ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday3504
mod_vvisit_counterYesterday4699
mod_vvisit_counterThis week94162
mod_vvisit_counterLast week22465
mod_vvisit_counterThis month146022
mod_vvisit_counterLast month73398
mod_vvisit_counterAll days346260

We have: 44 guests, 9 bots online
Your IP: 54.92.246.200
 , 
Today: ກ. ພ. 25, 2017


ຂຽນໂດຍ ສາວ​ສະຫວັນ   

12 ​ເຫດການເດັ່ນດ້ານ​ການ​ສຶກສາ ປະຈໍາປີ 2016


   ການ​ເວລາ​ໄດ້ໝູນວຽນ​ໄປ​ຢ່າງ​ໄວວາ, ​ເຊິ່ງ​ໄລຍະ 1 ປີຜ່ານມາ (2016) ກໍ່​ໄດ້​ມີ​ເຫດການຫຼາຍໆ

   ຢ່າງ​ທີ່ເກີດ​ຂຶ້ນ​ໃນ​ສັງຄົມ ບໍ່ວ່າ​ຈະ​ຢູ່​ພາຍ​ໃນ ຫຼື ຕ່າງປະ​ເທດ ​ແລະ ບໍ່ວ່າ​ຈະ​ຢູ່​ໃນ​ຂົງເຂດ​ເສດຖະ

   ກິດ, ວັດທະນະທຳ-​ສັງຄົມ, ສາທາລະນະ​ສຸກ, ກິລາ ​ແລະ ອື່ນໆ.


       ໃນ​ນີ້, ຂະ​ແໜງການ​ສຶກສາ ກໍ່​ໄດ້​ມີຫຼາຍ​ເຫດການ​ທີ່​ພົ້ນ​ເດັ່ນ​ບໍ່ໜ້ອຍໜ້າຂະ​ແໜງການ​ອື່ນໆ ທີ່​ມີ​ທ່າ​ອ່ຽງພັດທະນາ​ດີ

​ຂຶ້ນ​ເປັນ​ກ້າວໆ ສ້າງ​ໃຫ້​ປະ​ເທດ​ຊາດ​ເຮົາ​ກ້າວ​ໄປ​ສູ່​ການ​ຫຼຸດພົ້ນ​ອອກ​ຈາກສະຖານະ​ພາບປະ​ເທດດ້ອຍ​ພັດທະນາ​ໃນ​ປີ 2020

ຕາມ​ການ​ຄາດ​ຫວັງ​ຂອງ​ພັກ-ລັດຖະບານ​ເຮົາ​, ​ເຊິ່ງທາງ​ທີ​ມງານ ໜັງສຶພິມ ສຶກສາ-​ກິລາ ​ລາຍ​ວັນ ສະບັບ​ນີ້ ​ໄດ້​ລວບ​ລວມມາ​

ໃຫ້ບັນດາ​ທ່ານ​ໃຫ້​ຊາບ​ຕໍ່​ໄປ​ນີ້:


1. ການປະຕິຮູບລະບົບການສຶກສາແຫ່ງຊາດ ມີຜົນສໍາເລັດຫຼາຍດ້ານ

        ສະຫາຍ ນາງ ແສງເດືອນ ຫຼ້າຈັນທະບູນ ລັດຖະມົນຕີ ກະຊວງສຶກສາທິການ ແລະ ກິລາ ໄດ້ປະກອບຄໍາເຫັນຕໍ່ກອງ

ປະຊຸມໃຫຍ່ ຄັ້ງທີ 10 ຂອງພັກ ໃນວັນທີ 19 ມັງກອງ ຜ່ານມາ ໃນຫົວຂໍ້ “ເສີມຂະຫຍາຍຜົນສໍາເລັດການປະຕິຮູບການສຶກ

ສາແຫ່ງຊາດ” ວ່າ: ຜ່ານການຈັດຕັ້ງປະຕິບັດຕົວຈິງໄດ້ມີຜົນສໍາເລັດຫຼາຍດ້ານ, ເຊິ່ງສະແດງອອກໃຫ້ເຫັນວ່າ: ລະບົບການສຶກ

ສາແຫ່ງຊາດ ໄດ້ຮັບການປັບປຸງ ແລະ ຂະຫຍາຍຢ່າງຕໍ່ເນື່ອງແຕ່ລະປີ, ຈໍານວນຜູ້ຮຽນໄດ້ເພີ່ມຂຶ້ນ ສາມາດບັນລຸຄາດໝາຍ

ຂອງແຜນງານແຫ່ງຊາດການສຶກສາເພື່ອທຸກຄົນ ກໍ່ຄືເປົ້າໝາຍສະຫັດສະວັດການພັດທະນາ ປີ 2015 ກ່ຽວກັບອັດຕາການ

ເຂົ້າຮຽນຂອງນັກຮຽນສາຍສາມັນສຶກສາ ໂດຍປະກາດຈົບຊັ້ນປະຖົມບໍາລຸງທົ່ວປະເທດ ໃນປີ 2015 ແລະ ມາຮອດປັດຈຸ

ບັນ ມີ 57 ເມືອງ 2 ແຂວງ ແລະ ນະຄອນຫຼວງ ໄດ້ປະກາດຈົບຊັ້ນມັດທະຍົມຕອນຕົ້ນບໍາລຸງ.


2. ນະຄອນຫຼວງວຽງ ຄອງຄວາມເປັນໜຶ່ງ ໃນການສອບເສັງນັກຮຽນເກັ່ງຊັ້ນມັດທະຍົມສຶກສາ ລະດັບຊາດ ສົກນີ້

          ນັກຮຽນເກົ່ງທົ່ວນະຄອນຫຼວງວຽງຈັນ ຄອງຄວາມເປັນໜຶ່ງໃນການສອບເສັງນັກຮຽນເກັ່ງ  ລະດັບຊາດ  ສົກຮຽນ

2015-2016 ໃນລະຫວ່າງວັນທີ 25-28 ເມສາ ຜ່ານມາ ທີ່ມະຫາວິທະຍາໄລແຫ່ງຊາດ ນະຄອນຫຼວງວຽງຈັນພາຍຫຼັງຄວ້າ

ລາງວັນຊະນະເລີດໄດ້ເຖິງ 5 ວິຊາ ຄື: ວິຊາຟີຊິກສາດ ຊັ້ນ ມ ຕົ້ນ ຈາກ ນາງ ວົງດາລາ ວົງນະຄອນ ໂຮງຮຽນ ມສ ວຽງຈັນ

ເມືອງຈັນທະບູລີ, ວິຊາເຄມີສາດ ຊັ້ນ ມ ຕົ້ນ ຈາກ ນາງ ຈິນດາ ທະວີວັນ ໂຮງຮຽນ ມຕ ປາດຖະໜາ ເມືອງໄຊເສດຖາ, ວິ

ຊາພາສາລາວ-ວັນນະຄະດີ ຊັ້ນ ມ ປາຍ ຈາກ ນາງ ພຸດທິດາ ສຸກອາລຸນ ໂຮງຮຽນ ພອນສະຫວັນຊົນເຜົ່າ ເມືອງໄຊທານີ, ວິ

ຊາຟີຊິກສາດ ຊັ້ນ ມ ປາຍ ຈາກ ທ້າວ ມົວກ້ອງ ທ່າວໄຊລີ ໂຮງຮຽນ ພອນສະຫວັນຊົນເຜົ່າ ເມືອງໄຊທານີ ​ແລະ ວິຊາເຄມີ

ສາດ ຊັ້ນ ມ ປາຍ ຈາກ ທ້າວ ເກດວິບຸນ ສຸວິມົນ ໂຮງຮຽນ ມສ ມິດຕະພາບ ລາວ-ຫວຽດ ເມືອງໄຊເສດຖາ. ນອກຈາກ​ນີ້,

ນະຄອນຫຼວງວຽງຈັນ ຍັງ​ສາມາດ​ຄວ້າ​ອັນ​ດັບ 1 ​ໃນການຖາມ-ຕອບວິທະຍາສາດ ແລະ ຄວາມຮູ້ຮອບຕົວອີກ​ດ້ວຍ.


3. ປິດການສອບເສັງນັກຮຽນເກັ່ງຊັ້ນປະຖົມລະດັບຊາດ ຂະນະທີ່ນະຄອນຫຼວງວຽງຈັນ ຄວ້າອັນດັບ 1

        ກົມອະນຸບານ ແລະ ປະຖົມສຶກສາ ກະຊວງສຶກສາທິການ ແລະ ກິລາ ໄດ້ປິດການສອບເສັງນັກຮຽນເກັ່ງຊັ້ນປະຖົມ

ສຶກສາ ສົກຮຽນ 2015-2016 ໃນ​ວັນ​ທີ 29 ​ເມສາ ຜ່ານ​ມາ ທີ່​ສະ​ຖາ​ບັນ​ຄົ້ນຄວ້າ​ວິທະຍາສາດ​ການ​ສຶກສາ​ແຫ່ງ​ຊາດ, ພາຍ

ຫຼັງ​ໄດ້​ດຳ​ເນີນ​ມາ​ແຕ່​ວັນ​ທີ 27 ​ເມສາ 2016​. ຂະນະທີ່ຜົນ​ການ​ສອບ​ເສັງ​ປາກົດ​ວ່າ​ ອັນ​ດັບ​ທີ 1 ວິຊາ​ພາສາ​ລາວ ​ແມ່ນ ນາງ

​ໄພລິນ ບໍລິບູນ ຈາກ​ໂຮງຮຽນ​ສິນ​ໄຊ ​ເມືອງ​ຈັນທະ​ບູລີ ນະຄອນຫຼວງ​ວຽງ​ຈັນ, ວິຊາ​ຄະນິດສາດ ​ແມ່ນ ນາງ ນິລັນດອນ ​ໄຊ

​ຍະ​ຈິດ ຈາກ​ໂຮງຮຽນ​ເຈນ​ນິດາ ​ເມືອງ​ແປກ ​ແຂວງ​ຊຽງ​ຂວາງ ​ແລະ ວິຊາ​ໂລກ​ອ້ອມ​ຕົວ​ແມ່ນ ນາງ ​ເພັດ​ມະນີ ປະສິດ​ພັນ

ຈາກ​ໂຮງຮຽນ​ສັນທະລັກ ​ເມືອງ​ໄຊ​ເສດ​ຖາ ນະ​ຄອນ​ຫຼວງ​ວຽງ​ຈັນ. ສຳລັບ​ການ​ສອບ​ເສັງ​ນັກຮຽນ​ເກັ່ງ​ຊັ້ນ​ປະຖົມ​ສຶກສາ ລະ

ດັບ​ຊາດ ​ໄດ້​ມີນັກຮຽນ​ເ​ກັ່ງ​ເຂົ້າ​ຮ່ວມ​ແຂ່ງຂັນ ​ໃນ 3 ວິຊາ, ວິຊາ​ລະ 1 ຄົນ ທີ່​ມາ​ຈາກ 17 ​ແຂວງ  ​ແລະ  ນະຄອນຫຼວງ​ ຈຳ

ນວນ 54 ຄົນ, ຍິງ 35 ຄົນ.


4. ມອບ-ຮັບ ໜ້າທີ່ວ່າການແທນອະທິການບໍດີ ມຊ

        ໃນວັນທີ 30 ພຶດສະພາ 2016 ທີ່ສະໂມສອນຄະນະເສດຖະສາດ ແລະ ບໍລິຫານທຸລະກິດ ມະຫາວິທະຍາໄລແຫ່ງ

ຊາດ ໄດ້ມີພິທີມອບ-ຮັບໜ້າທີ່ວ່າການແທນອະທິການບໍດີ ມະຫາວິທະຍາໄລແຫ່ງຊາດ (ມຊ) ລະຫວ່າງທ່ານ ສຈ.ປອ ສຸກ

ກົງແສງ ໄຊຍະເລີດ ອະທິການບໍດີ ມະຫາວິທະຍາໄລແຫ່ງຊາດ (ຜູ້ເກົ່າ) ແລະ ທ່ານ ສຈ.ປອ  ສົມສີ ຍໍພັນໄຊ  ຮອງອະທິ

ການບໍດີ ມະຫາວິທະຍາໄລແຫ່ງຊາດ ເປັນຮັກສາການແທນ.


5. ເຄັງຄັດກວ່າທຸກປີ ! ການສອບເສັງຈົບ ມ4 ແລະ ມ7 ທົ່ວປະເທດ ພ້ອມປະຕິບັດລະບຽບເດັດຂາດຕໍ່ຜູ້ກະທໍາຜິດ

         ທ່ານ ປອ. ນາງ ສິີສຸກ ວົງວິຈິດ ຫົວໜ້າກົມມັດທະຍົມສຶກສາ ກະຊວງສຶກສາທິການ ແລະ ກິລາ ເຜີຍໃຫ້ຮູ້​​ເມື່ອ​ວັນ

​ທີ 31 ພຶດສະພາ 2016 ທີ່​ກະຊວງ​ສຶກສາ​ທິການ ​ແລະ ກິລາ ວ່າ:   ການສອບເສັງຈົບຊັ້ນມັດທະຍົມສຶກສາຕອນຕົ້ນ (ມ4)

ແລະ ມັດທະຍົມສຶກສາຕອນປາຍ (ມ7) ໃນທົົ່ວປະເທດ ປະຈໍາສົກ​ປີ 2015-2016 ໄດ້ມີມາດຕະການ ແລະ ແຜນການໃນ

ການສ້າງນິຕິກໍາກ່ຽວກັບລະບຽບການສອບເສັງຢ່າງເຄັ່ງຄັດ ເພື່ອຕ້ານ ແລະ ສະກັດກັ້ນປາກົດກາຫຍໍ້ທໍ້ທີ່ອາດເກີດຂຶ້ນໃນໄລ

ຍະການສອບເສັງ, ພ້ອມກັບຈະມີການປະຕິບັດວິໄນ ແລະ ປະຕິບັດກົດໝາຍຕໍ່ຜູ້ກະທໍາຜິດຢ່າງເດັດຂາດ.


6. ປິດລົງດ້ວຍ​ຜົນສຳ​ເລັດ ກອງປະຊຸມຜູ້ບໍລິຫານການສຶກສາ-ກິລາ ທົ່ວປະເທດ 2016

          ກອງປະຊຸມຜູ້ບໍລິຫານການສຶກສາ ​ແລະ ກິລາ ທົ່ວປະເທດ ປະຈຳປີ 2016 ໄດ້ປິດລົງຢ່າງເປັນທາງການ ໃນຕອນ

ບ່າ​ຍຂອງວັນທີ 1 ກໍລະກົດ ຜ່ານມາ ພາຍຫຼັງ​ໄດ້​ດຳ​ເນີນ​ມາ​ແຕ່​ວັນ​ທີ30ມິຖຸນາ 2016 ທີ່ສູນຮ່ວມມືສາກົນ ແລະ ການເຝິກ

ອົບຮົມ (ສູນ ICTC ຫຼັກ 5) ນະຄອນຫຼວງວຽງຈັນ, ໃຫ້ກຽດເປັນປະທານຂອງທ່ານ ນາງ ແສງເດືອນ ຫຼ້າຈັນທະບູນ ລັດ

ຖະມົນຕີ ກະຊວງສຶກສາທິການ ແລະ ກິລາ, ທ່ານ ຮສ.ປອ ກອງສີ ແສງມະນີ, ທ່ານ ບົວລານ ສິລິປັນຍາ ແລະ ທ່ານ ລີຕູ້

ບົວປາວ ຮອງລັດຖະມົນຕີ ກະຊວງສຶກສາທິການ ແລະ ກິລາ, ມີ​ບັນດາ​ພາກສ່ວນ​ທີ່​ກ່ຽວຂ້ອງ​ໃນ​ຂອບ​ເຂດ​ທົ່ວ​ປະ​ເທດ​ເຂົ້າ

​ຮ່ວມ. ໂອກາດດັ່ງກ່າວ, ທ່ານ ນາງ ແສງເດືອນ ຫຼ້າຈັນທະບູນ ໄດ້ກ່າວໃຫ້ຮູ້ວ່າ: ສຳລັບວຽກງານທີ່ຈະຕ້ອງໄດ້ເອົາໃຈໃສ່ຈັດ

ຕັ້ງປະຕິບັດ ແມ່ນຈະໄດ້ພ້ອມກັນສືບຕໍ່ສຶກສາອົບຮົມແນວຄິດການເມືອງພະນັກງານ, ຄູ-ອາຈານ ແລະນັກຮຽນ-ນັກສຶກສາ

ໂດຍຈັດຕັ້ງເຜີຍແຜ່ແນວທາງນະໂຍບາຍຂອງພັກ ແລະ ຂອງລັດ ເພື່ອສ້າງໃຫ້ມີຄວາມເຊື້ອໝັ້ນຕໍ່ການນຳພາຂອງພັກ-ລັດ,

ຕໍ່ການຈັດຕັ້ງ ແລະ ຕໍ່ຕົນເອງ ໃຫ້ສະແດງອອກພຶດຕິກຳຕົວຈິງໃນການປະຕິບັດໜ້າທີ່ວຽກງານຂອງເຂົາເຈົ້າໃຫ້ມີໝາກຜົນ.


         ສ່ວນວຽກງານທາງດ້ານນິຕິກຳພວກເຮົາມີ 193 ສະບັບ ທີ່ໄດ້ປະຕິບັດຢູ່ໃນໃປັດຈຸບັນ, ມອບໃຫ້ບັນດາກົມ, ສະຖາ

ບັນ, ສູນ ກວດກາຄືນເບິ່ງບັນດານິຕິກຳເຫຼົ່ານັ້ນຍັງສອດຄ່ອງ ຫຼື ບໍ່ສອດຄ່ອງ ຫຼື ມີນິຕິກຳຫຍັງຕື່ມ ເພື່ອເປັນບ່ອນອີງໃນທາງ

ປະຕິບັດ ໂດຍສະເພາະແມ່ນການຈັດຕັ້ງປະຕິບັດກົດໝາຍວ່າດ້ວຍການສຶກສາ, ດຳລັດວ່າດ້ວຍລັດຖະກອນຄູວ່າດ້ວຍການ

ສຶກສາຊັ້ນສູງ, ຂໍ້ຕົກລົງຂອງລັດຖະມົນຕີ ກ່ຽວກັບການແບ່ງຂັ້ນຄຸ້ມຄອງ ແລະ ບັນຫາສຳຄັນແມ່ນຂອດກົນໄກຈັດຕັ້ງປະຕິ

ບັດຕົວຈິງຕ້ອງໃຫ້ຫັດກຸມ, ເດັດຂາດ.


7. ນາຍົກ ເນັ້ນຫຼາຍບັນຫາ ໂອກາດສະຫຼອງວັນຄູແຫ່ງຊາດ ຄົບຮອບ 22 ປີ

        ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ​ໄດ້ເນັ້ນໜັກຫຼາຍບັນຫາ ​ໃນໂອກາດສະເຫຼີມສະຫຼອງ

ວັນຄູແຫ່ງຊາດ ​ເມື່ອວັນທີ 7 ຕຸລາ 2016 ທີ່ຫໍປະຊຸມແຫ່ງຊາດໂດຍໃຫ້ມີ​ການເອົາໃຈໃສ່ໃນການສຶກສາອົບຮົມການເມືອງ

ແນວຄິດ, ສ້າງຄູໃຫ້ມີສິນທໍາ, ມີຈັນຍາບັນ, ມີຄວາມເປັນແບບຢ່າງ, ມີຄວາມຮັບຜິດຊອບຕໍ່ການສິດສອນ,ການພັດທະນາ

ການຮຽນຮູ້ ແລະ ເຕີບໃຫຍ່ຂະຫຍາຍຕົວທາງດ້ານການສຶກສາຂອງນັກຮຽນ.ພ້ອມທັງຜັນຂະຫຍາຍທິດທາງວຽກງານການ

ສຶກສາຄູໃຫ້ເປັນແຜນປະຕິບັດງານລະອຽດ ສາມາດຈັດຕັ້ງປະຕິບັດໃຫ້ມີປະສິດທິຜົນ.


8. ລັດຖະບານ ຈະເລັ່ງແກ້ໄຂໃນການພັດທະນາການສຶກສາສາເຂດຊົນນະບົດຫ່າງໄກສອກຫຼີກ

        ອີງຕາມການລາຍງານຫຍໍ້ຂອງທ່ານ ທອງລຸນ ສີສຸລິດ ນາຍົກລັດດຖະມົນຕີ ແຫ່ງ ສປປ ລາວ ຕໍ່ກອງປະຊຸມສະໄໝ

ສາມັນເທື່ອທີ 2 ຂອງສະພາແຫ່ງຊາດ ຊຸດທີ 8 ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບ

ປະມານແຫ່ງລັດ, ແຜນເງິນຕາ 10 ເດືອນ, ຄາດຄະເນໝົດສົກປີ 2015-2016 ແລະ ແຜນປະຈໍາປີ ​ເມື່ອວັນທີ 24 ຕຸລາ

2016 ທີ່ສະພາແຫ່ງຊາດ, ​ເຊິ່ງມີບາງຕອນໃຫ້ຮູ້ວ່າ: ລັດຖະບານລາວ ຈະເລັ່ງແກ້ໄຂໃນການພັດທະນາການສຶກສາຢູ່ເຂດຊົນ

ນະບົດຫ່າງໄກສອກຫຼີກຫຼາຍແຫ່ງທີ່ຍັງບໍ່ທັນເຮັດໄດ້ດີ ພ້ອມທັງສືບຕໍ່ເອົາໃຈໃສ່ວຽກງານຍົກສູງຄຸນະພາບການສຶກສາ ແລະ

ສາທາລະນະສຸກໃຫ້ທົ່ວເຖິງ ທັງຢູ່ສູນກາງ ແລະ ເຂດຫ່າງໄກສອກຫຼີກ.


9. ອະທິການບໍດີ ມະຫາວິທະຍາ​ໄລ ສຸພານຸວົງ ຮັບ​ການແຕ່ງຕັ້ງ​ເປັນ ຮອງລັດຖະມົນຕີ​​ ສສກ ຄົນ​​​ໃໝ່

        ທ່ານ​ ຮສ.ປອ ຄຳ​ຜາຍ ສີສະ​ຫວັນ ອະທິການ​ບໍດີ​ ມະຫາ​ວິທະຍາ​​ໄລ ສຸພາ​ນຸວົງ ​ແຂວງຫຼວງ​ພະ​ບາງ ​​ໄດ້​ຮັບ​ການ​ແຕ່ງ

​ຕັ້ງ​ໃຫ້ເປັນ​ຮອງ​ລັດຖະມົນຕີ ກະຊວງ​ສຶກສາ​ທິການ ​ແລະ ກິລາ (ສສກ) ຄົນ​ໃໝ່ ໃນວັນ​ທີ 6 ຕຸລາ ຜ່ານ​ມາ ທີ່​ສະ​ຖາ​ບັນ​ຄົ້ນ

ຄວ້າ​ວິທະຍາສາດ​ການ​ສຶກສາ​ແຫ່ງ​ຊາດ (ສວສ), ພາຍ​ໃຕ້​ການ​ເປັນ​ປະທານ​ຂອງ​ທ່ານ ນາງ ​ແສງ​ເດືອນ ຫຼ້າ​ຈັນທະ​ບູນ ລັດຖະ

ມົນຕີ​ກະຊວງ​ສຶກສາ​ທິການ ​ແລະ ກິລາ, ມີ​ຮອງ​ລັດຖະມົນຕີ, ຫົວໜ້າ-ຮອງ​ຫົວໜ້າ​ຫ້ອງການ, ຫົວໜ້າ-ຮອງ​ຫົວໜ້າ​ກົມອະ

ທິການ​ບໍດີ​ ມະຫາວິທະຍາ​ໄລ​ ສຸພາ​ນຸວົງ ​ແຂວງຫຼວງພະ​ບາງ​, ສູນ ແລະ ສະ​ຖາ​ບັນການ​ສຶກສາ​ອ້ອມ​ຂ້າງ​ກະຊວງ ສສກພ້ອມ

​ດ້ວຍ​ບັນດາ​ພະນັກງານຈາກ​ພາກສ່ວນ​ຕ່າງໆ​ທີ່​ກ່ຽວຂ້ອງ​ເຂົ້າ​ຮ່ວມ.


10. ສສກ ຮັບຮອງແບບຟອມສ້າງ ແລະ ຂະຫຍາຍໂຮງຮຽນເອກະຊົນ ສາຍສາມັນສຶກສາ

       ກະຊວງສຶກສາທິການ ແລະ ກິລາ (ສສກ) ຈັດກອງປະຊຸມຮັບຮອງແບບຟອມສ້າງ ແລະ ຂະຫຍາຍໂຮງຮຽນເອກະຊົນ

/ເອກະຊົນນາໆຊາດ ສາຍສາມັນສຶກສາ ໃນວັນທີ 16 ພະຈິກ ຜ່ານມາ ທີ່ຕຶກໄອຊີທີ ກະຊວງ ສສກ, ໂດຍໃຫ້ກຽດເຂົ້າຮ່ວມ

ຂອງທ່ານ ນາງ ປອ. ສີສຸກ ວົງວິຈິດ ຫົວໜ້າກົມມັດທະຍົມສຶກສາ ກະຊວງ ສສກ ມີ​ພາກສ່ວນ​ທີ່​ກ່ຽວຂ້ອງອ້ອມຂ້າງກະຊວງ

ເຂົ້າຮ່ວມ. ກອງປະຊຸມຄັ້ງນີ້, ແມ່ນເພື່ອເປັນການກໍານົດລະບຽບກ່ຽວກັບການຄຸ້ມຄອງ, ການສ້າງຕັ້ງ ແລະ ຍຸບເລີກ, ການຂໍ

ຕໍ່ໃບອະນຸມັດ, ການນໍາໃຊ້ຫຼັກສູດ, ການຈັດການຮຽນ-ການສອນຂອງໂຮງຮຽນເອກະຊົນ/ເອກະຊົນນາໆຊາດ ນາໆຊາດສາຍ

ສາມັນສຶກສາ ເພື່ອເປັນບ່ອນອີງໃນການຈັດຕັ້ງ ແລະ ເຄື່ອນໄຫວວຽກງານຕ່າງໆໃຫ້ມີປະສິດທິຜົນ, ສອດຄ່ອງກັບກົດໝາຍວ່າ

ດ້ວຍການສຶກສາ ແລະ ລະບຽບການຕ່າງໆຂອງ ສປປ ລາວ.  ສໍາລັບການຂໍອະນຸຍາດສ້າງຕັ້ງໂຮງຮຽນເອກະຊົນ ແລະ ເອກະ

ຊົນນາໆຊາດ ສາຍສາມັນສຶກສາ ປະກອບມີ 5 ຂັ້ນຕອນ ຄື:  ການອະນຸມັດນໍາໃຊ້ຫຼັກສູດ,  ການຂໍອະນຸຍາດສ້າງຕັ້ງ  ຫຼື  ຂະ

ຫຍາຍຊັ້ນຮຽນ ຫຼື ສາຂາໂຮງຮຽນ, ການຂໍຕໍ່ ຫຼື ຍຸບເລີກກິດຈະການໂຮງຮຽນ, ການຄົ້ນຄວ້າ ແລະ ພິຈາລະນາ ແລະ ການຂໍ

ອະນຸຍາດເປີດສົກຮຽນ/ປີຮຽນ.


11. 3 ພາກສ່ວນຮ່ວມມືເປີດກວ້າງໂອກາດທາງເສດຖະກິດໃຫ້ແກ່ໄວໜຸ່ມ

        ສປປ ລາວ ກໍ່ຄື ກະຊວງສຶກສາທິການ ແລະ ກິລາ, ທະນາຄານພັດທະນາ​ເອ​ເຊຍ ແລະ ບໍລິສັດ ໄມໂຄຊ໋ອບອອຟຟິຊ

ລົງນາມໜັງສືສະແດງເຈດຈໍານົງກ່ຽວກັບການນໍາໃຊ້ໄອຊີທີເຂົ້າໃນການພັດທະນາສີມືແຮງງານແລະການປະກອບອາຊີບຂອງ

ຊາວໜຸ່ມ ໃນວັນທີ 21 ພະຈິກ 2016 ທີ່ສໍານັກກະຊວງສຶກສາທິການ ແລະ ກິລາ, ຕາງໜ້າລົງນາມຂອງທ່ານ ຮສ.ປອ ກອງ

ສີ ແສງມະນີ ຮອງລັດຖະມົນຕີ ກະຊວງສຶກສາທິການ ແລະ ກິລາ, ທ່ານ ນາງ ນໍ່ຮິໂກະ ຮອງຫົວໜ້າກົມ​ເອ​ເຊຍຕາເວັນອອກ

ສ່ຽງໃຕ້ຂອງທະນາຄານພັດທະນາ​ເອ​ເຊຍ ແລະ ທ່ານ ເຈຟຣີເອວີນາ ຕາງໜ້າ ບໍລິສັດ ໄມໂຄຣຊ໋ອບອອຟຟິຊ.


        ການຮ່ວມມືຄັ້ງນີ້, ແມ່ນເພື່ອພັດທະນາຖານເທັກໂນໂລຢີ ເຮັດໃຫ້ໄວໜຸ່ມໄດ້ເຂົ້າເຖິງແຫຼ່ງຂໍ້ມູນການອົບຮົມວິຊາຊີບ

ແລະ ການບໍລິການຈັດຫາງານທາງອິນເຕີເນັດ ໂດຍທະນາຄານພັດທະນາ​ເອ​ເຊຍພິຈາລະນາແລ້ວວ່າ ການສຶກສາຮຽນຮ່ວມ

ແມ່ນສິ່ງຈໍາເປັນໃນການສ້າງຊັບພະຍາກອນມະນຸດຕາມທີ່ຕ້ອງການ ເພື່ອເປັນການຂັບເຂື່ອນນະວັດຕະກໍາໃໝ່, ເພີ່ມຜະລິດ

ຕະຜົນ ແລະ ເລັ່ງການຂະຫຍາຍຕົວຂອງພາກເອກະຊົນ.


​12. ຖານຂໍ້​ມູນຄຸ້ມຄອງຄຸນະພາບການສຶກສາແລະທົດສອບຄວາມຮູ້ຜູ້ຮຽນຜ່ານລະບົບອອນລາຍ ເປີດ​ນຳ​ໃຊ້​ເປັນ

ທາງການ

        ​ຖານ​ຂໍ້​ມູນ​ຄຸ້ມ​ຄອງ​ຄຸນະພາບ​ການ​ສຶກສາ ແລະ ທົດ​ສອບ​ຄວາມ​ຮູ້​ຜູ້​ຮຽນ​ຜ່ານ​ລະບົບ​ອອນ​ລາຍ ​ ​​​ໄດ້​ມີ​ພິທີ​ເປີດນຳ​ໃຊ້

​ຂຶ້ນ​ຢ່າງ​ເປັນ​ທາງ​ການ ເມື່ອ​ວັນທີ 15 ພະຈິກ 2016 ທີ່ສູນຮ່ວມມືສາກົນ ແລະ ການເຝີກອົບຮົມ  (ICTC)  ນະຄອນຫຼວງ

ວຽງຈັນ ໂດຍ​ໃຫ້​ກຽດ​ເຂົ້າ​ຮ່ວມ​ຂອງທ່ານ ທອງຜີວ ບຸດສະດີ ຜູ້ຊ່ວຍລັດຖະມົນຕີ ກະຊວງສຶກສາທິການ ​ແລະ ກິລາ, ທ່ານ

ຮສ.ປອ ສີສະ​ໝອນ ສິດທິຣາດວົງສາ ຫົວໜ້າ​ຫ້ອງການ ກະຊວງ​ສຶກສາ​ທິການ ​ແລະ ກິລາ,  ທ່ານ ນາງ ​ເຈືອງ ​ແທັງ​ແທັງ ຜູ້

ອຳນວຍການດ້ານສັງຄົມຂອງ​ກຸ່ມ​ບໍລິສັດ FTP  ສສ ຫວຽດນາມ ​ແລະ ທ່ານ ວັນ​ໄຊ ນໍລະ​ແສງ ຜູ້ອຳນວຍການ​ສູນ​ປະກັນ​

ຄຸນະພາບ​ການ​ສຶກສາ ​ກະຊວງ​ສຶກສາ​ທິການ ​ແລະ ກິລາ ພ້ອມດ້ວຍຜູ້ຕາງໜ້າ​ຈາກພາກສ່ວນ​ທີ່​ກ່ຽວຂ້ອງ​ຢ່າງ​ພ້ອມພຽງ.