ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday309
mod_vvisit_counterYesterday4162
mod_vvisit_counterThis week17967
mod_vvisit_counterLast week12602
mod_vvisit_counterThis month41712
mod_vvisit_counterLast month81332
mod_vvisit_counterAll days168552

We have: 77 guests, 9 bots online
Your IP: 54.147.253.45
 , 
Today: ມ.ກ. 18, 2017


ຂຽນໂດຍ ອ້ວນດຳ   

ທັບນັກກິລາ ນ.ວ ​ແຊ໋ມ 4 ສະ​ໄໝ ​​ເຂົ້າ​​ສູນເຝິກແອບແລ້ວ ກຽມ​ລ່າ​ຫຼຽນ​ຄຳ

ງານ “ນົກກົກ​ຄຳ ​ເກ​ມ 2017”​


   ຄະນະ​ນຳ, ຄູ​ເຝິກ ​ແລະ ນັກ​ກິລາ​ ນະຄອນຫຼວງວຽງ​ຈັນ ຈຳນວນ 360 ຄົນ ດີກຣີແຊ໋ມ​ເຈົ້າ​ຫຼຽນ

   ຄຳ 4  ສະ​ໄໝ  ​ເລີ່​ມປະຕິ​ບັດ​ການ​​ເຂົ້າ​ນອນ​ສູນເຝິກແອບ​ເປັນ​ທີ່​ຮຽບຮ້ອຍ​ແລ້ວ ​ເພື່ອ​​ກຽມ​ຄວາມ​

   ພ້ອມຮອບດ້ານ​ເນັ້ນ​ເອົາພະລະກຳລັງ, ​ເທັກ​ນິກ, ທັກ​ສະ ​ແລະ ປະສົບ​ການ​ຕ່າງໆ

       ກຽມ​ລ່າ​ຫຼຽນ​ຄຳ ງານ​ມະຫາກຳ​ກິລາ​ນັກຮຽນ​ມັດທະຍົມ​ສຶກສາ ທົ່ວ​ປະ​ເທດ ຄັ້ງ​ທີ 6 ຫຼື “ນົກກົກຄຳ ​ເກ​ມ 2017” ​ທີ່​

ແຂວງ​ບໍລິ​ຄຳ​ໄຊ ຮັບ​ກຽດ​ເປັນ​ເຈົ້າພາບ ລະຫວ່າງ​ວັນ​ທີ 1-9 ກຸມພານີ້.  ຕາມ​ການ​ເປີດ​ເຜີຍ​ຂອງ ທ່ານ ຄຳ​ສະຫວັນ ​ໂຄດ​ໄຊ

ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ ນະຄອນຫຼວງ​ວຽງ​ຈັນ ທັງເປັນຄະນະຊີ້ນຳລວມຄະນະນັກກິລາ ນ.ວໃນ​ຕອນ​

ເຊົ້າ​ວານ​ນີ້ (3 ມັງກອນ) ​ໃຫ້​ຊາບ​ວ່າ: ​ເພື່ອ​​ເປັນ​ການ​ກະກຽມ​ຄວາມ​ພ້ອມ​ຢ່າງຮອບດ້ານແນ​ໃສ່ເຮັດ​ໃຫ້ທັບ​ນັກ​ກິລາ​ນະຄອນ

ຫຼວງ​ວຽງ​ຈັນ ມີ​ການ​ພັດທະນາ​ຢ່າງ​ເຂັ້ມ​ແຂງ ​ແລະ ​ແຂງ​ແກ່ນຮັບປະກັນ​ໄດ້​ໃນ​ການ​ເຂົ້າ​ຮ່ວມ​ງານມະຫາກຳ​​ກິລາ​ນັກຮຽນ​ທົ່ວ

​ປະ​ເທດ ຄັ້ງ​ທີ 6 ທີ່​ແຂວງ​ບໍລິ​ຄຳ​ໄຊ ​ຮັບ​ກຽດ​ເປັນ​ເຈົ້າພາບ ​ຕາມ​ເປົ້າ​ໝາຍ​ຂອງ​ນະຄອນຫຼວງ​ວຽງ​ຈັນ ທີ່ວາງ​ໄວ້​ເປັນ​ຕົ້ນ​ແມ່ນ

ເພື່ອ​ສູ້​ຊົນ​ເປົ້າ​ໝາຍ​ໃຫ້​ໄດ້​ຄວາມ​ສາ​ມັກ​ຄີ​ມິດຕະພາບ ກັບ​ຄະນະ​ນຳ, ຄູ​ເຝິກ ​ແລະ ນັກ​ກິລາ​ ຈາກບັນດາ​ແຂວງ​ຕ່າງໆ ສ້າງ​ໄດ້

​ບຸ​ຄະລາ​ກອນ​ທີ່​ມີ​ຄວາມ​ສາມາດ​​ເກັ່ງ​ກ້າຜູ້​ທີ່​ພົ້ນເດັ່ນຕາງໜ້າ​ໃຫ້ປະ​ເທດຊາດເຂົ້າ​ຮ່ວມ​ແຂ່ງຂັນສ້າງ​ຜົນງານ​ໃນ​ງານກິລາ​ລະດັບ

ພາກ​ພື້ນ ​ແລະ ສາກົນ ​ໃນ​ຕໍ່ໜ້າ ທັງສອດ​ຄ່ອງກັບ​ການ​ຈັດ​ຕັ້ງ​ປະຕິບັດ​ຕາມ 5 ຫຼັກ​ມູນ​ຂອງ​ການ​ສຶກສາ ທີ່​ກະຊວງ​ສຶກສາ​ທິ

ການ ​ແລະ ກິລາ ວາງ​ອອກ​ໃຫ້​ປາກົດ​ຜົນ​ເປັນ​ຈິງ.  ດັ່ງ​ນັ້ນ,  ​ໃນ​ການ​ເຂົ້າ​ຮ່ວມ​​ແຂ່ງຂັນດັ່ງກ່າວ ນະຄອນຫຼວງ​ວຽງ​ຈັນ ຄາດ

​ຫວັງ​ພຽງ​ຈະ​ເຮັດ​ໃຫ້​ດີ​ທີ່​ສຸດ ​ເພື່ອ​ໃຫ້​ໄດ້​ຕາມ​ເປົ້າ​ໝາຍ​ທີ່​ກ່າວ​ມາ​ນັ້ນ ​ໂດຍ​ຈະ​ສົ່ງ​ຄະນະ​ນຳ, ຄູ​ເຝິກ ​ແລະ ນັກ​ກິລາ ​ເຂົ້າ​ຮ່ວມ

​ແຂ່ງຂັນ​ທັງ​ໝົດ 360 ຄົນ ຈາກ 12 ປະ​ເພດ​ກິລາ ​ໃນ​ປັດຈຸບັນ​ໄດ້​ເລີ່ມເຂົ້າ​ນອນ​ສູນ​ເປັນ​ທີ່​ຮຽບຮ້ອຍ​ແລ້ວ​ເຊິ່ງ​ແບ່ງ​ອອກ​ເປັນ

3 ສູນ ຄື: ສະ​ໂມ​ສອນ​ກິລາ​ໃນ​ຮົ່ມ ​ບຶງ​ຂະ​ຫຍອງ, ມສ ວຽງ​ຈັນ ​ແລະ ບ້ານ​ໂພນ​ງາມ.


      ການ​ແຂ່ງຂັນງານກິລາ “ນົກກົກຄຳ ​ເກ​ມ 2017” ແມ່ນຈະທຳການແຂ່ງຂັນໃນ​ລະຫວ່າງ​ວັນ​ທີ 1-9 ກຸມພາ 2017 ​ເຊິ່ງ

ຈະມີການຊີງ​ໄຊ​ກັນ​ທັງ​ໝົດ 12 ປະ​ເພດ​ກິລາ ປະກອບ​ມີ ​ເຕະບານ, ບານ​ສົ່ງ, ກະຕໍ້, ​ເປ​ຕັງ, ປິ່ງ​ປ່ອງ, ບານບ້ວງ, ​ແລ່ນ-ລານ,

ໜ້າ​ເກັກ, ໝາກ​ຂ່າງ, ໝາກ​ເສິກ, ດອກ​ປີກ​ໄກ່ ແລະ ​ເທ​ຄວັນ​ໂດ. ໂດຍມີ​ການ​ຊີງ​ໄຊ​​ເອົາ​ຫຼຽນກັນ​ທັງ​ໝົດ 138 ຫຼຽນ​ຄຳຈາກ

138 ລາຍການ.