ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday2602
mod_vvisit_counterYesterday3457
mod_vvisit_counterThis week9645
mod_vvisit_counterLast week22882
mod_vvisit_counterThis month73708
mod_vvisit_counterLast month137026
mod_vvisit_counterAll days738372

We have: 105 guests, 2 bots online
Your IP: 54.224.4.231
 , 
Today: ພ. ພ. 23, 2017


ຂຽນໂດຍ ຄານ​ສີສະ​ຫວັນ ພົງ​ພັກດີ   

ຫົວໜ້າ​ກົມ​ພະລະ-ສິລະ​ປະ ສສກ ເຄື່ອນ​ໄຫວ​ເຮັດ​ວຽກ​ ທີ່ແຂວງ​ຊຽງ​ຂວາງ


   ໃນ​ລະ​ຫວ່າງວັນ​ທີ 16-17 ມີນາ ຜ່ານ​ມາ​, ທ່ານ ບຸນ​ສຸກ ທິລະ​ສັກ ຫົວໜ້າ​ກົມ ​ພະລະ ແລະ ສິລະ​ປະ

   ກະຊວງ​ສຶກສາ​ທິການ ​ແລະ ກິລາ ພ້ອມ​ຄະນະ ໄດ້​ລົງໄປ​ເຄື່ອນ​ໄຫວ​ຢ້ຽມຢາມ  ແລະ  ເຮັດ​ວຽກ ​ ທີ່

   ​ແຂວງ​ຊຽງ​ຂວາງ ​ເພື່ອຕີ​ລາຄາ​ຄືນ​ຮ່າງ​ບົດສະຫຼຸບຜົນ​ການຈັດ​ຕັ້ງ​ປະຕິບັດ

       ວຽກ​ງານ​ໂຄງການຮຽນ​ຮູ້​ເລື່ອງລະ​ເບີດ​ບໍ່​ທັນ​ແຕກ ທ້າຍໂຄງການ​ໄລຍະ 2 ​ແລະ ຄົ້ນ​ຄວ້າຮ່າງ​ທິດ​ທາງ​ແຜນການ​ໄລຍະ 3

​ເພື່ອ​ນຳ​ສະ​ເໜີ​ຈັດ​ຕັ້ງປະຕິບັດ​ໃນ​ຕໍ່​ໜ້າ ທີ່​ຫ້ອງ​ປະຊຸມ​ພະ​ແນ​ກສຶກສາ​ທິການ ​ແລະ ກິລາ ​ແຂວງ​ຊຽງ​ຂວາງ​ໂດຍໃຫ້ກຽດເຂົ້າ​ຮ່ວມ

ຂອງ ​ທ່ານ ທອງ​ຜີວ ສີ​ປັນຍາ ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາແຂວງ​, ທ່ານ ພຸດທະ​ສັກ ຈຸນ​ລະ​ມະນີ ຫົວໜ້າ​ອົງ

ການ​ນໍ້າ​ໃຈ​ນັກ​ກິລາ ປະຈຳ ສປປ ລາວ ພ້ອມ​ດ້ວຍ​ວິຊາ​ການ​ຈາກ​ຂະ​ແໜງ​ການ​ທີ່​ກ່ຽວຂ້ອງ​.


        ​ໂອກາດ​ນີ້, ທ່ານ​ ບຸນສຸກ ທິລະສັກ ​ໄດ້​ກ່າວ​ສະ​ແດງ​ຄວາມ​ພໍ​ໃຈ​ຕໍ່​ກັບ​ຜົນ​ສໍາ​ເລັດ​ຫຼາຍ​ດ້ານ​ ທີ່ທາງ​ອົງການ​ນໍ້າ​ໃຈ​ນັກ​ກິລາ

​ໄດ້​ຈັດ​ຕັ້ງ​ເຄື່ອນ​ໄຫວ​ວຽກ​ງານຢູ່​ແຂວງ​ຊຽງ​ຂວາງ​ໃນ​ໄລຍະທີ 2 ຜ່ານ​ມາ ​ເປັນ​ຕົ້ນ​ແມ່ນ ຄູ​-ອາຈານ ​ແລະ ຜູ້​ບໍລິຫານ​ການ​ສຶກສາ

ຢູ່​ບັນດາ​ໂຮງຮຽນ​ເປົ້າ​ໝາຍ​ຂອງ​​ແຂວງມີ​ຄວາມ​ຮູ້​ຄວາມ​ເຂົ້າ​ໃຈ​ຕໍ່​ກັບແບບ​ແຜນ ​ແລະ ວິທີ​ການ​ຈັດການ​ຮຽນ-ການ​ສອນວິຊາ​ພະ

ລະ-ສິລະ​ປະ​ສຶກສາ ​ຕິດ​ພັນ​ກັບ​ໂຄງການ​ຮຽນ​ຮູ້​ເລື່ອງ​ລະ​ເບີດ​ບໍ່​ທັນ​ແຕກ ​ໂດຍ​ຜ່ານ​ກິລາ​ເຕະບານ​ໃນ​ໂຮງຮຽນ,ສາມາດ​ສ້າງແລະ

ຄັດ​ເລືອກ​​ໂຮງຮຽນ ​ເປັນ​ໂຮງຮຽນ​ຕົວ​ແບບ​ຂອງ​ໂຄງການ​ໄດ້ 16 ​ແຫ່ງ, ​ໃນ​ນັ້ນ ຊັ້ນ​ປະຖົມ​ສຶກສາ 8 ​ແຫ່ງ ​​ໃນ​ຈຳນວນທັງ​ໝົດ

185 ​ແຫ່ງ​ທີ່​ເຂົ້າ​ຮ່ວມ​ໂຄງການ ​ໂດຍ​ມີ​ນັກຮຽນ​ຊັ້ນ​ດັ່ງກ່າວ​ເຂົ້າ​ຮ່ວມ​ເຄື່ອນ​ໄຫວ​ກິດຈະກຳ ຈຳນວນ 15 ພັນ​ກວ່າ​ຄົນ ແລະ ຊັ້ນ

ມັດທະຍົມ​ສຶກສາ 8 ​ແຫ່ງ ​ໃນ​ຈຳນວນ​ທັງ​ໝົດ 75 ​ແຫ່ງ ທີ່​ເຂົ້າ​ຮ່ວມ​ໂຄງການ ​ໂດຍ​ມີ​ນັກຮຽນ​ເຂົ້າ​ຮ່ວມ​ເຄື່ອນ​ໄຫວ​ກິດຈະກຳ

ຈຳນວນ 3.500 ກວ່າ​ຄົນ.


        ພ້ອມນັ້ນ, ຍັງໄດ້ເຝິກ​ອົບຮົມຄູ​ເຝິກ ພະລະ-ສິລະ​ປະ ກ່ຽວ​ກັບ​ກິລາ​ເຕະບານ​ ​ແລະ ອົບຮົມ​ການ​ໃຫ້​ຄວາມ​ຮູ້​ເລື່ອງ​ລະ​ເບີດ

​ບໍ່​ທັນ​ແຕກ ​ແກ່​ຜູ້​ບໍລິຫານ​ໂຮງຮຽນ, ຄູ​-ອາຈານ ​ແລະ ພະນັກງານ​ວິຊາ​ການ ຈາກ​ຂະ​ແໜງ​ການ​ທີ່​ກ່ຽວຂ້ອງຂອງ​ພະ​ແນ​ກໃນ​ກຸ່ມ

​ເປົ້າ​ໝາຍ ​ໄດ້​ຈຳນວນ​ໜຶ່ງ ​ແລະ ສຳ​ເລັດ​ໂດຍ​ພື້ນຖານ, ຈັດ ການ​ແຂ່ງຂັນ​ກິລາ​ເຕະບານ​ ​ ແລະ  ​ໃຫ້​ຄວາມ​ຮູ້​ເລື່ອງ​ລະ​ເບີດ​ບໍ່​ທັນ

​ແຕກ ​ແກ່​ນ້ອງ​ນັກຮຽນ ລະດັບ​​ໂຮງຮຽນ, ລະ ດັບ​ເມືອງ ​ແລະ ລະດັບ​ແຂວງ ປະຈຳ​ເດືອນ, ປະຈຳ​ໄຕ​ມາດ ສຳ​ເລັດຕາມ​ແຜນ​ທີ່​

ກຳນົດ​ໄວ້​, ສະໜອງ​ອຸປະກອນ​ການ​ສຶກສາ ​ແລະ ອຸປະກອນ​ກິລາ ​ໃຫ້​ບັນດາ​ໂຮງຮຽນ​ກຸ່ມ​ເປົ້າ​ໝາຍ ທັງ​ຊັ້ນ​ປະຖົມ ​ແລະມັດທະ

ຍົມ​ສຶກສາ ​ໃນ​ນັ້ນ​ມີ​ປື້​ມຂຽນ 19 ພັນກວ່າ​ຫົວ, ບານ​ເຕະ 1.500 ກວ່າ​ໜ່ວຍ, ​ໂປ​ສ​ເຕີ້ 500 ກວ່າ​ແຜ່ນ ​ແລະ ຍັງ​ອີກ​ຫຼາຍໆຜົນ

ສຳ​ເລັດ ​ທີ່​ທາງ​ໂຄງການ​ຍາດ​ມາ​ໄດ້, ອັນ​ໄດ້​ເຮັດ​ໃຫ້​ວຽກ​ງານ​ກິລາ-ສິລະ​ປະ ຢູ່​ແຂວງ​ຊຽງ​ຂວາງ​ ໄດ້​ຮັບ​ການ​ເຄື່ອນ​ໄຫວ​ຢ່າງ​ເປັນ

​ຂະ​ບວນກວ້າງ​ຂວາງ​ໃນ​ໝູ່​ນັກຮຽນ ​ແລະ ​ໄດ້​ຮັບການ​ພັດທະນາ​ດີ​ຂຶ້ນ​ເລື້ອຍໆ. ພ້ອມດຽວ​ກັນ​ນັ້ນ, ວຽກ​ງານ​ຄວາມ​ຮູ້​ເລື່ອງ​ລະ​

ເບີດ​ບໍ່​ທັນ​ແຕກ ກໍ່​ໄດ້​ສຶກສາ​ໃຫ້​ເດັກ​ມີ​ສະຕິ ​ແລະ ຫຼີກ​ເວັ້ນຈາກ​ຄວາມ​ສ່ຽງ​ເຫຼົ່າ​ນັ້ນ​ໄດ້​​ໂດຍ​ສິ້ນ​ເຊີງ.


       ຫົວໜ້າ​ກົມ​ ພະລະ-ສິລະ​ປະ ຍັງ​ກ່າວ​ໃຫ້​ຮູ້​ອີກ​ວ່າ: ປະຈຸ​ບັນ​ຄະນະ​ຮັບຜິດຊອບ​ໂຄງການ ​ກຳລັງ​ຫ້າງ​ຫາ​ກະກຽມ ​ວາງ​ແຜນ

ການ​ເຄື່ອນ​ໄຫວ​ໂຄງການ​ໄລະຍະ​ທີ 3 ​ໂດຍ​ໄດ້​ພ້ອມ​ກັນ​ກຳນົດ​ເອົາບັນດາ​ເນື້ອ​ໃນ​ ​ແລະ ກິດ ຈະກຳ​ຕ່າງໆ ທີ່​ຈະ​ປະ​ຕິ​ບັດ​ໃນ​ຕໍ່ໜ້າ

​ ສຳ​ເລັດ​ລະດັບ​ໃດ​ໜຶ່ງ​ແລ້ວ, ຂັ້ນ​ຕອນ​ຕໍ່​ໄປ​ຈະ​ນຳ​ສະ​ເໜີ​ຕໍ່​ຂັ້ນ​ເທິງ ​ແລະ ພາກສ່ວນ​ທີ່​ກ່ຽວຂ້ອງ ເພື່ອ​ຂໍ​ທິດ​ຊີ້​ນຳ  ​ແລະ  ອະນຸມັດ​

ເຄື່ອນ​ໄຫວ​ເປັນ​ທາງ​ການ ຄາດ​ວ່າ​ຈະ​ໃຊ້​ງົບປະມານ​ທັງ​ໝົດ 2 ແສນໂດລາສະຫະລັດ ​ຫຼື 1 ຕື້​ກວ່າ​ກີບ. ທ່ານກ່າວອີກວ່າ:  ສຳລັບ

ເຫດການ​ປະຫວັດຕິ​ສາດ​ທີ່​ສຳຄັນທີ່​ພວມ​ກຳລັງ​ຈະ​ເກີດ​ຂຶ້ນ​ຢູ່​ແຂວງ​ຊຽງ​ຂວາງ​ໃນ​ໄລຍະ​ອັນ​ໃກ້​ນີ້​ກໍ່​ຄືຈະ​ມີ​ກອງ​ປະຊຸມ​ເຝິກອົບຮົມ

​ຄູ​ເຝິກ​ເຕະບານ​​ເພດ​ຍິງ​ລະດັບ​ພາກ​ພື້ນ ​ເຊິ່ງ​ມີ​ຫຼາຍ​ປະ​ເທດທີ່​ຈະ​ເດີນທາງ​ມາ​ເຂົ້າ​ຮ່ວມ ​ໂດຍ​ແມ່ນ​ແຂວງ​ຊຽງ​ຂວາງ​ຈະ​ເປັນ​ເຈົ້າພາບ

ຄາດ​ວ່າ​ຈະ​ແນ​ໃສ່ ເດືອນ​ເມສາ 2017 ນີ້.  ພ້ອມນັ້ນ, ທ່ານ​ຍັງ​ໄດ້ຮຽກຮ້ອງ​ມາ​ຍັງ​ທຸກ​ພາກສ່ວນ ຈົ່ງ​ເພີ່ມ​ທະວີ​ຄວາມ​ຮັບຜິດຊອບ

​ ປະກອບ ສ່ວນ​ຮ່ວມ​ໄມ້​ຮ່ວມ​ມື ​ເຮັດ​ໃຫ້ການ​ເຄື່ອນ​ໄຫວ​ວຽກ​ງານ​ຂອງ​ໂຄງການ​ໄລຍະ​ທີ  3  ທີ່​ພວມ​ຈະດຳ​ເນີນ​  ​ໃຫ້​ບັນລຸ​ຕາມ

​ແຜນ​ທີ່​ກຳ​ນົດໄວ້​ຢ່າງ​ມີ​ຜົນສຳ​ເລັດ.