ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday277
mod_vvisit_counterYesterday1909
mod_vvisit_counterThis week277
mod_vvisit_counterLast week25315
mod_vvisit_counterThis month49337
mod_vvisit_counterLast month81332
mod_vvisit_counterAll days176177

We have: 71 guests, 2 bots online
Your IP: 54.211.112.177
 , 
Today: ມ.ກ. 21, 2017


ຂຽນໂດຍ ສາວບ້ານທົ່ງ   

ຄະນະບໍລິຫານງານພັກ ສສກ ຕີລາຄາການຊີ້ນໍາໆພາລວມ​ໃນປີຜ່ານ​ມາ

​ພ້ອມ​ວາງ​ແຜນ​ຈຸດ​ສຸມ


   ຄະນະບໍລິຫານງານພັກ ກະຊວງ​ສຶກສາ​ທິການ ​ແລະ ກິລາ (ສສກ) ​ໄດ້ສະຫຼຸບຕີລາຄາການຊີ້ນໍາ ໆ

   ພາລວມ ​ໃນ​ປີ 2016 ຜ່ານ​ມາ ​ແລະ ​ໃນ​ປີ 2017 ນີ້ ຈະສືບຕໍ່ຊີ້ນໍາໆພາຜັນຂະຫຍາຍ ແລະ ປະຕິ

   ບັດມະຕິກອງປະຊຸມໃຫຍ່ ຄັ້ງທີ 10 ຂອງພັກ

        ແລະ ມະຕິກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງ ສສກ.ຫ້ອງການຄະນະພັກກະຊວງສຶກສາທິການ

ແລະ ກິລາ (ສສກ) ໄດ້ຈັດກອງປະຊຸມຄົບຄະນະບໍລິຫານງານພັກ ຄັ້ງທີ 6 ສະໄໝທີ 8 ​ໃນວັນທີ 5 ມັງກອນຜ່ານມາທີ່ສຳ

ນັກກະຊວງ ດັ່ງກ່າວ, ໂດຍການເປັນປະທານຂອງສະຫາຍ ນາງ ແສງເດືອນ ຫຼ້າຈັນທະບູນກໍາມະການສູນກາງພັກເລຂາຄະ

ນະບໍລິຫານງານພັກ,ລັດຖະມົນຕີ ກະຊວງສຶກສາທິການ ແລະ ກິລາ, ມີບັນດາຄະນະປະຈໍາ ແລະ ຄະນະບໍລິຫານງານພັກ

ກະຊວງສຶກສາທິການ ແລະກິລາເຂົ້າຮ່ວມຢ່າງ​ພ້ອມພຽງ.


​       ໃນກອງປະຊຸມດັ່ງກ່າວ, ໄດ້ຮັບຟັງການຜ່ານບົດສໍາຫຼວດການຊີ້ນໍາໆພາລວມ ປີ 2016,  ເຊິ່ງໄດ້ມີຫຼາຍເຫດການທີ່

ສໍາຄັນເປັນຕົ້ນແມ່ນ ການດໍາເນີນກອງປະຊຸມໃຫຍ່ ຄັ້ງທີ 10 ຂອງພັກ (ວັນທີ 18-22 ມັງກອນ 2016)ການກະກຽມ ແລະ

ປ່ອນບັດເລືອກຕັ້ງສະມາຊິກສະພາແຫ່ງຊາດ ຊຸດທີ 8 ແລະ ສະພາທ້ອງຖິ່ນ(ວັນທີ 30 ເມສາ 2016), ການກະກຽມແລະ

ເປັນເຈົ້າ ພາບກອງປະຊຸມອາຊຽນ ຄັ້ງທີ 28 ແລະ 29 (ວັນທີ 6-8 ກັນຍາ 2016), ການຈັດຕັ້ງທຸກພາກສ່ວນນັບແຕ່ຂັ້ນ

ສູນກາງລົງຮອດທ້ອງຖິ່ນໄດ້ຈັດຕັ້ງເຊື່ອມຊຶມ ແລະຜັນຂະຫຍາຍຜົນສໍາເລັດຂອງກອງປະຊຸມຕ່າງໆດັ່ງກ່າວຢ່າງກວ້າງຂວາງ

ແລະ ເລິກເຊິ່ງ ໂດຍສະເພາະ ຕະຫຼອດໄລຍະ 1 ປີຜ່ານມາ ໂດຍປະຕິບັດຕາມກົດລະບຽບຂອງພັກປະຊາຊົນປະຕິວັດລາວ

ສະໄໝທີ 10 ໝວດທີ 5,ມາດຕາ 28 ຄະນະບໍລິຫານງານພັກ, ຄະນະປະຈໍາພັກ ກະຊວງສຶກສາທິການ ແລະ ກິລາ ໄດ້ເອົາ

ໃຈໃສ່ຊີ້ນໍາໆພາປະຕິບັດໜ້າທີ່ການເມືອງຂອງຕົນດ້ວຍຄວາມຮັບຜິດຊອບສູງ ແລະ ແທດເຖິງຕົວຈິງສົມຄວນ,ເຊິ່ງສະແດງ

ອອກບາງດ້ານທີ່ເປັນພື້ນຖານ ເປັນຕົ້ນແມ່ນ ໄດ້ຊີ້ນໍາໆພາໂດຍກົງໃນການຈັດຕັ້ງ​ເຜີຍແຜ່ຄົ້ນຄວ້າເຊື່ອມຊຶມ  ແລະ  ຜັນຂະ

ຫຍາຍມະຕິກອງປະຊຸມຕ່າງໆຈົນສໍາເລັດຕາມຈຸດປະສົງທີ່ວາງໄວຊີ້ນໍາໆພາການປັບປຸງວິທີການພັດທະນາການສຶກສາ ແລະ

ກິລາ ກໍ່ຄື ການພັດທະນາຊັບພະຍາກອນມະນຸດ ຈາກການພັດທະນາຕາມ 3 ແຜນງານໃຫຍ່ ມາເປັນ 10 ແຜນງານຂອງຂະ

ແໜງການຍ່ອຍ ແລະ ພັດທະນາໄປຕາມເປົ້າໝາຍການພັດທະນາແບບຍືນຍົງຂອງສະຫະປະຊາຊາດໂດຍສະເພາະເປົ້າໝາຍ

ທີ 4 ແລະ ໄດ້ຍຶດໝັ້ນຕາມ 3 ລັກສະນະ, 5 ຫຼັກມູນຂອງການສຶກສາ  ແລະ  ກິລາ ໄດ້ເຮັດໃຫ້ການພັດທະນາການສຶກສາ

ແລະ ກິລາ ເຂົ້າເຖິງການແກ້ໄຂບັນຫາຕົວຈິງຫຼາຍຂຶ້ນ  ເປັນຕົ້ນແມ່ນ  ການຂະຫຍາຍໂອກາດໃຫ້ແກ່ທຸກຄົນຢູ່ເຂດຫ່າງໄກ

ສອກຫຼີກ ໄດ້ເຂົ້າເຖິງການສຶກສາ ແລະ ກິລາ.


        ຄຽງຄູ່ກັບຜົນສໍາເລັດທີ່ພົ້ນເດັ່ນ ແລະ ເປັນພື້ນຖານນັ້ນ, ການຊີ້ນໍາໆພາຂອງຄະນະປະຈໍາ ກໍ່ຄື ຄະນະບໍລິຫານງານ

ພັກກະຊວງ ສສກ ກໍ່ຍັງມີຈຸດອ່ອນ ແລະ ຂໍ້ຂາດຕົກບົກຜ່ອງຈໍານວນໜຶ່ງ, ເຊິ່ງພາຍໃນຄະນະປະຈໍາ ແລະ ຄະນະບໍລິຫານ

ງານພັກກະຊວງ ຕ້ອງກ້າຮັບຄວາມຈິງ ແລະ ກ້າຮັບຜິດຊອບປັບປຸງ. ນອກຈາກນັ້ນ, ການນໍາພາແກ້ໄຂປາກົດການຫຍໍ້ທໍ້ໃນ

ຂະແໜງການສຶກສາ  ແລະ ກິລາ ບາງດ້ານສັງຄົມຍັງມີຄວາມລະແວງສົງໄສ ໂດຍສະເພາະການສອບເສັງເຂົ້າຮຽນ, ການສົ່ງ

ນັກຮຽນໄປຮຽນຢູ່ພາຍໃນແລະ ຕ່າງປະເທດ, ການບັນຈຸຊັບຊ້ອນລັດຖະກອນໃໝ່ ແລະ ການຊີ້ນໍາປະຕິບັດໂຄງການບາງ

ໂຄງການບໍ່ທັນລະອຽດ ແລະ ການຊີ້ນໍາຮັບການສ່ອງແສງວຽກງານພັກ,ວຽກງານລັດບໍ່ທັນຮັບປະກັນທາງດ້ານເນື້ອໃນການ

ຊີ້ນໍາການຂະຫຍາຍການຈັດຕັ້ງພັກຢູ່ສະຖານບັນການສຶກສາພາກເອກະຊົນຍັງເຮັດບໍ່ທັນໄດ້  ແລະ  ການປັບປຸງການຈັກຕັ້ງ

ພັກ,  ປັບປຸງແບບແຜນວິທີການນໍາພາ,ວິທີເຮັດວຽກບາງບ່ອນ, ບາງຮາກຖານ ບາງຂົງເຂດວຽກງານບໍ່ທັນໜັກແໜ້ນ ແລະ

ບໍ່ເລິກເຊິ່ງ.


       ສໍາລັບແຜນການລວມປີ 2017 ​ແມ່ນຈະສືບຕໍ່ຊີ້ນໍາໆພາຜັນຂະຫຍາຍ ແລະ ປະຕິບັດມະຕິກອງປະຊຸມໃຫຍ່ ຄັ້ງທີ 10

ຂອງພັກ, ມະຕິກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງ ແລະ ບັນດາມະຕິຂອງກອງປະຊຸມຄະນະປະຈໍາ,  ມະ

ຕິກອງປະຊຸມຄົບຄະນະພັກກະຊວງແຕ່ລະຄັ້ງ ໂດຍມີການຊີ້ນໍາໆພາ,ຕິດຕາມຊຸກຍູ້ແຕ່ລະຮາກຖານພັກໃຫ້ແທດເຖິງຕົວຈິງ

ເພີ່ມທະວີຄວາມສາມັກຄີອັນເປັນປຶກແຜ່ນຢູ່ພາຍໃນໃຫ້ໜັກແໜ້ນໂດຍການສືບຕໍ່ຊີ້ນໍາການສຶກສາອົບຮົມການເມືອງແນວຄິດ

ຂອງສະມາຊິກ ພັກ,ພະນັກງານ, ຄູ-ອາຈານ  ແລະ ນັກຮຽນ-ນັກສຶກສາໃຫ້ຮູ້ເຖິງປະຫວັດສາດຄວາມເປັນມາຂອງຊາດ ໃນ

ແຕ່ລະໄລຍະ; ສືບຕໍ່ຊີ້ນໍາໆພາການພັດທະນາການສຶກສາ  ແລະ  ກິລາ ກໍ່ຄື  ການພັດທະນາຊັບພະຍາກອນມະນຸດຕາມ  10

ແຜນງານຂອງຂະແໜງການຍ່ອຍເພື່ອບັນລຸເປົ້າໝາຍການພັດທະນາແບບຍືນຍົງໂດຍຍຶດໝັ້ນຕາມ 3 ລັກສະນະແລະ5 ຫຼັກ

ມູນຂອງການສຶກສາ ແລະ ສືບຕໍ່ປັບປຸງ ແລະ ກໍ່ສ້າງພັກໃຫ້ປອດໄສ, ເຂັ້ມແຂງ ແລະ ໜັກແໜ້ນຮອບດ້ານ, ເສີມຂະຫຍາຍ

ບົດບາດການນໍາພາຂອງ   ພັກ,  ການຄຸ້ມຄອງຂອງອໍານາດລັດ,  ເສີມຂະຫຍາຍກໍາລັງແຮງຂອງອົງການຈັດຕັ້ງມະຫາຊົນໃຫ້

ສອດຄ່ອງກົມກຽວເຊິ່ງກັນ ແລະ ກັນ ຮັບປະກັນເຮັດໃຫ້ລະບົບການກໍາອໍານາດຂອງພັກມີບົດບາດສູງຂຶ້ນ.