ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday1319
mod_vvisit_counterYesterday3443
mod_vvisit_counterThis week17492
mod_vvisit_counterLast week25878
mod_vvisit_counterThis month124612
mod_vvisit_counterLast month168269
mod_vvisit_counterAll days652250

We have: 129 guests, 29 bots online
Your IP: 54.80.36.205
 , 
Today: ມ. ສ. 27, 2017


ຂຽນໂດຍ ສາວ​ແກ້ວ​ອຸດົມ   

ລາວ-ມາ​ເລ​ເຊຍ ຫາລື​​​ຍົກ​ລະດັບ​ຄວາມ​ຮູ້​ແກ່​ພະນັກງານ, ຄູ-​ອາຈານ​ໃນ​ລາວ 


   ສປປ ລາວ ​ແລະ ມາ​ເລ​ເຊຍ ປຶກສາຫາລື​​ໃນ​ການຮ່ວມ​ມືຫຼາຍ​ດ້ານ ​ເປັນ​ຕົ້ນ​ແມ່ນ​ການ​ຮ່ວມ​ມື​ ​ຍົກ​

   ລະດັບ​ໃຫ້​ແກ່​ພະນັກງານ, ຄູ-ອາຈານ ​ໃນ​ດ້ານ​ສິ່ງ​ແວດ​ລ້ອມ, ການ​ສ້າງ​​ຕັ້ງ​ສູນ​ຄົ້ນຄວ້າ​ວິ​ໄຈ​ກ່ຽວ​ກັບ

   ​ເລື່ອງ​ດິນ​ຟ້າ​ອາກາດ​ໃນ​ລາວ

      ແນ່​ໃສ່​ພັດທະນາ​ວຽກ​ງານ​ທາງ​ດ້ານ​ການ​ສຶກສາ, ສິ່ງ​ແວດ​ລ້ອມ, ຊີ​ວະ​ວິທະຍາໃຫ້​ມີ​ການພັດທະນາ​ຂຶ້ນ​ເປັນ​ກ້າວໆ.ເມື່ອ​

ວັນ​ທີ 13 ກຸມພາ ຜ່ານ​ມາ ທີ່​ກະຊວງ​ສຶກສາ​ທິການ ແລະ ກິລາ, ທ່ານ ນາງ ​ແສງ​ເດືອນ ຫຼ້າ​ຈັນທະ​ບູນ ລັດຖະມົນຕີ ກະຊວງ​

ສຶກສາ​ທິການ ​ແລະ ກິລາ ​ໄດ້​ໃຫ້​ກຽດ​ຕ້ອນຮັບ​ການ​ເຂົ້າ​ຢ້ຽມ​ຄຳນັບ​ຂອງ​ທ່ານ ອາ​ຕູ​ອົມ ຣີກັນ ຮອງ​ອະທິການບໍດີ​ມະຫາວິທະ

ຍາ​ໄລ​​ ​ລັດຕຣົມສ໌ ປະ​ເທດ​ມາ​ເລ​ເຊຍ ພ້ອມ​ດ້ວຍ​ຄະນະ, ​ໂດຍ​ມີ​ບັນດາບັນດາ​ຮອງ​ຫົວໜ້າ​ກົມ ​ແລະ ພາກສ່ວນ​ທີ່​ກ່ຽວຂ້ອງ​

ທັງ 2 ຝ່າຍ​ເຂົ້າ​ຮ່ວມ.


       ​ການ​ຢ້ຽມຢາມ​ໃນ​ຄັ້ງ​ນີ້, ກໍ່​ເພື່ອ​ເປັນ​ການ​ປຶກສາ​ຫາລື  ​ແລະ  ​ແຈ້ງ​ລະ​ອຽດກ່ຽວ​ກັບ​ແຜນການ​ທີ່​ຈະ​ຮ່ວມ​ມື​ກັນ​ລະຫວ່າງ

ກະຊວງ​ສຶກສາ​ທິການ​ແລະກິລາ ​ໂດຍ​ສະ​ເພາະ​ແມ່ນມະຫາວິທະຍາ​ໄລ​ແຫ່ງ​ຊາດ ​ແລະ ມະຫາວິທະຍາ​ໄລ ​ລັດຕຣົມສ໌ປະ​ເທດ

ມາ​ເລ​ເຊຍ ​ໃນ​​ການເຝິກອົບຮົມ​ໃຫ້​ແກ່ ​ພະນັກງານ ຄູ-​ອາຈານ ທາງ​ດ້ານ​ສິ່ງ​ແວດ​ລ້ອມ ພາຍ​ໃນ​ກະຊວງ​ສຶກສາ​ທິການ ​ແລະ ກິ

ລາກໍ່​ຄືມະຫາວິທະຍາ​ໄລ​ແຫ່ງ​ຊາດຂອງ​ລາວເພື່ອ​ໄປ​ຄົ້ນຄວ້າ​ຍົກ​ລະດັບຄວາມ​ຮູ້​ຄວາມ​ສາມາດທີ່​ມະຫາວິທະຍາ​ໄລລັດຕຣົມສ໌

​ໃນ​ໄລຍະ 2 ອາທິດ, 3 ​ເດືອນ ​ແລະ 6 ​ເດືອນ, ​ເຊິ່ງຄ່າ​ທີ່​ພັກ ​ແລະ ຄ່າ​ກິນ​ຢູ່​ຕ່າງໆ​ແມ່ນ​ທາງ​ມະຫາວິທະຍາ​ໄລ ​ລັດຕຣົມສ໌ຈະ

​ເປັນ​ຜູ້​ຮັບຜິດຊອບ.


       ທັງ​ນີ້, ​ເພື່ອ​ເຮັດ​ໃຫ້ການ​ຮ່ວມ​ມື​ລະຫວ່າງ 2 ພັກ 2 ລັດ ກໍ່​ຄື​ ການ​ຮ່ວມ​ມື​ທາງ​ດ້ານ​ຂະ​ແໜງ​ການ​ສຶກສາ, ທາງ​ມະຫາວິ

ທະຍາ​ໄລ ລັດຕຣົມສ໌ ​ມີ​ຄວາມ​ຍິນ​ດີ​ໃຫ້​ຄວາມ​ຮ່ວມ​ມື​ໃນ​ການ​ຄົ້ນຄວ້າການ​ວິ​ໄຈໂດຍ​ຈະ​ໄດ້​ສ້າງ​ຕັ້ງ​ສູນ​ຄົ້ນຄວ້າ​ກ່ຽວ​ກັບ​​ເລື່ອງ

ດິນ​ຟ້າ​ອາກາດ ພ້ອມ​ທັງຈະ​​ໃຫ້ການຊ່ວຍ​ເຫຼືອ​ ​ເຄື່ອງໃຊ້​ກ່ຽວ​ກັບ​ການ​ຄົ້ນຄວ້າ​ດິນ​ຟ້າອາກາດ​ຕ່າງໆ, ​ເຊິ່ງ​​ສາມາດ​ຕິດຕາມ​ ​ແລະ ​

ເຂົ້າ​ເບິ່ງ​ໄດ້​ທາງ​​ມື​ຖື​ແຕ່​ຖ້າ​ຫາກ​ວ່າ​ບໍ່​ມີ​ມື​ຖື ກໍ່​ຈະ​ມີ​ແຜ່ນ DVD ​ກ່ຽວກັບ​ຂໍ້​ມູນ​ຕ່າງໆລາຍ​ລະອຽດ​ ​ໃນ​ການ​ຄົ້ນຄວ້າ​ວິ​ໄຈ​ກ່ຽວ​

ກັບ​ດິນ​ຟ້າ​ອາກາດ​ໃຫ້. ນອກຈາກ​ນັ້ນ, ຍັງຈະ​ມີ​ການ​ຮ່ວມມື​ໃນ​ການ​ຄົ້ນຄວ້າ​ທາງ​ດ້ານ​ສິ່ງ​ແວດ​ລ້ອມຊີວະ​ວິທະຍາປ່າ​ໄມ້ ​​ແລະ

ອື່ນໆ. ​


​        ສຳລັບ​ປັດຈຸບັນ, ນັກ​ສຶກສາລາ​ວທີ່​ໄປ​ສຶກສາ​ຕໍ່​ທີ່​ມະຫາວິທະຍາ​ໄລ​​ ​ລັດຕຣົມສ໌ ​ປະ​ເທດ​ມາ​ເລ​ເຊຍ ມີ​ຈຳ​ນວນ 17 ຄົນ,

​​ເຫັນ​ໄດ້​ວ່ານັກ​ສຶກສາລາ​ວທີ່​ໄປຮຽນ​ຕໍ່​ແມ່ນ​ມີ​ຄວາມ​ຕັ້ງ​ໃຈ​ຮຽນ, ຮຽນ​ໄດ້​ດີ ພ້ອມ​ທັງ​ໄດ້​ເປີດ​ສອນ​ພາສາ​ລາວໃຫ້​ແກ່​ນັກ​ສຶກສາ​

ມາ​ເລເຊຍ​ຕື່ມ​ອີກ​ເພື່ອ​​ເປັນ​ການຂະຫຍາຍ​ແລະເຜີຍ​ແຜ່​ວັດທະນະທຳຮີດຄອງ​ປະ​ເພ​ນີຂອງ​ລາວທາງ​ດ້ານ​ການ​ສອນ​ພາສາ ​ແລະ

ການ​ນຸ່ງ​ຖື​ຕື່ມ​ອີກ.​ ຂະນະ​ດຽວ​ກັນ​ນັ້ນ, ທ່ານ ນາງ ​ແສງ​ເດືອນ  ຫຼ້າ​ຈັນທະ​ບູນ ກໍ່​ໄດ້​ສະ​ແດງ​ຄວາມ​ຕ້ອນຮັບ​ຢ່າງ​ອົບ​ອຸ່ນ​ຕໍ່​ການ​

ມາ​ຢ້ຽມຢາມ​ໃນ​ຄັ້ງ​ນີ້, ເຊິ່ງການ​ຈະ​ຮ່ວມ​ມື​ກັນ​ລະຫວ່າງ 2 ຝ່າຍ​ ແມ່ນ​ເປັນ​ການ​ຮ່ວມ​ມື​ທີ່​ດີ ສາມາ​ດຊ່ວຍ​ຍົກ​ລະດັບ​ຄວາມ​ຮູ້​

ຄວາມ​ສາມາດ​​ໃນ​ວຽກງານ​ທາງ​ດ້ານ​ຕ່າງໆໃຫ້​ແກ່​ພະນັກງານ, ຄູ-​ອາຈານ​ພາຍ​ໃນກະຊວງ​ສຶກສາ​ທິການ ​ແລະ ກິ​ລາ. ສ່ວນການ​

ຮ່ວມ​ມື​ທາງ​ດ້ານ​ການ​ຄົ້ນຄວ້າ​ວິ​ໄຈ​ດ້ານ​ດິນ​ຟ້າ​ອາກາດ ກໍ່​​ໃຫ້​ທາງ​ພາກສ່ວນ​ທີ່​ກ່ຽວຂ້ອງ​ສະ​ເໜີ​ແຜນການ​ລະອຽດ​ໄປ​ຫາທາງ​ມະ

ຫາວິທະຍາ​ໄລ​ແຫ່ງ​ຊາດລາວ. ຫຼັງ​ຈາກ​ນັ້ນ, ​ຈຶ່ງ​ໃຫ້​​ມະຫາວິທະຍາ​ໄລ​ແຫ່ງ​ຊາດ​ ຂຽນ​ແຜນ​ລະອຽດ​ສະ​ເໜີ​ຂຶ້ນ​ມາທາງ​ຂັ້ນ​ເທິງ

ຄົ້ນ​ຄວ້າ​ພິຈາລະນາ​ຕື່ມ​ອີກ.