ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday8631
mod_vvisit_counterYesterday10220
mod_vvisit_counterThis week37728
mod_vvisit_counterLast week54397
mod_vvisit_counterThis month144687
mod_vvisit_counterLast month159131
mod_vvisit_counterAll days504056

We have: 86 guests, 196 bots online
Your IP: 54.197.159.173
 , 
Today: ມ.ນ. 29, 2017


ຂຽນໂດຍ ສາວ​ສະຫວັນ   

ຊາວໜຸ່ມນັກສຶກສານາໆຊາດ ຮ່ວມແລກປ່ຽນວັດທະນະທໍາ ​ແລະ ຮັກສາສິ່ງແວດລ້ອມ


   ຊາວໜຸ່ມນັກສຶກສາລາວ ແລະ ນັກສຶກສາຕ່າງປະເທດ ທີ່ກໍາລັງສຶກສາຢູ່ມະຫາວິທະຍາໄລແຫ່ງ

   ຊາດ (ມຊ) ຮ່ວມແລກປ່ຽນວັດທະນະທໍາ ແລະ ສິ່ງແວດລ້ອມ ເພື່ອເປັນການເຜີຍແຜ່ວັດທະ

   ນະທໍາ-ຮີດຄອງປະເພນີອັນດີງາມຂອງຊາດ


      ເປັນການແລກປ່ຽນບົດຮຽນ, ປະສົບການຕ່າງໆກ່ຽວກັບການສຶກສາ ແລະ ການປົກປັກຮັກສາສິງແວດລ້ອມຮ່ວມກັນ.

ໃນວັນທີ 28 ທັນວາ ຜ່ານມາ ທີ່ສະໂມສອນ​ໃຫຍ່ ມະຫາວິທະຍາໄລແຫ່ງຊາດໄດ້ມີກິດຈະກໍາແລກປ່ຽນວັດທະນະທໍາຊາວ

ໜຸ່ມນັກສຶກສານາໆຊາດ ຄັ້ງທີ 2 ພາຍໃຕ້ຫົວຂໍ້ ຄວາມເຂົ້າໃຈຫຼາກຫຼາຍທາງດ້ານວັດທະນະທໍາ ເພື່ອປົກປັກຮັກສາສິ່ງແວດ

ລ້ອມໃຫ້ຍືນຍົງ, ໂດຍເປັນກຽດເຂົ້າຮ່ວມຂອງສະຫາຍ ປອ. ສໍາລານ ພັນຄະວົງ ຄະນະເລຂາທິການ ສູນກາງຊາວໜຸ່ມ, ຄະ

ນະພັກ, ເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວ ກະຊວງສຶກສາທິການ ແລະ ກິລາ ແລະ ສະຫາຍ ຮສ.

ໂພສີ ທິບດາວັນ ຄະນະພັກ, ຜູ້ຊີ້ນໍາວຽກງານຊາວໜຸ່ມ ມະຫາວິທະຍາໄລແຫ່ງຊາດ ພ້ອມດ້ວຍຄະນະພັກ ມຊ, ເລຂາຄະ

ນະພັກຮາກຖານ, ຫົວໜ້າຫ້ອງການ, ກົມ, ສູນ, ຕາງໜ້າ 3 ອົງການຈັດຕັ້ງມະຫາຊົນ, ທູດນັກສຶກສາ ແລະ ສະມາຊິກຊາວ

ໜຸ່ມເຂົ້າຮ່ວມ.


         ກິດຈະກໍາແລກປ່ຽນວັດທະນະທໍາຊາວໜຸ່ມນັກສຶກສານາໆຊາດ ​ແມ່ນຈັດຂຶ້ນເປັນຄັ້ງທີ 2 ເພື່ອເປັນການເຜີຍແຜ່

ວັດທະນະທໍາ-ຮີດຄອງປະເພນີອັນດີງາມຂອງຊາດ, ຂອງບັນດານັກສຶກສາປະເທດຕ່າງໆທີ່ສຶກສາຢູ່ໃນ ມຊເປັນການແລກ

ປ່ຽນບົດຮຽນ, ປະສົບການຕ່າງໆກ່ຽວກັບການສຶກສາ ແລະ ການປົກປັກຮັກສາສິ່ງແວດລ້ອມຮ່ວມກັນ, ເຊິ່ງກິດຈະກໍາດັ່ງ

ກ່າວ, ແມ່ນການສະແດງເຖິງຜົນງານທີ່ພົ້ນເດັ່ນຂອງຄະນະຊາວໜຸ່ມປະຕິວັດລາວ ມະຫາວິທະຍາໄລແຫ່ງຊາດ ໂດຍພາບ

ໃຕ້ການຊີ້ນໍາໆພາຂອງອົງຄະນະພັກ ມຊ ໃນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ  4  ຂອງ ມຊ ແລະ ມະຕິ

ກອງປະຊຸມໃຫຍ່ ຄັ້ງທີ 8 ອົງຄະນະພັກກະຊວງສຶກສາທິການ ແລະ ກິລາ ແລະ ກອງປະຊຸມຜູ້ແທນຊາວໜຸ່ມທົ່ວປະເທດ

ສະໄໝທີ 7 ທັງເປັນການສະເຫຼີມສະຫຼອງ ການເປັນປະທານກອງປະຊຸມສຸດຍອດອາຊຽນ ຄັ້ງທີ 28-29 ໃນປີ 2016

ທີ່ມີຜົນສໍາເລັດອັນຈົບງາມ ແລະ ສະເຫຼີມສະຫຼອງການສ້າງຕັ້ງມະຫາວິທະຍາໄລແຫ່ງຊາດ ຄົບຮອບ 20 ປີ.


        ໂອກາດດັ່ງກ່າວ, ສະຫາຍ ຮສ. ໂພສີ ທິບດາວັນ ໄດ້ກ່າວສະແດງຄວາມຍ້ອງຍໍຊົມເຊີຍ ໃນການຈັດງານແລກປ່ຽນ

ວັດທະນະທໍາຊາວໜຸ່ມນັກສຶກສານາໆຊາດຂອງຄະນະຊາວໜຸ່ມ ປະຊາຊົນປະຕິວັດລາວ ມະຫາວິທະຍາໄລແຫ່ງຊາດ ທີ່

ພ້ອມໃຈກັນຈັດງານນີ້ຂຶ້ນ ແລະ ກໍ່ເປັນຄັ້ງທີ 2 ແລ້ວ ໂດຍພາຍໃຕ້ການຊີ້ນໍາໆພາຈາກຄະນະພັກ-ຄະນະນໍາ ມະຫາວິທະ

ຍາໄລແຫ່ງຊາດ ເພື່ອເປັນການສະແດງໃຫ້ເຫັນຄວາມຮູ້ຄວາມສາມາດຂອງຊາວໜຸ່ມນັກສຶກສາລາວ ໃນການຈັດງານນີ້ຂຶ້ນ

ທັງເປັນການສ້າງຄວາມເຂົ້າໃຈ ແລະ ຄວາມສາມັກຄີໃນໝູ່ນັກສຶກສາທັງພາຍໃນ ແລະ ຕ່າງປະເທດໃຫ້ແໜ້ນແຟ້ນຍິ່ງຂຶ້ນ.

ງານແລກປ່ຽນວັດທະນະທໍາຊາວໜຸ່ມນັກສຶກສານາໆຊາດຄັ້ງນີ້, ໄດ້ມີການແລກປ່ຽນບົດຮຽນ ວິຊາການດ້ານສິ່ງແວລ້ອມ,

ແລກປ່ຽນວັດທະນະທໍາອາຫານ ແລະ ແລກປ່ຽນວັດທະນະທໍາການນຸ່ງຖືແລະການສະແດງຕ່າງໆຈາກນັກສຶກສາປະເທດ

ລາວ, ຫວຽດນາມ, ກໍາປູເຈຍ, ມຽນມາ, ມົງໂກເລຍ, ລັດເຊຍ, ຟີລິບປິນ, ຈີນ, ສ ເກົາຫຼີ ແລະ ປະເທດຍີ່ປຸ່ນ.