ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday3090
mod_vvisit_counterYesterday68544
mod_vvisit_counterThis week76092
mod_vvisit_counterLast week22465
mod_vvisit_counterThis month127952
mod_vvisit_counterLast month73398
mod_vvisit_counterAll days328190

We have: 37 guests, 88 bots online
Your IP: 54.204.219.143
 , 
Today: ກ. ພ. 21, 2017


ຂຽນໂດຍ ພອນໄຊ (ຂ.ຜົ້ງສາລີ)   

ຍອດອູ ປະກາດຈົບຊັ້ນ ມ ຕົ້ນ ບຳລຸງ ເປັນເມືອງທີ 2 ຂອງແຂວງຜົ້ງສາລີ


   ເມືອງຍອດອູ ແຂວງຜົ້ງສາລີ ປະກາດຈົບຊັ້ນມັດທະຍົມສຶກສາຕອນຕົ້ນບຳລຸງສຳລັບປະຊາຊົນເກນ

   ອາຍຸ 15-30 ປີ ຢ່າງເປັນທາງການ ແລະ ເປັນເມືອງທີ  2 ຂອງແຂວງ ຖັດຈາກເມືອງບຸນເໜືອ ພາຍ

   ຫຼັງຈັດຕັ້ງການຮຽນ-ການສອນ ນັບຕັ້ງແຕ່ປີ 2013 ເປັນຕົ້ນມາ

       ໂດຍມີປະຊາຊົນຮຽນຈົບທັງໝົດ 8.068 ຄົນ, ຍິງ 3.775 ຄົນ ສະເລ່ຍເທົ່າກັບ 93,82 ເປີເຊັນ.ພິທີປະກາດຈົບຊັ້ນ ມ

ຕົ້ນ ບຳລຸງ ທົ່ວເມືອງຍອດອູ ໄດ້ຈັດຂຶ້ນໃນວັນທີ 10 ມັງກອນ 2017 ຜ່ານມາ ທີ່ຫ້ອງວ່າການປົກຄອງເມືອງດັ່ງກ່າວ, ໂດຍພາຍ

ໃຕ້ການເປັນປະທານຂອງ ທ່ານ ສຸດທະນົງ ວົງດາລາ ເຈົ້າເມືອງຍອດອູ, ມີ ທ່ານ ຮສ. ປອ ຄໍາຜາຍ ສີສະຫວັນ ຮອງລັດຖະມົນ

ຕີ ກະຊວງສຶກສາທິການ ແລະ ກິລາ, ທ່ານ ທອງສີ ເສົາສຸລິພົມ ຮອງເຈົ້າແຂວງຜົ້ງສາລີ, ຜູ້ຊີ້ນໍາວຽກງານຂົງເຂດວັດທະນະທໍາ-

ສັງຄົມ ແລະ ທ່ານ ສານວັນໄຊ ແສງມະນີ ຫົວໜ້າພະແນກສຶກສາທິການ ແລະ ກິລາແຂວງ   ພ້ອມດ້ວຍບັນດາທ່ານເຈົ້າເມືອງ-

ຮອງເຈົ້າເມືອງ, ຫົວໜ້າຫ້ອງການສຶກສາທິການ ແລະ ກິລາເມືອງທົ່ວແຂວງ, ພະນັກງານ, ທະຫານ, ຕຳຫຼວດ, ຄູ-ອາຈານ,ນ້ອງ

ນັກຮຽນ ແລະ ພໍ່-ແມ່ປະຊາຊົນຊາວເມືອງຍອດອູເຂົ້າຮ່ວມ.


       ໃນໂອກາດນີ້, ທ່ານ ບຸນເທດ ອິນຈັກ ຮອງເຈົ້າເມືອງຍອດອູ ໄດ້ຂຶ້ນຜ່ານບົດສະຫຼຸບການຈັດຕັ້ງການຮຽນ-ການສອນຊັ້ນ

ມັດທະຍົມຕອນຕົ້ນບໍາລຸງ ແຕ່ປີ 2013 ເປັນຕົ້ນມາ  ມາຮອດປັດຈຸບັນ ທົ່ວເມືອງປະກອບມີ 9 ກຸ່ມບ້ານ, ມີພົນລະເມືອງ ທັງ

ໝົດ 31.861 ຄົນ, ຍິງ 15.312 ຄົນ. ເຊິ່ມາຮອດປັດຈຸບັນ ມີປະຊາຊົນຮຽນ ຈົບຊັ້ນມັດທະຍົມຕອນຕົ້ນບໍາລຸງແລ້ວ ທັງໝົດ

8.068 ຄົນ, ຍິງ 3.775 ຄົນ ສະເລ່ຍເທົ່າກັບ 93,82 ເປີເຊັນ. ຕໍ່ກັບຜົນສໍາເລັດດັ່ງກ່າວມາໃນຕົ້ນປີ 2017 ທົ່ວເມືອງຍອດອູ

ຈຶ່ງສາມາດປະກາດຈົບຊັ້ນມັດທະຍົມຕອນຕົ້ນບໍາລຸງ ໄດ້ຢ່າງເປັນທາງການ. ທັງນີ້, ສຳລັບການຈັດຕັ້ງການຮຽນ-ການສອນດັ່ງ

ກ່າວ ແມ່ນເພື່ອສ້າງໃຫ້ຄົນມີຄວາມຮູ້, ຄວາມສາມາດ ແລະ ນໍາເອົາຄວາມຮູ້ທີ່ໄດ້ຮຽນ ນໍາໄປໃຊ້ໃນຊີວິດຕົວຈິງ ເພື່ອພັດທະ

ນາຄຸນະພາບຊີວິດ ໃຫ້ຫຼຸດພົ້ນອອກຈາກຄວາມທຸກຍາກເທື່ອລະກ້າວ. ພ້ອມນັ້ນ, ໃນພິທີຍັງ ທ່ານ ຮສ. ຄຳຜາຍ ສີສະຫວັນ

ຮອງລັດຖະມົນຕີ ກະຊວງ ສສກ ໄດ້ຕາງໜ້າໃຫ້ກະຊວງ ສສກ ມອບໃບຢັ້ງຢືນຈົບຊັ້ນມັດທະຍົມຕອນຕົ້ນບໍາລຸງ   ໃຫ້ກັບ

ເມືອງຍອດອູ ແລະ ຕາງໜ້າຮັບແມ່ນ ທ່ານ  ສຸດທະນົງ ວົງດາລາ ເຈົ້າເມືອງຍອດອູ.


        ໃນໂອກາດດຽວກັນ, ທ່ານ ຮສ. ຄຳຜາຍ ສີສະຫວັນ ຮອງລັດຖະມົນຕີ ກະຊວງ ສສກ ແລະ ທ່ານ ທອງສີ ເສົາສຸລິພົມ

ຮອງເຈົ້າແຂວງຜົ້ງສາລີ  ໄດ້ພັດປ່ຽນກັນປະກອບຄໍາເຫັນ   ດ້ວຍການສະແດງຄວາມຍ້ອງຍໍຊົມເຊີຍຕໍ່ຜົນສໍາເລັດຕ່າງໆທີ່ເມືອງ

ຍອດອູ ຍາດມາໄດ້ໃນໄລຍະທີ່ຜ່ານມາ ເປັນຕົ້ນແມ່ນສາມາດປະກາດຈົບຊັ້ນມັດທະຍົມຕອນຕົ້ນບໍາລຸງສໍາລັບປະຊາຊົນ ໃນທົ່ວ

ເມືອງຍອດອູ ເປັນເມືອງທີ 2 ຂອງແຂວງ. ຄຽງຄູ່ກັນນັ້ນ, ທ່ານຍັງໄດ້ສະແດງຄວາມຂອບອົກຂອບໃຈມາຍັງຄູ-ອາຈານກໍ່ຄືການ

ນໍາຂັ້ນເມືອງທຸກຂັ້ນ ທີ່ໄດ້ເອົາໃຈໃສ່ສິດສອນເຮັດໃຫ້ປະຊາຊົນບັນດາເຜົ່າໃນເກນອາຍຸ 15-30 ປີ ສາມາດອ່ານໄດ້ຂຽນເປັນແລະ

ຮຽນຈົບຊັ້ນມັດທະຍົມຕອນຕົ້ນບໍາລຸງ ໄດ້ຢ່າງສໍາເລັດຜົນ, ປະຊາຊົນທຸກເຜົ່າກໍ່ສາມາດນໍາໃຊ້ບົດຮຽນທີ່ໄດ້ຮຽນໃນຄັ້ງນີ້ ເຂົ້າໄປ

ໃຊ້ໃນຊີວິດປະຈໍາວັນ. ພ້ອມນັ້ນ, ທ່ານຍັງຮຽກຮ້ອງມາຍັງບັນດາຄູ-ອາຈານ ແລະ ຜູ້ບໍລິຫານການສຶກສາທຸກຂັ້ນຈົ່ງຕັ້ງໜ້າເອົາ

ໃຈໃສ່ຊີ້ນຳ-ນໍາພາ ສືບຕໍ່ພ້ອມກັນຈັດຕັ້ງການຮຽນດີ-ຮຽນເກັ່ງ, ສອນດີ-ສອນເກັ່ງ ແລະ ໃຫ້ທົ່ວເມືອງ ສາມາດປະກາດຈົບຊັ້ນ

ມັດທະຍົມຕອນປາຍໄດ້. ໃນຕອນທ້າຍຂອງພິທີທ່ານ ຮສ.ປອ ຄໍາຜາຍ ສີສະຫວັນ ຮອງລັດຖະມົນຕີ ກະຊວງ ສສກ ໃຫ້ກຽດ

ຕີຄ້ອງ 9 ບາດ  ແລະ  ຕັດແຖບຜ້າ ເພື່ອເປັນການປະກາດຈົບຊັ້ນມັດທະຍົມຕອນຕົ້ນບໍາລຸງ ທົ່ວເມືອງຍອດອູ ແຂວງຜົ້ງສາລີ

ຢ່າງເປັນທາງການ.