ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday2337
mod_vvisit_counterYesterday3814
mod_vvisit_counterThis week19857
mod_vvisit_counterLast week22882
mod_vvisit_counterThis month83920
mod_vvisit_counterLast month137026
mod_vvisit_counterAll days748584

We have: 67 guests, 7 bots online
Your IP: 54.224.200.104
 , 
Today: ພ. ພ. 26, 2017


ຂຽນໂດຍ ສາວ​ສະຫວັນ   

2 ວິທະຍາ​ໄລ ຮ່ວມແລກປ່ຽນບົດຮຽນວຽກງານພັດທະນາຄູ


   ວິທະຍາໄລ ພະລະສຶກສາ ແລະ ວິທະຍາໄລ ຄູຄັງໄຂ ​ແຂວງ​ຊຽງຂວາງ ໄດ້ແລກປ່ຽນບົດຮຽນ

   ວຽກງານພັດທະນາຄູ ໃນວັນທີ 14 ກຸມພາ ຜ່ານມາ ທີ່ວິທະຍາໄລ ພະລະສຶກສາ ນະຄອນຫຼວງ

   ວຽງຈັນ,

      ໂດຍໃຫ້ກຽດເປັນປະທານຂອງທ່ານ ນາງ ລິນທອງ ໄຊຍະສິດ ແລະ ທ່ານ ບົວຫວັນ ໄຊປັນຍາ ຮອງຜູ້ອໍານວຍການວິ

ທະຍາໄລ ພະລະສຶກສາ ​ແລະ ທ່ານ ນາງ ທຽນ ພູພອນທອງ ຮອງຜູ້ອໍານວຍການວິທະຍາໄລ ຄູຄັງໄຂ, ມີບັນດາຫົວໜ້າ-ຮອງ

ຫົວໜ້າຫ້ອງການ, ຂະແໜງ ແລະ ພະນັກງານຄູ-ອາຈານເຂົ້າຮ່ວມຢ່າງພ້ອມພຽງ.


      ໂອກາດດັ່ງກ່າວ, ທ່ານ ນາງ ລິນທອງ ໄຊຍະສິດ ​ໄດ້ກ່າວວ່າ: ການແລກປ່ຽນບົດຮຽນໃນຄັ້ງນີ້,  ຈະເປັນເງື່ອນໄຂອັນດີ

ໃຫ້ແກ່ວິທະຍາໄລພະລະສຶກສາ ເພາະວິທະຍາໄລ  ຄູຄັງໄຂ ເປັນສະຖາບັນການສຶກສາທີ່ຊົງຄຸນວຸດທິ ແລະ ຢູ່ໃນກອບການ

ພັດທະນາຂອງກົມສ້າງຄູ, ເຊິ່ງໄດ້ມີການພັດທະນາສ້າງຄວາມເຂັ້ມແຂງມາຕະຫຼອດ. ນອກຈາກນີ້, ທ່ານຮອງຜູ້ອໍານວຍການ

ຍັງໄດ້ລາຍງານກ່ຽວກັບວິທະຍາໄລ ພະລະສຶກສາ ທີ່ໄດ້ສ້າງຕັ້ງຂຶ້ນໃນວັນທີ 1 ມັງກອນ 1978ເຊິ່ງເປັນໂຮງຮຽນຊັ້ນກາງ​ແລະ

ມາໃນປີ 2009 ໄດ້ຍົກຖານະເປັນວິທະຍາໄລ. ປັດຈຸບັນໄດ້ດໍາເນີນການຮຽນ-ການສອນ 4 ຫຼັກສູດ ຄື: ຊັ້ນສູງປົກກະຕິຊັ້ນ

ສູງຕໍ່ເນື່ອງ, ປະລິນຍາຕີປົກກະຕິ ແລະ ປະລິນຍາຕີຕໍ່ເນື່ອງ ໂດຍມີຜູ້ອໍານວຍການ 1 ທ່ານ, ຮອງຜູ້ອໍານວຍການ 2 ທ່ານ, ມີ

ຄູສອນ ຈໍານວນ 64 ຄົນ, ຍິງ 30 ຄົນ, ມີນັກສຶກສາ ຈໍານວນ 717 ຄົນ, ຍິງ 115 ຄົນ.


       ຂະນະດຽວກັນ, ທ່ານ ນາງ ທຽນ ພູພອນທອງ ໄດ້ກ່າວວ່າ: ການແລກປ່ຽນບົດຮຽນດັ່ງກ່າວ, ຖືເປັນສິ່ງສໍາຄັນທີ່ທັງ 2

ວິທະຍາໄລຈະໄດ້ພົບປະ, ແລກປ່ຽນຄວາມຮູ້ເຊິ່ງກັນ ແລະ ກັນ ທັງເປັນການຮັດແໜ້ນຄວາມສາມັກຄີປອງດອງ,   ພ້ອມທັງ

ເຮັດໃຫ້ຄຸນະພາບການສຶກສາຂອງທັງ 2 ວິທະຍາ​ໄລ ມີປະສິດທິພາບສູງຂຶ້ນ. ນອກຈາກນີ້,ທ່ານ ຍັງໄດ້ລາຍງານກ່ຽວກັບວິທະ

ຍາໄລ ຄູຄັງໄຂ ທີ່ເປັນເປັນໂຮງຮຽນສືບທອດມາຈາກໂຮງຮຽນສ້າງຄູຊັ້ນກາງທີ່ສ້າງຕັ້ງຂຶ້ນໃນວັນທີ 20 ມັງກອນປີ 1965​ແລະ

ມາເຖິງປີ 1998 ໄດ້ສ້າງຕັ້ງເປັນວິທະຍາໄລ ຄູຄັງໄຂ ຈົນເຖິງປັດຈຸບັນ. ໃນສົກຮຽນ 2016-2017 ມີຜູ້ອໍານວຍການ 1 ທ່ານ

ແລະ ຮອງຜູ້ອໍານວຍການ 3 ທ່ານ, ມີພະນັກງານ, ຄູ-ອາຈານ ຈໍານວນ 185 ຄົນ, ຍິງ 90 ຄົນ  ແລະ ມີນັກສຶກສາ ຈໍານວນ

1.183 ຄົນ, ຍິງ 648 ຄົນ.


        ນອກຈາກນີ້,​ ທັງ 2 ວິທະຍາໄລ ຍັງໄດ້ນໍາສະເໜີ ແລະ ແລກປ່ຽນບົດຮຽນກ່ຽວກັບການຈັດຕັ້ງປະຕິບັດວຽກງານວິໄຈ

ແລະ ວິທີເຜີຍແຜ່ຜົນງານທາງດ້ານການຄົ້ນຄວ້າວິໄຈ, ການຈັດຕັ້ງປະຕິບັດວຽກງານສຶກສາການສອນການຈັດຕັ້ງປະຕິບັດວຽກ

ງານເຝິກອົບຮົມພາຍໃນສະຖາບັນ ແລະ ວິທີການຕິດຕາມນັກສຶກສາທີ່ຈົບຈາກວິທະຍາໄລ. ​ໂອກາດ​ດຽວກັນ​ນັ້ນຍັງໄດ້ມີການ

ເຊັນບົດບັນທຶກ ແລກປ່ຽນບົດຮຽນລະຫວ່າງ ວິທະຍາໄລ ຄູຄັງໄຂ ແລະ ວິທະຍາໄລ ພະລະສຶກສາ ກ່ຽວກັບວຽກງານພັດທະ

ນາຄູ ເພື່ອເຮັດໃຫ້ຄຸນະພາບການສ້າງຄູໄດ້ມາດຕະຖານເທື່ອລະກ້າວ, ທຽບເທົ່າກັບພາກພື້ນ ແລະ ສາກົນ  ພ້ອມທັງເປັນການ

ເສີມຂະຫຍາຍຄວາມສາມັກຄີ ລະຫວ່າງ 2 ວິທະຍາໄລໃຫ້ໜັກແໜ້ນກວ່າເກົ່າ.