ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday304
mod_vvisit_counterYesterday4162
mod_vvisit_counterThis week17962
mod_vvisit_counterLast week12602
mod_vvisit_counterThis month41707
mod_vvisit_counterLast month81332
mod_vvisit_counterAll days168547

We have: 73 guests, 9 bots online
Your IP: 54.147.253.45
 , 
Today: ມ.ກ. 18, 2017


ຂຽນໂດຍ ສາວ​ແກ້ວ​ອຸດົມ   

ສສກ ຈະແກ້ໄຂຫຼາຍບັນຫາໃນຂະແໜງການສຶກສາ-ກິລາໃຫ້ມີຄຸນະພາບສູງຂຶ້ນກວ່າເກົ່າ


   ກະຊວງ​ສຶກສາ​ທິການ ​ແລະ ກິລາ (ສສກ) ຈະ​ແກ້​ໄຂ​ຫຼາຍ​ບັນຫາ​ໃນ​ຂະ​ແໜງ​ການ​ສຶກສາ​ສຶກສາ ​ແລະ

   ກິລາ​ເພື່ອ​ໃຫ້​ມີ​ຄຸນະພາບ​ສູງ​ຂຶ້ນກວ່າ​ເກົ່າ  ​ໂດຍ​ສະ​ເພາະ​ແມ່ນ​ບັນຫາ​ການ​ສຶກສາກ່ອນ​ໄວ​ຮຽນ;  ຈຳ

   ນວນ​ຄູ​ອະນຸບານ ​ແລະ ຄູ​ປະຖົມ​ຍັງ​ບໍ່​ທັນ​ຕອບ​ສະໜອງ​ກັບ​ຄວາມ​ຕ້ອງການ


      ພ້ອມ​ກັບ​ຄວາມ​ຮູ້​ຄວາມ​ສາມາດ​ຂອງ​ຜູ້​ບໍລິຫານ​ການ​ສຶກສາ​ຊັ້ນ​ປະຖົມ, ມັດທະ​ຍົມ​ຍັງຈຳກັດ, ຄວາມ​ຮັບຜິດຊອບ​ການ​ເມືອງ

​ຍັງ​ບໍ່ທັນ​ສູງ; ວິທີ​ການ ​ແລະ ມາດ​ຕະການ​ໃນ​ການ​ຊຸກຍູ້​ສົ່ງ​ເສີມ ​ເພື່ອ​ດຶງ​ດູດ​ນັກຮຽນ​ທີ່​ຮຽນ​ຈົບ​ຊັ້ນ​ມັດທະຍົມ​ຕອນ​ຕົ້ນ ​ແລະຕອນ

​ປາຍເພື່ອເຂົ້າ​ຮຽນ​ສາຍ​ວິຊາ​ຊີບ ​ແລະ ວິທີ​ການ​ແກ້​ໄຂກ່ຽວ​ກັບ​ທ່າ​ອ່ຽງຕໍ່​ການ​ເກັບ​ເງິນ​ຈາກ​ນັກຮຽນຢູ່​ຊັ້ນ​ປະຖົມ, ມັດທະຍົມການ

​ປະຕິບັດ​ນະໂຍບາຍ​ເງິນ​ເດືອນ​ຕໍ່​ຄູ​ຢູ່​ບາງ​ທ້ອງຖິ່ນຍັງ​ຊັກ​ຊ້າ.


      ອີງ​ຕາມ​ການ​ລາຍ​ງານ​ຂອງ​ທ່ານ ນາງ ​ແສງ​ເດືອນ ຫຼ້າ​ຈັນທະ​ບູນ ລັດຖະມົນຕີ ກະຊວງ​ສຶກສາ​ທິການ ​ແລະ ກິລາ ​ໃນ​ກອງ​ປະ

ຊຸມ​ສະ​ໄໝ​ສາມັນ​ເທື່ອທີ 2 ຂອງ​ສະພາ​ແຫ່ງ​ຊາດ ຊຸດ​ທີ 8 ​ເມື່ອ​ວັນ​ທີ 26 ຕຸລາ ຜ່ານ​ມາ ທີ່ສະພາ​ແຫ່ງ​ຊາດ ​ໃຫ້​ຮູ້​ວ່າ: ​ຕໍ່​ຄຳ​ຊັກ

​ຖາມ​ຂອງ​ບັນດາ​​ສະມາຊິກ​ສະພາ​ແຫ່ງ​ຊາດ ກ່ຽວ​ກັບ​ບັນຫາການ​ສຶກສາກ່ອນ​ໄວ​ຮຽນ​ໂດຍ​ສະ​ເພາະ​ແມ່ນ​ການ​ຂະຫຍາຍ​ໂຮງຮຽນ​

ອະນຸບານຫ້ອງ​ກຽມປະຖົມ ​ແລະ ຊັ້ນ​ປະຖົມ​ຢູ່​ເຂດ​ຊົນນະບົດຫ່າງ​ໄກ​ຊອກ​ຫຼີກຍັງ​ບໍ່​ທັນ​ພຽງພໍ, ​ເຮັດ​ໃຫ້​ມີ​ສະພາບ​ນັກຮຽນ​ຊັ້ນ​

ປະຖົມ​ລົ້ນ​ຫ້ອງ, ຍັງ​ມີ​ອັດຕາ​ປະລະ, ຄ້າງ​ຫ້ອງ​ຍັງ​ສູງ, ອັດຕາ​ລອດ​ເຫຼືອ​ຍັງ​ຕໍ່າ ​ແລະ ການ​ຮຽນ-ການ​ສອນ​ຍັງ​ຂາດ​ຄຸນ​ະພາບ ​ບັນ

ຫາ​ດັ່ງກ່າວ​​ທາງ​ກະຊວງ​ສຶກສາ​ທິການ ​ແລະ ກິລາ​ ມີ​ວິທີ​ແກ້​ໄຂ​ ຄື: ສືບ​ຕໍ່​ປະຕິ​ຮູບ​ການ​ສຶກສາ​ແຫ່ງ​ຊາດ​ໃຫ້​ເຂົ້າ​ສູ່​ລວງ​ເລິກຕາມ​ທີ່​

ໄດ້​ກຳນົດ​ໄວ້​​ໃນ​ມະຕິ 10 ຂອງກອງ​ປະຊຸມ​ໃຫຍ່​ຂອງ​ພັກ ​ໂດຍ​ວາງ​ແຜນ​ໄປ​ຕາມ 10 ຂະ​ແໜງ​ການ​ຍ່ອຍ; ​ແຍກ​ກົມ​ການສຶກສາ

ກ່ອນ​ໄວ​ຮຽນ​ອອກ​ຈາກ​ກົມ​ອະນຸບານແລະ ປະຖົມ​ສຶກສາ ກະຊວງ​ສຶກສາ​ທິການ ​ແລະ ກິລາໃນ​ປັດຈຸບັນ ​ແລະ ​ເອົາ​ວຽກປະຖົມ,

ມັດທະຍົມ​ສຶກສາ​ເຂົ້າ​ເປັນ​ກົມ​ສາມັນ​ສຶກສາ ​ເພື່ອ​ສຸມ​ທຶນຮອນ ​ແລະ ການ​ເອົາ​ໃຈ​ໃສ່​ລົງ​ເລິກ​ຕໍ່​ການ​ສຶກສາ​ເດັກ​ກ່ອນ​ໄວ​ຮຽນ.


         ສ່ວນ​ບັນຫາ​ຈຳນວນ​ຄູອະນຸບານ ​ແລະ ຄູ​ປະຖົມ​ ຍັງ​ບໍ່​ທັນ​ຕອບ​ສະໜອງ​ກັບ​ຄວາມ​ຕ້ອງການ, ພ້ອມ​ກັບ​ຄວາມ​ຮູ້​ຄວາມ

​ສາມ​າດຂອງ​ຜູ້​ບໍລິຫານ​ການ​ສຶກສາ​ຊັ້ນ​ປະຖົມ, ມັດທະຍົມ​ຍັງ​ຈຳກັດ, ຄວາມ​ຮັບຜິດຊອບ​ການ​ເມືອງ​ຍັງ​ບໍ່​ທັນ​ສູງນັ້ນ, ແມ່ນ​ມີ​ວິ

ທີ ​ແລະມາດ​ຕະການ​ໃນ​ການ​ແກ້​ໄຂ ຄື: ​ໄດ້​ມີ​ການ​ວິ​ໄຈ​ຄູ​ບ່ອນ​ເຫຼືອ​ບ່ອນ​ຄູ​ບໍ່ພໍປັດຈຸບັນ​ຈະ​ຈັດ​ຕັ້ງ​ວິຊາ​ການ​ລົງ​ຕິດຕາມ​ລະອຽດ

​ວ່າ​ຂາດ​ບ່ອນ​ໃດ​ແດ່, ຂາດ​ຄູ​ວິຊາ​ໃດ​ແທ້, ​​ເຫຼືອ​ບ່ອນ​ໃດ​ຈະ​ຊັບຊ້ອນ​ຄືນ​ແນວ​ໃດ, ເຊິ່ງ​ໃນ​ຕໍ່ໜ້າ​ຈະ​ຕ້ອງ​ຄາດ​ຄະ​ເນ​ຄວາມ​ຕ້ອງ

ການ​ຄູ ​ໂດຍ​ອີງ​ໃສ່​ຖານ​ຂໍ້​ມູນ​ຕົວ​ຈິງ; ຄູ​ອາສາ​ສະໝັກ​ກໍ່​ແມ່​ນສ່ວນ​ໜຶ່ງ​ທີ່​ຈະ​ຊ່ວຍ​ບ່ອນ​ຂາດ​ຄູ ​ແຕ່​ກໍ່​ເຫັນ​ໃຈ 2-3 ປີ ກໍ່​ບໍ່​ສາມາດ

​ເຂົ້າ​ລັດ​ໄດ້ ຍ້ອນ​ວ່າ​ໂກ​ຕາ​ມີ​ຈຳກັດ. ສະ​ນັ້ນຈຶ່ງຊຸກຍູ້​ພາກສ່ວນ​ເອກະ​ຊົນ​ເຂົ້າ​ມາ​ມີ​ສ່ວນ​ຮ່ວມ​ໃນ​ການ​ພັດທະນາ​ການ​ສຶກສາ​ໂດຍ​

ສະ​ເພາະຊັ້ນ​ລ້ຽງ​ເດັກ-​ອະນຸບານ ຢູ່​ໃນ​ຕົວ​ເມືອງ, ​ເຊິ່ງລັດ​ກໍ່​ຈະ​ຂະຫຍາຍ​ໂຮງຮຽນ​ໄປ​ສູ່​ເຂດ​ຊົນນະບົດ​ໃຫ້​ຫຼາຍ​ຂຶ້ນ. ນອກຈາກ

​ນີ້, ກໍ່​ຈະ​ຈັດ​ເຝິກອົບຮົມ​ໃຫ້​ແກ່​ຜູ້​ບໍ​ລະຫານ​ການ​ສຶກສາ​ຂັ້ນ​ແຂວງ, ​ເມືອງ ​ແລະ ຂັ້ນ​ໂຮງຮຽນ ກ່ຽວ​ກັບ​ການ​ເກັບ​ກຳ​ຂໍ້​ມູນ​ການ

​ສຶກສາ​ພາຍ​ໃນ​ບ້ານ ​ເພື່ອ​ສະໜັບສະໜູນ​ໃຫ້​ແກ່​ການ​ກະກຽມ​ວາງ​ແຜນ​ຄວາມ​ຕ້ອງການ​ຄູ; ປັບປຸງ​ວຽກ​ງານ​ບໍລິຫານ ​ແລະ ຄຸ້ມ

​ຄອງ​ໂຮງຮຽນ ​ໂດຍ​ຖື​ເອົາ​ການ​ບໍລິຫານ-​ຄຸ້ມ​ຄອງ​ທີ່​ເນັ້ນ​ໃສ່​​ໂຮງຮຽນ​ເປັນ​ຫຼັກ ​ໂດຍ​ເລີ່​ມຈາກ​ການ​ສ້າງ​ຄວາມ​ເຂັ້ມ​ແຂງ​ໃຫ້​ແກ່​ຜູ້

ອຳນວຍການ​ໂຮງຮຽນ ພ້ອມ​ທັງ​ຕິດຕາມ ​ແລະ ປະ​ເມີນ​ຜົນ​ການ​ບໍລິຫານ ​ແລະ ການ​ຄຸ້ມ​ຄອງ.


        ສຳລັບ​ວິທີ​ການ ແລະ ມາດ​ຕະການ​ໃນ​ການ​ຊຸກຍູ້​ສົ່ງ​ເສີມ ​ເພື່ອ​ດຶງ​ດູດ​ນັກຮຽນ​ທີ່​ຮຽນ​ຈົບ​ຊັ້ນ​ມັດທະຍົມ​ຕອນ​ຕົ້ນແລະ

ຕອນ​ປາຍ ​ເພື່ອ​ເຂົ້າ​ຮຽນ​ສາຍ​ວິຊາ​ຊີບນັ້ນ,ທາງ​ກະຊວງ​ສຶກສາທິການ ແລະ ກິລາກໍ່​ມີ​ການ​ໂຄສະນາ​ໃຫ້​ຄວາມ​ສຳຄັນ​ຕໍ່​ອາຊີວະ​

ສຶກສາແລະ​ໃຫ້​ທຶນ​ນັກຮຽນ ມ4 ​ເຂົ້າ​ຮຽນ​ໃນ​ສາຍ​ອາຊີວະ​ສຶກສາທຸກ​ຄົນ ​ໃນ​ເດືອນມັງກອນ 2017 ນີ້ ຈະ​ມີ​ວິທີ​ແກ້​ໄຂ​ສະ​ເໜີ

​ໃຫ້​ສະມາຊິກ​ສະພາ​ແຫ່ງ​ຊາດ ​ແລະ ທົ່ວ​ສັງ​ຄົມ​ຊ່ວຍ​ອະທິບາຍ​ເຖິງ​ຄວາມ​ສຳຄັນ​ຂອງ​ການ​ຮຽນ​ອາຊີວະ​ສຶກສາ​ໃຫ້​ພໍ່-​ແມ່​ຜູ້​ປົກ

ຄອງ​ເຂົ້າ​ໃຈ; ສືບ​ຕໍ່​ໂຄສະນາ​ເຖິງ​ຄວາມ​ສຳຄັນ ​ແລະ ວິທີ​ການ​ສະໝັກ​ຮຽນ​ຜ່ານ​ສື່​ຕ່າງໆ ​ເປັນ​ຕົ້ນ​ແມ່ນ​ໂທລະພາບ, ​ແຜນ​ພັບ,

ໜັງສືພິມ ​ແລະ ວິທະຍຸສືບ​ຕໍ່​ໃຫ້​ທຶນ​ການ​ສຶກສາ​ແກ່​ນັກຮຽນ​ໄລຍະ​ສັ້ນ ​ແລະ ​ໄລຍະ​ຍາວ ​ໂດຍ​ການ​ຮ່ວມ​ມື​ກັບ​ສາກົນ ​ເພື່ອ​ໃຫ້

​ທຶນ​ແກ່​ຜູ້​ທຸກ​ຍາກ​ໄດ້​ມາ​ຮຽນແລະ ​ເຝິກອົບຮົມ​ໄລຍະ​ສັ້ນ​ ເພື່ອ​ແກ້​ໄຂ​ຄວາມທຸກ​ຍາກ​ຂອງ​ເຂົາ​ເຈົ້າ; ຈະ​ປັບປຸງ​ຫຼັກສູດ​ເອົາ​ການ​

ຮຽນ​ວິຊາ​ຊີບ​ເຂົ້າ​ສູ່​ໂຮງຮຽນ​ສາມັນ ​ເພື່ອ​ປູກ​ຈິດ​ສຳນຶກ​ນັກຮຽນ​ມັດທະຍົມ​ໃຫ້​ມັກ​ວິ​ຊາ​ຊີບ; ສືບ​ຕໍ່​ລົງທຶນ​ໃສ່​ກໍ່ສ້າງ​ປັບປຸງ​ພື້ນ

ຖານ​ໂຄງ​ລ້າງ  ຫຼື  ສິ່ງ​ອຳນວຍ​ຄວາມ​ສະດວກ​ຕ່າງໆ; ຂະຫຍາຍ​ສາຂາ​ວິຊາ​ທີ່​ຕະຫຼາດ​ແຮງ​ງານ​ມີ​ຄວາມ​ຕ້ອງ​ການ ​ແລະ ຮັບປະ

ກັນວ່າ​ຮຽນ​ແລ້ວ​ມີ​ວຽກ​ເຮັດ​ງານ​ທຳ; ຮ່ວມມື​ກັບ​ສະຖານ​ປະກອບ​ການ​ໃຫ້​ຫຼາຍ​ຂຶ້ນ ​ເພື່ອ​ປະກອບສ່ວນ​ໃນ​ການ​ພັດທະນາ​ອາຊີ

ວະ​ສຶກສາ ​ແລະ ການ​ອົບຮົມ​ວິຊາ​ຊີບ.


         ຂະນະ​ທີ່, ​ວິທີ​ແກ້​ໄຂ​ກ່ຽວ​ກັບ​ທ່າ​ອ່ຽງຕໍ່​ການ​ເກັບ​ເງິນ​ຈາກ​ນັກຮຽນ​ຢູ່​ຊັ້ນ​ປະຖົມ, ມັດທະຍົມ, ການ​ປະຕິບັດ​ນະ​ໂຍບາຍ

​ເງິນ​ເດືອນ​ຕໍ່​ຄູ​ຢູ່​ບາງ​ທ້ອງ​ຖິ່ນ​ຍັງ​ຊັກ​ຊ້ານັ້ນ, ​ເຊິ່ງຕາມ​​ການ​ລາຍ​ງານ​ຈາກ​ພາກສ່ວນ​ທີ່​ກ່ຽວຂ້ອງ​ເຫັນ​ວ່າ​ ມີ​ມູນ​ຄວາມ​ຈິງ ​ໂດຍ​ສະ

​ເພາະ​ໃນ​ແຂວງ​ທີ່​ມີ​ລາຍ​ຮັບ​ຕໍ່າ, ບໍ່​ສາມາດ​ກຸ່ມ​ຕົນ​ເອງ​ໄດ້ ​ແລະ ​ເງິນ​ບໍລິຫານ​ໂຮງຮຽນ​ບໍ່​ໄດ້​ເຕັມ​ຕາມ​ການ​ກຳນົດ​ໃນ​ລັດຖະບັນ

​ຢັດ, ການ​ເກັບ​ເງິນ​ແມ່ນ​ການ​ຕົກລົງ​ເຫັນ​ດີ​ຂອງ​ຄະນະ​ພັດທະນາ​ການ​ສຶກສາ​ຂັ້ນ​ບ້ານຫຼືສະມາຄົມ​ພໍ່-​ແມ່​ຜູ້​ປົກຄອງ​ນັກຮຽນ​ເພື່ອ

​ຊ່ວຍ​ເຫຼືອ​ພັດທະນາ​ໂຮງຮຽນ. ສະນັ້ນ, ​ເພື່ອ​ແກ້​ໄຂ​ບັນຫາ​ດັ່ງກ່າວ, ພາກສ່ວນ​ທີ່​ກ່ຽວຂ້ອງ​ຈຶ່ງ​ສະ​ເໜີ​ໃຫ້​ທາງ​ກະຊວງ​ການ​ເງິນ​

ຕ້ອງ​ດຸນ​ລາຍ​ຮັບ​ຈາກ​ສູນ​ກາງ​ລົງ​ໃຫ້​ທ້ອງ​ຖິ່ນ​ບ່ອນ​ທີ່​ຍັງ​ມີ​ລາຍ​ຮັບ​ຕໍ່າ. ສຳລັບ​ກະຊວງ​ສຶກສາ​ທິການ ​ແລະ ກິລາ ມີ​ຄວາມ​ກຽມ

ພ້ອມ​ທາງ​ດ້ານ​ຕິ​ກຳ (​ເອກະສານ​ທາງ​ດ້ານ​ການ​ເງິນ) ສົ່ງ​ໃຫ້​ກະຊວງ​ການ​ເງິນ​ທຸກ​ງວດ​ຕາມ​ກຳນົດ​ເວລາ.