ເລືອກພາສາທີ່ຕ້ອງການສະແດງຜົນ

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday8473
mod_vvisit_counterYesterday10220
mod_vvisit_counterThis week37570
mod_vvisit_counterLast week54397
mod_vvisit_counterThis month144529
mod_vvisit_counterLast month159131
mod_vvisit_counterAll days503898

We have: 44 guests, 201 bots online
Your IP: 54.197.159.173
 , 
Today: ມ.ນ. 29, 2017


                                        "ອາຊີວະ"...ກັບຄວາມເຂົ້າໃຈກັບສັງຄົມ!


     ຈາກຄ່ານິຍົມແບບຜິດໆ ຂອງສັງຄົມເຮົາໃນປະຈຸບັນ ໂດຍສະເພາະຜູ້ປົກຄອງ ທີ່ຄິດວ່າສົ່ງລູກຫຼານໄປຮຽນວິຊາເສດຖະສາດ

ຫຼື ວິຊາຮຽນຍອດນິຍົມອື່ນໆແລ້ວຈົບອອກມາຈະໄດ້ເຮັດວຽກແຕ່ບ່ອນດີໆ ມີລາຍຮັບດີ ຫຼືເຮັດວຽກບ່ອນສູງໆ ແລະ ມີໜ້າຕາໃນ

ສັງຄົມ. ແຕ່ກົງກັນຂ້າມ ສະພາບຂອງປະເທດເຮົາກຳລັງຢູ່ໃນສະຖານະ ຫຼື ກຳລັງພັດທະນາ ສະນັ້ນ, ເຮັດໃຫ້ນັກສຶກສາທີ່ຈົບຈາກ

ຄະນະທີ່ກ່າວມາ ສ່ວນໃຫຍ່ແມ່ນວຽກເຮັດຍາກເນື່ອງຈາກຕຳແໜ່ງງານມີຈຳນວນຈຳກັດ ສ່ວນໃຫຍ່ຈະສຸມໃສ່ນັກວິຊາການທາງ

ດ້ານວິຊາຊີບຫຼາຍກ່ວາ. 

ດັ່ງນັ້ນ, ວຽກງານອະຊີວະ ຈຶ່ງເປັນວຽກງານໜຶ່ງທີ່ກຳລັງເປັນທ່າແຮງໃນການພັດທະນາປະເທດຊາດປັດຈຸບັນ ແລະ ອານະຄົດ

ເພາະວ່າວຽກງານອະຊີວະເປັນຜູ້ສ້າງນັກວິຊາການ, ນັກຄຸມງານ, ນາຍຊ່າງ ແລະ ແຮງງານທີ່ມີສີມືອັນແນ່ນອນ ໃນດ້ານສາຂາ

ວິຊາຊີບໃດໜຶ່ງ. ຖ້າເຮົາຫາກສັງເກດເບິ່ງບັນດາປະເທດທີ່ພັດທະນາແລ້ວ ຫຼື ປະເທດທີ່ຈະເລີນ ເຮົາຈະເຫັນວ່າການສຶກສາຂອງ

ເຂົາເຈົ້າແມ່ນໄດ້ເນັ້ນໜັກໃສ່ວຽກງານອາຊີວະສຶກສາເພື່ອສ້າງນັກວິຊາການທີ່ມີສີມື, ມີຄວາມສາມາດໃນສາຂາວິຊາຕ່າງໆ ເພື່ອຮອງ

ຮັບຕະຫຼາດແຮງານ ກໍ່ຄືສັງຄົມ ແລະ ນັກຮຽນນັກສຶກສາຂອງປະເທດດັ່ງກ່າວ. ຕະຫຼອດຮອດສັງຄົມ ກໍ່ມີຄວາມເຂົ້າໃຈ ຕໍ່ວຽກ

ງານອະຊີວະທີ່ແທ້ຈິງ.

    ສຳລັບປະເທດ ສປປ ລາວ ພວກເຮົາຄວາມເຂົ້າໃຈຂອງສັງຄົມ ທີ່ມີຕໍ່ວຽກງານອະຊີວະ ແມ່ນຍັງບໍ່ຖຶກຕ້ອງຕາມທິດທາງ ຂອງ

ແຜນພັດທະນາວຽກງານອະຊີວະເທົ່າທີ່ຄວນ ເພາະວ່າ ສັງຄົມ ກໍ່ຄືຜູ້ປົກຄອງຂອງນັກຮຽນຍັງເຂົ້າໃຈວ່າ ການສົ່ງລູກຫຼານຂອງຕົນ

ໄປຮຽນອະຊີວະ ເປັນທາງເລືອກສຸດທ້າຍ ແລະ ບໍ່ຖຶກຕ້ອງ ຍ້ອນວ່າການປະກອບວຽກສ່ວນຫຼາຍ ບໍ່ໄດ້ເປັນລັດຖະກອນສັງກັດລັດ

ເຊິ່ງເປັນວຽກທີ່ບໍ່ແນ່ນອນ ຫຼື ຕ້ອງສະໝັກວຽກຕະຫຼອດໄປ ແລະ ມີອາຍຸກະສຽນໄປແລ້ວ ກໍ່ບໍ່ມີການບຳນານ ວຸດທິການສຶກສາ

ເມື່ອຈົບອອກມາສູງສຸດກໍ່ໄດ້ແຕ່ຊັ້ນສູງ ຫຼື ຕ່ຳກວ່ານັ້ນ ໄປສະໝັກງານກໍ່ຫຍຸ້ງຍາກ. ແຕ່ຕົວຈິງແລ້ວ ອະຊີວະສຶກສາມີຈຸດປະສົງ

ເພື່ອສ້າງສີມືແຮງງານໃຫ້ນັກຮຽນນັກສຶກສາເຊິ່ງໝາຍເຖິງວ່າ ຈົບມັດທະຍົມຕອນຕົ້ນກໍ່ສາມາດເຂົ້າຮຽນວິຊາຊີບເສີມໄດ້ ຫຼືອະ

ຊີວະສຶກສາ ທີ່ມີຫຼາຍສາຂາວິຊາໃຫ້ເລືອກຕາມຄວາມເໝາະສົມ ເມື່ອຈົບໄປແລ້ວການປະກອບອາຊີບ ກໍ່ບໍ່ຍາກເກີນໄປເທົ່າທີ່ຄິດ

ແລະ ນັກຮຽນບາງຄົນກໍ່ສາມາດປະກອບອາຊີບດ້ວຍຕົນເອງໄດ້ ເພາະວ່າສັງຄົມທຸກວັນນີ້ມີຄວາມຕ້ອງການດ້ານ ສີມືແຮງງານ ຫຼື

ນາຍຊ່າງ ສາຂາຕ່າງໆຈຳນວນຫຼາຍພໍສົມຄວນ ໄລຍະເວລາຮຽນກໍ່ໜ້ອຍ ດ້ານເງິນເດືອນ ຫຼື ສະຫວັດດີການກໍ່ດີພໍສົມຄວນ. 

 

  ຕໍ່ສະພາບຄວາມຈຳເປັນຄືແນວນັ້ນທາງ ກະຊວງສຶກສາທິການ ແລະ ກິລາ ກໍ່ຄືລັດຖະບານແຫ່ງ ສປປ ລາວ ຈຶ່ງມີນະໂຍບາຍ

ສົ່ງເສີມວຽກງານອະຊີວະ ຫຼື ສີມືແຮງງານໃຫ້ກ້ວາງຂວາງຂຶ້ນກວ່າເກົ່າ ເພາະວ່າອີກບໍ່ພໍເທົ່າໃດເດືອນກໍ່ຈະເຂົ້າເປັນປະຊາຄົມ

ເສດຖະກິດອາຊຽນ ຫຼື ເອີ້ນຫຍໍ້ໆວ່າ: ເອອີຊີ (AEC) ໃນທ້າຍປີ 2015 ນີ້. 

ຕະຫຼອດໄລຍະທີ່ຜ່ານມາ ແຮງງານຂອງຄົນລາວເຮົາເປັນແຮງງານປະເພດໜຶ່ງ ທີ່ທາງບັນດານາຍຈ້າງ ແລະ ໂຮງງານມີຄວາມ

ຕ້ອງການ ແຕ່ແຮງງານລາວທີ່ປະຈຳຢູ່ ໂຮງຈັກໂຮງງານຕ່າງໆທັງພາຍໃນ ແລະ ຕ່າງປະເທດສ່ວນໃຫຍ່ແມ່ນແຮງງານທີ່ບໍ່ມີສີມື ເຊິ່ງ

ເປັນສາເຫດເຮັດໃຫ້ຄ່າແຮງງານຕ່ຳ ແລະ ໄດ້ອອກແຮງງານໜັກກວ່າຄວາມເປັນຈິງ.

   

   ດັ່ງນັ້ນ. ກະຊວງສຶກສາທິການ ແລະ ກິລາ ຈຶ່ງຮວມມືກັບ ກະຊວງແຮງງານ ແລະ ສະຫວັດດີການສັງຄົມ ເພື່ອຫາຊ່ອງທາງໃນ

ການແກ້ໄຂບັນຫາແຮງງານຂັ້ນຕ່ຳດ້ວຍການສົ່ງເສີມວຽກງານອະຊີວະສຶກສາ ແລະ ເປີດສູນຝຶກອົບຮົມວິຊາຊີບ ສີມືແຮງງານ ຢູ່

ແຕ່ລະທ້ອງຖິ່ນ. ຈຸດປະສົງ ໃນອານະຄົດແຮງງານລາວ ຕ້ອງຮັບປະກັນຄຸນະພາບ ແລະ ຄ່າແຮງງານສູງຂຶ້ນ ທຽບເທົ່າກັບແຮງງານ

ປະເທດອື່ນໆ ແລະ ໃຫ້ມີແຮງງານຕອບສະໜອງກັບຄວາມຕ້ອງການຂອງຕະຫຼາດແຮງງານ ເພາະວ່າຢູ່ປະເທດເຮົາ ນັບມື້ນັບມີໂຮງ

ຈັກໂຮງງານຂະຫຍາຍຕົວຫຼາຍຂຶ້ນ.


   ສາເຫດດັ່ງກ່າວ ຜູ້ປົກຄອງ ຫຼື ນັກຮຽນນັກສຶກສາຄວນພິຈາລະນາວ່າ ການຮຽນຈົບມ7 ແລ້ວ ມີຈຸດປະສົງດຽວ ເພື່ອເສັງເຂົ້າ

ມະຫາວິທະຍາໄລ ຫຼື ຕ້ອງເຮັດວຽກັບລັດຢ່າງດຽວ ຖ້າບໍ່ໄດ້ເຮັດວຽກກັບລັດແລ້ວກໍ່ບໍ່ຍອມເຮັດວຽກອື່ນ ບາງເທື່ອອາດຈະເປັນ

ແນວຄິດທີ່ບໍ່ເໝາະສົມກັບສະພາບຕົວຈິງໃນປັດຈຸບັນກໍ່ໄດ້ ເພາະວ່າສະຖານການສຶກສາຂອງລັດ ທີ່ສ້າງຊັບພະຍາກອນມະນຸດ

ອອກມາ ຫຼື ນັກສຶກສາທີ່ຈົບແຕ່ລະສົກຮຽນນັ້ນບໍ່ໝາຍຄວາມວ່າຕ້ອງເຮັດນຳລັດທັງໝົດ ສິ່ງທີ່ສຳຄັນຂອງນັກສຶກສາທີ່ຈົບ ໃນ

ແຕ່ລະສົກຮຽນ ຫຼື ນັກຮຽນ ມ7 ທີ່ຈົບແຕ່ລະປີ ຄວນມີການວາງແຜນໄວ້ໃຫ້ລະອຽດ ຫຼື ນັກສຶກສາມ ຕົ້ນຄົນໃດຫາກໍ່ຮູ້ວ່າຕົນເອງ

ຮຽນຂ້ອນຂ້າງອ່ອນ ຫຼື ມີບັນຫາທາງຄອບຄົວ ກໍ່ຄວນຫັນໜ້າເຂົ້າຫາສູນຝຶກອົບຮົມສີມືແຮງງານ ຫຼື ໂຮງຮຽນວິຊາຊີບຕ່າງໆໃກ້

ບ້ານທ່ານ ເພາະວິຊາຊີບນັ້ນສາມາດຊ່ວຍຊີວິດຂອງນັກຮຽນໃຫ້ດີຂຶ້ນໄດ້ເຊິ່ງຖືວ່າຍັງດີກວ່າຈະໄປອອກແຮງງານແບບບໍ່ມີສີມືຢູ່ໃນ

ໂຮງຈັກໂຮງງານ ຫຼື ສະຖານທີ່ຕ່າງໆ ຫຼື ອາດຈະຮ້າຍແຮງໄປກວ່ານັ້ນ ກໍ່ຄືການວ່າງງານຢູ່ຕາມບ້ານເຊິ່ງຈະຂາດລາຍໄດ້ໃນແຕ່ລະ

ເດືອນ. 

   

   ການເຂົ້າເປັນປະຊາຄົມອາຊຽນ ໃນໄລຍະອັນໃກ້ໆນີ້ ນອກຈາກມີຄວາມຕ້ອງການແຮງງານ ຢູ່ພາຍໃນປະເທດຂອງເຮົາ ແລ້ວຍັງ

ສາມາດໄປຫາບ່ອນເຮັດຢູ່ຕ່າງປະເທດ ການໄປຫາວຽກຢູ່ຕ່າງປະເທດນັ້ນເຖິງຈະໄປສະດວກ ແຕ່ຖ້າເຮົາບໍ່ມີສີມືແຮງງານ ເຮົາຈະ

ເປັນຜູ້ເສີຍປຽບ ໃນການເຮັດວຽກ ເຮົາຈະເປັນຜູ້ຖືກທ່າຮັບໃນເວລາຕະຫຼາດແຮງງານຕ້ອງການ ຍ້ອນຫຍັງ ຂາດສີມື ດ້ວຍເຫດຜົນ

ດັ່ງກ່າວວຽກງານອະຊີວະເປັນທາງເລືອກໃໝ່ໃນການປະກອບອາຊີບວຽກງານໃນອະນາຄົດ ແລະ ຄ່າແຮງງານຂອງເຮົາ ກໍ່ຈະສູງຂຶ້ນ

ແລະ ສິ່ງສຳຄັນ ຜູ້ປົກຄອງຄວນແນະນຳໃຫ້ລູກຫຼານເຂົ້າຮຽນກໍ່ຄວນປ່ຽນທັດສະນະຄະຕິທີ່ຢາກຮຽນແຕ່ປະລິນຍາຕີແຕ່ເມື່ອຈົບ

ໄປແລ້ວພັດວ່າງງານ ຫຼື ລໍຖ້າແຕ່ເຮັດວຽກນຳລັດເມື່ອບໍ່ໄດ້ກໍ່ວ່າງງານທັດສະນະດັ່ງກ່າວເປັນທັດສະນະໜຶ່ງທີ່ເຮັດຕົນເອງເສຍເວລາ

ໃນການສ້າງລາຍຮັບ ແລະ ໃນປັດຈຸບັນສະຖານທີ່ຝຶກອົບຮົມ ກໍ່ມີທົ່ວທຸກພາກເຊິ່ງອຳນວຍຄວາມສະດວກ ໃນການຕິດຕໍ່ພົວພັນ

ທັງປະຢັດຄ່າໃຊ້ຈ່າຍ ປະຢັດເວລາ ແຕ່ສະຖານທີ່ປະກອບການພັດມີຄວາມຕ້ອງການຫຼາຍ ຂໍຢ່າງດຽວແຕ່ວ່າຄົນເຮົາຢ່າເລືອກວຽກ

ຫຼາຍຈົນເກີນໄປ ແລະ ໃນທີ່ສຸດວຽກງານອະຊີວະສຶກສາ ນີ້ເອງ ຈະເປັນທາງເດີນທີ່ດີທີ່ສຸດ  ສຳລັບເຮົາໃນອະນາຄົດ.