ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday230
mod_vvisit_counterYesterday4162
mod_vvisit_counterThis week17888
mod_vvisit_counterLast week12602
mod_vvisit_counterThis month41633
mod_vvisit_counterLast month81332
mod_vvisit_counterAll days168473

We have: 23 guests, 3 bots online
Your IP: 54.147.253.45
 , 
Today: ມ.ກ. 18, 2017


ຂຽນໂດຍ ແຄມທົ່ງນ້ຳງຽບ (​ນັກຂ່າວພະແນກ ສກຂ ບໍລິຄຳໄຊ )   

ກອງປະຊຸມຄົບຄະນະກອງເລຂາ ກະກຽມງານກິລານັກຮຽນ ທົ່ວປະເທດ ຄັ້ງທີ 6

ໄຂຂຶ້ນທີ່ແຂວງບໍລິຄຳໄຊ


   ກອງປະຊຸມຄະນະກຳມະການກອງເລຂາ, ພິທີການຕ້ອນຮັບ ແລະ ປະຊາສຳພັນ ເພື່ອຮັບໃຊ້

   ວຽກງານການຈັດງານມະຫາກຳກິລານັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງ

   ບໍລິຄຳໄຊ ເປັນເຈົ້າພາບ ໃນຕົ້ນປີ 2017

      ໄດ້ໄຂຂຶ້ນທີ່ພະແນກສຶກສາທິການ ແລະ ກິລາແຂວງບໍລິຄຳໄຊ (ເຂດສະໜາມກິລາຄົບວົງຈອນ),  ໂດຍພາຍໃຕ້ການ

ເປັນປະທານຂອງ ທ່ານ ບຸນສຸກ ທິລະສັກ ຫົວໜ້າກົມພະລະ ແລະ ສິລະປະສຶກສາ ກະຊວງສຶກສາທະການ ແລະ ກິລາ,

ທັງເປັນຫົວໜ້າກຳມະການກອງເລຂາ, ມີທ່ານ ບຸນມາກ ພັນດານຸວົງ ຮອງຫົວໜ້າພະແນກສຶກສາທິການ ແລະ ກິລາແຂວງ

ບໍລິຄຳໄຊ, ພ້ອມດ້ວຍຄະນະກຳມະການ, ອະນຸກຳມະການຂັ້ນສູນກາງ, ຂັ້ນແຂວງ ແລະ ວິຊາການເຂົ້າຮ່ວມ.


      ໃນໂອກາດນີ້, ທ່ານ ບຸນສຸກ ທິລະສັກ ໄດ້ລາຍງານເຖິງສະພາບຂອງການກະກຽມງານມະຫາກຳກິລາໃນຄັ້ງນີ້ ໂດຍສະ

ເພາະແມ່ນການກໍ່ສ້າງສ້ອມແປງສະໜາມກິລາ ແລະ ທີ່ພັກເຊົາຂອງຄະນະນຳ, ຄູເຝິກ ແລະ ນັກກິລາ ສຳເລັດແລ້ວ 86,7

ເປີເຊັນ ແລະ ບັນດານິຕິກໍາຕ່າງໆທີ່ກ່ຽວຂ້ອງ ເປັນຕົ້ນແມ່ນ ບົດສະຫຼຸບການເຄື່ອນໄຫວຂອງຄະນະກຳມະການກອງເລຂາ,

ພິທີການຕ້ອນຮັບ ແລະ ປະຊາສຳພັນ ຄັ້ງທີ 2 ເຊິ່ງໄດ້ສຳເລັດການຄົ້ນຄວ້າ ແລະ ນຳສະເໜີຂໍອະນຸມັດຂໍ້ຕົກລົງຮັບຮອງ

ຈາກ ທ່ານເຈົ້າແຂວງ ທັງເປັນປະທານຈັດງານ ໃນນີ້ລວມເຖິງຂໍ້ຕົກລົງວ່າດ້ວຍການຮັບຮອງເອົາກ້ອນກຳລັງສວນສະໜາມ,

ລາຍການສະແດງຕ່າງໆໃນມື້ເປີດ ແລະ ມື້ປິດ ໂດຍກ້ອນກຳລັງສວນສະໜາມີ 11 ກ້ອນ, ລາຍການສະແດງໃນມື້ເປີດ ມີ 5

ລາຍການ, ການສະແດງໃຫ້ມື້ປິດ ມີ 5 ລາຍການ, ການນຸ່ງຖືຂອງນັກສະແດງ ແລະ ສະຖານທີ່ຂໍໄຟສັກສິດ.


         ພ້ອມນັ້ນ, ຍັງໄດ້ຕິດຕາມ, ຊຸກຍູ້ບັນດາກຳມະການຝ່າຍຕ່າງໆຈັດຕັ້ງປະຕິບັດຕາມພາລະບົດບາດ, ໜ້າທີ່ຂອງແຕ່

ລະກຳມະການ ເຊິ່ງໄດ້ມີຜົນສຳເລັດແລ້ວບາງໜ້າວຽກຄື: ໄດ້ຕິດຕາມ, ຊຸກຍູ້ໃຫ້ກຳມະການ ເຕັກນິກ-ຈັດການແຂ່ງຂັນສັງ

ລວມຈຳນວນຄົນເຂົ້າຮ່ວມແຂ່ງຂັນຈາກບັນດາແຂວງໃນທົ່ວປະເທດ ລວມມີທັງໝົດ 3.098 ຄົນ ໃນນີ້ຄະນະນຳ 249

ຄົນ, ຄະນະວິຊາການ 347 ຄົນ, ຄູເຝິກ 418 ຄົນ ແລະ ນັກກິລາ 1.953 ຄົນ.


       ໃນໂອກາດດຽວກັນ, ທ່ານ ບຸນມາກ ພັນດານຸວົງ ໄດ້ຜ່ານຂໍ້ຕົກຂອງເຈົ້າແຂວງ, ປະທານຈັດງານມະຫາກຳກິລານັກ

ຮຽນມັດທະຍົມສຶກສາ ທົ່ວປະເທດ ຄັ້ງທີ 6 ສະບັບເລກທີ972/ຂບຊ, ລົງວັນທີ 07 ທັນວາ 2016 ວ່າດ້ວຍການແບ່ງ

ສິດໜ້າທີ່ຄວາມຮັບຜິດຊອບ ແລະ ການແຕ່ງຕັ້ງອະນຸກຳມະການຝ່າຍຕ່າງໆພາຍໃນຄະນະກຳມະການກອງເລຂາພິທີການ

ຕ້ອນຮັບ ແລະ ປະຊາສຳພັນ ເພື່ອເຮັດໃຫ້ອະນຸກຳມະການຝ່າຍຕ່າງໆຮູ້ ແລະ ເຂົ້າໃຈກ່ຽວກັບສິດ ແລະ ໜ້າທີ່ຄວາມຮັບ

ຜິດຊອບຂອງໃຜລາວ.


         ພ້ອມນັ້ນ, ໃນກອງປະຊຸມຄັ້ງນີ້ ຍັງເປັນການຊີ້ແຈງກ່ຽວກັບການປະກອບຮ່າງແບບຟອມຂອງບັນດາອະນຸກຳມະ

ການຝ່າຍຕ່າງໆ ແລະ ຍັງໄດ້ນຳສະເໜີກ່ຽວຮູບຮ່າງຂອງໃບຂອບໃຈ, ໃບຊົມເຊີຍ, ໃບຍ້ອງຍໍ ແລະ ໃບກຽດຕິຄຸນ. ຄຽງ

ຄູ່ກັນນັ້ນ, ກໍ່ໄດ້ມອບໃຫ້ອະນຸກຳມະການຝ່າຍນີ້ນຳໄປປັບປຸງແກ້ໄຂໃຫ້ສຳເລັດສົມບູນ. ໃນຕອນທ້າຍພິທີ, ທ່ານ ບຸນສຸກ

ທິລະສັກ ໄດ້ຮຽກຮ້ອງມາຍັງອະນຸກຳມະການຝ່າຍຕ່າງໆພາຍໃນຄະນະກຳມະການກອງເລຂາ ໃຫ້ມີການແບ່ງງານ ແລະ

ແບ່ງຄວາມຮັບຜິດຊອບບຸກຄົນໃຫ້ລະອຽດ ເພື່ອສະດວກໃນການປະຕິບັດໜ້າທີ່ວຽກງານຢ່າງເຕັມສ່ວນ.