Language Selection

MoES Facebook

Video

      ຢຸດຕິການກະທຳຄວາມຮຸນແຮງຕໍ່ແມ່ຍິງ

      

visit

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday343
mod_vvisit_counterYesterday4162
mod_vvisit_counterThis week18001
mod_vvisit_counterLast week12602
mod_vvisit_counterThis month41746
mod_vvisit_counterLast month81332
mod_vvisit_counterAll days168586

We have: 106 guests, 10 bots online
Your IP: 54.147.253.45
 , 
Today: Jan 18, 2017


Written by ອ້ວນດຳ   
Thursday, 12 January 2017 09:09

ຜ.ອ ຮພກ ພໍ​ໃຈ​ຜົນງານ​ທັບ​ນັກ​ກິລາ​ ຫຼັງກວາດ​ຫຼຽນໄດ້​ຫຼາຍ​ລາຍການ ​​

ທັງ​ພາຍ​ໃນ ​ແລະ ຕ່າງປະ​ເທດ


   ທ່ານ​ຜູ້ອຳນວຍການ​ໂຮງຮຽນ​ພອນ​ສະຫວັນ​ກິລາ-ກາ​ຍະ​ກຳ (ຮພກ) ກົມ​ກິລາ​ລະດັບ​ສູງ ກະຊວງ

   ​ສຶກສາ​ທິການ ​ແລະ ກິລາ  ພໍ​ໃຈ​ຜົນງານ​ຂອງທັບ​ນັກ​ກິລາ​ນັກຮຽນ  ທີ່​​ໄດ້ຕາງໜ້າ​ໃຫ້​ແກ່​ປະ​ເທດ​

   ຊາດ​ເຂົ້າ​ຮ່ວມ​ແຂ່ງຂັນ​ງານ​ກິລາ​​ໃນ​ຂົງ​ເຂດ​ອາ​ຊຽນ

       ສາມາດກວາດ​ແຊ໋ມມາ​ໄດ້​ຫຼາຍ​ລາຍການ ​​ໃນງານ​ກິລາ​ລະດັບ​ຊາດພາຍ​ໃນ​ປະ​ເທດ ຕາມ​ການ​ເປີດ​ເຜີຍ​ຂອງທ່ານ ນາງ

​ເກດ​ສຸດາ ​ເລັ່ງສະຫວັດ ຜູ້ອຳນວຍການ​ໂຮງຮຽນ​ພອນ​ສະຫວັນ​ກິລາ-ກາ​ຍະ​ກຳ ​ໃນ​ຕອນ​ເຊົ້າ​ວັນ​ທີ 11 ມັງກອນ ຜ່ານ​ມາ ​ໃຫ້​

ຮູ້​ວ່າ: ພາຍຫຼັງ​ທີ່​ໄດ້​ສ້າງ​ຕັ້ງ ​ໂຮງຮຽນ​ພອນ​ສະຫວັນ​ກິລາ-ກາ​ຍະ​ກຳ ມາ​ແຕ່​ປີ 2013 ນັບ​ມາ​ຮອດ​ປັດຈຸບັນ ​ໄດ້​ກໍ່ສ້າງ​ນັກ​ກິລາ

​ນັກຮຽນໃຫ້​ແກ່​ປະ​ເທດ​ຊາດ​ໄດ້ຢ່າງ​ຫຼວງ​ຫຼາຍ​ໂດຍຕິດ​ພັນ​ກັບ​ການ​ສ້າງ​ຜົນງານ​ດ້ວຍ​ການຄວ້າ​ຫຼຽນ​ຕ່າງໆ​ຈາກ 15 ງານ​ໃຫຍ່

ມາ​ຄອງ​ຢ່າງ​ສົມ​ກຽດ​ ​ແລະ ໜ້າ​ພາກພູມ​ໃຈ. ​ໃນ​ນີ້, ການແຂ່ງຂັນ​ກິລາຂົງ​ເຂດ​ອາ​ຊຽນ ມີ 7 ງານ ​ແລະ ພາຍ​ໃນ​ປະ​ເທດ 8

ງານ​. ​ທັງ​ນີ້, ກໍ່​ຍ້ອນ​​ໄດ້​ຮັບ​​ການ​ຊີ້​ນຳໆພາ​ຈາກ​ຄະນະ​ນຳ​ກົມ​ກິລາ​ລະດັບ​ສູງ.  ນອກຈາກ​ນັ້ນ,  ກໍ່​ຍັງ​ສຳ​ເລັດ​ການ​ຍົກ​ລະດັບ

​ຄວາມ​ຮູ້​ຄວາມ​ສາມາດ​ໃຫ້​ແກ່​ບັນດາ​ພະນັກງານຄູ-ອາຈານ ​ໃນ​ການຈັດ​ເຝິກອົບຮົມລາຍການ​ຕ່າງໆ ​ແລະ ສົ່ງ​ເຂົ້າ​ຮ່ວມ​ເຝິກ

ອົບຮົມທັງ​ພາຍ​ໃນ ​ແລະ ຕ່າງປະ​ເທດ ​ເປັນ​ຕົ້ນ​ແມ່ນການ​ຮຽນ​ຮູ້​ການ​ເປັນ​ຄູ​ເຝິກ​ກິລາ​ຍິງ​ທະນູຮຽນ​ຮູ້​ກ່ຽວວິທະຍາສາດ​ການ​

ກິລາ ​ແລະ ການ​ເຝິກອົບຮົມ​ກິລາ​ເທ​ຄວັນ​ໂດ ທີ່​ ສ ​ເກົາຫຼີ, ພ້ອມ​ທັງ​ສົ່ງບຸ​ຄະລາ​ກອນ​ເຂົ້າ​ຮ່ວມ​ເປັນ​ກຳມະການ​ຕັດສິນ ​ໃນ

ງານ​ມະຫາ​ກຳ​ກິລາ​ມະຫາ​ວິທະຍາໄລລາ​ວ ຄັ້ງ​ທີ 1 ​ແລະ ​ເຂົ້າ​ຮ່ວມ​ເປັນ​ກຳມະການ​ຕັດສິນ​ກິລາ​ຢູ​​ໂດທົ່ວ​ປະ​ເທດ.


         ທ່ານ ນາງ ​ເກດ​ສຸດາ ​ເລັ່ງສະຫວັດ ກ່າວຕື່ມອີກວ່າ: ສຳລັບ​ຜົນງານໃນ​ງານ​ກິລາຂົງ​ເຂດອາ​ຊຽນນັ້ນ ​ແມ່ນ​ສາມາດ

ຄວ້າມາ​ໄດ້ 1 ຫຼຽນ​ເງິນ ​ແລະ 2 ຫຼຽນ​ທອງ ງານ​ກິລາ​ນັກຮຽນ​ອາ​ຊຽນ ຄັ້ງ​ທີ 7 ທີ່​ປະ​ເທດ ບຣູ​ໄນ ລະຫວ່າງ​ວັນ​ທີ 21-28

ມັງກອນ 2016, ຄວ້າ 4 ຫຼຽນ​ທອງ ງານ​ກິລາ​ນັກຮຽນ​ອາ​ຊຽນ ຄັ້ງ​ທີ 8 ທີ່​ປະ​ເທດ​ໄທ ​ໃນ​ກາງ​ປີ 2016ຄວ້າ 1 ຫຼຽນ​ທອງ

ງານ​ກິລາ​ຍິງ​ທະນູ ທີ່​ປະ​ເທດ​ໄທ ​ເມື່ອ​ປີ 2016, ຄວ້າ 1 ຫຼຽນ​ທອງ ງານ​ກິລາ​ແລ່ນ-ລານນາໆ​ຊາດ ທີ່​ປະ​ເທດ​ໄທ ປີ 2016,

ຄວ້າ 1 ຫຼຽນຄຳ, 1 ຫຼຽນ​ທອງ ຢູ​ໂດ ນາໆ​ຊາດ ທີ່​ປະ​ເທດ​ໄທ ​ປີ 2016 ແລະ ຄວ້າ 1 ຫຼຽນ​ທອງ ກິລາ​ມວຍ​ປໍ້າ ທີ່​ປະ​ເທດ​

ກຳປູ​ເຈຍ ປີ 2016. ຂະນະ​ທີ່​ຜົນງານ​ລະດັບ​ຊາດ ພາຍ​ໃນ​ປະ​ເທດ ແມ່ນກວາດ​ແຊ໋ມ​ໄດ້​ 8 ງານ​​ໃຫຍ່ ຄື: ງານ​ແຂ່ງຂັນ​ກິ

ລາ​ນັກຮຽນທົ່ວ​ນະຄອນຫຼວງ​ວຽງ​ຈັນ ໃນ​ປີ 2016 ຍາດມາ​ໄດ້ 10 ຫຼຽນ​ຄຳ​ງານ​ກິລາ​ຢູ​ໂດ ທົ່ວ​ປະ​ເທດ ຄັ້ງ​ທີ 8 ປີ 2016

​ຄວ້າ​ 8 ຫຼຽນ​ຄຳ ແລະ ງານ​ແຂ່ງຂັນ​ມວຍ​ສາກົນ ທົ່ວ​ປະ​ເທດ ປະຈຳ​ປີ 2016 ຄວ້າ 2 ຫຼຽນຄຳ. ຕໍ່ຜົນງານດັ່ງກ່າວ ກໍ່ມີ

ຄວາມພາກພູມໃຈເປັນຢ່າງຍິ່ງ ແລະ ຂໍໃຫ້ເຊື່ອໝັ້ນວ່າ ຈະສືບຕໍ່ສົ່ງເສີມນັກຮຽນໄດ້ມີແຜນເຄື່ອນໄຫວກິດຈະກຳຕ່າງໆ

ເພື່ອເສີມສ້າງໃຫ້ເຂົາເຈົ້າໄດ້ຮຽນຮູ້ປະສົບການໃໝ່ ​ແນ່​ໃສ່ພັດທະນາຕົນເອງ​ໃຫ້ກາຍເປັນນັກ ກິລາທີມຊາດ.