ເພື່ອ​ສົ່ງ​ເຂົ້າ​ຮ່ວມ​ແຂ່ງຂັນ. ດັ່ງ​ນັ້ນ, ນັກ​ສຶກສາຄູ​ພະລະ ຈຶ່ງ​ຕ້ອງ​ໄດ້​ເອົາ​ໃຈ​ໃສ່​ສຶກສາ​ຮຽນຮູ້​ເອົາ​ເຕັກນິກວິ

ຊາ​ສະ​ເພາະ​ໃຫ້ຫຼາຍຂຶ້ນ ​ໂດຍ​ຕິດ​ພັນ​ກັບ​ສະພາບ​ເງື່ອນ​ໄຂ​ຕົວ​ຈິງເພາະ​ການ​ລົງ​ເຝິກ​ວິຊາ​ຊີບກໍ່ຄື​ການ​ທົດ​ສອບ​ຕົວ​ຈິງ​ຂອງ​ການ​ຮຽນ

ຮູ້.


         ຕອນ​ທ້າຍ, ທ່ານ ປອ. ອິນ​ຕອງ ​ເລີດ​ສິນ​ໄຊ ​ໄດ້ຕີລາຄາສູງຕໍ່ການລົງ​ຕິດຕາມ​ການ​ເຝິກ​ຫັດ​ວິຊາ​ຊີບ​ຂອງ​ນັກ​ສຶກສາຄູ​ພະລະ

ສຶກສາຢູ່ 3 ​ໂຮງຮຽນຄັ້ງ​ນີ້, ​ໂດຍແຕ່ລະໜ່ວຍ (​ໂຮງຮຽນ) ​ໄດ້ປະຕີບັດໄດ້ຕາມຈຸດປະສົງ ແລະ  ຄາດໝາຍຂອງແຜນການຢ່າງເປັນ

ຂະບວນການ ແລະ ມີບັນຍາກາດທີ່​ດີ​ແຕ່​ຄຽງຄູ່​ກັນ​ນີ້, ກໍ່ຍັງ​ມີດ້ານຄົງຄ້າງທີ່​ຈະ​ຕ້ອງ​ໄດ້​ມີ​ການ​ປັບປຸງ ​ເປັນ​ຕົ້ນ​ແມ່ນ   ການປະຕິບັດ

ກົດລະບຽບການ​ເຝິກຫັດ, ​ເພີ່ມຄຸນະພາບຂອງຈຸດປະສົງ ແລະ ຄາດໝາຍຂຶ້ນ ດ້ວຍຄວາມເອົາໃຈໃສ່ເປັນເຈົ້າການ​ໃນ​ການ​ຕິດຕາມ

ພຶດຕິກຳຂອງນັກ​ເຝິກຫັດ ​ໂດຍຕ້ອງໄດ້ໃກ້ສິດຕິດແທດຕື່ມອີກ.


        ສຳລັບແຜນຈຸດສຸມໃນຕໍ່ໜ້າ, ​ແມ່ນນຳເອົາບັນດາຂໍ້ຄົງຄ້າງມາປັບປຸງແຜນການຕິດຕາມໃຫ້ດີຂຶ້ນ, ຕິດຕາມແບບສັງເກດການ

ແລະ ແບບຈູ່ໂຈມໜ່ວຍໃດທີ່ມີຂໍ້ຄົງຄ້າງ; ນຳເອົາດ້ານດີມາເປັນຕົວແບບໃຫ້ແຕ່ລະໜ່ວຍ; ຊີ້ນຳຄືນໜ່ວຍງານຮັບຜິດຊອບ​ເຝິກຫັດ

ໃຫ້ເອົາໃຈໃສ່ ຈຸດປະສົງ ແລະ ຄາດໝາຍການ​ເຝິກຫັດໃຫ້ດີຂຶ້ນ. ນອກຈາກ​ນີ້, ຍັງ​ຈະ​ມີ​ການປັບປຸງຮູບແບບເນື້ອໃນວິທີການສອນ

ແຕ່ລະໜວດວິຊາ ​ ເປັນ​ຕົ້ນ​ແມ່ນວິຊາສະເພາະຄູພະລະໃຫ້ສອດຄ່ອງກັບບົດຮຽນການຕິດຕາມການ​ເຝິກຫັດ;  ສືບຕໍ່​ເຝິກອົບຮົມຄູ

ສອນຊ່ວຍໃຫ້ຄູຢູ່​ໂຮງຮຽນທີ່ບໍ່ມີຄູພະລະສຶກສາປະຈຳການໃນທົ່ວປະເທດໃຫ້ສຳເລັດ;  ສ້າງແຜນໂຄງການ  ແລະ  ກິດຈະກຳສ້າງ

ຄວາມເຂັ້ມແຂງໃຫ້ຄູພະລະສຶກສາທີ່ປະຈຳການຢູ່ແຕ່ລະ​​ໂຮງຮຽນໃນທົ່ວປະເທດໃຫ້ປະຕິບັດບົດບາດໜ້າທີ່ຂອງຕົນເອງ; ສຳຫຼວດ

ໃຫ້ເຫັນໄດ້ຈຳນວນຄູພະລະປະຈຳການໃນໂຮງຮຽນ, ໂຮງຮຽນທີ່ບໍ່ມີຄູພະລະປະຈຳການຄູພະລະທີ່ຍັງເປັນອາສາສະມັກທີ່ບໍ່ໄດ້ບັນ

ຈຸ ເພື່ອຫາວິທີປັບປຸງແກ້ໄຂ ແລະ ພັດທະນາຕໍ່ໄປ. ທັງນີ້, ກໍ່ເພື່ອໃຫ້ການພັດທະນາການສຶກສາເປັນໄປຕາມ 3 ລັກສະນະ ແລະ 5

ຫຼັກມູນຂອງ​ການ​ສຶກສາ​ຢ່າງແທ້ຈິງ.