ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday353
mod_vvisit_counterYesterday4162
mod_vvisit_counterThis week18011
mod_vvisit_counterLast week12602
mod_vvisit_counterThis month41756
mod_vvisit_counterLast month81332
mod_vvisit_counterAll days168596

We have: 114 guests, 11 bots online
Your IP: 54.147.253.45
 , 
Today: ມ.ກ. 18, 2017


ຂຽນໂດຍ ສາວບ້ານທົ່ງ   

ວ.ລ ເຕັກນິກ ແຂວງວຽງຈັນ ສະຫຼອງວັນສ້າງ ຄົບຮອບ 30 ປີ 


   ວິທະຍາໄລ (ວ.ລ) ເຕັກນິກ ແຂວງວຽງຈັນ ໄດ້ຈັດພິທີສະເຫຼີມສະຫຼອງວັນສ້າງຕັ້ງວິທະຍາໄລ

   ຄົບຮອບ 30 ປີ ໃນວັນທີ 23 ທັນວາ ຜ່ານມາ ທີ່ວິທະຍາໄລດັ່ງກ່າວ, ໂດຍໃຫ້ກຽດເຂົ້າຮ່ວມ

   ຂອງທ່ານ ຮສ.ປອ ຄໍາຜາຍ ສີສະຫວັນ ຮອງລັດຖະມົນຕີ ກະຊວງສຶກສາທິການ ແລະ ກິລາ


       ທ່ານ ວີຣະຊາດ ວີຣະວົງສ໌ ຜູ້ອໍານວຍການ ວິທະຍາໄລ ເຕັກນິກ ແຂວງວຽງຈັນ ພ້ອມດ້ວຍບັນດາຫົວໜ້າກົມ-ຮອງ

ກົມ, ສູນ ຈາກກະຊວງສຶກສາທິການ ແລະ ກິລາ, ແຂກທີ່ຖືກເຊີນຈາກພາກສ່ວນຕ່າງໆ, ພະນັກງານ ແລະ ນັກສຶກສາຢ່າງ

ພ້ອມພຽງ. ໂອກາດດັ່ງກ່າວ, ທ່ານ ວີຣະຊາດ ວີຣະວົງສ໌ ໄດ້ກ່າວໃຫ້ຮູ້ວ່າ: ວິທະຍາໄລ ເຕັກນິກ ແຂວງວຽງຈັນ ໄດ້ຈັດພິທີ

ສະເຫຼີມສະຫຼອງວັນສ້າງຕັ້ງວິທະຍາໄລ ຄົບຮອບ 30 ປີໃນຄັ້ງນີ້, ກໍ່ເພື່ອເປັນການພົບປະສ້າງສັນ ແລະ ເພີ່ມທະວີຄວາມສາ

ມັກຄີລະຫວ່າງພະນັກງານ, ຄູ-ອາຈານ ແລະ ອະດີດນັກຮຽນ-ນັກສຶກສາໃນແຕ່ລະຮຸ່ນຜ່ານມາ, ພ້ອມທັງເປັນການລະດົມ

ທຶນຈາກອະດີດນັກຮຽນ-ນັກສຶກສາ ແລະ ພາກສ່ວນຕ່າງໆໃນສັງຄົມເຂົ້າໃນການພັດທະນາວິທະຍາໄລ. ຄຽງຄູ່ກັນນັ້ນ, ຍັງ

ເປັນການຍ້ອງຍໍຜູ້ທີ່ມີຜົນງານດີເດັ່ນໃນການປະກອບສ່ວນພັດທະນາວິທະຍາໄລ ຕະຫຼອດໄລຍະເວລາ 30 ປີຜ່ານມາ ແລະ

ເພື່ອສະແດງຜົນຜະລິດດ້ານວິຊາການຂອງພະນັກງານ, ຄູ-ອາຈານ ແລະ ນັກສຶກສາ ໃນການເຂົ້າຮ່ວມແຂ່ງຂັນທັກສະສີມື

ຮ່ວມກັບບັນດາສະຖານອາຊີວະສຶກສາໃນທົ່ວປະເທດ.


        ນອກຈາກນັ້ນ, ທາງວິທະຍາໄລ ຍັງໄດ້ຮັບການຊ່ວຍເຫຼືອຈາກຫຼາຍອົງການ ເຮັດໃຫ້ບັນດາພະນັກງານໄດ້ຮັບທຶນໄປ

ຮຽນຕໍ່ ແລະ ເຝິກອົບຮົມໃນໄລຍະສັ້ນ ແລະ ໄລຍະຍາວ ໃນສາຂາວິຊາສະເພາະຕ່າງໆທັງພາຍໃນ ແລະ ຕ່າງປະເທດນອກ

ຈາກນີ້, ພະນັກງານ, ຄູ-ອາຈານມີທ່າອ່ຽງເພີ່ມຂຶ້ນທາງດ້ານປະລິມານ ແລະ ຄຸນະພາບ, ເຊິ່ງມັນສະແດງອອກ ຄື:ໄດ້ຮັບພະ

ນັກງານ, ຄູ-ອາຈານ ທີ່ມີວຸດທິການສຶກສາຈາກຊັ້ນກາງເປັນຊັ້ນສູງ ແລະ ປະລິນຍາຕີ ຫຼາຍກວ່າ 40 ເປີເຊັນ ຄຽງຄູ່ກັນນັ້ນ,

ກໍ່ໄດ້ເຄື່ອນໄຫວວຽກງານຕາມກົດລະບຽບຂອງພັກເປັນປົກກະຕິ,ໄດ້ຂະຫຍາຍສະມາຊິກເພີ່ມຂຶ້ນ ແລະ ກໍ່ສ້າງພະນັກງານ,

ຄູ-ອາຈານໃຫ້ມີຄວາມຮູ້, ຄຸນສົມບັດ ເພື່ອກໍ່ສ້າງໃຫ້ກາຍເປັນສະມາຊິກພັກໃນອະນາຄົດ  ແລະ  ໄດ້ສ້າງຕັ້ງເປັນຄະນະພັກ

ຮາກຖານ ວິທະຍາໄລ, ເຊິ່ງມີ 5 ໜ່ວຍພັກຂຶ້ນກັບ, ມີສະມາຊິກທັງໝົດ 64 ສະຫາຍ. ໃນນັ້ນ, ສະມາຊິກພັກສົມບູນ 49

ສະຫາຍ, ຍິງ 25 ສະຫາຍ, ສະມາຊິກສໍາຮອງ 15 ສະຫາຍ, ຍິງ 12 ສະຫາຍ.


        ຄຽງຄູ່ກັນນັ້ນ, ການກໍ່ສ້າງນັກຮຽນ-ນັກສຶກສາໄປຕາມ 5 ຫຼັກມູນການສຶກສາແລ້ວ, ທາງວິທະຍາໄລ ຍັງໄດ້ພັດທະ

ນາເສດຖະກິດ, ເຊິ່ງມີຜົນງານຫຼາຍດ້ານທີ່ພົ້ນເດັ່ນຄື: ໄດ້ສູ້ຊົນແກ້ໄຂຊີວິດການເປັນຢູ່ຂອງນັກຮຽນ-ນັກສຶກສາທີ່ນອນໃນ

ຫໍພັກ ຜູ້ທີ່ທຸກຍາກ ໂດຍໃຫ້ເຂົາເຈົ້ານອນໃນຫໍພັກໂດຍບໍ່ໄດ້ເສຍຄ່າໃຊ້ຈ່າຍ. ສໍາລັບ ວິທະຍາໄລ ເຕັກນິກ ແຂວງວຽງຈັນ

ສ້າງຕັ້ງໃນປີ 1986, ເຊິ່ງໃນເບື້ອງຕົ້ນມີຊື່ວ່າ: ໂຮງຮຽນກໍ່ສ້າງພະນັກງານສືບທອດ, ໃນປີ 1988 ໄດ້ເຕົ້າໂຮມເອົາໂຮງຮຽນ

ການຊ່າງຊັ້ນຕົ້ນ ເມືອງໂພນໂຮງມາເຂົ້າກັນ ແລະ ໃສ່ຊື່ວ່າ: ໂຮງຮຽນກໍ່ສ້າງພະນັກງານ ແລະ ການຊ່າງ ແຂວງວຽງຈັນເຊິ່ງ

ຂຶ້ນກັບອໍານາດການປົກຄອງແຂວງ, ໃນປີ 1991 ສາຍຂວາງຂຶ້ນກັບອໍານາດການປົກຄອງແຂວງ ແລະ ສາຍຕັ້ງຂຶ້ນກັບກົມ

ອາຊີວະສຶກສາ ກະຊວງສຶກສາທິການ ແລະ ກິລາ ແລະ ມາຮອດປີ 2016 ການສ້າງຕັ້ງໂຮງຮຽນ ແມ່ນຄົບຮອບ 30 ປີ.