ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday319
mod_vvisit_counterYesterday4162
mod_vvisit_counterThis week17977
mod_vvisit_counterLast week12602
mod_vvisit_counterThis month41722
mod_vvisit_counterLast month81332
mod_vvisit_counterAll days168562

We have: 85 guests, 9 bots online
Your IP: 54.147.253.45
 , 
Today: ມ.ກ. 18, 2017


ຂຽນໂດຍ ບຸນຍົງ ຂ.ຄຳມ່ວນ   

ເອັສຊີຈີ ສືບຕໍ່ມອບທຶນການສຶກສາ ແກ່ນັກຮຽນທຸກຍາກແຂວງຄຳມ່ວນ 100 ທຶນ

ສົກ 2016-2017


   ໂຄງການແບ່ງປັນຄວາມຝັນກັບ ເອັສຊີຈີ (SCG : Sharing The Dream) ເຊິ່ງເປັນສ່ວນໜຶ່ງ

   ຂອງໂຄງການ ເອັສຊີຈີ ຊີມັງ-ຜະລິດຕະພັນກໍ່ສ້າງ, ເຄມີໂຄ ແລະ ເອັສຊີຈີ ແພັກເກັດຈິ້ງ ໄດ້ສືບຕໍ່

   ມອບທຶນການສຶກສາ

        ໃຫ້ແກ່ນ້ອງນັກຮຽນທີ່ທຸກຍາກຂາດເຂີນດ້ານທຶນຮອນ ທີ່ແຂວງຄຳມ່ວນ ຈຳນວນ 100 ທຶນ ປະຈຳສົກຮຽນ 2016-

2017.ພິທີມອບ-ຮັບທຶນການສຶກສາໃນຄັ້ງນີ້ໄດ້ຈັດຂຶ້ນໃນວັນທີ 15 ທັນວາ ຜ່ານມາ ທີ່ຫ້ອງປະຊຸມໃຫຍ່ແຂວງຄໍາມ່ວນໂດຍ

ໃຫ້ກຽດເຂົ້າຮ່ວມຂອງ ທ່ານ ບຸນມີ ພິມມະສອນ ຮອງເຈົ້າແຂວງຄໍາມ່ວນ, ທ່ານ ວໍລະການ ພົງສິລິກຸນຜູ້ອໍານວຍການໃຫຍ່ບໍລິ

ສັດ ຄໍາມ່ວນຊີມັງ ຈໍາກັດ ທີ່ເປັນບໍລິສັດ ເຄືອຂ່າຍຂອງເອັສຊີຈີ ແລະ ທ່ານ ນັນຕະໄຊ ອິນທະສອນ ຮອງຫົວໜ້າພະແນກສຶກ

ສາທິການ ແລະ ກີລາແຂວງຄຳມ່ວນ, ມີຜູ້ຕາງໜ້າຈາກກົງສູນໃຫຍ່ຣາຊະອານາຈັກໄທ ປະຈຳແຂວງສະຫວັນນະ ເຂດ ພ້ອມ

ດ້ວຍບັນດາພະນັກງານຄູ-ອາຈານ ແລະ ນ້ອງໆນັກຮຽນເຂົ້າຮ່ວມຢ່າງພ້ອມພຽງ.


         ສຳລັບໂຄງການແບ່ງປັນຄວາມຝັນກັບ ເອັສຊີຈີ (SCG) ແມ່ນໂຄງການມອບທຶນຊຸກຍູ້ການສຶກສາໃຫ້ແກ່ນັກຮຽນຊັ້ນ

ມັດທະຍົມສຶກສາຕອນປາຍ ຜູ້ທີ່ມີຄວາມຫຍຸ້ງຍາກດ້ານເສດຖະກິດ ໂດຍມີຈຸດປະສົງຢາກຮຽນໃຫ້ສໍາເລັດການສຶກສາ-ຮ່ຳຮຽນ

ຂັ້ນມັດທະຍົມປາຍ ແລະ ສືບຕໍ່ຮຽນໃນລະດັບສູງຂຶ້ນໄປ ທີ່ມີຄຸນສົມບັດດີ, ປະກອບສ່ວນກິດຈະກໍາຂອງໂຮງຮຽນ ແລະ ສັງ

ຄົມມີຄວາມກະຕັນຍູ, ມີຄວາມຫ້າວຫັນຊ່ວຍເຫຼືອເສດຖະກິດຄອບຄົວ ແລະ ມີຜົນການຮຽນລະດັບຄະແນນ 6,00 ຂຶ້ນໄປ.


        ທ່ານ ນັນຕະໄຊ ອິນທະສອນ ກ່າວໃຫ້ຮູ້ວ່າ: ສປປ ລາວ ແມ່ນໜຶ່ງໃນປະເທດສະມາຊິກອາຊຽນທີ່ບໍລິສັດ ເອັສຊີຈີໄດ້

ເຂົ້າມາດໍາເນີນທຸລະກິດ ແລະ ຢາກມີສ່ວນຮ່ວມເຂົ້າໃນການພັດທະນາເສດຖະກິດ-ສັງຄົມຂອງປະເທດ ໂຄງການໄດ້ເລີ່ມຈັດຕັ້ງ

ປະຕິບັດມາແຕ່ສົກຮຽນ 2012-2013 ແລະ ສືບຕໍ່ປະຕິບັດມາຮອດສົກຮຽນ 2016-2017 ເປັນປີທີ 5 ຕິດຕໍ່ກັນສະເພາະຢູ່

ແຂວງຄໍາມ່ວນ ແມ່ນເປັນປີທີ 3 ນັບແຕ່ສົກຮຽນ 2012-2013 ເປັນຕົ້ນມາເຊິ່ງໂຄງການໄດ້ມອບທຶນໃຫ້ແກ່ນັກຮຽນຊັ້ນມັດ

ທະຍົມສຶກສາຕອນປາຍ ໃນນະຄອນຫຼວງວຽງຈັນ ຈໍານວນ 99 ທຶນ, ສົກຮຽນ 2013-2014 ຈໍານວນ 100 ທຶນ, ສົກຮຽນ

2014-2015 ຈໍານວນ 150 ທຶນ ແລະ ມອບທຶນໃຫ້ແກ່ນັກຮຽນຊັ້ນມັດທະຍົມສຶກສາຕອນປາຍ ແຂວງຄໍາມ່ວນ  ເປັນປີທໍາ

ອິດ ຈໍານວນ 50 ທຶນ,ສົກຮຽນ 2015-2016 ຈໍານວນ 180 ທຶນ ແລະ  ແຂວງຄໍາມ່ວນ ຈໍານວນ 80 ທຶນ ເພີ່ມຂຶ້ນ 30 ທຶນ

ປະກອບມີ ເມືອງທ່າແຂກ,ເມືອງມະຫາໄຊ ແລະ ເມືອງໜອງບົກ. ໃນນີ້ພິເສດທາງໂຄງການແບ່ງປັນຄວາມຝັນກັບ ເອັສຊີຈີໄດ້

ມອບທຶນການສຶກສາຮຽນດີຮຽນເດັ່ນໃຫ້ນັກຮຽນ ຈໍານວນ 5 ທຶນ ໃນສົກຮຽນ 2014-2015.


         ທັງນີ້, ທຶນການສຶກສາທີ່ໂຄງການແບ່ງປັນຄວາມຝັນກັບ ເອັສຊີຈີ ໄດ້ມອບທຶນໃຫ້ນ້ອງນັກຮຽນແມ່ນ 1.600.000

ກີບຕໍ່ຄົນຕໍ່ປີ. ຍ້ອນເຫັນໄດ້ຜົນສໍາເລັດຂອງໂຄງການທີ່ມອບທຶນໃຫ້ແກ່ນ້ອງນັກຮຽນໃນສົກຮຽນຜ່ານມານັກຮຽນສ່ວນຫຼາຍ

ກໍ່ມີຄວາມສົນໃຈກ່ຽວກັບໂຄງການແບ່ງປັນຄວາມຝັນກັບ SCG ຈຶ່ງໄດ້ເພີ່ມທຶນການສຶກສາໃນສົກຮຽນ 2016-2017 ຈໍາ

ນວນ200ທຶນ ໃນນີ້ມອບໃຫ້ ແຂວງຄໍາມ່ວນ ຈໍານວນ 100 ທຶນ ເພີ່ມຂຶ້ນ 20 ທຶນ ປະກອບມີ ເມືອງທ່າແຂກ ເມືອງມະຫາ

ໄຊເມືອງໜອງບົກ ແລະ ເມືອງຍົມມະລາດເຊິ່ງມີທັງໝົດ 23 ໂຮງຮຽນ ແລະ ໂຄງການຍັງໄດ້ສືບຕໍ່ໃນການໃຫ້ທຶນການສຶກ

ສານັກຮຽນທີ່ມີຜົນການຮຽນດີເດັ່ນ ຕື່ມອີກ ຈຳນວນ 5 ທຶນ ອີກດ້ວຍ.