ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday8746
mod_vvisit_counterYesterday10220
mod_vvisit_counterThis week37843
mod_vvisit_counterLast week54397
mod_vvisit_counterThis month144802
mod_vvisit_counterLast month159131
mod_vvisit_counterAll days504171

We have: 104 guests, 182 bots online
Your IP: 54.197.159.173
 , 
Today: ມ.ນ. 29, 2017


ຂຽນໂດຍ ພົມວິຫານ (ຂ.ອັດຕະປື).   

ສກຂ ອັດຕະປື ເຂັ້ມງວດການກວດກາເອກະສານຍົກຍ້າຍນັກຮຽນ ເລັງຍົກສູງຄຸນະພາບ

ການສຶກສາຂອງແຂວງ


   ຄະນະນຳພະແນກສຶກສາທິການ ແລະ ກິລາແຂວງອັດຕະປື (ສກຂ ອັດຕະປື) ຖືເອົາວຽກງານການ

   ກວດກາ ແລະ ປະເມີນຜົນ ເປັນປັດໄຈຫຼັກ ໃນການປັບປຸງແກ້ໄຂແບບແຜນວິທີເຮັດວຽກການຄຸ້ມ

   ຄອງບໍລິຫານ ແລະ ວິຊາສະເພາະຂອງຜູ້ບໍລິຫານການສຶກສາ ແລະ ວິຊາການທຸກຂັ້ນ

      ໂດຍເລັງໃສ່ຍົກສູງຄຸນະພາບການສຶກສາໃນທົ່ວແຂວງ ໃຫ້ນັບມື້ນັບສູງຂຶ້ນເປັນກ້າວໆ, ສາມາດປະກອບສ່ວນຢ່າງຕັ້ງໜ້າ

ໃນການພັດທະນາເສດຖະກິດ-ສັງຄົມຂອງປະເທດຊາດ ໃຫ້ມີຄວາມເຂັ້ມແຂງ ແລະ ຈະເລີນຮຸ່ງເຮືອງໃນຕໍ່ໜ້າ. ໃນຕອນເຊົ້າ

ວັນທີ 5 ມັງກອນ  ຜ່ານມາ ທີ່ສະໂມສອນພະແນກສຶກສາທິການ ແລະ ກິລາແຂວງ, ຂະແໜງກວດກາ ແລະ ປະເມີນຜົນ ໄດ້

ເປີດກອງປະຊຸມສະຫຼຸບ-ຖອດຖອນບົດຮຽນ ການຈັດຕັ້ງປະຕິບັດວຽກງານກວດກາ ປະຈຳພາກຮຽນທີ 1 ສົກ 2016-2017,

ພາຍໃຕ້ການເປັນປະທານຂອງ ທ່ານ ຄຳພູນ ແກ້ວມາລາ ເລຂາພັກຮາກຖານ, ຫົວໜ້າພະແນກສຶກສາທິການ ແລະກິລາແຂວງ,

ມີທ່ານ ເວຫາ ກົມມະເມືອງ ຜູ້ຊີ້ນຳວຽກງານກວດກາໃນຂົງເຂດການສຶກສາແຂວງ, ຮອງຫົວໜ້າພະແນກສຶກສາທິການ ແລະ

ກິລາແຂວງ ແລະ ທ່ານ ສົມບູນ ແກ້ວມະນີວົງ ຫົວໜ້າຂະແໜງກວດກາ ແລະ ປະເມີນຜົນ ພະແນກ ສກຂ ອັດຕະປື  ພ້ອມ

ດ້ວຍອຳນວຍການ ໂຮງຮຽນ ມສ ແລະ ມປ 13 ແຫ່ງທີ່ຂຶ້ນກັບ ແລະ ມີຫົວໜ້າຂະແໜງການສຶກສາທີ່ກ່ຽວຂ້ອງເຂົ້າຮ່ວມຢ່າງ

ພ້ອມພຽງ.


        ໂອກາດນີ້, ທ່ານ ສົມບູນ ແກ້ວມະນີວົງ ກ່າວວ່າ: ການເຄື່ອນໄຫວວຽກງານການກວດກາ ຕິດຕາມ, ການຈັດຕັ້ງປະຕິ

ບັດວຽກງານການຄຸ້ມຄອງບໍລິຫານການສຶກສຶສາ ສະເພາະພາກຮຽນທີ  1  ສົກຮຽນ 2016-2017 ໜ້າວຽກຕົ້ນຕໍແມ່ນການ

ກວດກາເອກະສານ ຍົກຍ້າຍການເຂົ້າຮຽນຂອງນັກຮຽນ ຈາກຕ່າງແຂວງ ແລະ ພາຍໃນແຂວງໃນໂຮງຮຽນ ມສ ແລະ ມປາຍ

ຈຳນວນ 13 ແຫ່ງທີ່ຂຶ້ນກັບພະແນກ ສກຂ ເພື່ອເປັນການປະຕິບັດຕາມລະບຽບຫຼັກການ ຕ້ານປະກົດການຫຍໍ້ທໍ້ຂອງສັງຄົມ

ໃນຂະແໜງ ການສຶກສາ ໂດຍມີຈຸດປະສົງເພື່ອເລັງໃສ່ການສ້າງຄວາມເຂັ້ມແຂງ ດ້ານການຄຸ້ມຄອງ,ບໍລິຫານການສຶກສາຂອງ

ຜູ້ບໍລິຫານ ແລະ ວິຊາການ ຂັ້ນໂຮງຮຽນໂຮງຮຽນ ໃນການປະຕິບັດວິຊາສະເພາະ, ປະຕິບັດດຳລັດ , ມະຕິຄຳສັ່ງ, ຂໍ້ແຂ່ງຂັນ

ແລະ ການປະຕິບັດນະໂຍບາຍຕ່າງໆຢ່າງຖືກຕ້ອງ ຕາມທີ່ກະຊວງສຶກສາທິການ ແລະ ກິລາ ໄດ້ວາງອອກ ກໍ່ຄືເປັນໄປຕາມ 3

ລັກສະນະ ແລະ 5 ຫຼັກມູນຂອງການສຶກສາ. ຢ່າງໃດກໍ່ຕາມ, ສຳລັບໃນສົກຮຽນນີ້ ມີນັກຮຽນຍົກຍ້າຍການຮຽນ ທີ່ມາຈາກ

ຕ່າງແຂວງ ແລະ ພາຍໃນແຂວງທັງໝົດ 302 ຄົນ, ເອກະສານຍັງບໍ່ຄົບ 20 ຄົນ ແລະ ເອກສານທີ່ບໍ່ທັນຜ່ານພະແນກ ສກຂ

10 ຄົນ.


        ໂອກາດດຽວກັນ, ທ່ານ ຄຳພູນ ແກ້ວມາລາ ໄດ້ເນັ້ນໃຫ້ຜູ້ບໍລິຫານກາສຶກສາທຸກຂັ້ນ ພ້ອມດ້ວຍວິຊາການໃນແຕ່ລະ

ໂຮງຮຽນ ຈົ່ງເຫັນໄດ້ຄວາມສຳຄັນຂອງວຽກງານກວດກາ ແລະ ປະເມີນຜົນ ຕໍ່ກັນການປັບປຸງ ແລະ ພັດທະນາລະບົບແບບ

ແຜນວິທີການເຮັດວຽກ ກໍ່ຄືປະຕິບັດຕາມແນວທາງຂອງພັກຢ່າງຖືກຕ້ອງ ເພື່ອເຮັດໃຫ້ວຽກງານການສຶກສາ ແລະ ກິລາ ໃນ

ຂອບເຂດທົ່ວປະເທດ ເວົ້າລວມ,  ເວົ້າສະເພາະແມ່ນພາຍໃນແຂວງອັດຕະປື  ໃຫ້ມີຄຸນະພາບສູງເທື່ອລະກ້າວ  ສ້າງໄດ້ນັກ

ຮຽນເປັນເປັນຕົວແທນຂອງບ້ານ, ເມືອງ, ແຂວງ ແລະ ລະດັບຊາດ ໃນອະນາຄົດ.