ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday230
mod_vvisit_counterYesterday1909
mod_vvisit_counterThis week230
mod_vvisit_counterLast week25315
mod_vvisit_counterThis month49290
mod_vvisit_counterLast month81332
mod_vvisit_counterAll days176130

We have: 29 guests, 7 bots online
Your IP: 54.211.112.177
 , 
Today: ມ.ກ. 21, 2017


ຂຽນໂດຍ ພອນໄຊ (ຂ.ຜົ້ງສາລີ)   

ປະຊາຊົນເມືອງບຸນເໜືອ ແຂວງຜົ້ງສາລີ 6 ພັນກວ່າຄົນຮັບການຢັ້ງຢືນຈົບຊັ້ນ

ມ ຕົ້ນ ບຳລຸງ


   ປະຊາຊົນຊາວເມືອງບຸນເໜືອ ແຂວງຜົ້ງສາລີ ໃນເກນອາຍຸ 15-30 ປີ ຈຳນວນ 6.181 ຄົນ, ຍິງ

   3.053ຄົນ ສະເລ່ຍເທົ່າກັບ 94,23 ເປີເຊັນ ໄດ້ຮັບການຢັ້ງຢືນຈົບຊັ້ນມັດທະຍົມສຶກສາຕອນ

   ຕົ້ນບຳລຸງ ຈາກກະຊວງສຶກສາທິການ ແລະ ກິລາ ຢ່າງເປັນທາງການ

        ພາຍຫຼັງດຳເນີນການຮຽນ-ການສອນ ນັບຕັ້ງແຕ່ປີ 2013 ເປັນຕົ້ນມາ ແລະ ກາຍເປັນເມືອງທຳອິດຂອງແຂວງ. ພິ

ທີດັ່ງກ່າວ ໄດ້ຈັດຂຶ້ນໃນວັນທີ 9 ມັງກອນ 2017 ທີ່ພັດຕະຄານ ສີຈອມວົງ ເມືອງບຸນເໜືອ ແຂວງຜົ້ງສາລີ,ໂດຍພາຍໃຕ

ການເປັນປະທານຂອງທ່ານ ທອງສີ ເສົາສຸລິພົມ ຮອງເຈົ້າແຂວງຜົ້ງສາລີ, ຜູ້ຊີ້ນໍາວຽກງານ ຂົງເຂດວັດທະນະທໍາ-ສັງຄົມ

ມີ ທ່ານ ຮສ.ປອ ຄໍາຜາຍ ສີສະຫວັນ ຮອງລັດຖະມົນຕີ ກະຊວງສຶກສາທິການ ແລະ ກິລາ, ທ່ານ ສານວັນໄຊ ແສງມະນີ

ຫົວໜ້າພະແນກສຶກສາທິການ ແລະ ກິລາແຂວງ ແລະ ທ່ານ ສຸພາບ ດາລາຈັກ ເຈົ້າເມືອງບຸນເໜືອພ້ອມດ້ວຍບັນດາທ່ານ

ເຈົ້າເມືອງ-ຮອງເຈົ້າເມືອງ ຈາກ 7 ເມືອງ, ຫົວໜ້າ-ຮອງຫົວໜ້າຫ້ອງການສຶກສາທິການ ແລະ ກິລາ ໃນທົ່ວແຂວງພໍ່-ແມ່

ປະຊາຊົນ,ພະນັກງານ, ທະຫານ, ຕໍາຫຼວດ, ຄູອາຈານ, ພໍ່-ແມ່ປະຊາຊົນ ແລະ ນ້ອງນັກຮຽນເຂົ້າຮ່ວມຢ່າງພ້ອມພຽງ.


       ໃນໂອກາດນີ້, ທ່ານ ໄຊນຸພາບ ສຸຈັນ ຮອງເຈົ້າເມືອງບຸນເໜືອ ໄດ້ຜ່ານບົດລາຍງານການຈັດຕັ້ງການຮຽນ-ການສອນ

ຊັ້ນມັດທະຍົມສຶກສາຕອນຕົ້ນບໍາລຸງຂອງເມືອງ ແມ່ນເລີ່ມຈັດຕັ້ງປະຕິບັດຕັ້ງແຕ່ປີ 2013 ເປັນຕົ້ນມາ  ແລະ ມາຮອດປັດ

ຈຸບັນທົ່ວເມືອງ ປະກອບມີ 7 ກຸ່ມບ້ານ, ມີພົນລະເມືອງ ທັງໝົດ 23.174 ຄົນ, ຍິງ 11.142 ຄົນ,  ໃນຈຳນວນີ້  ກຸ່ມເປົ້າ

ໝາຍເກນອາຍຸ 15-30 ປີ ມີ ຈຳນວນ 6.599 ຄົນ, ຍິງ 3.229 ຄົນ. ຜ່ານການຈັດຕັ້ງການຮຽນ-ການສອນບຳລຸງຕົວຈິງ

ມີຜູ້ຮູ້ໜັງສືຮຽນຈົບຊັ້ນມັດທະຍົມຕອນຕົ້ນ ທັງໝົດ 6.181 ຄົນ, ຍິງ 3.053 ຄົນ ສະເລ່ຍ ເທົ່າກັບ 94,23 ເປີເຊັນ. ຕໍ່

ກັບຜົນສໍາເລັດດັ່ງກ່າວນັ້ນ ມາໃນຕົ້ນປີ 2017 ທົ່ວເມືອງບຸນເໜືອ ຈຶ່ງສາມາດປະກາດຈົບຊັ້ນມັດທະຍົມສຶກສາຕອນຕົ້ນ

ບໍາລຸງໄດ້ຢ່າງເປັນທາງການ. ທັງ ນີ້, ໃນການຈັດຕັ້ງການຮຽນ-ການສອນຊັ້ນ ມ ຕົ້ນ ບຳລຸງແມ່ນເພື່ອສ້າງໃຫ້ຄົນມີຄວາມ

ຮູ້ຄວາມສາມາດ ແລະ ນໍາເອົາຄວາມຮູ້ທີ່ໄດ້ຮຽນ  ນໍາໄປໃຊ້ໃນຊີວິດຕົວຈິງ  ເພື່ອພັດທະນາຄຸນະພາບຊີວິດ  ໃຫ້ຫຼຸດພົ້ນ

ອອກຈາກຄວາມທຸກຍາກເທື່ອລະກ້າວ.


         ພ້ອມນັ້ນ, ໃນພິທີອັນມີຄວາມໝາຍສຳຄັນຄັ້ງນີ້ ທ່ານ ຮສ.ປອ ຄຳຜາຍ ສີສະຫວັນ ຮອງລັດຖະມົນຕີ ກະຊວງ

ສສກ ໄດ້ຕາງໜ້າໃຫ້ກະຊວງສຶກສາທິການ ແລະ ກິລາ ກໍ່ຄືກົມການສຶກສານອກໂຮງຮຽນ ມອບໃບຢັ້ງຢືນຈົບຊັ້ນມັດທະ

ຍົມສຶກສາຕອນຕົ້ນທົ່ວເມືອງບຸນເໜືອ ແລະ ຕາງໜ້າກ່າວຮັບແມ່ນ  ທ່ານ ສົມພາບ  ດາລາຈັກ ເຈົ້າເມືອງບຸນເໜືອ. ຫຼັງ

ຈາກນັ້ນ, ທ່ານ ທອງສີ ເສົາສຸລິພົມ ຮອງເຈົ້າແຂວງຜົ້ງສາລີ ແລະ ທ່ານ ຮສ.ປອ ຄໍາຜາຍ ສີສະຫວັນ ຮອງລັດຖະມົນຕີ

ກະຊວງ ສສກ ໄດ້ພັດປ່ຽນກັນມີຄໍາເຫັນໂອ້ລົມຕໍ່ພິທີ ເຊິ່ງທັງ 2 ທ່ານ ໄດ້ກ່າວສະແດງຍ້ອງຍໍຊົມເຊີຍຕໍ່ຜົນສໍາເລັດຕ່າງ

ໆທີ່ທາງເມືອງບຸນເໜືອ ຍາດມາໄດ້ໃນຕະຫຼອດໄລຍະທີ່ຜ່ານມາ ເປັນຕົ້ນແມ່ນສາມາດປະກາດຈົບຊັ້ນມັດທະຍົມຕອນ

ຕົ້ນບໍາລຸງ ສໍາລັບປະຊາຊົນ ໃນທົ່ວເມືອງ ແລະ ກາຍເປັນເມືອງທໍາອິດຂອງແຂວງ.  ພ້ອມດຽວກັນນັ້ນ,  ທ່ານຍັງໄດ້ສະ

ແດງຄວາມຂອບອົກຂອບໃຈມາຍັງພະນັກງານ, ຄູ-ອາຈານ ກໍ່ຄືການນໍາຂັ້ນເມືອງທຸກຂັ້ນ ທີ່ໄດ້ເອົາໃຈໃສ່ສິດສອນເຮັດ

ໃຫ້ປະຊາຊົນບັນດາເຜົ່າໃນເກນອາຍຸ 15-30 ສາມາດອ່ານໄດ້ຂຽນເປັນ ແລະ ຮຽນຈົບຊັ້ນມັດທະຍົມຕອນຕົ້ນບໍາລຸງ

ໄດ້ຢ່າງສໍາເລັດຜົນ, ປະຊາຊົນທຸກເຜົ່າກໍ່ສາມາດນໍາໃຊ້ບົດຮຽນທີ່ໄດ້ຮຽນໃນຄັ້ງນີ້ ເຂົ້າໄປໃຊ້ໃນຊີວິດປະຈໍາວັນ. ຕໍ່ກັບ

ຜົນສໍາເລັດດັ່ງກ່າວ ທ່ານຍັງໄດ້ຮຽກຮ້ອງມາຍັງບັນດາຄູ-ອາຈານ ແລະ ຜູ້ບໍລິຫານການສຶກສາທຸກຂັ້ນ ຈົ່ງຕັ້ງໜ້າເອົາໃຈ

ໃສ່ຊີ້ນໍາ-ນໍາພາ ສືບຕໍ່ພ້ອມກັນຈັດຕັ້ງການຮຽນດີ-ຮຽນເກັ່ງ, ສອນດີ-ສອນເກັ່ງ ແລະ ໃຫ້ທົ່ວເມືອງ ສາມາດປະກາດ

ຈົບຊັ້ນມັດທະຍົມສຶກສາຕອນປາຍໄດ້.ໃນຕອນທ້າຍຂອງພິທີ ທ່ານ ຮສ. ປອ ຄໍາຜາຍ ສີສະຫວັນ ຮອງລັດຖະມົນຕີ

ກະຊວງ ສສກ ໄດ້ຕີຄ້ອງ  9  ບາດ  ແລະ ຕັດແຖບຜ້າ ເພື່ອເປັນການປະກາດຈົບຊັ້ນມັດທະຍົມຕອນຕົ້ນບໍາລຸງ ທົ່ວ

ເມືອງບຸນເໜືອ ຢ່າງເປັນທາງການ.