ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday2168
mod_vvisit_counterYesterday3513
mod_vvisit_counterThis week2168
mod_vvisit_counterLast week25878
mod_vvisit_counterThis month109288
mod_vvisit_counterLast month168269
mod_vvisit_counterAll days636926

We have: 102 guests, 4 bots online
Your IP: 54.225.15.88
 , 
Today: ມ. ສ. 23, 2017


ຂຽນໂດຍ ຫຼ້າ ສາຍນ້ຳພຽງ ລາຍງານຈາກແຂວງບໍລິຄຳໄຊ   

ກະຕໍ້ ສະຫວັນນະເຂດ ກວາດ 3 ຫຼຽນຄຳ 1 ຫຼຽນເງິນ “ງານນົກກົກຄຳ ເກມ 2017”


   ທັບນັກກິລາກະຕໍ້ ແຂວງສະຫວັນນະເຂດ ສ້າງຜົນງານໄດ້ເກີນຄາດໝາຍ ພາຍຫຼັງຄວ້າມາໄດ້ແລ້ວ 3

   ຫຼຽນຄຳ ແລະ 1 ຫຼຽນເງິນ ແລະ ຍັງມີລຸ້ນອີກ 2 ຫຼຽນ ຈາກປະເພດທີມຊຸດຊາຍ-ຍິງ ໃນ ງານມຫະ

   ກຳກິລານັກຮຽນມັດທະຍົມສຶກສາທົ່ວປະເທດ


      ຄັ້ງທີ 6 ຫຼື ນົກກົກຄຳ ເກມ 2017 ທີ່ແຂວງບໍລິຄຳໄຊ ລະຫວ່າງວັນທີ 1-9 ກຸມພາ 2017. ໃນຕອນແລງວັນທີ 3 ກຸມພາ

ຜ່ານມາ ທີ່ສະໜາມກິລາໂຮງຮຽນ ມສ ສີທ່ານາໄຊ ເມືອງປາກຊັນ ແຂວງບໍລິຄຳໄຊ ໄດ້ມີການແຂ່ງຂັນກິລາກະຕໍ້ຮອບຊີງຊະນະ

ເລີດ ປະເພດທີມຄູ່ຍິງ-ຊາຍ ໃນງານນົກກົກຄຳ ເກມ 2017 ໂດຍຄູ່ທຳອິດເປັນການແຂ່ງຂັນໃນປະເພດທີມຄູ່ຍິງ, ເຊິ່ງເປັນການ

ພົບກັນລະຫວ່າງ ແຂວງຄຳມ່ວນ ທີ່ເອົາຊະນະ ແຂວງວຽງຈັນ ໃນຮອບຮອງຊະນະເລີດ 2-0 ເຊັດ ພົບກັບ ສະຫວັນນະເຂດທີ່

ເອົາຊະນະ ບໍລິຄຳໄຊ ເຈົ້າພາບ ໃນຮອບຮອງຊະນະເລີດ 2-0 ເຊັດ ເຊັ່ນດຽວກັນ.


        ສຳລັບເກມການແຂ່ງຂັນຂອງຄູ່ນີ້ ໄດ້ດຳເນີນໄປຢ່າງສົມສັກສີ ແຕ່ເປັນທາງ ສະຫວັນນະເຂດ ທີ່ພິກເກມກັບມາຊະນະ

ຄຳມ່ວນ ໃນເຊັດສຸດທ້າຍ ເອົາຊະນະໄປດ້ວຍຄະແນນ 21-9, 24-25 ແລະ 21-16 ສົ່ງຜົນໃຫ້ທີມກະຕໍ້ຄູ່ຍິງ ສະຫວັນະເຂດ

ຄວ້າຫຼຽນຄຳໄປຄອງ ແລະ ເປັນຫຼຽນຄຳທີ 2 ຂອງທັບນັກກິລາກະຕໍ້ແຂວງສະຫວັນນະເຂດ,  ເຊິ່ງກ່ອນໜ້ານັ້ນ ແມ່ນໄດ້ໄປ

ແລ້ວ 1 ຫຼຽນຄຳ ຈາກປະເພດທີມດ່ຽວຊາຍ ແລະ 1 ຫຼຽນເງິນ ຈາກປະເພດທີມດ່ຽວຍິງ. ສ່ວນ ຄຳມ່ວນ ໄດ້ຫຼຽນເງິນ ແລະ

ຫຼຽນທອງຮ່ວມໄດ້ແກ່ ແຂວງບໍລິຄຳໄຊ ກັບ ແຂວງວຽງຈັນ.


        ສ່ວນຄູ່ທີ 2 ເປັນການແຂ່ງຂັນໃນປະເພດທີມຄູ່ຊາຍ, ເຊິ່ງເປັນການພົບກັນລະຫວ່າງ ແຂວງສະຫວັນນະເຂດ ພົບກັບ

ແຂວງຫຼວງພະບາງ ໃນຮອບຮອງຊະນະເລີດ ສະຫວັນນະເຂດ ເອົາຊະນະ ບໍລິຄຳໄຊ ເຈົ້າພາບ 2-0 ເຊັດ. ສ່ວນຫຼວງພະບາງ

ເອົາຊະນະ ຜົ້ງສາລີ 2-0 ເຊັດ ເຊັ່ນດຽວກັນ.ຜ່ານການແຂ່ງຂັນຜົນປາກົດວ່າ ເປັນໄປຕາມຄາດຂອງຜູ້ຊົມຜູ້ເຊຍຂອບສະໜາມ

ເມື່ອນັກກິລາຕົວຫຼັກຢ່າງ ໄຊບັນດິດ ທານະບຸດ (ໂອເວັ້ນ) ແລະ ດຳດີ ໄຊສົງຄາມ (ດຳ) ລູກຫຼານພໍ່ກະດວດຜັດປ່ຽນກັນເສີບ,

ມີລູກກຸບທີ່ີຮຸນແຮງ ແລະ ສຽບຂາດສ້າງຄວາມປັ່ນປ່ວນໃຫ້ທີມຄູ່ແຂ່ງຈາກເມືອງມໍລະດົກໂລກ ເອົາຊະນະໄປກ່ອນໃນເຊັດທຳ

ອິດ 21-18 ຄະແນນ. ໃນເຊັດທີ 2 ຫຼວງພະບາງ ກັບມາຫຼີ້ນໄດ້ຢ່າງໜຽວແໜ້ນບວກກັບການເສີບທີ່ຜິດພາດຫຼາຍຄັ້ງຂອງທາງ

ສະຫວັນນະເຂດ ເຮັດໃຫ້ຫຼວງພະບາງພິກເກມມາຊະນະ 21-19 ຄະແນນ ເຮັດໃຫ້ສະເໝີກັນຢູ່ 1-1 ເຊັດ ຕ້ອງມາຕັດສິນຫາຜູ້

ຊະນະໃນເຊັດທີ 3 ແລະ ກໍ່ເປັນທາງສະຫວັນນະເຂດທີ່ຫຼິ້ນໄດ້ດີກວ່າເອົາຊະນະໄປໄດ້ 21-16 ຄວ້າຫຼຽນຄຳໄປຄອງ ແລະເປັນ

ຫຼຽນຄຳທີ 3 ຂອງທັບນັກກິລາກະຕໍ້ແຂວງສະຫວັນນະເຂດສ່ວນຫຼວງພະບາງ ໄດ້ຫຼຽນເງິນແລະຫຼຽນທອງຮ່ວມໄດ້ແກ່ແຂວງ

ບໍລິຄຳໄຊ ກັບ ແຂວງຜົ້ງສາລີ.


        ນັບມາຮອດປັດຈຸບັນ (ວັນທີ 3 ກຸມພາ 2017) ທັບນັກກິລາກະຕໍ້ແຂວງສະຫວັນນະເຂດ ຍາດມາໄດ້ແລ້ວ 3 ຫຼຽນຄຳ

ແລະ 1 ຫຼຽນເງິນ ຖືວ່າເກີນຄາດໝາຍທີ່ຕັ້ງໄວ້ທີ່ 2 ຫຼຽນຄຳ, 2 ຫຼຽນເງິນ ແລະ 2 ຫຼຽນທອງ, ໂດຍ 3 ຫຼຽນຄຳ  ໄດ້ຈາກປະ

ເພດທີມດ່ຽວຊາຍ, ທີມຄູ່ຊາຍ ແລະ ທີມຄູ່ຍິງ.    ສ່ວນ 1 ຫຼຽນ ເງິນ ໄດ້ຈາກປະເພດທີມດ່ຽວຍິງ ຫຼັງເສຍໃຫ້ ບໍລິຄຳໄຊ ໃນ

ຮອບຊີງຫຼຽນຄຳ. ນອກຈາກນັ້ນ, ທັບນັກກິລາກະຕໍ້ແຂວງສະຫວັນນະເຂດ ຍັງມີລຸ້ນອີກ 2 ຫຼຽນ ຈາກທີມຊຸດຍິງ-ຊາຍ, ເຊິ່ງ

ຢູ່ລະຫວ່າງການແຂ່ງຂັນໃນຮອບຄັດເລືອກ.