ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday8635
mod_vvisit_counterYesterday10220
mod_vvisit_counterThis week37732
mod_vvisit_counterLast week54397
mod_vvisit_counterThis month144691
mod_vvisit_counterLast month159131
mod_vvisit_counterAll days504060

We have: 88 guests, 194 bots online
Your IP: 54.197.159.173
 , 
Today: ມ.ນ. 29, 2017


ຂຽນໂດຍ ບຸນຄົງ (ຂ.ບໍ່ແກ້ວ)   

ບໍ່ແກ້ວ ສຳເລັດການຄັດເລືອກນັກກິລານັກຮຽນ ກຽມຮ່ວມງານ “ນົກກົກຄຳ ເກມ 2017”


   ພະແນກສຶກສາທິການ ແລະ ກິລາແຂວງບໍ່ແກ້ວ ສຳເລັດການແຂ່ງຂັນກິລານັກຮຽນມັດທະຍົມສຶກສາ

   ທົ່ວແຂວງ ຄັ້ງທີ 1 ປະຈຳປີ 2016 ເພື່ອຄັດເລືອກເອົານັກກິລາທີ່ມີຄວາມສາມາດ ແລະ ພອນສະຫວັນ

   ດີເດັ່ນກຽມເປັນຕົວແທນແຂວງເຂົ້າຮ່ວມງານມະຫາກຳກິລານັກຮຽນມັດທະຍົມສຶກສາທົ່ວປະເທດ


        ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ ໃນປີ 2017 ຫຼື “ນົກກົກຄຳ ເກມ 2017” ພິທີປິດການແຂ່ງຂັນກິລານັກຮຽນທົ່ວ

ແຂວງຄັ້ງນີ້ ໄດ້ຈັດຂຶ້ນໃນຕອນແລງວັນທີ  14 ທັນວາຜ່ານມາທີ່ເດີ່ນກິລາໂຮງຮຽນສາມັນກິນນອນຊົນເຜົ່າແຂວງເມືອງຫ້ວຍຊາຍ

ແຂວງບໍ່ແກ້ວ, ໂດຍໃຫ້ກຽດເຂົ້າຮ່ວມ ແລະ ມອບລາງວັນຂອງທ່ານ ທອງຈັນ  ພົມມະຫານ ຫົວໜ້າພະແນກສຶກສາທິການ ແລະ

ກິລາແຂວງ, ມີທ່ານຍີ່ຄຳ ບຸນອິນທີ ຮອງຫົວໜ້າພະແນກສຶກສາທິການ ແລະ ກິລາແຂວງ ແລະທ່ານ ສົມນິດ ອະລິຍະວົງ ຫົວໜ້າ

ຂະແໜງພະລະ ແລະ ສິລະປະສຶກສາ ພະແນກສຶກສາທິການ ແລະ ກິລາແຂວງ, ມີອຳນວຍການຄະນະອຳນວຍການ, ຄູ-ອາຈານ,

ຄູເຝິກ, ຄະນະກຳມະການຕັດສິນ ແລະ ນັກກິລາ ເຂົ້າຮ່ວມ.


        ໃນໂອກາດນີ້, ທ່ານ ບົວຮອງ ແກ້ວສຸບັນ ຮອງຫົວໜ້າຂະແໜງພະລະ ແລະ ສິລະປະສຶກສາ ພະແນກສຶກສາທິການ ແລະ

ກິລາແຂວງ ໄດ້ລາຍງານໃຫ້ຮູ້ວ່າ: ການແຂ່ງຂັນກິລາປະເພດຕ່າງໆ ແມ່ນໄດ້ເປີດສາກທຳການແຂ່ງຂັັນມາຕັ້ງແຕ່ວັນທີ 5 ຕຸລາ ຫາ

14 ທັນວາ2016 ຈຶ່ງສໍາເລັດ, ເຊິ່ງປະກອບມີ 3 ປະເພດກິລາຄື: ເຕະບານຊາຍ-ຍິງ, ກະຕໍ້ຊາຍ-ຍິງ ແລະ ເປຕັງຊາຍ-ຍິງ. ໃນນີ້ສະ

ເພາະເຕະບານມີທີມເຂົ້າຮ່ວມ 19 ທີມ, ຍິງ 9 ທີມ; ກິລາກະຕໍ້ ມີ 12 ທີມ, ຍິງ 4 ທີມ ແລະ ກິລາເປຕັງ ມີ 16 ທີມ, ຍິງ 8 ທີມ.

ຜ່ານການແຂ່ງຂັນກິລາເຕະບານຊາຍ ຜົນປາກົດວ່າ ທີ 1 ໄດ້ແກ່ທີມໂຮງຮຽນ ມສ ດ່ານຖິ່ນ, ທີ 2  ທີມໂຮງຮຽນ ມສ ສັນຕິພາບ

ແລະທີ 3 ທີມໂຮງຮຽນມສ ທົ່ງແສງຈັນ. ຂະນະທີ່ປະເພດທີມເຕະບານຍິງ ທີ 1 ຕົກເປັນຂອງ ທີມໂຮງຮຽນ ມປາຍ ຫ້ວຍຊາຍ,

ທີ 2 ທີມໂຮງຮຽນ ມສ ສັນຕິພາບ ແລະ ທີ 3  ທີມໂຮງຮຽນ ມສ ທົ່ງແສງຈັນ.


         ສ່ວນກິລາກະຕໍ້ຊາຍ ອັນດັບ 1 ໄດ້ແກ່ທີມໂຮງຮຽນສາມັນກິນນອນຊົນເຜົ່າແຂວງ, ທີ 2 ທີມໂຮງຮຽນ ມສ ບ້ານປຸ່ງ ແລະ

ທີ 3 ທີມໂຮງຮຽນ ມສ ປາກທາ. ຂະນະທີ່ກິລາກະຕໍ້ຍິງ ອັນດັບ 1 ທີມໂຮງຮຽນ ມ ປາຍ ຫ້ວຍຊາຍທີ 2 ທີມໂຮງຮຽນ ມສ ບ້ານ

ປຸ່ງແລະ ທີ 3 ທີມໂຮງຮຽນ ມສ ສັນຕິພາບ. ສຳລັບກິລາເປຕັງທີມຊາຍ ອັນດັບ 1 ຕົກເປັນຂອງທີມໂຮງຮຽນ ມສ ທົ່ງແສງຈັນທີ 2

ທີມໂຮງຮຽນ ມສ ຕົ້ນເຜິ້ງ ແລະ ທີ 3  3 ທີມໂຮງຮຽນ ມສ ບ້ານປຸ່ງ. ຂະນະທີ່ເປຕັງທີມຍິງ ອັນດັບ 1 ທີມໂຮງຮຽນ ມປາຍ ຫ້ວຍ

ຊາຍ,ທີ 2 ທີມໂຮງຮຽນ ມສ ສົດທິດາ ແລະ ທີ 3 ທີມໂຮງຮຽນ ມສ ທົ່ງແສງຈັນ.


         ທ່ານ ບົວຮອງ ແກ້ວສຸບັນ ກ່າວອີກວ່າ: ການຈັດການແຂ່ງຂັນກິລາໃນຄັ້ງນີ້ ນອກຈາກຈະເປັນການຈັດກິດຈະກຳແຂ່ງຂັນ

ກິລານັກຮຽນມັດທະຍົມສຶກສາ ປະຈຳປີແລ້ວ ຍັງເປັນການຄັດເລືອກເອົານັກກິລາປະເພດຕ່າງໆ  ທີ່ມີຄວາມສາມາດ  ແລະ ພອນ

ສະຫວັນດີເດັ່ນ ກຽມເປັນຕົວແທນແຂວງ ເພື່ອເຂົ້າຮ່ວມງານມະຫາກຳກິລານັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່

ແຂວງບໍລິຄຳໄຊ ເປັນເຈົ້າພາບ ລະຫວ່າງວັນທີ 1-9 ກຸມພາ 2017. ພ້ອມດຽວກັນນັ້ນ, ກໍ່ຍັງເປັນການສ້າງໃຫ້ນັກຮຽນມີລະບຽບ

ວິໄນ, ສ້າງຄວາມສາມັກຄີ, ຮູ້ຈັກໃຫ້ກຽດ, ໃຫ້ອະໄພເຊິ່ງກັນແລະກັນ, ຮູ້ເສຍຮູ້ຊະນະ. ສຳລັບການແຂ່ງຂັນດັ່ງກ່າວປະສົບຜົນ

ສຳເລັດໄດ້ດ້ວຍດີກໍ່ຍ້ອນຄວາມຕັດສິນໃຈສູງຂອງບັນດານັກກິລາ ທີ່ສຸມໃສ່ການແຂ່ງຂັນ ຈຶ່ງເຮັດໃຫ້ມີເນື້ອໃນ, ມີບັນຍາກາດຟົດ

ຟື້ນມ່ວນຊື່ື່ນ ແລະສຳເລັດລົງຢ່າງຈົບງາມ.