Language Selection

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday358
mod_vvisit_counterYesterday1131
mod_vvisit_counterThis week1607
mod_vvisit_counterLast week3258
mod_vvisit_counterThis month9310
mod_vvisit_counterLast month7268
mod_vvisit_counterAll days844565

We have: 28 guests, 9 bots online
Your IP: 54.196.33.246
 , 
Today: Oct 24, 2017


Written by ສາວບ້ານທົ່ງ   
Friday, 26 May 2017 10:26

ຮຮ ສີວັດທະນາ ເນັ້ນພັດທະນາຄຸນະພາບການຮຽນ-ການສອນໄປຕາມ 5 ຫຼັກມູນ ການສຶກສາ


   ໂຮງຮຽນອະນຸບານ-ປະຖົມ ສີວັດທະນາ ເນັ້ນການຮຽນ-ການສອນໃຫ້ໄປຕາມ 5  ຫຼັກມູນຂອງການ

   ສຶກສາຄື: ຄຸນສົມບັດສຶກສາ, ປັນຍາສຶກສາ, ພະລະສຶກສາ, ສິລະປະສຶກສາ ແລະ ແຮງງານສຶກສາເພື່ອ

   ໃຫ້ໄດ້ມາດ ຕະຖານຄຸນະພາບການສຶກສາທີ່ດີ  ​ແລະໃຫ້ສອດຄ່ອງກັບການສຶກສາທີ່ກະຊວງສຶກສາທິ

   ການ ແລະ ກິລາໄດ້ວາງອອກ.


      ທ່ານ ນາງ ອິນທະສອນ ພົນຍາພັນ (ອາຈານ ຟ້າ) ຮອງຜູ້ອໍານວຍການໂຮງຮຽນ ອະນຸບານ-ປະຖົມ ສີວັດທະນາໄດ້ໃຫ້ສໍາ

ພາດຕໍ່ນັກຂ່າວສຶກສາ-ກິລາ ເມື່ອບໍ່ດົນຜ່ານມາ ວ່າ: ສໍາລັບໂຮງຮຽນ ອະນຸບານ-ປະຖົມ ສີວັດທະນາ  ແມ່ນໄດ້ເນັ້ນການຮຽນ -

ການສອນໃຫ້ໄປຕາມ 5 ຫຼັກມູນຂອງການສຶກສາ ຄື: ຄຸນສົມບັດສຶກສາ, ປັນຍາສຶກສາ, ພະລະສຶກສາ,  ສິລະປະສຶກສາ ແລະ

ແຮງງານສຶກສາເພື່ອໃຫ້ໄດ້ມາດຕະຖານຄຸນະພາບການສຶກສາທີ່ດີ ​ແລະ  ໃຫ້ສອດຄ່ອງກັບການສຶກສາທີ່ກະຊວງສຶກສາທິການ

ແລະກິລາວາງອອກໂດຍສະເພາະໄດ້ນໍາເອົາສິລະປະສຽງເພງເຂົ້າໃນການເລົ່າສູດຄູນເພື່ອເຮັດໃຫ້ນັກຮຽນມີຄວາມເພີດເພີນແລະ

ຄວາມມ່ວນຊື່ນໃນການເລົ່າສູດຄູນ, ພ້ອມທັງເປັນການສົ່ງເສີມໃຫ້ນັກຮຽນມີຄວາມຈື່ຈໍາໄດ້ດີຂຶ້ນ.


    ນອກຈາກນັ້ນ, ໃນທ້າຍເດືອນພຶດສະພານີ້ ແມ່ນຈະປິດພາກຮຽນແລ້ວ, ທາງໂຮງຮຽນໄດ້ຂຸ້ນຄ້ຽວໃຫ້ຄູກຽມເຝິກສ້ອມນັກ

ຮຽນ,ທວນຄືນບົດຮຽນເກົ່າທີ່ໄດ້ຮຽນຜ່ານມາ ເພື່ອໃຫ້ຜົນການສອບເສັງຂອງນັກຮຽນໃຫ້ໄດ້ຄາດມາຍ 100 ເປີເຊັນ ຕາມເປົ້າ

ໝາຍທີ່ໂຮງຮຽນກໍານົດໄວ້. ສະເພາະໂຮງຮຽນ  ອະນຸບານ-ປະຖົມ ສີວັດທະນາ ເປັນໂຮງຮຽນເອກະຊົນທີ່ໄດ້ຮັບອະນຸຍາດດໍາ

ເນີນທຸລະກິດການສຶກສາເພື່ອສັງຄົມໄດ້ຮັບອະນຸຍາດເປີດໂຮງຮຽນສອນຊັ້ນອະນຸບານປະຖົມຈາກພະແນກສຶກສາທິການແລະ

ກິລາ ນະຄອນຫຼວງວຽງຈັນ, ​ເຊິ່ງຕັ້ງຢູ່ບ້ານສະພານທອງເໝືອ ເມືອງສີສັດຕະນາກ ນະຄອນຫຼວງວຽງຈັນ ໄດ້ສ້າງຕັ້ງຂຶ້ນໃນປີ

1991 ໄດ້ເລີ່ມເປີດແຕ່ຊັ້ນອະນຸບານ ແລະ ລ້ຽງເດັກ ຕໍ່ມາຮອດປີ 1994 ຈຶ່ງຂະຫຍາຍຂັ້ນ ປ1 ແລະ ປີຕໍ່ມາກໍ່ໄດ້ຂະຫຍາຍຂັ້ນ

ປ2, ປ3 ແລະ ປ4ຂຶ້ນທຸກໆປີ.ມາຮອດປັດຈຸບັນ ໂຮງຮຽນດັ່ງກ່າວ ແມ່ນໄດ້ຂະຫຍາຍເປັນປະຖົມສົມບູນແລ້ວ ໂດຍມີຫ້ອງ

ຮຽນແຕ່ຊັ້ນອະນຸບານ-ປະຖົມສົມບູນສີວັດທະນາ, ເຊິ່ງມີຜູ້ອໍານວຍການຊື່ວ່າທ່ານ ສີພອນ ສີຈັນທະວົງ ເປັນຜູ້ບໍລິຫານແລະ

ໂຮງຮຽນມີອາຄານຮຽນ 3 ຫຼັງ,ມີເນື້ອທີ່ປະມານ 1.723 ຕາແມັດ, ອາຄານທີ 1 ເປັນໂຮງຮຽນອະນຸບານເປັນອາຄານ 2 ຊັ້ນ,

ມີ 6 ຫ້ອງ. ໃນນັ້ນຫ້ອງຮຽນມີ 5 ຫ້ອງແລະໃຊ້ເປັນຫ້ອງການ 1 ຫ້ອງ, ມີຄູສອນຊັ້ນອະນຸບານທັງໝົດ 9 ຄົນ.ສ່ວນອາຄານ

ທີ 2 ເປັນໂຮງຮຽນປະຖົມ, ເປັນອາຄານ 3 ຊັ້ນມີ 12 ຫ້ອງຮຽນ, ປັດຈຸບັນໄດ້ນໍາໃຊ້ເປັນຫ້ອງຮຽນ  10 ຫ້ອງ,  ແຕ່ລະຫ້ອງ

ກວ້າງປະມານ 7x8 ແມັດສໍາລັບອາຄານຫຼັງທີ 3 ແມ່ນອາຄານທີ່ສ້າງໃໝ່ໃນປີ 2013 ເປັນອາຄານ 3 ຊັ້ນປະກອບມີຫ້ອງອາ

ຫານ, ຫ້ອງຄອມພິວເຕີ, ຫ້ອງສະໝຸດຫ້ອງວັດທະນະທໍາ ແລະສະໂມສອນ.


      ໂຮງຮຽນດັ່ງກ່າວ ມີຜູ້ອໍານວຍການ 1 ຄົນ, ມີຮອງອໍານວຍການ 1 ຄົນ, ມີວິຊາການອະນຸບານ 1 ຄົນ, ມີວິຊາການຊັ້ນປະ

ຖົມ 1 ຄົນ, ມີພະນັກງານຊ່ວຍວຽກຫ້ອງການ 2 ຄົນ,ມີຄູສອນປະຖົມ 13 ຄົນ, ມີນັກຮຽນຊັ້ນອະນຸບານ ຈໍານວນ 204ນ້ອງ,

ຍິງ 97 ນ້ອງ ແລະ ມີນັກຮຽນຊັ້ນປະຖົມ 287 ນ້ອງ, ຍິງ 128 ນ້ອງລວມນັກຮຽນທັງໝົດ ມີ 491 ນ້ອງສ່ວນນັກຮຽນແມ່ນ

ມາຈາກບ້ານໃກ້ເຮືອນຄຽງ ແລະ ຈາກບ່ອນອື່ນໆທີ່ຜູ້ປົກຄອງມີເງື່ອນໄຂມາສົ່ງລູກສະດວກ.


     ໂອກາດດັ່ງກ່າວ, ທ່ານຮອງຜູ້ອໍານວຍການໂຮງຮຽນ ອະນຸບານ-ປະຖົມ ສີວັດທະນາ ຍັງຝາກເຖິງຜູ້ປົກຄອງກ່ຽວກັບການ

ເບິ່ງແຍ່ງລູກຫຼານ ເພາະວ່າຜູ້ປົກຄອງ ແມ່ນເປັນສ່ວນໜຶ່ງທີ່ຕ້ອງໄດ້ເອົາໃຈໃສ່ຕໍ່ການຮຽນ-ການສອນຂອງລູກຫຼານຕື່ມອີກ, ເວ

ລາຢູ່ບ້ານກໍ່ຢາກໃຫ້ຕິດຕາມເບິ່ງວ່າລູກຫຼານໄດ້ຮຽນໜັງສື, ໄດ້ແກ້ວຽກບ້ານທີ່ຄູມອບໝາຍໃຫ້ສໍາເລັດຫຼືບໍ່, ເຊິ່ງຄູ ແລະ ຜູ້ປົກ

ຄອງ ກໍ່ຕ້ອງມີສ່ວນຮ່ວມເຊິ່ງກັນແລະກັນ.  ສໍາລັບການກຽມຄວາມພ້ອມໃນສົກຮຽນໜ້າ,  ຖ້າຫາກວ່າຜູ້ປົກຄອງທ່ານໃດຍັງ

ຊອກໂຮງຮຽນໃຫ້ລູກຫຼານ ແລະ ຖ້າມີຄວາມສົນໃຈຢາກໃຫ້ລູກຫຼານມາເຂົ້າໂຮງຮຽນດັ່ງກ່າວ ປະສານ​ໄດ້​ທີ່ເບີ

020 22228183 ອາຈານ ອິນທະສອນພົນຍາພັນ ຫຼື ເຂົ້າໄປສອບຖາມຢູ່ໂຮງຮຽນກໍ່ໄດ້.