ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday3136
mod_vvisit_counterYesterday68544
mod_vvisit_counterThis week76138
mod_vvisit_counterLast week22465
mod_vvisit_counterThis month127998
mod_vvisit_counterLast month73398
mod_vvisit_counterAll days328236

We have: 56 guests, 53 bots online
Your IP: 54.204.219.143
 , 
Today: ກ. ພ. 21, 2017


ຂຽນໂດຍ ສາວ​ແກ້ວ​ອຸດົມ   

ເຫດໃດ ອາຈານ ດາວຢ່າງ ຈຶ່ງຖອນ​ຕົວ​ເປັນຄູອາສາສະໝັກ ທີ່ ມສ ນ້ຳຖ້ວມ

ແຂວງຫຼວງພະ​ບາງ


   ຈາກເຫດການ​ທີ່ ອາຈານ ດາວ​ຢ່າງ ກຽງ​ຈົງ​ຊານ ຄູ​ສອນ​ອາ​ສະໝັກ​​ໃນ​ໂຮງຮຽນ ມສ ນຳ​ຖ້ວມ

   ​ເມືອງນ້ຳ​ບາກ ​ແຂວງ​ຫຼວງ​ພະ​ບາງ ​​ໄດ້​ຖອນ​ຕົວ​ອອກ​ຈາກ​ການ​ເປັນ​ຄູ​ອາສາ​ສະໝັກ ​ໂດຍ​ການ

   ຂຽນ​ຂໍ້ຄວາມໂພດ​ລົງຜ່ານ​ທາງ​ໂຊ​ຊຽວມີ​ເດຍ (​​ເຟດບຸກ)


      ທັງໆທີ່​ມີ​ຜົນງານ​ໃນ​ການ​ສ້າງ​ນັກຮຽນ​ເກັ່ງ​ລະດັບ​ຊາດ ​ແຕ່​ບໍ່​ໄດ້​ໂຄ​ຕ້າ​ເຂົ້າ​ລັດຖະກອນ ຈົນກາຍ​​ກະ​ແສທີ່ມີ​ການ​​ວິພາກ​

ວິຈານ​ກັນໃນສັງຄົມອອນ​ໄລ​ປັດຈຸບັນ ເຮັດ​ໃຫ້​ທີ​ມງານ​ໜັງສື​ພິມ​ສຶກສາ-​ກິລາ ລາຍ​ວັນ​ຂອງ​ພວກ​ເຮົາ ​ໄດ້ນຳຫາ​ເອົາ​ສາ​ເຫດ

​ຕົ້ນຕໍ​ທີ່​ແທ້​ຈິງ ​ເພື່ອ​ຊີ້​ແຈງ​ໃຫ້​ທຸກ​ທ່ານ​ໄດ້​ຮັບ​ຊາບກັນ.


        ອີງ​ຕາມ​ການ​ໃຫ້ການ​ໃຫ້​ສຳພາດ​ຂອງ​ທ່ານ ບຸນ​ເພັງ ສະຫວັນ​ສັກ ຜູ້ອຳນວຍການ​ໂຮງຮຽນ ມສ ນໍ້າ​ຖ້ວມເມືອງ​ນ້ຳ​ບາກ

​ແຂວງ​ຫຼວງ​ພະ​ບາງ ກໍ່​ໄດ້​ກ່າວ​ໃຫ້​ຮູ້​ຕື່ມ​​ວ່າ: ສຳລັບ ອາຈານ ດາວ​ຢາງ ຈົງ​ຊານ ແມ່ນ​ໄດ້​ມາ​ເປັນ​ຄູ​ສອນ​ອາສາ​ສະໝັກ​ຢູ່​​ໂຮງຮຽນ

ມສ ນໍ້າ​ຖ້ວມ​ ແຕ່​ສົກສຶກສາ 2014-2015, ຜ່ານ​ການຈັດ​ຕັ້ງ​ປະຕິບັດ​ຂອງ​ຜູ້​ກ່ຽວ​ໃນ​ໄລຍະ​ຜ່ານ​ມາ,  ກໍ່​ໄດ້​ເອົາ​ໃຈ​ໃສ່​ຕໍ່​ວຽກ​

ງານການ​ມອບ​ໝາຍ​ຂອງ​ໂຮງຮຽນ  ​ໂດຍ​ສະ​ເພາະ​ວຽກ​ງານ​ທາງ​ດ້ານ​ວິຊາ​ການ  ​ແມ່ນ​ທາງ​ໂຮງຮຽນ​ໄດ້​ຈັດ​ແບ່ງ​ຜູ້​ກ່ຽວ​ເຂົ້າສິດ

ສອນວິຊາຄະນິດສາດ ​ຢູ່​ຫ້ອງ​ຮຽນ​ຊັ້ນ ມ ຕົ້ນ (ມ4/1)​ເຊິ່ງ​ເປັນ​ຫ້ອງ​​ທີ່​ໄດ້​ຄັດ​ເລືອກ​ເອົາ​ນັກຮຽນ​ຜູ້ທີ່​ຮຽນ​ດີ-​ຮຽນ​​ເກັ່ງ​ມາ​ຮຽນ

​ຢູ່​ໃນ​ຫ້ອງ​ດັ່ງກ່າວ. ຜ່ານ​ມາຜູ້ກ່ຽວ​ກໍ່​ໄດ້​ເ​ອົາ​ໃຈ​ໃສ່​ໃນ​ການ​ເ​ປັນ​ແບບຢ່າງ​ຂອງ​ການຂຶ້ນ​ຫ້ອງ​ສິດສອນຕາມ​ການ​ມອບ​ໝາຍ​ໃຫ້.

ຫຼັງ​ຈາກ​ນັ້ນ, ພາຍຫຼັງ​ເຫັນ​ແຜນ​ແບ່ງປັນ​ຕົວ​ເລກ​ສອບ​ເສັງ​ເຂົ້າ​ລັດຖະກອນ​ຄູ​ພາຍ​ໃນ​ເ​ມື​ອງນ້ຳ​ບາກ​ແລ້ວ ​ເຫັນ​ວ່າ ​ຜູ້​ກຽວ​ແມ່ນ

​ບໍ່​ມີ​ເງື່ອນ​ໄຂ​ເຂົ້າ​ສອບ​​ເສັງ​​ຄັດ​ເລືອກລັດຖະກອນ ສະ​ເພາະ​ທົ່ວເມືອງ​ນ້ຳ​ບາກ ​ແມ່ນ​ໄດ້​ໂກ​ຕ້າພຽງ 3 ​ຕົວ​ເລກ ປະກອບ​ມີ ຄູ​ເຄ

ມີ​ສາດ, ຊີວະ​ສາດ ​ແລະ ຄູ​ພະລະສຶກສາ (ບໍ່ມີ​ໂຄ​ຕ້າ​ຄູ​ຄະນິດສາດ). ສະ​ນັ້ນຈຶ່ງ​ເຮັດ​ໃຫ້​ຜູ້​ກຽວ​ມີ​ຄວາມ​ຕໍ່າ​ຄ່ອຍ​ນ້ອຍ​ໃຈ ​ແລະ

​ໄດ້​ຂຽນ​ຂໍ້ຄວາມ​ໂພດ​ລົງ​ຜ່ານ​ທາງ​​ເຟສບຸກສ່ວນ​ຕົວ ​ໂດຍ​ບໍ່​ຄຳນຶງ​ເຖິງ​ຜົນ​ກະທົບ​ທີ່​ຈະ​ຕາມ​ມາສໍາລັບ​ໂຮງຮຽນ​ ມສ ນ້ຳ​ຖ້ວມ

​ແມ່ນ​ມີ​ພະນັກງານ​ຄູ-​ອາຈານ​ສອນ​ທັງ​ໝົດ  87 ຄົນ. ໃນ​ນັ້ນ, ມີ​ຄູ​ອາສາ​ສະໝັກ 21 ຄົນ ​ແລະ ລັດຖະກອນ​ສົມບູນ 66 ຄົນ.

ຂະນະ​ດຽວ​ກັນ​ນັ້ນ, ອາຈານ ດາວ​ຢາງ ກຽງ​ຈົງ​ຊານ ກໍ່​ໄດ້​ໃຫ້​ສຳພາດ​ເຖິງ​ເຫດຜົນ​​ໃນ​ການ​ທີ່​ຕົນ​ເອງ​ຂຽນ​ຂໍ້ຄວາມ​ໂພດ​ລົງ​ທາງ​

ເຟດບຸກສ່ວນ​ຕົວ​​ ວ່າ: ຍ້ອນ​ວ່າ​ຕົນ​​ເອງ​ເປັນ​ຄົນ​ໃຈຮ້ອນ, ໂພດ​ຕາມ​ອາລົມ​ ​ແລະ ຍ້ອນ​ຄອບຄົວ​​ເປັນ​ຄົນ​ທຸກ​ຍາກ, ຂາດ​ເຂີນ

​ແລະ ຕົນ​ເອງ​ກໍ່​ຢາກ​ໄດ້​ໂກ້​ຕາ​ລັດຖະກອນ​ໄວ ​ເພື່ອ​ໄດ້​ເງິນ​​ເດືອນມາ​​ເຈືອ​ນຈູ​ນທາງ​ຄອບຄົວ​ເຊິ່ງທາງ​ຄອບຄົວ​ຂອງ​ຕົນ​ເອງກໍ່ມີ

ຈຳນວນ 3 ຄົນ ທີ່​ອາສາ​ສະໝັກ​ເຂົ້າ​ເປັນ​ຄູ​ສອນ​ຢູ່​ພາຍ​ໃນ​ໂຮງຮຽນ​ດັ່ງກ່າວ, ປະກອບ​ມີ ຕົນ​ເອງ, ເມຍ ​ແລະ ອ້າຍ  ສະ​ເພາະ

ຕົນ​ເອງ ​ແລະ ​ເມຍ​ແມ່ນ​ເລີ່​ມ​ເຂົ້າ​ເປັນ​ອາສາ​ສະໝັກ​ສອນ ​ແຕ່​ສົກ​ສຶກສາ 2014-2015ສ່ວນອ້າຍ​ແມ່ນ​ເປັນ​ອາສາ​ສະໝັກ​ສອນ

​​ແຕ່ປີ 2013-2016. ສະ​ນັ້ນ, ພາຍຫຼັງ​ແຜນ​ແບ່ງ​ປັນ​ໂກ​ຕ້າ​ລັດຖະກອນມາ​ແລ້ວ ຕົນ​ເອງ ​ແລະ ທາງ​ຄອບຄົວ​ບໍ່​ມີ​​ເງື່ອນ​ໄຂ​ເຂົ້າ

ສອບ​ເສັງ​ເອົາ​ໂກ​ຕ້າ​ລັດຖະກອນຈຶ່ງ​ເຮັດ​ໃຫ້​ຕົນ​ເອງ​ມີ​ຄວາມ​ນ້ອຍ​ໃຈ ​ແລະ ​ໄດ້​ຂຽນ​ຂໍ້ຄວາມ​​ໂພດ​ລົງ​ຜ່ານ​ເຟສບຸກສ່ວນ​ຕົວ

​ໂດຍ​ບໍ່​ຄຳນຶງ​ເຖິງຜົນ​ກະທົບ​ທີ່​ຈະ​ຕາມ​ມາ.


        ຕໍ່​ກັບ​ບັນຫາ​ດັ່ງກ່າວ, ທ່ານ ທອງ​ໄລ ກິນ​ດາ​ວົງ ຫົວໜ້າ​ຫ້ອງການສຶກສາ​ທິການ ​ແລະ ກິລາ ​ເມືອງນ້ຳ​ບາກ ​ແຂວງ​ຫຼວງ

​ພະ​ບາງ ​ໄດ້​ອອກ​ມາ​ຊີ້​ແຈງ​​ເມື່ອວັນ​ທີ 22 ທັນວາ 2016 ​ໃຫ້​ຮູ້ວ່າອາຈານ ດາວ​ຢາງ ກຽງ​ຈົງ​ຊານ ​ແມ່ນ​ເປັນຄູ​ສອນ​ອາ​ສະໝັກ

​ຢູ່​ໂຮງຮຽນ ມສ ນໍ້າຖ້ວມ ​ເມື​ອງນ້ຳ​ບາກ ​ແຂວງຫຼວງ​ພະ​ບາງມາ​ໄດ້ 2 ປີ ​​​​ແຕ່ສົກຮຽນ 2014-2015 ​ເປັນ​ຕົ້ນ​ມາ, ພາຍຫຼັງທີ່ຜູ້

​ກ່ຽວຮຽນ​ຈົບ​ວິຊາ​ຄູ​ຄະນິດສາດ ແລະ ຜ່ານ​ມາ​ຜູ້​ກ່ຽວ​ແມ່ນ​ຖືກຊັບຊ້ອນ​​ໃຫ້​ສອນນັກຮຽນ​ໃນ​ຫ້ອງ​ທີ່​ໄດ້​ມີ​ການຄັດ​ເລືອກເອົາ

​ສະ​ເພາະ​ແຕ່​ ຜູ້​ທີ່​ຮຽນ​ດີ​ຮຽນ​-ເກັ່ງ​ມາ​ຮຽນ​ໃນ​ຫ້ອງດຽວ​ກັນ​ (ມ4/1). ໃນ​ນີ້, ທ້າວ ເຕັງຊົງ ທີ່​ເປັນນັກຮຽນ​ເກັ່ງ​ລະດັບ​ປະ​ເທດ

ດ້ານວິຊາຄະນິດສາດ ມ4 ປະຈຳປີ 2016 ແມ່ນ​ໄດ້​ມີ​ພື້ນຖານ​ຂອງ​ການ​ຮຽນ​ດີ​-ຮຽນ​ເກັ່ງ​ມາ​ຫຼາຍ​ໂຮງຮຽນ ​ເປັນ​ຕົ້ນ​ແມ່ນ ຂັ້ນ

ມ1-ມ2 ຮຽນ​ຢູ່ໂຮງຮຽນ ມັດທະຍົມ​ຕອນ​ຕົ້ນ ບ້ານ​ນະຄອນ ​ເມືອງ ນ້ຳ​ບາກ, ຂັ້ນ ມ3 ຮຽນ​ຢູ່ ມສ ນ້ຳ​ບາກ ​ແລະ ຂັ້ນ ມ4

ຮຽນ​ຢູ່ ມສ ນ້ຳ​ຖ້ວມ, ​ເຊິ່ງ​ເວົ້າ​ລວມ​ແລ້​ວ ທ້າວ ເຕັງຊົງ  ເປັນ​ຄົນ​ທີ່​ມີ​ຄວາມ​ຮູ້​ຄວາ​ມສາມາດມາ​ແຕ່​ພື້ນຖານ​ແລ້ວ  ບວກ​ກັບ

​ການ​ສິດສອນ​ ​ແລະ ຖ່າຍ​ທອດ​ຄວາມ​ຮູ້ຂອງ​ຄູສອນ​ພາຍ​ໃນ​ໂຮງຮຽນ​ດັ່ງກ່າວ,​​ ຈຶ່ງ​​ເຮັດ​ໃຫ້​ຜູ້ກ່ຽວ​ສາມາດ​ຍາດ​ໄດ້​ອັນ​ດັບ​ທີ 1

ຂອງ​ວິຊາ​ຄະນິດສາດຊັ້ນ ມ ຕົ້ນ (ມ4) ​ໃນ​ການ​ແຂ່ງຂັນ​ສອບ​ເສັງ​ນັກຮຽນ​ເກັ່ງລະດັບ​ປະ​ເທດ ​ປະຈຳ​ປີ 2016. ດັ່ງ​ນັ້ນ, ທ່ານ​

ຫົວໜ້າ​ຫ້ອງການ​ສຶກສາທິການ ​ແລະ ກິລາ​ເມືອງ ຈຶ່ງ​ຝາກ​ຮຽກຮ້ອງ​ມາ​ຍັງ​ບັນດາ​ສັງຄົມ ​ແລະ ສື່​ຕ່າງໆ ວ່າ: ຖ້າ​ສິ່ງ​​ໃດ​ທີ່​ບໍ່​ທັນ​

ຊັດ​ເຈນ ​ແລະ ບໍ່​ທັນ​ໝັ້ນ​ໃຈ ກໍ່​ໃຫ້​ພິຈາລະນາ​ກ່ອນ​ ວ່າຂໍ້​ມູນ​ຄວາມ​ຈິງ ​ແລະ ຂໍ້ຄວາມ​ທີ່​ຜູ້ກ່ຽວ​ຂຽນໂພດ​ລົງ​ທາງ​ໂຊ​ຊຽວມີ

​ເດຍນັ້ນ ແມ່ນ​ຄວາມ​ຈິງ ​ຫຼື​ ບໍ່ ​ແລະ ມີ​ທີ່​ໄປ​ທີ່​ມາ​ຄື​ແນວ​ໃດ, ຖ້າ​ໝັ້ນ​ໃຈ​ແລ້ວ​ຈຶ່ງ​ຂຽນ​ຂ່າວ​ໂພດ​ລົງ ​ເພື່ອ​ບໍ່​ໃຫ້​ເປັນ​ຫາງ​ສຽງ​

ແກ່ສັງຄົມ ​ແລະ ພາກສ່ວນ​ທີ່​ກ່ຽວຂ້ອງ.