Language Selection

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday3154
mod_vvisit_counterYesterday68544
mod_vvisit_counterThis week76156
mod_vvisit_counterLast week22465
mod_vvisit_counterThis month128016
mod_vvisit_counterLast month73398
mod_vvisit_counterAll days328254

We have: 61 guests, 44 bots online
Your IP: 54.204.219.143
 , 
Today: Feb 21, 2017


Written by ສາວ​ສະຫວັນ   
Thursday, 12 January 2017 09:21

ວພສ ຍົກລະດັບຄູສອນຊ່ວຍ ໂຮງຮຽນບ້ານ 3 ສ້າງ 7 ແຂວງພາກເໜືອ


   ວິທະຍາໄລພະລະສຶກສາ (ວພສ) ຈັດກອງປະຊຸມເຝິກອົບຮົມຄູສອນຊ່ວຍ ໂຮງຮຽນບ້ານ 3 ສ້້າງ

   ໃນເມືອງເປົ້າໝາຍ 7 ແຂວງພາກເໜືອ ຄື: ແຂວງຫຼວງພະບາງ,..... ບໍ່ແກ້ວ, ຫົວພັນ, ໄຊຍະບູລີ,

   ຊຽງຂວາງ ແລະ ແຂວງວຽງຈັນ

       ເພື່ອໃຫ້ຄູສອນຊ່ວຍໄດ້ນໍາເອົາວິທີການສອນວິຊາພະລະສຶກສາ ໃຫ້ຖືກຕ້ອງຕາມຫຼັກການ ໂດຍາະເພາະແມ່ນຈັດການ

ຮຽນ-ການສອນທາງທິດສະດີ ແລະ ພາກປະຕິບັດຕົວຈິງ. ກອງປະຊຸມເຝິກອົບຮົມວຽກງານດັ່ງກ່າວ ໄດ້ຈັດຂຶ້ນໃນວັນທີ 11

ມັງກອນ ຜ່ານມາ ທີ່ພະແນກສຶກສາທິການ ແລະ ກິລາ ແຂວງຫຼວງພະບາງ, ໂດຍໃຫ້ກຽດເປັນປະທານຂອງ ທ່ານ ປອ. ອິນ

ຕອງ ເລີດສິນໄຊ ຜູ້ອໍານວຍການວິທະຍາໄລ ພະລະສຶກສາ, ມີບັນດາພະນັກງານ,  ຄູ-ອາຈານ  ທີ່ມາຈາກໂຮງຮຽນບ້ານ 3

ແຂວງ 7 ແຂວງພາກເໜືອ ພ້ອມດ້ວຍແຂກທີ່ຖືກເຊີນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.


      ໂອກາດດັ່ງກ່າວ, ທ່ານ ອິນຕອງ ເລີດສິນໄຊ ກ່າວໃຫ້ຮູ້ວ່າ: ເພື່ອໃຫ້ສອດຄ່ອງກັບກອງປະຊຸມເຝິກອົບຮົມໃຫ້ແກ່ຜູ້ອໍາ

ນວຍການໂຮງຮຽນບ້ານ 3 ສ້າງ ໃນເມືອງເປົ້າໝາຍ 3 ສ້າງທົ່ວປະເທດໂດຍສະເພາະແມ່ນໃຫ້ຄູສອນຊ່ວຍວິຊາພະລະສຶກສາ

ໄດ້ນໍາເອົາວິທີການສອນວິຊາພະລະໃຫ້ຖືກຕ້ອງຕາມຫຼັກການໂດຍາະເພາະແມ່ນຈັດການຮຽນ-ການສອນທາງທິດສະດີ ແລະ

ພາກປະຕິບັດຕົວຈິງ ເປັນຕົ້ນແມ່ນ: ຫັດກາຍກາງໂມງ, ເຕັ້ນແອໂຣບິກ ແລະ ມວຍລາຍລາວ ໂດຍມີການຈັດກິດຈະກໍາການ

ແຂ່ງຂັນພາຍໃນໂຮງຮຽນ, ນອກໂຮງຮຽນ ແລະ ກິດຈະກໍາແຂ່ງຂັນຕາມຄວາມສາມາດອາດເປັນຜູ້ທີ່ມີພອນສະຫວັນ ຫຼື ເປັນ

ນັກກິລາທີມຊາດ. ສໍາລັບຜົນທີ່ຄາດຈະໄດ້ຮັບ ແມ່ນຈະໃຫ້ໂຮງຮຽນບ້ານ 3 ສ້າງໄດ້ຈັດກິດຈະກໍາພະລະສຶກສາ ໃນໂຮງຮຽນ

ໃຫ້ຖືກຕ້ອງຕາມຫຼັກການພະລະສຶກສາ ເຮັດໃຫ້ໂຮງຮຽນມີບັນຍາກາດ,ນັກຮຽນໄດ້ສະແດງອອກມີສຸຂະພາບແຂງແຮງ ແລະ

ມີການຂະຫຍາຍຕົວທາງດ້ານຮ່າງກາຍຕາມໄວອາຍຸ ທັງເຮັດໃຫ້ໂຮງຮຽນໄດ້ປະຕິບັດຕາມ 5 ຫຼັກຂອງມູນການສຶກສາ ທີ່ກະ

ຊວງສຶກສາທິການ ແລະ ກິລາ ວາງອອກ ໃຫ້ປາກົດຜົນເປັນຈິງເທື່ອລະກ້າວ.


        ນອກຈາກນີ້, ທ່ານຜູ້ອໍານວຍການ ວພສ ຍັງກ່າວຕື່ມວ່າ: ໄລຍະຜ່ານມາ ວິທະຍາໄລພະລະສຶກສາ ໄດ້ຈັດເຝິອົບຮົມ

ຄູສອນຊ່ວຍມາແລ້ວ 7 ແຂວງ ຄື: ແຂວງຜົ້ງສາລີ, ຫຼວງນໍ້າທາ, ອຸດົມໄຊ, ບໍລິຄໍາໄຊ, ສາລະວັນ, ເຊກອງ ແລະ ແຂວງອັດ

ຕະປື ທີ່ຕິດພັນໃນເວລາລົງເຝິກຫັດວິຊາຊີບ ແລະ ໃນຕໍ່ໜ້າຄາດວ່າຈະຈັດເຝິກອົບຮົມຢູ່ແຂວງວຽງຈັນເພື່ອໃຫ້ໂຮງຮຽນໃນ

ແຂວງດັ່ງກ່າວມີຄູສອນພະລະສຶກສາ ເຖິງວ່າບໍ່ແມ່ນຄູປະຈໍາການ ກໍ່ໃຫ້ມີຄູສອນຊ່ວຍວິຊາພະລະສຶກສາ.ສໍາລັບກອງປະຊຸມ 

ເຝິກອົບຮົມຄູສອນຊ່ວຍ ໂຮງຮຽນບ້ານ 3 ສ້າງໃນເມືອງເປົ້າໝາຍ 7 ແຂວງພາກເໜືອ ຈະດໍາເນີນໄປເປັນເວລາ 3 ວັນ (ວັນ

ທີ 11-13 ມັງກອນ 2016) ໂດຍໄດ້ມີການແລກປ່ຽນລາຍງານສະພາບການຮຽນ-ການສອນສະເໜີຫົວຂໍ້ການຈັດ-ການຮຽນ

ການສອນ; ສະເໜີຫົວຂໍ້ການຈັດກິດຈະກໍາພະລະສຶກສາ-ກິລາພາຍໃນ, ພາຍນອກໂຮງຮຽນ ແລະ ຕາມຄວາມສາມາດຂອງ

ຜູ້ຮຽນ; ສະເໜີຫົວຂໍ້ວິທີຈັດການແຂ່ງຂັນ; ສະເໜີຫົວຂໍ້ຄູເຝິກກໍາມະການຕັດສິນ ແລະ ສະເໜີຫົວຂໍ້ຜູ້ນໍາ-ຜູ້ບໍລິຫານ ພະ

ລະສຶກສາ. ນອກຈາກນີ້, ໃນກອງປະຊຸມຍັງໄດ້ແບ່ງກຸ່ມຄົ້ນຄວ້າເຮັດກິດຈະກໍາແລກປ່ຽນງານກຸ່ມຄົ້ນຄວ້າ ແລະ ສົນທະນາ.