ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday804
mod_vvisit_counterYesterday1107
mod_vvisit_counterThis week5436
mod_vvisit_counterLast week5558
mod_vvisit_counterThis month15446
mod_vvisit_counterLast month14409
mod_vvisit_counterAll days814630

We have: 62 guests, 9 bots online
Your IP: 54.156.37.123
 , 
Today: ສ. ຫ. 18, 2017


ຂຽນໂດຍ ສີວອນ   

ສຶກສາ-ກິລາ ນ.ວ ສອບເສັງນັກຮຽນເກັ່ງ ປ5, 4 ​ແລະ ມ7 ສົກ 2016-2017


   ພະ​ແນ​ກສຶກສາ​ທິການ ​ແລະ ກິລາ ນະຄອນຫຼວງວຽງຈັນ (ນ.ວ) ຈັດພິທີ​ເປີດ​ບັ້ນສອບ​ເສັງ​ນັກຮຽນ

   ​ເກັ່ງ ​ປ5, ມ4 ​ແລະ ມ7 ທົ່ວ​ນະຄອນຫຼວງວຽງຈັນ ປະຈຳ​ສົກປີ 2016-2017 ​ ໃນ​ວັນ​ທີ 14ມີນາ

   2017 ທີ່​ໂຮງຮຽນມັດທະຍົມ​ສົມບູນວຽງຈັນ,


        ໂດຍ​ພາຍ​ໃຕ້ການ​ເປັນ​ປະທານຂອງ​ທ່ານ ຊົມ​ພູ ​ແກ້ວ​ປັນຍາ ຫົວໜ້າພະ​ແນ​ກສຶກສາ​ທິການ ​ແລະ ກິລາ ນະຄອນຫຼວງ

ວຽງຈັນ, ມີຫົວໜ້າຫ້ອງການສຶກສາທິການ ແລະ ກິລາ  9 ເມືອງ, ​ຫົວໜ້າ-ຮອງຫົວໜ້າ​ຂະ​ແໜງ,   ຄະນະ​ຮັບຜິດຊອບ​ການ

​ສອບ​ເສັງ, ຄູ​ຍາມ​ຫ້ອງ​ສອບ​ເສັງ ຕະຫຼອດຮອດນ້ອງ​ນັກຮຽນເຂົ້າຮ່ວມ​ທັງໝົດ 620 ຄົນ​.


​      ໃນ​ໂອກາດ​ນີ້, ທ່ານ ບຸນ​ທັນ ​ແສງ​ມະນີ ຫົວໜ້າຂະ​ແໜງມັດທະຍົມ ພະ​ແນ​ກສຶກສາ​ທິການ ​ແລະກິລາ ​ນະຄອນຫຼວງວຽງ

ຈັນ ໄດ້​ກ່າວ​ວ່າ: ການ​ຈັດສອບ​ເສັງ​ນັກຮຽນ​ເກັ່ງ​ທົ່ວນະຄອນຫຼວງວຽງຈັນ​ຄັ້ງນີ້ກໍ່​ເພື່ອ​ກະຕຸກ​ຊຸ​ກຍູ້ຂະ​ບວນການ​ຮຽນ-ການ​ສອນ

ຂອງ​ຄູ​-ອາຈານ ​ແລະ ນັກຮຽນ​ໃຫ້​ມີ​ຄວາມ​ຫ້າວຫັນ​ເບີກບານ​ມ່ວນ​ຊື່ນ ​ຕັ້ງໜ້າ​ເອົາ​ໃຈ​ໃສ່​ຕໍ່ການ​ສິດສອນ ​ແລະ ຮໍ່າຮຽນ, ມີການ

ແຂ່ງຂັນຢ່າງຕັ້ງໜ້າໃນການສ້າງຜົນງານພັດທະນາການສຶກສາໃຫ້ມີຄຸນະພາບ ຍັບເຂົ້າຫາສາກົນເລື້ອຍໆ,ຮັບປະກັນ​​ໄດ້ໃນ​ການ​ປະ

ຕິບັດ​ໂຄງການຫຼັກສູດ ທັງ​ເປັນ​ການຈັດຕັ້ງປະຕິບັດ 3 ຂໍ້​ແຂ່ງຂັນ​ທີ່​ກະຊວງ​ສຶກສາ​ທິການ​ແລະກິລາວາງ​ອອກ​ໃຫ້​ປາກົດ​ຜົນ​ເປັນ​

ຈິງ ​ແລະ ​ໄດ້​ຮັບ​ຜົນສຳ​ເລັດ​ຕາມ​ລະດັບ​ຄາດໝາຍ, ອີກ​ຢ່າງ​ກໍ່​ເພື່ອ​ເປັນ​ການກວດກາ​ຕີ​ລາຄາຜົນ​ການຈັດຕັ້ງປະຕິບັດ​ໃນ​ການ​ພັດ

ທະນາ​ສຶກສາ​ຂອງ​ຜູ້ອຳນວຍການ ​ແລະ ຄູ-​ອາຈານ​ແຕ່ລະ​ໂຮງຮຽນ ພ້ອມ​ທັງ​ຄັດ​ເລືອກ​ເອົາ​ນັກຮຽນທີ່​ມີ​ພອນ​ສະຫວັນ​ໃນ​ການ​

ຮຽນ​ເກັ່ງ, ມີ​ລະບຽບວິ​ໄນ ​ແລະມີຄຸນສົມບັດ​ດີ​ ເພື່ອ​ເປັນ​ຕົວ​ແທນ​ນັກຮຽນ​ເກັ່ງນະຄອນຫຼວງວຽງຈັນ​ ກຽມ​ເຂົ້າຮ່ວມ​ການ​ສອບ

​ເສັງ​ນັກຮຽນ​ເກັ່ງ​ລະດັບ​ຊາດ.


      ການ​ສອບ​ເສັງ​ນັກຮຽນ​ເກັ່ງ​ໃນ​ຄັ້ງນີ້, ມີ​ນັກ​ສອບ​ເສັງ​ທັງໝົດ 563 ນ້ອງ, ຍິງ 390 ນ້ອງ ຈັດ​ເປັນ 25 ຫ້ອງ​ສອບ​ເສັງ​. ​ໃນ​

ນີ້,ຂັ້ນ ປ5 ມີ​ຈຳນວນ​ນັກຮຽນ​ 146 ນ້ອງ, ຍິງ 112 ນ້ອງ ຈັດ​ເປັນ 6 ຫ້ອງ​ສອບ​ເສັງ ປະກອບ​ດ້ວຍ 3 ວິຊາ​ ຄື: ຄະນິດ​ສາດ,ພາ

ສາ​ລາວ ​ແລະ ​ໂລກ​ອ້ອມ​ຕົວ, ຂັ້ນ ມ4 ມີ​ຈຳນວນນັກຮຽນ 222 ນ້ອງ, ຍິງ 163 ນ້ອງຈັດ​ເປັນ 10 ຫ້ອງ​ສອບ​ເສັງປະກອບ​ດ້ວຍ

4 ວິຊາ ​ຄື: ຄະນິດສາດ, ພາສາ​ລາວ-​ວັນນະຄະດີ, ຟິຊິກ​ສາດ ​ແລະ ​ເຄມີ​ສາດ, ຂັ້ນ ມ7 ມີ​ຈຳນວນນັກຮຽນ 195ນ້ອງ, ຍິງ 115

ນ້ອງຈັດ​ເປັນ 9 ຫ້ອງ​ສອບ​ເສັງປະກອບ​ດ້ວຍ 4 ວິຊາ ​ຄື: ຄະນິດສາດ, ພາສາ​ລາວ-​ວັນນະຄະດີ, ຟິຊິກ​ສາດ ​ແລະ ​ເຄມີ​ສາດ.


       ສຳລັບການ​ສອບ​ເສັງນັກຮຽນ​ເກັ່ງ​ຄັ້ງດັ່ງກ່າວ​ນີ້​, ​ຈະ​ເລືອກ​ເອົາ​ນ້ອງ​ນັກຮຽນທີ່​ມີ​ຄະ​ແນນ​ສູງ​ສູດ,ສອບເສັງ​ໄດ້ທີ 1 ຂອງ​ແຕ່​

ລະວິ​ຊາ ຄື: ຂັ້ນ ປ5 ວິຊາ​ລະ 1 ຄົນ, ລວມ 3 ຄົນ, ຂັ້ນ ມ4 ​ວິຊາ​ລະ 1 ຄົນ, ລວມ 4 ຄົນ ແລະ ຂັ້ນ ມ7 ວິຊາ​ລະ 1 ຄົນ,ລວມ

4 ຄົນ,ລວມທັງໝົດ 12 ນ້ອງ ​ທີ່​​ເປັນ​ຕົວ​ແທນ​ໃຫ້​ແກ່ນ​ະຄອນຫຼວງວຽງຈັນ​ໄປ​ສອບ​ເສັງ​ລະດັບ​ທົ່ວ​ປະ​ເທດ,  ​​ເຊິ່ງຈະ​ຈັດ​ຂຶ້ນໃນ

​ທ້າຍເດືອນ​ເມສາ​ນີ້.ໃນ​ໂອກາດ​ດັ່ງກ່າວ, ທ່ານ ຊົມພູ ແກ້ວປັນຍາໄດ້​ສະ​ແດງ​ຍ້ອງຍໍ​ຊົມ​ເຊີຍ​ຕໍ່ຄະນະ​ຮັບຜິດຊອບ​ການ​ສອບ​ເສັງ

ຕັ້ງ​ແຕ່​ການເລີ່​ມຕົ້ນຄັດ​ເລືອກ​ຢູ່​ໃນ​ແຕ່ລະ​ໂຮງຮຽນ, ​ແຕ່ລະ​ເຂດເມືອງ​ຕ່າງໆທີ່​ໄດ້​ເອົາ​ໃຈ​ໃສ່ກະກຽມຄວາມ​ພ້ອມ​ຈົນ​ສາມາດ​ຄັດ​

ເລືອກນັກຮຽນ​ເກັ່ງຂັ້ນ ປ5, ມ4 ​ແລະ ມ7 ຕາມ​ຄາດໝາຍ ​ແລະ ແນະນຳນ້ອງນັກຮຽນທຸກຄົນຕ້ອງໄດ້ເອົາໃຈໃສ່ຢ່າງຈິງຈັງແທ້ໆ,

ຕ້ອງເກັ່ງຈຶ່ງສາມາດເປັນທີ 1 ຂອງນະຄອນຫຼວງວຽງຈັນ ເພື່ອຕາງໜ້າໃຫ້ນ້ອງນັກຮຽນອື່ນເຂົ້າສອບເສັງລະດັບຊາດ  ທີ່ຈະສອບ

ເສັງໃນທ້າຍເດືອນເມສານີ້,ພ້ອມ​ດຽວກັນ​ກໍ່ຮຽກຮ້ອງ​ໃຫ້​ຄະນະ​ກຳມະການ​ກວດ​ບົດ ​ແລະ ຍາມ​ຫ້ອງ​ຕ້ອງ​ພ້ອມ​ກັນ​ເອົາ​ໃຈ​ໃສ່​ສື່​

ສັດ​ບໍລິສຸດ​ຍຸດຕິ​ທຳຕໍ່ໜ້າທີ່,ມີ​ຄວາມ​ໂປ່​ງ​ໃສ ​ແລະ ​ເປັນ​ທຳ, ພ້ອມ​ປະຕິບັດກົດ​ລະບຽບສອບ​ເສັງ​ຢ່າງ​ເຂັ້ມງວດແລະໃຫ້ໄດ້​ຕາມ​

ຈຸດປະສົງ​ເປົ້າໝາຍທີ່​ວາງ​ໄວ້.