ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday336
mod_vvisit_counterYesterday1131
mod_vvisit_counterThis week1585
mod_vvisit_counterLast week3258
mod_vvisit_counterThis month9288
mod_vvisit_counterLast month7268
mod_vvisit_counterAll days844543

We have: 12 guests, 3 bots online
Your IP: 54.196.33.246
 , 
Today: ຕ. ລ. 24, 2017


ຂຽນໂດຍ ສາວ​ສະຫວັນ   

ການ​ນຳ ສສກ ຮ່ວມເວທີຫາລືລະດັບສາກົນວ່າດ້ວຍການສຶກສາ ປະຈໍາປີ 2017 ທີ່ອັງກິດ


   ຄະນະ​ການນໍາ ກະຊວງ​ສຶກສາ​ທິການ ​ແລະ ກິລາ(ສສກ)ນໍາ​​​ໂດ​ຍທ່າ​ນ ນາງ ​ແສງ​ເດືອນ ຫຼ້າ​ຈັນທະ​ບູນ

   ລັດຖະມົນ​ຕີ​ ກະຊວງ​ສຶກສາ​ທິການ  ​ແລ ກິລາ ພ້ອມ​ດ້ວຍວິຊາ​ການ​ຈາກ​ຫ້ອງການ  ​ແລະ ກົມ​ກ່ຽວ

   ຂ້ອງ​ເຂົ້າ​ຮ່ວມ​ກອງ​ປະຊຸມ​ເວທີ​ປຶກສາ​ຫາລື​ລະດັບ​ສາກົນ


       ວ່າ​ດ້ວຍ​ການ​ສຶກສາ ປະຈໍາປີ 2017 ​​ເມື່ອ​ບໍ່ດົນຜ່ານ​ມາ ທີ່ນະຄອນຫຼວງລອນດອນ ປະເທດອັງກິດ, ມີບັນດາລັດຖະມົນຕີ

ກະຊວງສຶກສາຈາກ 85 ກວ່າປະເທດໃນໂລກ, ພ້ອມດ້ວຍວິຊາການຈາກຫຼາຍອົງການຈັດຕັ້ງສາກົນທີ່ເຮັດວຽກກ່ຽວກັບການສຶກ

ສາ​ເຂົ້າ​ຮ່ວມ. ກອງ​ປະຊຸມ​ດັ່ງກ່າວ, ວິຊາ​ການ​ຈາກ​ຫຼາຍ​ປະ​ເທດ​ໄດ້​ແລກ​ປ່ຽນ​ບົດຮຽນ​ກ່ຽວ​ກັບ​ການ​ພັດທະນາ​ການ​ສຶກສາ, ການ

​ແກ້​ໄຂ​ຂໍ້ຄົງຄ້າງ ​ແລະ ສິ່ງທ້າ​ທາຍ, ການ​ປັບປຸງ​ຄຸນະພາບ​ການ​ສຶກສາ​ໃນ​ພາກ​ພື້ນ ​ແລະ ​ໃນ​ໂລກ ​​ໂດຍ​ສະ​ເພາະ​ແມ່ນ​ປະ​ເທດ​ທີ່​ກໍາ

ລັງ​ພັດທະນາ ​ເພື່ອ​ຮັບຮອງ​ການ​ຂະຫຍາຍ​ຕົວ​ທາງ​ດ້ານ​ເສດຖະກິດ ​ແລະ ສັງຄົມ​ໃນ​ຍຸກ​ປັດຈຸບັນ. ສໍາ​ລັບ​ປີ  2017 ກອງປະຊຸມ

ຍັງໄດ້ລົງເລິກ​ເຖິງການແລກປ່ຽນບົດຮຽນກ່ຽວກັບການສິດສອນ,  ການສອບເສັງ,  ການນໍາໃຊ້ພອນສະຫວັນຂອງຜູ້ຮຽນ  ແລະ

ເທັກໂນໂລຢີເຂົ້າໃນການສຶກສາ. ນອກຈາກນີ້, ບັນດານັກວິຊາການຈາກຫຼາຍອົງການຍັງໄດ້ແລກປ່ຽນ  ແລະ  ສົນທະນາກັນກ່ຽວ

ກັບຄຸນະພາບການສິດສອນຂອງຄູ, ເຊິ່ງສັງລວມວ່າ: ຄູສອນມີບົດບາດສຳຄັນໃນການປັບປຸງຄຸນະພາບການສຶກສາໃນທຸກລະດັບ

ໂດຍຄູຕ້ອງມີຄວາມຮູ້, ເຂົ້າໃຈເນື້ອໃນຂອງບົດຮຽນ  ແລະ  ສາມາດນຳໃຊ້ແຫຼ່ງຂໍ້ມູນຕ່າງໆເຂົ້າໃນການສິດສອນ.ຄຽງຄູ່ກັນນັ້ນ,

 ຄູຕ້ອງມີຄວາມເປັນເອກະລາດໃນການນໍາໃຊ້ວິທີການສິດສອນ, ອຸປະກອນຮັບໃຊ້ການສິດສອນ ໂດຍອີງໃສ່ຄວາມຖະໜັດຂອງ

ຕົນ. ນອກຈາກນັ້ນ, ຄູຕ້ອງມີການສ້າງເຄືອຂ່າຍ ເພື່ອແລກປ່ຽນບົດຮຽນ,​ ຄວາມຮູ້ ແລະ ຊັບພະຍາກອນ ເພື່ອພັດທະນາຄວາມ

ຮູ້ ແລະ ວິທີການສິດສອນຂອງຕົນ ແລະ ໄດ້ຕີລາຄາວ່າ ເຫດຜົນທີ່ພາໃຫ້ຄູສິດສອນບໍ່ມີຄຸນະພາບ ອາດມາຈາກຫຼາຍປັດໄຈ ​ເປັນ

ຕົ້ນແມ່ນ ສິ່ງຈູງໃຈ ແລະຄ່າຕອບແທນຍັງຕໍ່າສະພາບແວດລ້ອມການສິດສອນຍັງບໍ່ທັນເອື້ອຍອໍານວຍຄວາມສະດວກເທົ່າທີ່ຄວນ,

ອຸປະກອນຮັບໃຊ້ການສິດສອນຍັງບໍ່ທັນພຽງພໍ, ຫ້ອງຮຽນແອອັດ,​ ສອນຫ້ອງຄວບ,​ ສອນບໍ່ຖືກຕາມວິຊາທີ່ຮຽນມາ,ຂາດການ

ຊ່ວຍເຫຼືອ ແລະ ສະໜັບສະໜູນຈາກຄູນິເທດ  ແລະ ພາກສ່ວນທີ່ກ່ຽວຂ້ອງ.ສິ່ງສໍາຄັນກໍ່ຄືການຄັດເລືອກຜູ້ໄປຮຽນເປັນຄູ ຕ້ອງ

ແມ່ນຜູ້ທີ່ຮຽນເກັ່ງ ແລະ ມີຄວາມຮັກໃນວິຊາຊີບ.

 

        ຂະນະ​ດຽວກັນ, ທ່ານ ລັດຖະມົນ​ຕີ​ ຍັງ​ໄດ້ພົບປະກັບຕົວແທນຈາກບໍລິສັດໄມໂຄຣຊອບ (Microsoft) ເພື່ອປຶກສາຫາລື

ກ່ຽວກັບແຜນການຮ່ວມມືໃນຕໍ່ໜ້າກັບກະຊວງສຶກສາທິການ ແລະ ກິລາ ໃນການນໍາໃຊ້ສື່ເອເລັກໂຕຣນິກເຂົ້າໃນການຮຽນ-ການ

ສອນໃນສາຍສາມັນສຶກສາ. ນອກຈາກ​ນີ້, ຍັງໄດ້ພົບປະກັບຄະນະຜູ້ແທນຈາກກົມອາຊຽນ ກະຊວງການຕ່າງປະເທດຂອງປະເທດ

ອັງກິດ ແລະ ຫົວໜ້າອົງການຈັດຕັ້ງສາກົນ ເພື່ອການຮ່ວມມືທາງວັດທະນະທໍາ ແລະ ການສຶກສາຂອງອັງກິດ ປະຈໍາ​ເອ​ເຊຍ ເພື່ອ

ປຶກສາຫາລືກ່ຽວກັບໂຄງການຮ່ວມມືດ້ານການຮຽນ-ການສອນພາສາອັງກິດ ໂດຍສະເພາະແມ່ນການສ້າງຄວາມເຂັ້ມແຂງໃຫ້ແກ່

ຄູ-ອາຈານ ແລະ ນັກສຶກສາຄູໃນສະຖາບັນສ້າງຄູ.


        ສຳລັບການປະເມີນຜົນການຮຽນຂອງນັກຮຽນ ບໍ່ແມ່ນພຽງແຕ່ຢາກຮູ້ເຖິງລະດັບຄວາມຮູ້ຂອງນັກຮຽນ​ເທົ່ານັ້ນ ຍັງເພື່ອກຳ

ນົດນະໂຍບາຍປັບປຸງຫຼັກສູດການສິດສອນ, ວິທີການສິດສອນ ແລະ ການພັດທະນາຄູ;ການນຳໃຊ້ເຄື່ອງມືການປະເມີນຂອງສາກົນ

ຕ້ອງໃຊ້ຢ່າງລະມັດລະວັງ, ຕ້ອງໃຫ້ສອດຄ່ອງກັບສະພາບແວດລ້ອມ ແລະ ຈຸດພິເສດຂອງການສຶກສາພາຍໃນປະເທດ.ຕອນທ້າຍ,

ທ່ານລັດຖະມົນຕີຍັງໄດ້ສະເໜີໃຫ້ທ່ານເອກອັກຄະລັດສະທູດແຫ່ງ ສປປ ລາວ ປະຈໍາປະເທດອັງກິດສືບຕໍ່ຕິດຕາມນໍາບັນດາພາກ

ສ່ວນຕ່າງໆທີ່ໄດ້ພົບປະກັນ ເພື່ອສ້າງໂຄງການຮ່ວມມືການພັດທະນາຄູໃນຕໍ່ໜ້າ.