ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday303
mod_vvisit_counterYesterday4162
mod_vvisit_counterThis week17961
mod_vvisit_counterLast week12602
mod_vvisit_counterThis month41706
mod_vvisit_counterLast month81332
mod_vvisit_counterAll days168546

We have: 72 guests, 9 bots online
Your IP: 54.147.253.45
 , 
Today: ມ.ກ. 18, 2017


ຂຽນໂດຍ ​ແຫຼັງຄຳ ບຸດ​ນາ​ໂຄກ ພະແນກສຶກສາທິການ ແລະ ກິລາ ແຂວງສາລາວັນ   

ມອບ-ຮັບ​ອາຄານ​ຮຽນ ໂຮງຮຽນ​ ​ມິດຕະພາບ ສາລະ​ວັນ-ດາ​ນັງ ​ແຂວງ​ສາລະ​ວັນ


    ​ພິທີ​ມອບ-ຮັບ​ໂຮງຮຽນ​ມິດຕະພາບ ສາລະ​ວັນ-ດາ​ນັງ ​ຢ່າງ​ເປັນ​ທາງ​ກາ​ນ ​ໄດ້​ມີ​ຂຶ້ນໃນ​ວັນ​ທີ 27 ຕຸລາ

    ຜ່ານ​ມາ ​ທີ່​​ເມືອງ​ຄົງ​ເຊ​ໂດນ ​ແຂວງສາລະ​ວັນ, ​ໂດຍຕາງໜ້າກ່າວ​ມອບ​ຂອງທ່ານ ໂຮ່ກີມິງ ກຳມະການ

   ປະຈຳພັກ

         ຮອງປະທານຄະນະກໍາມະການປົກຄອງປະຊາຊົນນະຄອນດານັງ ສສ ຫວຽດນາມ  ​ແລະ  ຕາງໜ້າກ່າວ​ຮັບ​ຂອງ  ທ່ານ

ບົວທອງ ຄຸນຍອດປັນຍາ ຮອງເລຂາພັກແຂວງ ຮອງເຈົ້າແຂວງສາລະວັນ, ​​ເປັນກຽດ​ເຂົ້າ​ຮ່ວມ​ຂອງ​ທ່ານ ສີ​ສຸວັນ ວົງຈອມ​ສີ ກຳ

ມະການສູນ​ກາງ​ພັກ ​ເລຂາ​ພັກ​ແຂວງ ​ເຈົ້າ​ແຂວງ​ສາລະ​ວັນ, ທ່ານ ຫງຽນຊວັນ​ແອ​ງ ກຳມະການ​ສູນ​ກາງ​ພັກ​ຄອມ​ມຸຍນິດ​ຫວຽດ

ນາມ​ ​ເລຂາ​ຄະນະ​ບໍລິຫານ​ງານ​ພັກ​ ປະທານ​ສະພາ​ປະຊາຊົນ​ນະ​ຄອນ​ດານັງ ສສ ຫວຽດນາມ, ​ ມີຮອງ​ເລຂາ​ຄະນະ​ບໍລິຫານ​ງານ

​ພັກ​ແຂວງ, ກໍາມະການ​ຄະນະ​ບໍລິຫານ​ງາ​ນພັກ​ແຂວງສາລະ​ວັນ, ຄະນະ​ປະຈຳ​ພັກ​ນະຄອນດາ​ນັງ, ​ຮອງ​ປະທານ​ຄະນະ​ກຳມະ

ການ​ປົກຄອງ​ປະຊາຊົນ​ນະຄອນ​ດາ​ນັງ, ກົງ​ສູນ​ໃຫຍ່​​ແຫ່ງ​ ສສ ຫວຽດນາມ, ສປປ ລາວ, ບັນດາ​ການ​ນຳ ​ແລະ ນັກທຸລະກິດ​ທີ່​

ມາ​ຈາກນະຄອນ​ດາ​ນັງ ​ແລະ​ ​ແຂວງສາລະ​ວັນ ຕະຫຼອດຮອດ​ບັນດາອຳນາດ​ການ​ປົກຄອງ, ​ຄູ​-ອາຈານ ແລະ​ ນັກຮຽນ ​ເຂົ້າ​ຮ່ວມ

​ຢ່າງ​ພ້ອມພຽງ.


​         ໂອກາດ​ດັ່ງກ່າວ, ທ່ານ ບົວທອງ ຄຸນຍອດປັນຍາ ໄດ້ກ່າວສະແດງຄວາມຍໍຍ້ອງຊົມເຊີຍ ແລະ ຂອບໃຈຢ່າງຈິງໃຈຕໍ່ຄະ

ນະພັກ - ອົງການປົກຄອງ ແລະ ປະຊາຊົນດານັງ ທີ່ໄດ້ໃຫ້ການຊ່ວຍເຫຼືອຫຼາຍດ້ານ ເປັນຕົ້ນແມ່ນຊ່ວຍທຶນກໍ່ສ້າງພື້ນຖານໂຄງ

ລ່າງຂອງການສຶກສາ, ອຸປະກອນຮັບໃຊ້, ຊ່ວຍກໍ່ສ້າງ-ຍົກລະດັບຄວາມຮູ້ - ຄວາມສາມາດທາງດ້ານວິຊາສະເພາະ ແລະ ເຕັກນິກ

ວິຊາການຂອງພະນັກງານ-ລັດຖະກອນຂອງ​ລາວ ກໍ່ຄື ​ແຂວງ​ສາລະ​ວັນມາ​ໂດຍ​ຕະຫຼອດ. ​ໂອກາດ​ດຽວກັນ​ນີ້, ທ່ານກໍ່ໄດ້ມອບອາ

ຄານຮຽນຫຼັງດັ່ງກ່າວ​ຕໍ່ໃຫ້ພະແນກສຶກສາທິການ ແລະ ກິລາ​ແຂວງ, ເຈົ້າເມືອງຄົງເຊໂດນ, ຫ້ອງການສຶກສາທິການ  ແລະ  ກິລາ

ເມືອງ, ຜູ້ອຳນວຍການ, ຄູ-ອາຈານ, ອຳນາດການປົກຄອງເປັນຜູ້ຄຸ້ມຄອງ-ນຳໃຊ້ໃຫ້ເກີດປະໂຫຍດສູງສຸດພ້ອມທັງໃຫ້ແຕ່ລະພາກ

ສ່ວນພ້ອມກັນເອົາໃຈໃສ່ປົກປັກຮັກສາ, ຖະນຸບໍາລຸງໃຫ້ອາຄານຮຽນຫຼັງນີ້ສາມາດນຳໃຊ້ໄດ້ຍາວນານ ເພື່ອລູກຫຼານໄດ້ເຂົ້າສຶກສາ

ຮ່ຳຮຽນ ກາຍເປັນຜູ້ສືບທອດໃນອະນາຄົດ.


         ສຳລັບອາຄານ​ຮຽນ​ຫຼັງ​ດັ່ງກ່າວ, ​ແມ່ນ​ສ້າງ​ຂຶ້ນ​ເພື່ອ​ຍົກ​ລະດັບ​ໂຮງຮຽນ​ ມສ ຄົງ​ເຊ​ໂດນ ​ໃຫ້​ກາຍ​ເປັນ​ໂຮງຮຽນ​ແບບຢ່າງ​

ຂອງ​ສາຍ​ພົວພັນ​ຮ່ວມ​ມື ​ແລ​ະ ມິດຕະພາບຂອງ 2 ພາກສ່ວນ, ​ເປັນ​ອາ​ຄານ​ຫ້ອງ​ຮຽນ​ພາສາ​ຕ່າງປະ​ເທດ, ຄອມ​ພິວ​ເຕີ, ຟິຊິກ ​

ແລະ ​ເຄມີ-ຊີວະ,  ອາຄານ​ຮຽນ​ລະດັບ 4 ( ມາດຕະຖານ​ຫວຽ​ດນາມ) 2 ຊັ້ນ, ພື້ນ​ທີ່​ກໍ່ສ້າງ 632 ຕາ​ແມັດ, ລວງ​ສູງ​ຂອງ​ຕຶກ

9,3 ​ແມັດ (ລວມທັງ​ຫຼັງຄາ), ​ໂຄງ​ສ້າງ​ດ່ຽວ, ຄານ​ເບ​ຕົງ​ເສີມ​ເຫຼັກ, ຝາ​ຂ້າງ​ກໍ່ດ້ວຍ​ດິນ​ຈີ່, ມຸງ​ສັງກະສີ​ກັນ​ຄວາມ​ຮ້ອນ, ພື້ນ​ຫ້ອງ​

ຮຽນ​ປູ​ກາ​ໂຣຫີ​ນອ່ອນ,ຝາ​ຫ້ອງ​ທົດ​ລອງ​ເຄມີ-ຊີວະ ​ແລະ ຫ້ອງ​ກຽມ​ທົດ​ລອງ​ຕິດ​ກາ​ໂຣ, ພື້ນ​ຫ້ອງ​ນ້ຳ​ປູ​ກາ​ໂຣກັນ​ໜື່ນ, ບານ​ປະ

ຕູ​ປ່ອງ​ຢຽມ​ໄມ້​ປິດ​ແຈບ, ທາສີ​ເຄືອບ, ຕໍ່​ໄຟຟ້າ, ນ້ຳປະປາ, ລະບາຍ​ນ້ຳ​ຈາກ​ຫຼັງຄາ​ຄົບ​ຊຸດ, ມີອຸປະກອນ​ການ​ຮຽນ​-ການ​ສອນ, ​

ຫ້ອງ​ຮຽນ​ພາສາ​ຕ່າງປະ​ເທດ, ຄອມ​ພິວ​ເຕີພິຊິກ​ແລະ​ເຄມີຊີວະຄົບ​ຊຸດລວມມູນ​ຄ່າໃນ​ການກໍ່ສ້າງ​ທັງ​ໜົດ 7.154.496.000

ດົ່ງ ​ໂດຍ​ແມ່ນ​ບໍລິສັດ​ກໍ່ສ້າງ ​ແລະ ບໍລິການ-​ການ​ຄ້າ ດ່າ​ກວ້າງ ຈຳກັດ ​ເປັນ​ຜູ້​ຮັບ​ເໜົາກໍ່ສ້າງ.  ຕອນ​ທ້າຍໃນ​ພິທີ​ຄະນະ​ນຳ​ຈາກ

​ 2 ພາກສ່ວນ ​ກໍ່​ໄດ້​ຮ່ວມ​ກັນ​ຕັດ​ແຖບ​ຜ້າ,​ເປີດ​ປ້າຍ, ລັ່ນຄ້ອງ 9 ບາດ ​ແລະ ປ່ອຍ​ປຸມ​ເປົ້າ​ ເພື່ອ​ເປັນ​ສັນຍາ​ລັກ​ການ​​ເປີດ​ນຳ​ໃຊ້​

ໂຮງຮຽນ​ມິດຕະພາບ ສາລະ​ວັນ​-ດາ​ນັງແລະສາຍ​ພົວພັນ​ຂອງ​ 2 ​ປະ​ເທດ​ຢ່າງ​ເປັນ​ທາງ​ການ.