ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday8623
mod_vvisit_counterYesterday10220
mod_vvisit_counterThis week37720
mod_vvisit_counterLast week54397
mod_vvisit_counterThis month144679
mod_vvisit_counterLast month159131
mod_vvisit_counterAll days504048

We have: 82 guests, 198 bots online
Your IP: 54.197.159.173
 , 
Today: ມ.ນ. 29, 2017


ຂຽນໂດຍ ພູ​ວອນ ດຳ​ລົງ​ບຸນ   

ຄູອາສາສະ​​ໝັກທົ່ວແຂວງສະຫວັນນະເຂດ ​ 1 ພັນກວ່າຄົນ ສອບເສັງຄັດເລືອກ

ເຂົ້າເປັນລັດຖະກອນ


   ຄູ​ອາ​ສາ​ສະ​ໝັກທົ່ວ​ແຂວງ​ສະ​ຫວັນ​ນະ​ເຂດ ຈຳ​ນວນ 1.714 ຄົນ ໄດ້​ຮັບ​ການ​ສອບ​ເສັງ​ເຂົ້າ​ເປັນ​

   ລັດ​ຖະ​ກອນ​ຄູ ​ໂດຍ​ແບ່ງ​ອອກ​ເປັນ 4 ສູນ​ສອບ​ເສັງ, ໃຊ້​ຫ້ອງ​ສອບ​ເສັງ​ທັງ​ໝົດ 76 ຫ້ອງ. ຂະ

   ນະ​ທີ່ໂຕ​ເລກ​ລັດ​ຖະ​ກອນ​ທີ່​ກະ​ຊວງ​ສຶກ​ສາ​ທິ​ການ ແລະ ກິ​ລາ

      ໄດ້​ແບ່ງ​ໃຫ້​ໃນ​ສົກ​ຮຽນ 2016-2017 ມີ​ຈຳ​ນວນ164 ໂຕ​ເລກ.ເມື່ອວັນ​ທີ 21 ທັນ​ວາ ຜ່ານ​ມາ​ ທີ່​ໂຮງ​ຮຽນມັດ​ທະ​ຍົມ

​ຕອນ​ຕົ້​ນ ໄຊ​ຍະ​ມຸງ​ຄຸນ  ເມືອງ​ໄກ​ສອນພົມ​ວິ​ຫານ ແຂວງ​ສະ​ຫວັນ​ນະ​ເຂດ  ໄດ້​ມີ​ພິ​ທີສອບ​ເສັງ​ເອົາ​ລັດ​ຖະ​ກອນ​ຄູ​ໃໝ່  ສົກ

​ຮຽນ 2016-2017 ໂດຍ​ການເປັນ​ປະ​ທານ​ຕັດ​ຫົວ​ບົດ​ສອບ​ເສັງ​ຂອງທ່ານ ຄຳ​ພູນ ຕຸ​ໄພ​ທູນ ຮອງ​ເຈົ້າ​ແຂວງ​ສະ​ຫວັນ​ນະ​ເຂດ,

ເປັນກຽດເຂົ້າ​ຮ່ວມ​ຂອງທ່ານ ທອງ​ຜິວ ບຸດ​ສະ​ດີ ຜູ້​ຊ່ວຍ​ລັດ​ຖະ​ມົນ​ຕີ ກະ​ຊວງ​ສຶກວ​ສາ​ທິ​ການ ແລະ ກິ​ລາ,ມີ​ບັນ​ດາ​ຮອງ​ຫົວ​

ໜ້າ​ພະ​ແນກ​ສຶກ​ສາ-ກິ​ລາ​ແຂວງ, ຫົວ​ໜ້າ​ຫ້ອງ​ການ, ຮອງ​ຫົວໜ້າຫ້ອງ​ການ​ສຶກ​ສາທິການ ​ແລະ ກິ​ລາ​ເມືອງ, ພ້ອມ​ດ້ວຍ​ຄະ

​ນະ​ພັດ​ທະ​ນາ​ການ​ສຶກ​ສາ​ທຸກ​ຂັ້ນ, ຄະ​ນະ​ກຳ​ມະ​ການ ແລະ ນັກ​ສອບ​ຢ່າງ​ພ້ອມພຽງ.


        ທ່ານ ຖາ​ວອນ​ ອິນ​ສີຊຽງ​ໃໝ່ ຮອງ​ຫົວ​ໜ້າ​ພະ​ແນກ​ສຶກ​ສາທິການ ​ແລະ ກິ​ລາ​ແຂວງ ໄດ້​ກ່າວ​ໃຫ້​ຮູ້​ວ່າ: ການ​ສອບ​ເສັງ​

ໃນ​ຄັ້ງ​ນີ້ ​ແມ່ນ​ໄດ້​ແບ່ງ​ອອກ​ເປັນ 3 ຂັ້ນ​ຕອນ ​ຄື: ຂັ້ນ​ຕອນ​ທີ 1 ​ແມ່ນສອບ​ເສັງ​ພາກ​ທິດ​ສະ​ດີ, ຂັ້ນ​ຕອນ​ທີ 2 ​ແມ່ນ​ສອບ​ເສັງ​

ວິ​ຊາ​ສະ​ເພາະ​ທີ່​​ໄດ້​ຮຽນ​ມາ ​ແລະ ຂັ້ນ​ຕອນ​ທີ 3 ​ແມ່ນຄັດ​ເລືອກ​ເອົາ​ຜູ້​ທີ່​ມີ​ຄະ​ແນນ​ດີ​ເຂົ້າສຳ​ພາດ​. ​ໃນ​ນີ້,  ການສອບ​ເສັງ​ພາກ​

ທິດ​ສະ​ດີ, ​ເຊິ່ງ​ຜູ້​ທີ່​ມີ​ເງື່ອນ​ໄຂ​ສອບ​ເສັງ​ແມ່ນເປັນ​ຄູ​ອາ​ສາ​ສະ​ໝັກ​ຕັ້ງ​ແຕ່ 2 ປີຂຶ້​ນໄປຈຶ່ງ​ມີ​ສິດ​ສອບ​ເສັງ. ສຳ​ລັບ​ການ​ສອບ​ເສັງ​

ໃນ​ຄັ້ງ​ນີ້ໃຊ້​ເວ​ລາ 2 ຊົ່ວ​ໂມງໃນ​ຈຳ​ນວນ 100 ຂໍ້ ແບບ​ປາ​ລະ​ໄນ, ມີ​ນັກ​ສອບ​ເສັງ​ທັງ​ໝົດ 1.714  ຄົນແບ່ງ​ອອກ​ເປັນ 4 ສູນ ​

ຄື: ສູນ​ເມືອງ​ໄກ​ສອນພົມ​ວິ​ຫານ ມີ​ 347 ຄົນ, ໃຊ້​ຫ້ອງ​ສອບ 17 ຫ້ອງ, ມີ​ກຳ​ມະ​ການ​ຍາມ​ຫ້ອງ 34 ຄົນ,   ມີ 3 ເມືອງ​ເຂົ້າ​

ຮ່ວມ ຄື: ເມືອງ​ໄກ​ສອນພົມ​ວິ​ຫານ, ເມືອງໄຊ​ພູ​ທອງ ແລະເມືອງໄຊ​ບູ​ລີ; ສູນ​ເມືອງສອງ​ຄອນ​ ມີ​ນັກ​ສອບ​ທັງ​ໝົດ 613 ຄົນ,

ໃຊ້​ຫ້ອງ​ສອບ​ເສັງ 30 ຫ້ອງ, ກຳ​ມະ​ການ​ຍາມ​ຫ້ອງ 60 ຄົນ, ມີ 4 ເມືອງ​ເຂົ້​າ​ຮ່ວມສອບ​ເສັງ ຄື: ເມືອງ​ສອງ​ຄອນ, ຈຳ​ພອນ,

ຊົນ​ນະ​ບູ​ລີ ແລະ ເມືອງ​ທ່າ​ປາງ​ທອງ; ສູນ​ເມືອງອາດ​ສະ​ພັງ​ທອງ ມີ​ນັກ​ສອບ​ເສັງ 458 ຄົນ, ໃຊ້​ຫ້ອງ​ສອບ​ເສັງ 23 ຫ້ອງ, ມີ​

ກຳ​ມະ​ການ​ຍາມ​ຫ້ອງ 46 ຄົນ, ມີ 4 ເມືອງ​ເຂົ້າ​ຮ່ວມ​ ຄື: ເມືອງອ​າດ​ສະ​ພັງ​ທອງ, ອາດ​ສະ​ພອນ, ອຸ​ທຸມ​ພອນ ແລະ ເມືອງ​ພະ​

ລານ ແລະ ສູນ​ເມືອງ​ເຊ​ໂປນ ມີ​ນັກ​ສອບ​ທັງ​ໝົດ 295 ຄົນ, ໃຊ້​ຫ້ອງ​ສອບ​ເສັງ 15 ຫ້ອງ, ໃຊ້​ກຳ​ມະ​ການ​ຍາມ​ຫ້ອງ 30 ຄົນ,

ມີ 4 ເມືອງ​ເຂົ້າ​ຮ່ວມ​ສອບ​ເສັງ ​ຄື: ເມືອງ​ເຊ​ໂປນ, ວິ​ລະ​ບູ​ລີ, ເມືອງ​ພີນ ແລະ ເມືອງນອງ. ໂດຍ​ຄັດ​ເລືອກ​ເອົາຜູ້​ທີ່​ໄດ້​ຄະ​ແນນ​

ຕາມ​ຄາດ​ໝາຍຜ່ານ​ເຂົ້າ​ໄປ​ຮອບ​ທີ 2 ກໍ່ຄື ຮອບ​ວິ​ຊາ​ສະ​ເພາະ​ທີ່​​ໄດ້​ຮຽນ​ມາ​. ຫຼັງຈາກນັ້ນ,ຈຶ່ງ​ໄດ້​ຄັດ​ເລືອກ​ເອົາ​ຜູ້​ທີ່​ມີ​ຄະ​ແນນ

​ດີ​ເຂົ້າສຳ​ພາດ​ຕາມ, ​ເຊິ່ງ​ຈະ​ໃຊ້​ເວ​ລາ 1 ເດືອນ​ຈຶ່ງ​ສຳ​ເລັດ. ສຳ​ລັບ​ໂຕ​ເລກ​ລັດ​ຖະ​ກອນ​ທີ່​ກະ​ຊວງ​ສຶກ​ສາ​ທິ​ການ ແລະ ກິ​ລາ ໄດ້

​ແບ່ງ​ໃຫ້​ແຂວງ​ສະ​ຫວັນ​ນະ​ເຂດ ໃນ​ສົກ​ຮຽນ 2016-2017 ​ແມ່ນມີ​ຈຳ​ນວນ 164 ໂຕ​ເລກ.