ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday8611
mod_vvisit_counterYesterday10220
mod_vvisit_counterThis week37708
mod_vvisit_counterLast week54397
mod_vvisit_counterThis month144667
mod_vvisit_counterLast month159131
mod_vvisit_counterAll days504036

We have: 81 guests, 198 bots online
Your IP: 54.197.159.173
 , 
Today: ມ.ນ. 29, 2017


ຂຽນໂດຍ ຄານ​ສີສະ​ຫວັນ ພົງ​ພັກດີ   

ປະທານ​ສະພາ​ແຫ່ງ​ຊາດ ຢ້ຽມຢາມ​ໂຄງການ​ກໍ່ສ້າງ​ຊົນລະ​ປະທານ ບ້ານ​ຖໍ້າ ​ເມືອງ​ຄູນ


   ທ່ານ ນາງ ປານີ ຢາ​ທໍ່​ຕູ້ ປະທານ​ສະພາ​ແຫ່ງ​ຊາດ ​ພ້ອມ​ຄອບຄົວ ​ໄດ້​​ໄປ​ຢ້ຽມຢາມ ​ແລະ ກວດ​

   ສອບ​ເບິ່ງ​ໂຄງການ​ກໍ່ສ້າງ​ຊົນລະປະທານ ບ້ານ​ຖໍ້າ ​​ເມືອງ​ຄູນ ​ແຂວງ​ຊຽງ​ຂວາງ ​​ເມື່ອວັນ​ທີ 25

   ທັນວາ ຜ່ານ​ມາ​ ໃນ​ໂອກາດ​ທີ່ໄດ້ໄປ​ເຄື່ອນ​ໄຫວ​ເຮັດ​ວຽກຢູ່​ແຂວງ​ດັ່ງກ່າວ,


       ໃຫ້​ກຽດ​ຕ້ອນຮັບ ​ແລະ ຮ່ວມ​ເດີນທາງ​ ​ໂດຍ​ແມ່ນ​ທ່ານ ບຸນ​ຕົ້ນ ຈັນທະ​ພອນ ​ແລະ ທ່ານ ນາງ ອຸ​ເທ​ນ ມາ​ສີ​ຊົນ​ໄຊ

ຮອງ​ເລຂາ​ພັກ​ແຂວງ​ຊຽງ​ຂວາງ, ມີ​ການ​ນຳ​ຂັ້ນ​ແຂວງ, ​ເຈົ້າ​ເມືອງ-​ເມືອງ​ຄູນ ​ແລະ ພາກສ່ວນ​ທີ່​ກ່ຽວຂ້ອງ​. ​ໂອກາດ​ນີ້, ທ່ານ

ທອງ​ສະຫວັນ ສີ​ບຸນ​ເຮືອງ ຜູ້​ປະສານ​ງານ​ໂຄງການ​ຊົນ​ລະ​ປະທານ​ບ້ານ​ຖໍ້າ​ໄດ້​ລາຍ​ງານ​ຄວາມ​ຄືບ​ໜ້າ​ຂອງ​ການ​ກໍ່ສ້າງດັ່ງກ່າວ,

​ເຊິ່ງ​ໂຄງການ​ຊົນລະປະທານ​ແຫ່ງ​​ນີ້ ສ້າງ​ເປັນ​ເຂື່ອນ​ດິນ ມີ​ຄວາມ​ສູງ 28 ​ແມັດ, ຄວາມ​ຍາວ​ຂອງ​ເຂື່ອນ 205 ​ແມັດ, ກໍ່ສ້າງ

​ທາງ​ເວັ້ນອ່າງ ມີ​ຄວາ​ມຍາວ 1 ພັນ​ກວ່າ​ແມັດ, ​ເຮັດ​ຄອງ​ເໝືອງ​ອອກ 2 ​ຟາກ ມີ​ຄວາມ​ຍາວ​ເກືອບ 7 ພັນ​ແມັດ, ອ່າງ​ດັ່ງກ່າວ​

ສາມາດ​ບັນຈຸ​ນໍ້າ​ໄດ້​ເຖິງ 1,2 ລ້ານ​ແມັດ​ກ້ອນ ​ແລະ ກະຈາຍ​ນໍ້າ​ອອກ​ໃຫ້​ພໍ່​-ແມ່​ປະຊາຊົນ​ໄດ້ຊົມ​ໃຊ້​ດ້ວຍ​ຄອງ​ເໝືອງ 4 ​ເສັ້ນ

​​ເພື່ອ​ສະໜອງ​ນໍ້າ​ໃຫ້​ພຽງພໍ​ກັບ​ຄວາມ​ຕ້ອງການຂອງ​ຊາວ​ກະສິກອນ​ໃນ​ການ​ທຳ​ການ​ຜະລິດ, ​ໂຄງການຊົນລະປະທານ ບ້ານ

​ຖໍ້າ ໄດ້​ເລີ່​ມລົງ​ມື້​ກໍ່ ສ້າງ​ມາ​ແຕ່​ວັນ​ທີ 20 ພະຈິກ 2015, ​ໂດຍ​ແມ່ນ​ທຶນ​ຊ່ວຍ​ເຫຼືອ​ລ້າ​ຈາກ​ກະຊວງ​ກະສິກຳ ສ ​ເກົາຫຼີ ລວມ

ມູນ​ຄ່າ​ທັງ​ໝົດ 4 ລ້ານ​ໂດ​ລາສະຫະລັດ ຫຼື ​ປະມານ 32 ຕື້​ກວ່າກີບ. ນອກ​ຈາກນັ້ນ​, ຍັງ​ມີ​ທຶນ​ສົມ​ທົບຂອງ​ລັດຖະບານ​ແຫ່ງ

ສປປ ລາວ ຕື່ມ​ອີກຈຳນວນ 954 ລ້ານ​ກີບ, ມາ​ຮອດ​ປະຈຸ​ບັນ ການ​ກໍ່ສ້າງ​ປະຕິບັດ​ໄດ້​ແລ້ວ 70 ​ເປີ​ເຊັນ ຄາດ​ວ່າ​ຈະ​ໃຫ້​ສຳ​

ເລັດ 100 ​ເປີ​ເຊັນ​ໃນ​ທ້າຍ​ເດືອນ ​ມີນາ 2017 ​ໂດຍ​ແມ່ນ​ບໍລິສັດ ຊາຍ​ຄູນ​ຄຳ ກໍ່ສ້າງ​ເຄຫາ​ສະຖານ-ຂົວ​ທາງ ​ແລະ ຊົນລະປະ

ທານ ຈຳກັດ​ ຜູ້​ດຽວ​ ເປັນ​ຜູ້​ຮັບ​ເໝົາ​ກໍ່ສ້າງ.


        ພາຍຫຼັງ​ສຳ​ເລັດການ​ກໍ່ສ້າງ​​ ຊົນລະປະທານ​ດັ່ງກ່າວ​ ຈະ​ຊ່ວຍ​ເຮັດ​ໃຫ້​ປະຊາຊົນ​ຈຳນວນ 3 ໝູ່​ບ້ານ ​ຄື: ບ້ານ ຖໍ້າບ້ານ

​ຫອຍ ​ແລະ ບ້ານ​ໂພນ​ໄຊ ລວມທັງ​ໝົດ 153 ຄອບຄົວ ​ໄດ້​ຮັບ​ຜົນ​ປະ​ໂຫຍ​ດຈາກ​ໂຄງການ, ການ​​ຜະ ລິດກະສິກຳ​ມີ​ຄວາມ

​ສະດວກ, ຜົນ​ຜະລິດ​ມີ​ຄຸນະພາ​ບ ​ເປັນ​ທີ່​ຍອມຮັບ​ຂອງ​ສັງຄົມ ​ແລະ ​ເຮັດ​ໃຫ້​ຊີວິດ​ການ​ເປັນ​ຢູ່​ຂອງ​ພໍ່​-ແມ່​ປະຊາຊົນ​ໄດ້​ຮັບ​

ການ​ພັດທະນາ​ດີ​ຂຶ້ນ. ​ໂອກາດ​ດັ່ງກ່າວ, ທ່ານ ນາງ ປານີ ຢາ​ທໍ່​ຕູ້ ​ໄດ້​ກ່າວສະ​ແດງ​ຄວາມ​ຊົມ​ເຊີຍຕໍ່ບໍລິສັດ​ຮັບ​ເໝົາ​ກໍ່ສ້າງ ​ທີ່

​ໄດ້​ພ້ອມ​ກັນ​ເອົາ​​ໃຈໃສ່ບຸກບືນ ​ເຮັດ​ໃຫ້​ການ​ກໍ່ສ້າງ​ມີ​ຄວາມ​ຄືບ​ໜ້າ​ເຖິງ 70 ​ເປີ​ເຊັນ. ພ້ອມ​ກັນ​ນີ້, ທ່ານ​ຍັງໄດ້ຮຽກຮ້ອງ​ໃຫ້​

ທາງ​ບໍລິສັດ​ ​ສືບ​ຕໍ່​ດຳ​ເນີນ​ການ​ກໍ່ສ້າງໃຫ້ຖືກຕ້ອງ​ຕາມ​ຫຼັກ​ວິຊາ​ການ-ການ​ອອກ​ແບບ​ທຸກ​ຂັ້ນ​ຕອນ ​ເພື່ອ​ໃຫ້​ໂຄງສ້າງ​ການ​ກໍ່

ສ້າງມີ​ຄວາມແໜ້ນໜາ​ຖາວອນ ​ແລະ ສຳ​ເລັດ 100 ​ເປີ​ເຊັນ​ຕາມ​ແຜນທີ່​ກຳນົດ​ໄວ້.