ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday239
mod_vvisit_counterYesterday4162
mod_vvisit_counterThis week17897
mod_vvisit_counterLast week12602
mod_vvisit_counterThis month41642
mod_vvisit_counterLast month81332
mod_vvisit_counterAll days168482

We have: 28 guests, 6 bots online
Your IP: 54.147.253.45
 , 
Today: ມ.ກ. 18, 2017


ຂຽນໂດຍ ນາງ ກິນດາລອນ ພົມມະຈັນ   

ທຸລະຄົມ ປະກາດຈົບຊັ້ນ ມ ຕົ້ນບຳລຸງເປັນເມືອງທີ 3 ແຂວງວຽງຈັນ


   ຫ້ອງການສຶກສາທິການ ແລະ ກິລາ (ສກມ) ເມືອງທຸລະຄົມ ຈັດພິທີປະກາດຈົບຊັ້ນມັດທະຍົມ

   ຕອນຕົ້ນບຳລຸງທົ່ວເມືອງຢ່າງ​ເປັນ​ທາງ​ການ ​ແລະ ເປັນເມືອງອັນ​ດັບທີ 3 ຂອງແຂວງວຽງຈັນ ໃນ

   ຕອນເຊົ້າຂອງວັນທີ 27 ທັນວາ ຜ່ານມາ

       ທີ່ສະໂມສອນຫ້ອງວ່າການປົກຄອງເມືອງດັ່ງກ່າວ,  ໂດຍການເປັນກຽດເຂົ້າຮ່ວມຂອງທ່ານ ບົວລານ ສິລິປັນຍາ ຮອງ

ລັດຖະມົນຕີ ກະຊວງສຶກສາທິການ ແລະ ກິລາ, ທ່ານ ນາງ ຈັນແພງ ວິພາວັນ ຫົວໜ້າພະແນກສຶກສາທິການ  ແລະ  ກິລາ

ແຂວງ, ທ່ານ ນາງ ວົງເດືອນ ລັດຕະໂສ ຮອງເຈົ້າເມືອງທຸລະຄົມ, ພ້ອມດ້ວຍຄະນະນໍາ ກະຊວງສຶກສາທິການ ແລະ ກິລາ,

ການນຳພັກ-ລັດ ຂັ້ນແຂວງ, ເມືອງ, ຄະນະພະແນກສຶກສາທິການ ແລະ ກິລາ​ແຂວງ, ຫົວໜ້າຫ້ອງການສຶກສາທິການ ແລະ

ກິລາເມືອງ, ຫົວໜ້າຫ້ອງການອ້ອມຂ້າງເມືອງ, ຜູ້ອຳນວຍການໂຮງຮຽນທັງພາກລັດ ແລະ ເອກະຊົນພະນັກງານ ຄູ-ອາຈານ

ນັກຮຽນ ແລະ ປະຊາຊົນ 100 ກວ່າຄົນ.


        ໃນພິທິດັ່ງກ່າວ, ທ່ານ ສົມຫວັງ ສີບຸນເຮືອງ ຫົວໜ້າຫ້ອງການສຶກສາທິການ ແລະ ກິລາ ເມືອງທຸລະຄົມ ໄດ້ລາຍງານ

ສະພາບລວມຂອງການສຶກສາພາຍໃນເມືອງ​ໃຫ້​ຮູ້ວ່າ: ໃນປີ 1979 ພາຍຫຼັງສ້າງຕັ້ງເປັນເມືອງທຸລະຄົມ ວຽກງານການສຶກສາ

ພາຍໃນເມືອງແມ່ນບໍ່ທັນບັນລຸຕາມລະດັບຄາດໝາຍ, ປະຊາຊົນຍັງບໍ່ເຂົ້າໃຈແຈ້ງ, ບໍ່ທັນເຊື່ອມຊຶມຕໍ່ແນວທາງຂອງພັກ-ລັດ,

ເຊິ່ງສະແດງອອກໃນເດັກທີ່ເຖິງອາຍຸກະກຽມເຂົ້າຮຽນ ແຕ່ຜູ້ປົກຄອງຍັງບໍ່ສົ່ງມາຮຽນ ເຮັດໃຫ້ອັດຕາເຂົ້າຮຽນຊັ້ນປະຖົມຍັງ

ຕໍ່າ, ຜູ້ປົກຄອງບາງຄົນຍັງນຳເອົາລູກຫຼານຂອງຕົນອອກໂຮງຮຽນກາງປີ ເພື່ອໄປຊ່ວຍວຽກຄອບຄົວ, ເຊິ່ງເປັນສາເຫດເຮັດໃຫ້

ນັກຮຽນຂາດຮຽນ ແລະ ປະລະການຮຽນເປັນຈຳນວນຫຼາຍ, ອັດຕາການປະລະການຮຽນໃນຊັ້ນປະຖົມ ແລະ ຊັ້ນມັດທະ

ຍົມຍັງສູງ. ຂະນະ​ດຽວກັນ, ທາງ​ຫ້ອງການສຶກສາ​ທິການ ​ແລະ ກິລາ​ເມືອງ ໄດ້ສຸມໃສ່ການຈັດຕັ້ງການຮຽນ-ການສອນຊັ້ນປະ

ຖົມບໍາລຸງທົ່ວເມືອງ ​ໂດຍມີນັກຮຽນທັງໝົດ 786 ຄົນ, ຍິງ 425 ຄົນ ເຊິ່ງສາມາດລົບລ້າງ ແລະປະກາດຈົບຊັ້ນປະຖົມບຳ

ລຸງ ໃນວັນທີ 24 ພະຈິກ 2002. ຫຼັງຈາກນັ້ນ, ກໍ່ໄດ້ສືບຕໍ່ຈັດຕັ້ງການຮຽນ-ການສອນບຳລຸງຊັ້ນປະຖົມທີ່ຍັງເຫຼືອ ສຳເລັດ

100 ​ເປີ​ເຊັນ ໃນປີ 2009.


         ໃນສົກປີ 2013-2014 ໄດ້ຈັດຕັ້ງການຮຽນ-ການສອນ ຊັ້ນມັດທະຍົມຕອນຕົ້ນບຳລຸງໃຫ້ແກ່ປະຊາຊົນ ແລະ ໄດ້

ປະຕິບັດຕາມແຜນເປັນແຕ່ລະໄລຍະ. ຜ່ານການຈັດຕັ້ງການຮຽນ-ການສອນສໍາເລັດຕາມໂຄງການຫຼັກສູດແລ້ວ, ຫ້ອງການ

ສຶກສາທິການ ແລະ ກິລາ ເມືອງທຸລະຄົມໄດ້ລາຍງານ​ໃຫ້ພະແນກສຶກສາທິການ ແລະ ກິລາ ແຂວງວຽງຈັນເພື່ອຂໍອະນຸຍາດ

ຈັດຕັ້ງການສອບເສັງໃຫ້ຖືກຕ້ອງຕາມລະບຽບຫຼັກການ ​ໃນ​ລະຫວ່າງວັນທີ 11-12 ກໍລະກົດ 2016ເຊິ່ງນັກຮຽນມີໜ້າສອບ

ເສັງຕົວຈິງ 138 ຄົນ, ຍິງ 42 ຄົນ, ສອບໄດ້ 138 ຄົນ, ຍິງ 42 ຄົນ, ວິຊາສອບເສັງລວມມີ 5 ວິຊາ ຄືວິຊາພາສາລາວ-ວັນ

ນະຄະດີ, ວິທະຍາສາດສັງຄົມ, ສຶກສາພົນລະເມືອງ, ຄະນິດສາດ ​ແລະ ວິຊາວິທະຍາສາດທຳມະຊາດເຊິ່ງສະເລ່ຍຄະແນນ

ສູງສຸດ ແມ່ນ 8 ແລະ ຄະແນນຕໍ່າສຸດ ແມ່ນ 5. ນອກຈາກນັ້ນ, ​ໃນ​ພິທີຍັງໄດ້ມີການປະກອບຄຳເຫັນຂອງຕາງໜ້າຄູ, ນັກ

ຮຽນ, ນາຍບ້ານ ແລະ ໄດ້ມອບ-ຮັບໃບຢັ້ງຢືນ ແລະ ໃບຍ້ອງຍໍຂັ້ນຕ່າງໆ, ພ້ອມ​ທັງ​ໄດ້ຟັງການໂອ້ລົມໃຫ້ທິດຊີ້ນຳຂອງທ່ານ

ຮອງລັດຖະມົນຕີ ກະຊວງສຶກສາທິການ ແລະ ກິລາ. ນອກຈາກ​ນີ້, ຄະນະປະທານ ແລະ ຜູ້ແທນເຂົ້າຮ່ວມກໍ່​ໄດ້​ຮ່ວມ​ກັນ

ລັ່ນຄ້ອງ ແລະ ເປີດປ້າຍປະກາດຈົບຊັ້ນມັດທະຍົມຕອນຕົ້ນບຳລຸງທົ່ວເມືອງທຸລະຄົມຢ່າງເປັນທາງການ.