ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday3496
mod_vvisit_counterYesterday4699
mod_vvisit_counterThis week94154
mod_vvisit_counterLast week22465
mod_vvisit_counterThis month146014
mod_vvisit_counterLast month73398
mod_vvisit_counterAll days346252

We have: 38 guests, 9 bots online
Your IP: 54.92.246.200
 , 
Today: ກ. ພ. 25, 2017


ຂຽນໂດຍ Administrator   

ວາງ​ສີ​ລາ​ເລີກກໍ່ສ້າງ​ແລ້ວ ທາງ​ລົດ​ໄຟ ລາວ-ຈີນ ຄາດ​ວ່າ ປີ 2021 ຈະ​ສຳ​ເລັດ!


   ໂຄງການກໍ່ສ້າງທາງລົດໄຟ ລາວ-ຈີນ ແຕ່ບໍ່ເຕັນ (ຊາຍແດນລາວ-ຈີນ) ຫາສະຖານີນະຄອນຫລວງ

   ວຽງຈັນ ທີ່ມີຄວາມຍາວ 417 ກວ່າກິໂລແມັດ ​ໄດ້​ຖືກ​ວາງ​ສີ​ລາ​ເລີກ​ກໍ່ສ້າງ ຢ່າງ​ເປັນທາງ​ການ​ແລ້ວ

   ​​ແລະ ຄາດ​ວ່າ​ຈະ​ໃຊ້​ເວລາ​ພາຍ​ໃນ 6 ​ເດືອນ ຫຼື ປີ 2021 ຈະ​ສຳ​ເລັດ.


      ພິທີ​ເປີດ​ການ​ກໍ່ສ້າງ​ໂຄງການ ທາງລົດໄຟລາວ-ຈີນ ໄດ້ຈັດຂຶ້ນໃນວັນທີ 25 ທັນວາ 2016 ນີ້ທີ່ແຂວງຫຼວງພະບາງ ໂດຍ

ການເປັນກຽດເຂົ້າຮ່ວມຂອງ ທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງສປປລາວ, ທ່ານ ສົມສະຫວາດ ເລັ່ງສະຫວັດ

ທີ່ປຶກສາ ຄະນະບໍລິຫານງານສູນກາງພັກ, ທ່ານ ກວ່ນຮວາປີ່ງ ເອກອັກຄະລັດຖະທູດສປຈີນ  ປະຈໍາ  ສປປລາວ,  ມີບັນດາ

ທ່ານລັດຖະມົນຕີ, ຮອງລັດຖະມົນຕີ, ເຈົ້າແຂວງ, ຮອງເຈົ້າ ແຂວງ, ເຈົ້າຄອງ-ຮອງເຈົ້າຄອງນະຄອນຫຼວງວຽງຈັນ, ອົງການ

ຈັດຕັ້ງທຽບເທົ່າແລະ ຜູ້ຕາງໜ້າຈາກລັດວິສາຫະກິດລົດໄຟແຫ່ງຊາດ ສປ ຈີນເຂົ້າຮ່ວມ.


      ​ໃນ​ພິທີ, ທ່ານ ບຸນຈັນ ສິນທະວົງ ລັດຖະມົນຕີ ກະຊວງໂຍທາທິການ ແລະ ຂົນສົ່ງ ທັງເປັນຫົວໜ້າຄະນະຊີ້ນໍາໂຄງການ

ກໍ່ສ້າງທາງລົດໄຟ ລາວ-ຈີນ ກ່າວວ່າ:  ມາດຕະຖານເຕັກນິກການອອກແບບໂຄງການກໍ່ສ້າງທາງລົດໄຟ  ລາວ-ຈີນ  ແຕ່ບໍ່ເຕັນ

(ຊາຍແດນລາວ-ຈີນ) ຫາສະຖານີນະຄອນຫລວງວຽງຈັນ ທີ່ມີຄວາມຍາວ 417 ກວ່າກິໂລແມັດໄດ້ອອກແບບເປັນ ທາງລົດໄຟ

ມາດຕະຖານຊັ້ນ 1 ປະເພດລາງດ່ຽວການກໍານົດຄວາມໄວອອກແບບສໍາລັບຂົນສົ່ງໂດຍສານເຂດພູດອຍແມ່ນ 160 ກິໂລແມັດ

ຕໍ່ຊົ່ວໂມງ, ເຂດທົ່ງພຽງແມ່ນ 200 ກິໂລແມັດຕໍ່ຊົ່ວໂມງ ແລະ ຄວາມໄວອອກແບບສຳລັບການຂົນສົ່ງສິນຄ້າ 120 ກິໂລແມັດ

ຕໍ່ຊົ່ວໂມງ.


        ການກໍ່ສ້າງປະກອບມີຂົວ 167 ແຫ່ງຍາວ 61 ກວ່າກິໂລແມັດກວມ 14,9%, ທໍ່ 649 ແຫ່ງຍາວ 20 ກິໂລແມັດ, ອຸມົງ

75 ແຫ່ງຍາວ 197 ກິໂລແມັດກວມ 47,7%,  ໃນນີ້ອຸມົງທີ່ຍາວກວ່າໝູ່ປະມານ 12 ກິໂລແມັດຢູ່ເມືອງກາສີ ແຂວງວຽງຈັນ,

ມີສະຖານີທັງໝົດ 32 ແຫ່ງ, ໃນນີ້ມີ 21  ສະຖານີສຳລັບລົດໄຟຫລີກກັນ,   11  ສະຖານີໂດຍສານແລະສະຖານີສິນຄ້າອີກ 1

ແຫ່ງລວມມູນຄ່າກໍ່ສ້າງ 5,8 ຕື້ໂດລາສະຫະລັດ.  ປັດຈຸ ບັນ,   ໄດ້ສຳເລັດການສ້າງຕັ້ງບໍລິສັດ ຮ່ວມທຶນທາງລົດໄຟ ລາວ-ຈີນ,

ການປະມູນຈັດຊື້-ຈັດຈ້າງ ກັບບັນດາບໍລິ ສັດຮັບເໜົາກໍ່ສ້າງ ແລະ ບໍລິສັດທີ່ປຶກສາ ແລະ ເຊັນສັນຍາກັບບໍລິສັດຮັບເໝົາກໍ່ສ້າງ

ຫລັກ 6 ສັນຍາບໍລິສັດທີ່ປຶກສາ 3 ສັນຍາ ແລະ ທີ່ປຶກສາບຸກຄົນທີສາມ 3 ສັນຍາ; ຄາດວ່າການກໍ່ສ້າງຈະໃຊ້ເວລາ 60 ເດືອນ

ແລະ ຈະສຳເລັດສົມບູນໃນທ້າຍປີ 2021.


       ທ່ານ​ລັດຖະມົນຕີ ​ໂຍທາ​ທິການ ​ແລະ ຂົນ​ສົ່ງ ຍັງ​ກ່າວ​ອີກ​ວ່າ: ການພັດທະນາພື້ນຖານໂຄງລ່າງເສັ້ນທາງລົດໄຟດັ່ງກ່າວນີ້

ມີຄວາມສຳຄັນຕໍ່ການຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ຄັ້ງທີ X ຂອງພັກກໍຄືການພັດທະນາເສດຖະກິດ-ສັງຄົມ ຂອງ

ສປປ ລາວ, ເປັນການເພີ່ມທະວີການເປີດກວ້າງ ແລະ ຍົກລະດັບການຮ່ວມມືດ້ານເສດຖະກິດ, ການຄ້າການລົງທຶນ ແລະ ການ

ທ່ອງທ່ຽວຂອງສອງປະເທດເວົ້າສະເພາະ, ເວົ້າລວມເປັນການເພີ່ມທະວີການພົວພັນ ທາງດ້ານເສດຖະກິດຢູ່ໃນເຂດການຄ້າເສລີ

ຈີນ-ອາຊຽນອີກດ້ວຍ ແລະພາຍຫລັງສຳເລັດການກໍ່ສ້າງຈະນຳຜົນປະໂຫຍດອັນໃຫຍ່ຫລວງມາສູ່ປະຊາຊົນລາວບັນດາເຜົ່າ ແລະ

ຈະເຮັດໃຫ້ການຄົມມະນາຄົມ-ຂົນສົ່ງ, ການໄປມາຫາສູ່ກັນມີຄວາມສະດວກ, ວ່ອງໄວ ແລະ  ປອດໄພ,  ສາມາດປະຢັດຕົ້ນທຶນ

ການຂົນສົ່ງ ທັງເປັນການສົ່ງເສີມການທ່ອງທ່ຽວ, ການຄ້າ-ການລົງທຶນໃຫ້ຂະຫຍາຍຕົວຂຶ້ນ ພ້ອມທັງຈະກະຕຸກຊຸກຍູ້ ການພັດ

ທະນາຂະແໜງການອື່ນໆ ເຊັ່ນ:ຂະແໜງກະສິກຳ, ອຸດສະຫະກຳ-ການຄ້າ, ການລົງທຶນແລະ  ທ່ອງທ່ຽວ  ໃຫ້ຂະຫຍາຍຕົວສູງ

ແລະ ສາມາດສ້າງລາຍຮັບ ໃຫ້ແກ່ປະເທດຊາດ ແລະປະຊາຊົນໃນສະເພາະໜ້າ ແລະ ຍາວນານ.


        ທາງ​ດ້ານ ທ່ານ ຮວ່າງ ຕີ້​ຟູ, ປະທານສະພາບໍລິຫານ ບໍລິສັດທາງລົດໄຟລາວ-ຈີນຈໍາກັດກ່າວວ່າທາງລົດໄຟລາວ-ຈີນເປັນ

ສ່ວນສຳຄັນ ຂອງເສັ້ນທາງລົດໄຟຜ່ານອາຊີ, ເປັນພື້ນຖານໂຄງລ່າງສຳຄັນທີ່ເຊື່ອມຈອດສອງປະເທດລາວ-ຈີນ, ລັດວິສາຫະກິດ

ທາງລົດໄຟແຫ່ງ ສປ ຈີນໃນຖານະເປັນບໍລິສັດນຳໜ້າໃນການຈັດຕັ້ງປະຕິບັດຈະເສີມຂະຫຍາຍທ່າແຮງ ການຄຸ້ມຄອງບໍລິຫານ

ໂຄງການທາງລົດໄຟ, ເຕັກນິກ ແລະຊັບພະຍາກອນ, ນຳພາບໍລິສັດຕ່າງໆຂອງຈີນເຊັ່ນ: ບໍລິສັດສຳຫຼວດ-ອອກແບບ,ບໍລິສັດຮັບ

ເໝົາກໍ່ສ້າງ, ບໍລິສັດຜະລິດອຸປະກອນ-ກົນຈັກ ແລະ ອື່ນໆ ຮ່ວມມືກັບລັດຖະບານ ແລະ ບໍລິສັດຂອງ ສປປ ລາວ ຢ່າງໃກ້ຊິດ;

ພະຍາຍາມກໍ່ສ້າງ ແລະ ນຳໃຊ້ທາງລົດໄຟລາວ-ຈີນໃຫ້ຄຸນນະພາບ ແລະ ມີປະສິດທິຜົນ. ພ້ອມກັນນີ້, ຂ້າພະເຈົ້າຂໍຕາງໜ້າໃຫ້ບໍ

ລິສັດທາງລົດໄຟລາວ-ຈີນ ຂໍປະຕິຍານວ່າ: ພວກຂ້າພະເຈົ້າຈະປະຕິບັດຕາມທິດຊີ້ນຳທີ່ເປັນເອກະພາບກັນຂອງສອງລັດຖະບານ

ລາວ-ຈີນ ກ່ຽວກັບການຮ່ວມມືດ້ານການກໍ່ສ້າງທາງລົດໄຟ ແລະ ການໃຫ້ບໍລິການ, ບົນພື້ນຖານໝາກຜົນ ທີ່ໄດ້ຮັບໃນເບື້ອງຕົ້ນ

ຈະສືບຕໍ່ເພີ່ມທະວີການແລກປ່ຽນ, ປະສານສົມທົບ ແລະ ສະໜັບສະໜູນລັດຖະບານລາວ ແລະ ອົງການປົກຄອງແຕ່ລະຂັ້ນ,

ຈັດຕັ້ງປະຕິບັດການກໍ່ສ້າງຕາມແຜນທີ່ວາງໄວ້, ຮັບປະກັນມາດຕະຖານ ແລະ ຄຸນນະພາບສູງ,ຮັບປະກັນໃຫ້ສຳເລັດການກໍ່ສ້າງ

ແລະ ເປີດບໍລິການໃຫ້ທັນຕາມ ກຳນົດທີ່ວາງໄວ້,   ເພື່ອເປັນການປະກອບສ່ວນການພັດທະນາເສດຖະກິດສັງຄົມຂອງສອງປະ

ເທດ ແລະ ສ້າງຄວາມຜາສຸກໃຫ້ແກ່ປະຊາຊົນສອງຊາດ.