ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday3562
mod_vvisit_counterYesterday4699
mod_vvisit_counterThis week94220
mod_vvisit_counterLast week22465
mod_vvisit_counterThis month146080
mod_vvisit_counterLast month73398
mod_vvisit_counterAll days346318

We have: 93 guests, 9 bots online
Your IP: 54.92.246.200
 , 
Today: ກ. ພ. 25, 2017


ຂຽນໂດຍ ສາວ​ສະຫວັນ   

ສສກ ແລະ ຣູມທູຣິດ ສືບຕໍ່ຮ່ວມ​ສົ່ງເສີມການສຶກສາສໍາລັບເດັກນ້ອຍລາວ ​ໄລຍະ 4


   ກະຊວງສຶກສາທິການ ແລະ ກິລາ (ສສກ) ແລະ ອົງການ ຣູມທູຣິດ ໄດ້ສືບຕໍ່ຮ່ວມ​ມື​ກັນ​​ໃນໂຄງ

   ການສົ່ງເສີມການສຶກສາສໍາລັບເດັກນ້ອຍລາວ ໄລຍະ 4 ເພື່ອສົ່ງເສີມການຮຽນຮູ້ໜັງສື ແລະ ສົ່ງ

   ເສີມການສຶກສາສໍາລັບເດັກຍິງ.

        ພິທີ​ເຊັນ​ບົດ​ບັນທຶກ​ຄວາມ​ເຂົ້າ​ໃຈດັ່ງກ່າວ, ໄດ້ຈັດຂຶ້ນ ໃນວັນທີ 27 ທັນວາ ຜ່ານມາ ທີ່ໂຮງແຮມເມີກຽວ ໂດຍເປັນ

ກຽດຕາງໜ້າລົງນາມຂອງທ່ານ ນາງ ຈັນທະວອນ ພັນດໍານອງ ຫົວໜ້າກົມພົວພັນຕ່າງປະເທດ ກະຊວງສຶກສາທິການ ແລະ

ກິລາ ແລະ ທ່ານ ນາງ ໜໍ່ຄໍາ ສຸພານຸວົງ ຜູ້ອໍານວຍການອົງການ ຣູມທູຣິດ ລາວມີທ່ານ ແພງມາ ໄຊຍະວົງ ຮອງຫົວໜ້າຫ້ອງ

ການ ກະຊວງສຶກສາທິການ ແລະ ກິລາ ພ້ອມດ້ວຍຫົວໜ້າກົມ, ສູນ, ສະຖາບັນ, ພະແນກ, ຕ່າງໜ້າຈາກກະຊວງ ແລະ ອົງ

ການຄູ່ຮ່ວມພັດທະນາເຂົ້າຮ່ວມເປັນສັກຂີພິຍານ.


        ໂຄງການດັ່ງກ່າວ, ຈະໄດ້ຈັດຕັ້ງປະຕິບັດໃນ 6 ແຂວງ ຄື: ແຂວງອຸດົມໄຊ, ໄຊຍະບູລີ, ສາລະວັນ, ສະຫວັນນະເຂດ,

ຈໍາປາສັກ ແລະ ນະຄອນຫຼວງວຽງຈັນ ໂດຍເລີ່ມແຕ່ວັນທີ 1 ກໍລະກົດ 2016 ເຖິງ ວັນທີ 30 ມິຖຸນາ 2020 ຫຼື 4 ປີ ໂດຍ

ຫ້ອງການໃຫຍ່ຂອງອົງການ ຮູມທູຣິດ ເປັນຜູ້ໃຫ້ທຶນ ມູນ​ຄ່າ 72.110.554.570 ກີບ,ເຊິ່ງກິດຈະກໍາຫຼັກຂອງໂຄງການ ແມ່ນ

ສົ່ງເສີມການຮຽນຮູ້ໜັງສື ແລະ ສົ່ງເສີມການສຶກສາສໍາລັບເດັກຍິງ.  ໃນນັ້ນ,  ການສົ່ງເສີມການຮຽນຮູ້ໜັງສື  ແມ່ນເພີ່ມການ

ເຂົ້າເຖິງອຸປະກອນການອ່ານທີ່ມີຄວາມສອດຄ່ອງ, ເໝາະສົມ ແລະ ມີຄຸນະພາບ ໂດຍຈະຈັດປຶ້ມອ່ານສໍາລັບເດັກຢ່າງໜ້ອຍ

32 ຫົວເລື່ອງ, ຈັດຕັ້ງຫ້ອງອ່ານໃນໂຮງຮຽນ 132 ແຫ່ງ ແລະ ສະໜອງປຶ້ມອ່ານທີ່ເໝາະສົມກັບເກນອາຍຸຂອງເດັກນ້ອຍຈໍາ

ນວນ 144.000 ຫົວ, ສະໜອງການເຝິກອົບຮົມ ແລະ ການໃຫ້ຄໍາແນະນໍາຢ່າງເປັນປົກກະຕິ ກ່ຽວກັບການສອນພາສາລາວ,

ການຄຸ້ມຄອງບໍລິຫານຫ້ອງອ່ານ ແລະ ກິດຈະກໍາການອ່ານໃນຫ້ອງອ່ານທີ່ມີປະສິດທິຜົນໃຫ້ແກ່ຜູ້ອໍານວຍການໂຮງຮຽນຢ່າງ

ໜ້ອຍ 132 ຄົນ, ຄູ ປ1 ແລະ ປ2 ຢ່າງໜ້ອຍ 264 ຄົນ ແລະ ຄູຫ້ອງອ່ານ ຈໍານວນ 132 ຄົນອອກແບບ ແລະ ນໍາໃຊ້ສື່ຕ່າງໆ

ເພື່ອຊ່ວຍໃຫ້ນັກຮຽນຊົນເຜົ່າສາມາດຮຽນພາສາລາວໄດ້ດີຂຶ້ນກວ່າເກົ່າສ້າງສະພາບແວດລ້ອມທີ່ເອື້ອອໍານວຍສໍາລັບການຮຽນ

ຮູ້ ດ້ວຍການປຸກສ້າງ ແລະ ສ້ອມແປງອາຄານຮຽນ ແລະ ຫ້ອງອ່ານຢ່າງໜ້ອຍ 30 ແຫ່ງ ໂດຍການມີສ່ວນຮ່ວມຂອງຊຸມຊົນ.


       ສໍາລັບການສົ່ງເສີມການສຶກສາສໍາລັບເດັກຍິງ ແມ່ນສືບຕໍ່ໃຫ້ການສະໜັບສະໜູນນັກຮຽນຍິງຊັ້ນມັດທະຍົມສຶກສາໃນ

ບັນດາໂຮງຮຽນເປົ້າໝາຍໂຄງການ ໄລຍະ 3 ທີ່ຍັງສືບຕໍ່ດໍາເນີນມາໃນປັດຈຸບັນ ຈໍານວນ 1.695 ນ້ອງ ຢູ່ແຂວງອຸດົມໄຊ, ໄຊ

ຍະບູລີ ແລະ ສາລະວັນ ຈົນກວ່າເຂົາເຈົ້າຈະຮຽນຈົບຊັ້ນມັດທະຍົມປາຍ ຫຼື ການສຶກສາວິຊາຊີບໃນລະດັບທຽບເທົ່າກັບມັດ

ທະຍົມສຶກສາຕອນປາຍ,ສະໜອງອຸປະກອນຈໍາເປັນຈໍານວນ 1 ໃຫ້ແກ່ນັກຮຽນຍິງທີ່ມີຖານະທຸກຍາກ ອີງຕາມມາດຕະຖານ

ຄັດເລືອກຂອງໂຄງການ.


        ໂອກາດດັ່ງກ່າວ, ທ່ານ ນາງ ໜໍ່ຄໍາ ສຸພານຸວົງ ກ່າວວ່າ: ໂຄງການດັ່ງກ່າວ, ເປັນອົງການສາກົນທີ່ບໍ່ສັງກັດລັດຖະບານ,

ບໍ່ຫວັງຜົນກໍາໄລ, ບໍ່ກ່ຽວພັນກັບການເມືອງ ແລະ ສາສະໜາ ທີ່ໄດ້ຮັບການສ້າງຕັ້ງຂຶ້ນໃນປີ 2000 ນັບວ່າເປັນເວລາ 11 ປີ

ໂດຍຈະສືບຕໍ່ປຸກລະດົມຄອບຄົວ ແລະ ຊຸມຊົນ ເພື່ອສ້າງຄວາມເຂົ້າໃຈ  ແລະ  ຄວາມຮ່ວມມືໃນການສະໜັບສະນູນໂຄງ

ການ, ເພີ່ມການຮ່ວມມືກັບພາກລັດ ແລະ ອົງການຈັດຕັ້ງທີ່ບໍ່ສັງກັດລັດຖະບານເພື່ອສະໜັບສະໜູນນະໂຍບາຍ ແລະແຜນ

ງານໃຫ້ເກີດຜົນກະທົບຢ່າງມີປະສິດທິຜົນ ແລະ ມີຄວາມຍືນຍົງ, ດໍາເນີນການສໍາຫຼວດການຕິດຕາມ ແລະ ປະເມີນຜົນກິດ

ຈະກໍາຢ່າງເປັນປົກກະຕິເພື່ອຮັບປະກັນຄຸນະພາບ ແລະ ເພື່ອປັບປຸງໂຄງການໃຫ້ໄດ້ຮັບຜົນດີຂຶ້ນແລະນໍາເຄື່ອງບໍລິຈາກອື່ນໆ

ເພື່ອສະໜອງໃຫ້ແກ່ໂຮງຮຽນເປົ້າໝາຍ.


         ຂະນະດຽວກັນ, ທ່ານ ນາງ ຈັນທະວອນ ພັນດໍານອງ ໄດ້ກ່າວສະແດງຄວາມຍ້ອງຍໍຊົມເຊີຍ ທີ່ມີໂຄງການນີ້  ເພື່ອ

ໃຫ້ເດັກນ້ອຍລາວຮັກການອ່ານ, ສົ່ງເສີມໃຫ້ມີທັກສະໃນການອ່ານ, ເດັກນ້ອຍທີ່ບໍ່ມັກມາໂຮງຮຽນ ກໍ່ກາຍເປັນຄົນທີ່ມັກມາ

ໂຮງຮຽນ, ນາຍຄູທີ່ມີຄວາມກັງວົນໃນການສອນ ໄດ້ເຂົ້າຮ່ວມການເຝິກອົບຮົມເຮັດໃຫ້ເຫັນໄດ້ວ່າບັນຍາກາດຂອງການຮຽນ

-ການສອນ ຫຼື ທັກສະໃນການຮຽນຮູ້ ກໍ່ມີການປ່ຽນແປງໄປເຮັດໃຫ້ເດັກນ້ອຍຮັກໂຮງຮຽນຫຼາຍຂຶ້ນ ແລະ ເຊື່ອໝັ້ນວ່າການ

ສົ່ງເສີມ ແລະ ຮູບແບບທີ່ອົງການ ຣູມທູຣິດ ໄດ້ປະກອບສ່ວນຊຸກຍູ້ໃຫ້ຂະແໜງການສຶກສາ ທີ່ກະຈາຍຄວາມຮູ້, ຄວາມສາ

ມາດ ສ້າງຂີດຄວາມສາມາດໃຫ້ບັນດານັກຮຽນໄດ້ກວ້າງຂວາງ.