ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday540
mod_vvisit_counterYesterday4162
mod_vvisit_counterThis week18198
mod_vvisit_counterLast week12602
mod_vvisit_counterThis month41943
mod_vvisit_counterLast month81332
mod_vvisit_counterAll days168783

We have: 28 guests, 6 bots online
Your IP: 54.205.209.213
 , 
Today: ມ.ກ. 18, 2017


ຂຽນໂດຍ ສາວ​ສະຫວັນ   

ຊາວໜຸ່ມລາວ ສະໝັກໃຈບໍລິຈາກເລືອດຊ່ວຍເຫຼືອສັງຄົມ ​​ໂອກາດ​ວັນຊາດ


   ຊາວໜຸ່ມອາສາສະໝັກຕະລຸມບອນບໍລິຈາກເລືອດ ແບບສະໜັກໃຈໂດຍບໍ່ຮຽກຮ້ອງສິ່ງຕອບແທນ

   ເພື່ອຊ່ວຍເຫຼືອສັງຄົມ ແນໃສ່ຍົກສູງບົດບາດຂອງຂະບວນການຊາວໜຸ່ມອາສາສະໝັກຕະລຸມບອນ

   ໃຫ້ກາຍເປັນກອງນໍາໜ້າໃນພາລະກິດສ້າງສາພັດທະນາປະເທດຊາດໃນໄລຍະໃໝ່

      ໃນວັນທີ 22 ທັນວາ ຜ່ານມາ ທີ່ສູນກາງຊາວໜຸ່ມປະຊາຊົນປະຕິວັດລາວ ໄດ້ມີຂະບວນການບໍລິຈາກເລືອດ ເນື່ອງໃນໂອ

ກາດສ້າງຂະບວນການຊົມເຊີຍ ວັນຊາດ (2 ທັນວາ) ຄົບຮອບ 41 ປີ ແລະ ວັນຄ້າຍວັນເກີດຂອງປະທານ ໄກສອນ ພົມວິຫານ

ຄົບຮອບ 96 ປີ, ໂດຍເປັນກຽດເຂົ້າຮ່ວມຂອງທ່ານ ປອ. ສອນທະນູ ທໍາມະວົງ ກໍາມະການສູນກາງພັກ, ເລຂາຄະນະບໍລິຫານ

ງານສູນກາງ ຊາວໜຸ່ມປະຊາຊົນປະຕິວັດລາວ ແລະ ທ່ານ ຄໍາຮຸ່ງ ເຮືອງວົງສີ ປະທານອົງການກາແດງລາວ, ມີບັນດາພະນັກງານ,

ນັກຮຽນ-ນັກສຶກສາ, ນາງສາວລາວທີ່ເປັນຕົວແທນໃຫ້ແກ່ຊາວໜຸ່ມເຂົ້າຮ່ວມ.


       ໂອກາດດັ່ງກ່າວ, ທ່ານ ປອ. ສອນທະນູ ທໍາມະວົງ ກ່າວວ່າ: ຂະບວນການຊາວໜຸ່ມອາສາສະໝັກຕະລຸມບອນບໍລິຈາກ

ເລືອດ ພາຍໃຕ້ຫົວຂໍ້ “ເລືອດໜຶ່ງຢົດ ເພື່ອອະນາຄົດຂອງຊາດ” ເປັນການສ້າງຄວາມເຂົ້າໃຈ ແລະ ປູກຈິດສໍານຶກນໍ້າໃຈອາສາສະ

ໝັກ, ພັນທະມະນຸດສະທໍາຂອງຊາວໜຸ່ມລາວ ກ່ຽວກັບການບໍລິຈາກເລືອດແບບສະໝັກໃຈບໍ່ຮຽກຮ້ອງສິ່ງຕອບແທນ ແລະ

ເພື່ອຍົກສູງບົດບາດຂອງຂະບວນການຊາວໜຸ່ມອາສາສະໝັກຕະລຸມບອນໃຫ້ກາຍເປັນກອງນໍາໜ້າໃນພາລະກິດສ້າງສາພັດທະ

ນາປະເທດຊາດໃນໄລຍະໃໝ່, ເຊິ່ງຈັດໂດຍສູນກາງຊາວໜຸ່ມປະຊາຊົນປະຕິວັດລາວ   ຄະນະຊາວໜຸ່ມກະຊວງສຶກສາທິການ

ແລະ ກິລາ, ຄະນະຊາວໜຸ່ມ ນະຄອນຫຼວງວຽງຈັນ, ອົງການກາແດງລາວ ແລະ ສູນເລືອດແຫ່ງຊາດ. ຂະບວນການດັ່ງກ່າວ,

ແມ່ນໄດ້ຈັດຕັ້ງປະຕິບັດ 3 ຈຸດ ທົ່ວນະຄອນຫຼວງວຽງຈັນ ຄື: ຫໍພິພິທະພັນ  ທ່ານ ໄກສອນ ພົມວິຫານ,  ມະຫາວິທະຍາໄລ

ແຫ່ງຊາດ ແລະ ສູນກາງຊາວໜຸ່ມປະຊາຊົນປະຕິວັດລາວ. ສໍາລັບ 2 ຈຸດຜ່ານມາ (ມະຫາວິທະຍາໄລແຫ່ງຊາດ ແລະ ສູນກາງ

ຊາວໜຸ່ມປະຊາຊົນປະຕິວັດລາວ) ມີຊາວໜຸ່ມອາສາສະໝັກບໍລິຈາດເລືອດ ຈໍານວນ 485 ຖົງ ແລະ ມີແຜນຄາດໝາຍຂອງ

ຂະບວນການຊາວໜຸ່ມອາສາສະໝັກບໍລິຈາກເລືອດໃນ 3 ຈຸດ ແມ່ນໃຫ້ໄດ້ເລືອດຈໍານວນ 500 ຖົງ.


       ຂະນະດຽວກັນ,  ທ່ານ ຈັນທະລາ  ສຸກສາຄອນ  ຫົວໜ້າສູນ​ເລືອດ​ແຫ່ງ​ຊາດ ໄດ້​ກ່າວ​ໃຫ້​ຮູ້ເຖິງເປົ້າໝາຍໃນປີ 2016

(ແຕ່ເດືອນມັງກອນ ຫາ ເດືອນທັນວາ) ຈະສາມາດໄດ້ເລືອດ ຈໍານວນ 38.000 ຖົງໃນທົ່ວປະເທດເຊິ່ງໃນປັດຈຸບັນໄດ້ເລືອດ

38.000 ກວ່າຖົງ ຖືວ່າບັນລຸເປົ້າໝາຍແລ້ວ ແລະ ແຕ່ນີ້ຮອດປີ 2020 ຈະສູ້ຊົນໃຫ້ໄດ້ 60.000 ຖົງ ຈຶ່ງຈະສາມາດຕອບ

ສະໜອງໃຫ້ພຽງພໍກັບຄວາມຕ້ອງການຂອງສູນເລືອດແຫ່ງຊາດ ເພື່ອນໍາໄປຊ່ວຍເຫຼືອສັງຄົມ.   ນອກຈາກນີ້, ໃນພິທີຍັງໄດ້

ມອບໃບຍ້ອງຍໍໃຫ້ກັບອາສາສະໝັກ ທີ່ບໍລິຈາກເລືອດ ໃນຂະບວນການຜ່ານມາ ທີ່ປະກອບສ່ວນຊ່ວຍເຫຼືອສັງຄົມຢ່າງຫ້າວ

ຫັນ ແລະ ບໍ່ຫວັງສິງຕອບແທນ.