ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday329
mod_vvisit_counterYesterday4162
mod_vvisit_counterThis week17987
mod_vvisit_counterLast week12602
mod_vvisit_counterThis month41732
mod_vvisit_counterLast month81332
mod_vvisit_counterAll days168572

We have: 93 guests, 11 bots online
Your IP: 54.147.253.45
 , 
Today: ມ.ກ. 18, 2017


ຂຽນໂດຍ ພົມວິຫານ (ຂ.ອັດຕະປື)   

ອັດຕະປື ພ້ອມແລ້ວ 70 ເປີເຊັນ ກຽມສົ່ງ 7 ປະເພດກິລາ ຮ່ວມງານ

“ນົກກົກຄຳ ເກມ 2017”


   ພະແນກສຶກສາທິການ ແລະ ກິລາແຂວງອັດຕະປື ມີຄວາມພ້ອມແລ້ວເຖິງ 70 ເປີເຊັນ ບໍ່ວ່າຈະເປັນ

   ດ້ານງົບປະມານ ແລະ ນັກກິລາ ພ້ອມຕັ້ງເປົ້າຈະສົ່ງ 7 ປະເພດກິລາເຂົ້າຮ່ວມຊີງໄຊ ໃນງານມະຫາກຳ

   ກິລານັກຮຽນມັດທະຍົມສຶກສາທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ


      ໃນປີ 2017 ຫຼື “ນົກກົກຄຳ ເກມ 2017”.ທ່ານ ເວຫາ ກົມມະເມືອງ ຮອງຫົວໜ້າພະແນກສຶກສາທິການ ແລະ ກິລາ ແຂວງ

ອັດຕະປື, ຜູ້ຊີ້ນຳວຍກງານກິລາ-ກາຍະກຳຂັ້ນແຂວງ ໃຫ້ສຳນພາດຕໍ່ນັກຂ່າວສຶກສາ-ກິລາ ປະຈຳ ພະແນກ ສກຂ ອັດຕະປື ເມື່ອບໍ່

ດົນມານີ້ວ່າ: ນັບມາຮອດປັດຈຸບັນ ແຂວງອັດຕະປື ມີຄວາມພ້ອມແລ້ວຫຼາຍດ້ານ ໃນການກະກຽມເຂົ້າຮ່ວມງານມະຫາກຳກິລາ

ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ ລະຫວ່າງວັນທີ 1-9 ກຸມພາ 2017, ເຊິ່ງແຂວງ

ອັດຕະປື ຈະສົ່ງຄະນະນຳ, ຄູເຝິກ ແລະ ນັກກິລາ ເຂົ້າຮ່ວມທັງໝົດ 119 ຄົນ ໃນ 7 ປະເພດກິລາ ຄື: ເຕະບານ, ບານສົ່ງໃນຮົມ-

ຫາດຊາຍ, ເປຕັ້ງ, ໜ້າເກັກ, ກະຕໍ້, ໝາກເສິກ ແລະ ແລ່ນ-ລານ.


       ທັງນີ້, ສະມາຄົມກິລາ-ກາຍະກຳແຂວງອັດຕະປື ໄດ້ເປີດກອງປະຊຸມປຶກສາຫາລື, ຄົ້ນຄວ້າ, ກຳນົດ ແລະ ຮັບຮອງເອົາປະ

ເພດກິລານັກຮຽນຊັ້ນມັດທະຍົມສຶກສາ ເພື່ອເຂົ້າຮ່ວມງານມະຫາກຳ ແຂ່ງຂັນກິລານັກຮຽນມັດທະຍົມສຶກສາ ທົ່ວປະເທດ ຄັ້ງທີ

 6 ທີ່ແຂວງບໍລິຄຳໄຊ ເປັນເຈົ້າພາບ ໃນປີ 2017 ຖັດຈາກ ຄັ້ງທີ 4 ທີ່ແຂວງຈຳປາສັກ ໃນຕົ້ນປີ 2014, ເຊິ່ງກອງປະຊຸມດັ່ງກ່າວ

ໄດ້ຂຶ້ນທີ່ຫ້ອງວ່າການປົກຄອງແຂວງ ພາຍໃຕ້ການເປັນປະທານຂອງ ທ່ານ ເລັດ ໄຊຍະພອນ ຮອງເລຂາພັກແຂວງ,  ປະທານສະ

ພາປະຊາຊົນ ເຂດເລືອກຕັ້ງທີ 17 ແຂວງອັດຕະປື ທັງເປັນປະທານສະມາຄົມກິລາ-ກາຍະກຳແຂວງ, ມີທ່ານ ເວຫາ ກົມມະເມືອງ

ຮອງພະແນກສຶກສາທິການ ແລະ ກິລາແຂວງ ພ້ອມປະທານສະຫະພັນກິລາແຕ່ລະປະເພດ ເຂົ້າຮ່ວມ.


         ຢ່າງໃດກໍ່ຕາມ, ອີງໃສ່ທ່າແຮງ, ຈຸດພິເສດຂອງແຂວງ ແລະ ຄວາມເປັນໄປໄດ້ຂອງກິລາແຕ່ລະເພດທີ່ມີຄວາມຫວັງຈະສາ

ມາດຄວ້າຫຼຽນລາງວັນໃດໜຶ່ງ ໃຫ້ກັບທັບນັກກິລາແຂວງອັດຕະປືໄດ້. ທັງນີ້, ນັບມາຮອດປັດຈຸບັນຈ ສຳລັບທັງ 7 ປະເພດກິລາ

ນັ້ນ  ມີພຽງແຕ່ກິລາໝານເສິກເທົ່ານັ້ນ ທີ່ສຳເລັດການຄັດເລືອກນັກກິລາ ເພື່ອເປັນຕົວແທນຂອງແຂວງ ໂດຍຜ່ານການຄັດເລືອກ

ຂັ້ນໂຮງຮຽນ, ຂັ້ນເມືອງ ແລະ ຂັ້ນແຂວງ ໃນນັ້ນມີ 8 ຄົນ, ຍິງ 4 ຄົນ. ສ່ວນກິລາປະເພດອື່ນໆ ຍັງຢູ່ໃນລະຫວ່າງການຄັດເລືອກ

ຕາມຂັ້ນຕອນ ເພື່ອໃຫ້ໄດ້ມາເຊິ່ງນັກກິລາທີ່ມີຄຸນະພາບ,   ດີເດັ່ນຮອບດ້ານທີ່ແທ້ຈິງຢ່າງໂປງໃສຂາວສະອາດ. ສຳລັບການເຝິກ

ຊ້ອມໄລຍະປັດຈຸບັນ ແມ່ນໄດ້ຈັດໃຫ້ມີຢ່າງຕໍ່ເນື່ອງ ໂດຍມອບໃຫ້ສະຫະພັນກິລາແຕ່ລະປະເພດ ດຳເນີນການເຝິກຊ້ອມ ພ້ອມ

ທັງຈັດການແຂ່ງຂັນ ຄັດເລືອກເອົານັກກິລາຕົວແທນຂັ້ນແຂວງ ເປັນຕົວແທນເຂົ້າຮ່ວມງານ “ນົກກົກຄຳ ເກມ 2017”.