ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday261
mod_vvisit_counterYesterday4162
mod_vvisit_counterThis week17919
mod_vvisit_counterLast week12602
mod_vvisit_counterThis month41664
mod_vvisit_counterLast month81332
mod_vvisit_counterAll days168504

We have: 38 guests, 6 bots online
Your IP: 54.147.253.45
 , 
Today: ມ.ກ. 18, 2017


ຂຽນໂດຍ ບົວ​ໂສ ສີ​ສົມ​ພອນ ສກມ ​ໜອງ​ແຮດ   

ສກຂ ​ຊຽງ​ຂວາງ​​ ຍົກ​ລະດັບການ​ສ້າງປຶ້​ມຄູ່​ມື​ການ​ບັນຊີ​ໃຫ້​ຜູ້​ບໍລິຫານ​ການ​ສຶກສາ ​

ແລະ ພະ​ນັກ​ງານ​ການ​ເງິນ


   ພະ​ແນ​ກສຶກສາ​ທິການ ​ແລະ ກິລາ ​ແຂວງ​ຊຽງ​ຂວາງ ຈັດກອງ​ປະ​ຊຸມ​​ເຝິກ​ອົບຮົມ​ກ່ຽວ​ກັບການ

   ສ້າງປື້​ມຄູ່​ມື​ການ​ບັນຊີ​ຂອງ​ອົງການ​ຈັດ​ຕັ້ງ​ລັດໃຫ້​ຜູ້​ບໍລິຫານ​ການ​ສຶກສາ ​ແລະ ກິລາ ພ້ອມ​ດ້ວຍ

   ພະ​ນັກ​ງານ​ການ​ເງິນຂັ້ນ​ແຂວງ, ຂັ້ນເມືອງ ​ໃນ​ຂະ​ແໜງ​ການ​ສຶກສາ-ກິລາ ທົ່ວ​ແຂວງ

      ເມື່ອ​ບໍ່​ດົນ​ມາ​ ທີ່​ສະ​ໂມ​ສອນ​ເມືອງ​ຄຳ, ​​​ພາ​ຍ​ໃຕ້​ການ​ເປັນ​ປະທານຂອງ​ທ່ານ ຄຳ​ມຸ່ຍ ວົງ​ຄະ​ໄຊ​ຍໍ ຮອງ​ຫົວໜ້າ​ພະ​ແນ​ກ

ການ​ເງິນ​ແຂວງ​, ​ໂດຍ​ໃຫ້​ກຽດ​ເຂົ້າ​ຮ່ວມຂອງ​ທ່ານ ບຸນ​ມີ​ໄຊ ​ແພງ​ສາ ຮອງ​ເລຂາ​ພັກ​ເມືອງ ຮອງ​ເຈົ້າ​ເມືອງໆ​ຄຳ, ພ້ອມ​ດ້ວຍ

ຫົວໜ້າ-ຮອງ​ຫົວໜ້າ ຫ້ອງການສຶກສາ​ທິການ ​ແລະ ກິລາ 7 ​ເມືອງ​ທົ່ວ​ແຂວງ, ​ພະນັກງານ​ການ​​ເງິນ ພະ​ແນ​ກສຶກສາ​ທິການ

​ແລະ ກິລາ​ແຂວງ​ ​ແລະ ພາກສ່ວນ​ທີ່​ກ່ຽວຂ້ອງຢ່າງ​ພ້ອມພຽງ.


​        ໂອກາດ​ນີ້, ທ່ານ ວົງສາ ລໍ່​ເຢຍ ຫົວໜ້າ​ຂະ​ແໜງການ​ເງິນ ​ພະ​ແນ​ກສຶກສາ​ທິການ ​ແລະ ກິລາ ແຂວງ ​ໄດ້​ກ່າວ​ໃຫ້​ຮູ້

​​ເຖິງຈຸດປະ​ສົງ​ເປົ້າ​ໝາຍ​ຂອງການ​​ເຝິກ​ອົບຮົ​ມ​, ​ແມ່ນ​ເພື່ອ​ໃຫ້ສຳ​ມະ​ນາກ​ອນ ໄດ້​ຮຽນ​ຮູ້ສາລະບານ​ງົບປະມານ-ບັນຊີ​ ​​ໃຫ້

​ເປັນ​ເອກະ​ພາບກັນ, ການຈັດ​ຕັ້ງ​ວຽກງານ​ບັນຊີ,​ ເຕັກນິກ​ການ​ບັນທຶກ​ບັນຊີ, ການ​ສ້າງ​ບັດ​ຜ່ານ​ບັນຊີ-ການ​ລົງ​ບັນຊີ, ການ​

ຈົດ​ບັນຊີ​ແຕ່​ລະ​ພາກເຂົ້າ​ປື້​ມບັນຊີ​ປະຈຳ​ວັນ​ຕົວ​ຈິງ,ການກວດ​ນັບ ​ແລະ ລາຍ​ງານ,​ ໃບ​ດຸນດ່ຽງ​ກ່ອນ​ການ​ປັບປຸງ,​  ໃບ​ດຸ​ນ

ດ່ຽງ​ຫຼັງ​ການ​ປັບປຸງ,​ ໃບ​ລາຍ​ຮັບ-ຈ່າຍ​ງົບປະມານ​ແຫ່ງ​ລັດ, ໃບ​ລາຍ​ງານ​ຖານະ​ການ​ເງິນ ​ແລະ ​ໃບ​ລາຍ​ງານ​ກະ​ແສ​ເງິນສົດ.

ທັ້ງນີ້, ກໍ່ເພື່ອ​ເປັນ​ການ​ຍົກ​ລະດັບ​ຄວາມ​ຮູ້​ຄວາມ​ສາມາດທາງ​ດ້ານ​​ການ​ບໍລິຫານ​-​ຄຸ້ມຄອງວຽກ​ງານ​ການ​ເງິນ​ຂອງ​ຂະ​ແໜງ​

ການ​ສຶກສາ-ກິລາ​ຢູ່​​​ແຕ່ລະຂັ້ນ​​ໃຫ້​ມີ​ຄວາມ​ເຂັ້ມ​ແຂງ  ​ແລະ  ຈັດ​ຕັ້ງ​ປະຕິ​ບັດ​ໃຫ້ສອດຄ່ອງ​ກັບ​ການ​ຄຸ້ມ​ຄອງ​ລາຍ​ຮັບ-ລາຍ​

ຈ່າຍ​ງົບປະມານ​ແຫ່ງ​ລັດ​ຢູ່​ແຕ່​ລະ​ຫົວໜ່ວຍ​ງົບປະມານ​ຂອງ​ຂະ​ແໜງ​ການ​ສຶກສາ​-ກິລາ​​ ​ໃຫ້​ເປັນ​ເອກະ​ພາບ,ຮັບປະກັນ​ໃຫ້

ການ​ສະຫຼຸບ​-ລາຍ​ງານ​​ຖືກຕ້ອງ​ວ່ອງ​ໄວ ​ແລະ ​ຊັດ​ເຈັນ.


​      ໂອກາດດັ່ງກ່າວ, ທ່ານ ຄຳ​ມຸ່ຍ ວົງຄະ​ໄຊ​ຍໍ ໄດ້​ເນັ້ນ​ໜັກໃຫ້ສຳ​ມະ​ນາກ​ອນ ຈົ່ງ​ພ້ອມ​ກັນ​ເອົາ​ໃຈ​ໃສ່ສຶກສາ​ຄົ້ນ​ແຕ່ລະ

​ເນື້ອ​ໃນ​ເອກະສານ ​ແລະ ສົນທະນາ​ນຳ​ຄູ​ເຝິກ​ໃຫ້​ມີ​ຄວາມ​ເຂົ້າ​ໃຈ​ຢ່າງ​ເລິກ​ເຊິ່ງ, ນໍາ​ເອົາ​ບົດຮຽນ​ທີ່​ໄດ້​ເຝິກ​ປະຕິບັດ​ຕົວ​ຈິງ

​ໄປ​ຈັດ​ຕັ້ງ​ຜັນ​ຂະຫຍາຍ​ເຂົ້າ​ໃນ​ໜ້າ​ທີ່​ວຽກ​ງານ​ທີ່​ຕົນ​ຮັບຜິດຊອບໃຫ້​​ເກີດ​ດອກ​ອອກ​ຜົນ. ສຳລັບການ​ເ​ຝິກ​ອົບຮົມດັ່ງກ່າວ​

ນີ້, ​ໄດ້​ດຳ​ເນີນ​ເປັນ​ເວລາ 5 ວັນ​ ​ຈຶ່ງສຳ​ຈະເລັດ.